HELP,我個仔係咪有自傾,請各經驗家長賜教,感激 - 自閉寶寶 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 自閉寶寶 › HELP,我個仔係咪有自傾,請各經驗家長賜教,感激 ...

發新帖

查看: 4448\|回覆: 20	go HELP,我個仔係咪有自傾,請各經驗家長賜教,感激 [複製鏈接]

Rank: 3 Rank: 3


	207

1^#

發表於 12-5-26 13:05 |只看該作者 |倒序瀏覽 |打印

我個仔就黎歲半,對英文字母及數字好敏感,已經記得晒及識讀A-Z,1-10,及顏色都識認及識講..起初覺得無問題,但而家佢日日都好似唸經咁..一起身就講,瞓覺又講,無時無刻都講,仲要迫我地講,,佢一見到某個英文字母,就讀一次..之後要我地跟住讀,如果我地唔讀佢就不斷重複嗰個英文字母/數字,要我地回覆佢為止...有時見到ABC既書一定要攞到手為止..唔俾佢就發脾氣..脾氣好大.,唔俾佢想要既野就握緊拳頭,喊到你屈服為止,近期開始鍾意叠奶粉罐!!想問問係咪有自傾,如果係我可以點做..阿仔下月初返健康院覆診..!希望各住解答我既煩惱,THXS

Rank: 3 Rank: 3


	207

2^#

發表於 12-5-26 13:08 |只看該作者

好早前已發覺,同佢講野,唔望我地,問佢野,佢只顧講自己想講既ABC/123,好担心..

Rank: 3 Rank: 3


	138

3^#

發表於 12-5-26 15:54 |只看該作者

聽你的形容你仔仔都有些似自傾,通常自傾的小朋友對數字都特別敏感,又好固執,一定要成全佢想做的事,如果唔成全就發脾氣,同埋自傾小朋友唔多理人或者望人,因我仔仔係自傾的小朋友,如果你下個月帶你小朋友去健康院檢查,你要同姑娘講你仔仔而家的情況,或者姑娘檢查時都睇得出,因我仔仔果時都係姑娘覺得佢有問題所以要轉介我仔仔去兒童體能智力測驗中心專業醫生評估才知佢有自傾,不過你唔使擔心,或者你仔仔未必係自傾,就算係你仔仔而家只係歲半,越早接受訓練治療都會有很大改善,我仔仔以前情況同你仔仔差不多,後來在特殊學校接受咗四年密集式訓練,今年年頭再去評估醫生都話佢可以出返主流小學讀.所以你仔仔如果真係批評咗係自傾,你就要即刻幫佢報一些訓練自傾小朋友的課程俾佢讀或者好似我仔仔入讀特殊位,不過特殊位是要政府的評估中心安排,要輪侯,都要等一至二年先有位架,越早訓練對佢越好.希望幫到你啦!有問題可以再問我,我明白你而家心情同我以前一樣,唔知點做好.

Rank: 4


	861

4^#

發表於 12-5-27 19:57 |只看該作者

回覆：HELP,我個仔係咪有自傾,請各經驗家長賜教,感激

好明白，真係好擔憂。去健康院一定要話見醫生 (醫生之後再去 children assessment center 見評估醫生，先可以排服務，等好待，等唔切就去私人評估)，知道仔仔情況，係正常但行為情緒問題，定自傾（如果係都應該係高功能，相對容易攪)，就有正確幫助佢的方法。正面 d堅強d 努力d 阿仔一定會變好，但同你期望的有一定落差就無可避免了。

Rank: 4


	837

5^#

發表於 12-5-27 20:31 |只看該作者

回復 mm1003 的帖子

同我個仔嗰時一樣(應該係高功能)等政府要成半年,去私人評佐先,依家開始幫佢密集訓練,越早越密越好.

Rank: 4


	837

6^#

發表於 12-5-27 20:35 |只看該作者

回復 mm1003 的帖子

同埋,你得閑睇返之前D媽咪嘅POST,好多意建分享到架(有D要過過濾)

Rank: 5 Rank: 5


	1269

7^#

發表於 12-5-27 20:41 |只看該作者

回復 AnsonWong2009 的帖子

高功能=?

Rank: 4


	837

8^#

發表於 12-5-27 20:51 |只看該作者

回復 babycat9001 的帖子

即系,如果係都係高功能A智力正常,最好唔係啦.

Rank: 3 Rank: 3


	207

9^#

發表於 12-6-5 21:38 |只看該作者

琴日返咗健康院做評估..姑娘話小朋友不斷重覆講ABC呢D咁樣無問題,只係叫我同佢講多D野,而且姑娘話阿仔識搵爸爸媽媽,一D都唔似自閉,佢話自閉直頭唔會搵爸爸媽媽,只顧自己玩,但我都係唔多放心,究竟係我多心定係阿仔本身無問題..??

Rank: 3 Rank: 3


	207

10^#

發表於 12-6-5 21:42 |只看該作者

强調我已經表明好擔心,但姑娘叫我無須擔心,話阿仔一D都唔似自傾..所以無俾我見醫生..

Rank: 4


	861

11^#

發表於 12-6-6 02:29 |只看該作者

回覆：HELP,我個仔係咪有自傾,請各經驗家長賜教,感激

我仔係會搵爸爸媽媽嫲嫲姐姐外婆，會攬會錫，但⋯ 姑娘連醫生都無得俾你見？我個時姑娘即刻叫我見。可能我仔情況差d，也可能現在母嬰院資源唔夠。你不要怕面mon，聽日再打返去健康院搵同一個姑娘，虛心再請求，再仔細d解釋多d情況，話真係為小朋友著想，希望佢點都幫你排，唔通你無事搵嚟煩自己咩。佢咁都唔理你，隔日call佢上司，再請求，對事不對人。

Rank: 4


	861

12^#

發表於 12-6-6 02:34 |只看該作者

回覆：HELP,我個仔係咪有自傾,請各經驗家長賜教,感激

咁之後連醫生都評你仔唔係，咁你就放心d啦。不過繼續留意住發展，可參考母嬰院單張或其他標準。

Rank: 5 Rank: 5


	2288

13^#

發表於 12-6-7 00:12 |只看該作者

想問bb有冇主動同你玩，分享，與朋輩互動？

Rank: 4


	861

14^#

發表於 12-6-7 09:43 |只看該作者

引用：想問bb有冇主動同你玩，分享，與朋輩互動？

原帖由 cat1028 於 12-06-07 發表
想問bb有冇主動同你玩，分享，與朋輩互動？

兩歲(未評前)會主動同我玩，錫我。兩歲半 (密集訓練半年到)會同家人分享，得意嘢會攞或指俾我睇。三歲 (而家)先對同輩有興趣，會留意同想埋堆，認得小朋友的名，不過無技巧，現在教緊佢。

Rank: 5 Rank: 5


	2288

15^#

發表於 12-6-7 16:12 |只看該作者

健康院醫生2歲時測試我囝無自閉，但仍寫信轉介去評估中心，最後評係自閉，我不能否認我囝欠互動，我倆公婆只認為bb較靜及乖，語言能力較差。

Rank: 3 Rank: 3


	207

16^#

發表於 12-6-7 23:26 |只看該作者

個姑娘見我個仔有搵爸爸媽媽,仲强調以佢所見既自閉仔,係唔會理人,只會玩車,而且我個仔做到歲半評做時做到既野,所以姑娘只係叫我睇多D書,佢覺得係我緊張,係我問題,我仲不斷問佢真係無自閉??佢話唔係,但返到屋企,我個仔有同我地互動,落到公園佢都會追姐姐哥哥,但追追吓就無追,仲有我個仔好多時玩玩吓見到佢鍾意既ABC/123,佢就不停咁講,見到月曆就好鍾意睇,咁我點同健康院講好.?佢只係覺得咁細個睇唔出係自閉?

Rank: 5 Rank: 5


	2288

17^#

發表於 12-6-8 13:33 |只看該作者

你有教小朋友其他東西的發音，如爸爸、媽媽、車車、花花，佢有無跟你講？

Rank: 3 Rank: 3


	337

18^#

發表於 12-6-12 18:10 |只看該作者

回復 mm1003 的帖子

我個囝囝係歲半健康院評都話係無事，但佢22個月開始重覆唱歌同佢一定要搭火車攪到我同老公都即刻排健康院加book出面評估，因為聽呢度媽媽講政府要等成半年以上。我同先生都好煎熬，想早的知道結果。就算係有事都可以快的治療同面對，當然好希望囝囝係無事。我等私家，都要等一個月，到七月至有。我囝囝又係歲半識晒abc,1-10，重好鍾意睇書踢波去公園，亦會搵媽咪，daddy,會同人玩peekgapoo.佢無成日係咁諗abc，只係見到poster會讀。但係由22個月開始，就不停重覆某首歌詞，已經成個月了，食飯又唱，坐低又唱，行又唱，玩玩下都唱，係呢個時我同先生都覺得有的唔妥。同變得好固執，成日都話要坐火車，佢知你唔去就大發脾氣，喊訓地，癲晒。唉，我同先生再傾，都留意佢好少望人，由細到大嗌名都唔應。我去朋友屋企，見佢十個月大bb任何人叫佢名佢都會即時望邊個叫佢，個刻我更覺囝囝同其他小朋友唔同。
做父母都好緊張自己個小朋友，唔希望佢有事，如果經濟許可，唔好估估下，咁係好難受，不如去私家做一次。咁對小朋友同大人都好。而且我地呢度只有的有同類經驗既父母，唔係專業，只可以比到太多意見。
健康院的姑娘真係好忙，我唔係話佢地唔好，不過同私家比，真係好求奇。


	89

19^#

發表於 12-6-12 18:37 |只看該作者

mm1003 的帖子

提示: 作者被禁止或刪除內容自動屏蔽

Rank: 4


	529

20^#

發表於 12-6-24 10:36 |只看該作者

回覆：HELP,我個仔係咪有自傾,請各經驗家長賜教,感激

我囝在健康院檢查同cac評估都有出入，若覺不妥，去真正評估好d

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2025 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢