讚下健康院,唔洗一個月約到見醫生!因我仔有活躍問題! - 特殊教育 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 特殊教育 › 讚下健康院,唔洗一個月約到見醫生!因我仔有活躍問題! ...

發新帖

查看: 3900\|回覆: 20	go 讚下健康院,唔洗一個月約到見醫生!因我仔有活躍問題! [複製鏈接]

Rank: 7 Rank: 7 Rank: 7


	10291

1^#

發表於 12-3-27 23:34 |只看該作者 |倒序瀏覽 |打印

兩歲時問健康院,姑娘話要到返學才可跟進,我仔而家K1,學校評估報告經常是不守規則,於是上月約了今天見姑娘,順便提早做埋視力普查,今天姑娘見學校評估就話可約醫生,而家約了4月中,一個月都唔洗,姑娘仲話,其實如果叫學校FAX報告過去,可即約,連見姑娘都唔洗!
姑娘態度都好好,仲關心我自己一個湊個仔,會好辛苦(我係FTM),又留意到我個仔望人嘅眼神唔係好定.
希望快些可以確定我個仔嘅情況就好了!

Rank: 5 Rank: 5


	2823

2^#

發表於 12-3-28 12:06 |只看該作者

見完醫生都唔會確診,小朋友太細都係話懷疑,最多俾早期訓練你,跟住轉介精神科先可以確診.

Rank: 7 Rank: 7 Rank: 7


	10291

3^#

發表於 12-3-28 14:15 |只看該作者

本帖最後由 wan_sosin 於 12-3-28 14:16 編輯

回復 pollybell 的帖子

多謝你的意見!

就算未確診都好,起碼有點方向!最少別人問起我,我都可以解釋一下,因為成日比人問我,點解比個仔咁玩法?(你估我想架咩!),又問我,個仔係唔係有ADHD,等等!

由佢識爬開始,已經拆咗間屋,等呢幾年都已經好辛苦!

Rank: 14

醒目開學勳章王國長老


	59354

4^#

發表於 12-3-28 17:00 |只看該作者

YES, 仲要轉介精神科, 又當新症再排.......(不過早日排都好過遲幾年排)
記得見醫生前, 自己寫低有咩發現同CONCERN, 加多2錢肉緊呀!

Rank: 7 Rank: 7 Rank: 7


	10291

5^#

發表於 12-3-29 00:16 |只看該作者

回復 Charlotte_mom 的帖子

謝謝!我都有一路寫底我個仔d嘢,睇怕還要去之前練習講幾次,我係咁嘅環境成日都唔識講嘢!

我都知仲要排期,所以一有學校有力的文件,就約健康院,唔想到成小學才搵出路!上咗小學我知仲煩!

好在而家都算快!

Rank: 4


	559

6^#

發表於 12-3-30 22:21 |只看該作者

本帖最後由 catregist 於 12-3-30 22:21 編輯

其實, 你見健康院的醫生還是兒童體能智力測驗中心(CAC)的醫生呢?
健康院的醫生只是轉介到CAC,
CAC新症在 3 個星期內獲得約見護士,
再由CAC醫生在 6 個月內完成評估新症, 才叫確診, 先至可排學前康復服務和兒童精神科!
請妳問清礎才繼續讚"健康院"啦。Good luck.

Rank: 7 Rank: 7 Rank: 7


	10291

7^#

發表於 12-3-30 23:22 |只看該作者

回復 catregist 的帖子

多謝你的提醒!

其實我大概都知道程序,不過我知以前就算由健康院姑娘再約健康院醫生,都要2-3個月,而家3 weeks就可以了,事實係快了,個姑娘都同我講,之前的booking都要等3個月,而家快咗,係因為請多了醫生!

自己又無咁多錢去睇私家!有些人都會覺得我是否有這個必要,不如再等大一點,看看會否好轉!不過我知睇政府慢,所以早d去排隊!如果無事當然好啦!但係真係等到唔睇醫生唔得先去排,我怕真係遲了!

Rank: 5 Rank: 5


	1268

8^#

發表於 12-3-31 01:45 |只看該作者

就算見完CAC醫生, 叫咗醫務社工排早期訓練, 都有排等架. 原本社工叫我地足5歲打電話返去, 睇吓可唔可以排優先, 但係轉頭又話有好多人比我地嚴重都仲等緊, 暗示叫我地唔好叫佢排優先, 所以我地都放棄咗排優先(希望幫吓其他人啦), 唯有繼續等. 睇怕等到6歲都等唔到. 唉........(唔好意思, 真係好想舒發吓....)

Rank: 7 Rank: 7 Rank: 7


	10291

9^#

發表於 12-4-3 00:09 |只看該作者

回復 bonniec2000 的帖子

唉!我都明架!呢d心情真係唔好過!其實我都有check過一些機構,有提供一些服務,不過一樣要等,同埋我個仔4歲都未足,有d都唔收住,咁你有無搵其他機構?
我而家都係睇下書,盡量自己搵下方法自己教!做到幾多就幾多!
你個仔今年上小學未呀?

Rank: 4


	559

10^#

發表於 12-4-15 21:46 |只看該作者

回復 bonniec2000 的帖子

我覺得你太大方了。政府是有明確指引, 一到五歲絕對有優先權得到學前服務, 除非你已對自己的仔女絕望, 放棄訓練的機會, 又或你覺得小朋友沒有任何問題, 唔需要做任何訓練!?
那社工真懶惰, 幫你個仔女寫少少字都諸多藉口, 你本來可以今期(4月)肯定派到9月開學的位呀!

Rank: 7 Rank: 7 Rank: 7


	10291

11^#

發表於 12-4-15 22:19 |只看該作者

回復 catregist 的帖子

你都講得好有道理,排咗優先位都係政府決定比唔比位,都唔係自己決定,唔得先算囉!我第日都會留意下.

Rank: 5 Rank: 5


	1268

12^#

發表於 12-5-2 01:56 |只看該作者

回復 wan_sosin 的帖子

我阿仔而家K2咋.

Rank: 5 Rank: 5


	1268

13^#

發表於 12-5-2 02:07 |只看該作者

回復 catregist 的帖子

因為我地排緊嘅係e位, 之前CAC醫生話小朋友問題比較輕, 智力無問題, 最大問題係大肌肉, 已經喺醫院做緊每週一次物理治療+其他運動(已追番好多), 言語治療今個月會開始(但其實發音問題已經自行改善咗), 社交方面學校老師都話呢半年有好大進步, 所以先無排優先. 真心希望等其他更有需要的人可以快d得到服務.

Rank: 7 Rank: 7 Rank: 7


	10291

14^#

發表於 12-5-2 23:26 |只看該作者

回復 bonniec2000 的帖子

啊!你個仔大我個仔一年左右.
你而家個仔平時最有問題是什麼?

Rank: 5 Rank: 5


	1268

15^#

發表於 12-5-3 01:50 |只看該作者

回復 wan_sosin 的帖子

阿仔最大問題係對腳, 佢足5歲先識單腳跳, 之前雙腳跳同踩單車都學咗好耐先識. 起初未評估前都唔知佢點解教極都唔識, 見人地d小朋友唔駛教都自己會, 當時真係頭都大埋, 教到自己人都癲. 見咗物理治療師先知佢腹背肌較弱, 所以平衡比較差, 要做多d sit-up同背肌運動, 另加物理治療後就終於可以平地細細步單腳跳, 而家每日要拉大腿後筋, 練跳2"高欄, 希望佢快d可以自己跳到啦.
見過心理學家先知阿仔因為大肌肉差影響咗佢社交同自信心, 因為幼稚園成日要小朋友跟住音樂做律動嘛, 阿仔係好鍾意音樂, 但因為大肌肉問題, 以前係淨聽音樂唔郁, 成日畀老師誤會佢唔鍾意音樂, 時不時都會畀老師話, 其他小朋友又笑佢, 久而久之就唔同其他小朋友玩. 真係一環扣一環. 好彩終於可以對症下藥, 而家各樣問題先得到改善.

Rank: 5 Rank: 5


	1268

16^#

發表於 12-5-3 01:57 |只看該作者

衷心希望樓主你可以快d揾到小朋友嘅問題, 快d幫到佢就好啦.

Rank: 7 Rank: 7 Rank: 7


	10291

17^#

發表於 12-5-3 22:42 |只看該作者

回復 bonniec2000 的帖子

謝謝妳的支持!也感到妳是一位好媽媽!

我個仔同樣很辛苦才學識踩單車,我同妳的感受一樣,人哋唔洗教都會識,唔知點解呀仔咁難學!我最近才從小童群益會個社工口中找到一點答案,她說我個仔大肌肉的控制能力不好,不過我個仔唔係唔夠力,而係唔識用力,做什麼都只識出盡力,一上單車就兩隻腳踩到個腳踏好實,點會踩到!
妳個囝囝因為咁而遇到這些錯節,真的難過!

我個仔另外明顯嘅問題係騷擾人,上堂攪同學,出街三唔識七去攪人,今日係巴士站,佢圍住一個等巴士嘅男人轉圈跑!
奇怪嘢日日有,扮破腳,斜視,怪聲等等,我身邊好多朋友話佢無嘢!如果佢無嘢,咁要睇醫生果個一定係我!!

我都希望妳囝囝會很快有進步!識返會d朋友!開心d!

Rank: 4


	571

18^#

發表於 12-5-14 11:53 |只看該作者

健康院見完醫生, 仲要排CAC見姑娘, 見完姑娘, 仲要等起碼大半年先見到醫生. 醫生出左結果, 排政府服務的話通常要排年幾. 比你排優先的話, 會快 DD 咁多. 但到小一, 所有服務就會暫停了. 或者早D 排定協康青蔥, 會隱陣D.

Rank: 7 Rank: 7 Rank: 7


	10291

19^#

發表於 12-5-14 15:37 |只看該作者

回復 yau_grace 的帖子

多謝你的提醒!我4月中已見了CAC姑娘,佢話半年左右可以做評估,我想今年10月可以了,我之後會找一些其他機構的,其實我而家都有搵,不過未確診,有D都未能提供服務!

真的多謝關心!

Rank: 5 Rank: 5


	2823

20^#

發表於 12-5-14 22:49 |只看該作者

如果確診先有服務咪下年都無服務都得,CAC做完評估再轉介精神科(醫院)咁等到2014都未必得,除非你小朋友快升小一,精神科會排快少少,其實ADHD無一套訓練俾佢,如果佢真係坐唔定,衝動,最主要靠食藥,社交方面,搵社交班,或者帶佢出去學野,學一些需要坐唔係玩既活動,學紀律.

‹ 上一主題|下一主題 ›

發新帖

熱門主題

IB 適合那些小朋友?46

最高瀏覽主題