- 在線時間
- 78 小時
- 最後登錄
- 21-5-21
- 國民生產力
- 3
- 附加生產力
- 1615
- 貢獻生產力
- 0
- 註冊時間
- 10-6-7
- 閱讀權限
- 10
- 帖子
- 347
- 主題
- 15
- 精華
- 0
- 積分
- 1965
- UID
- 449259
 
|
我阿仔係4月出世， 上年8月頭開始返pn
佢要到十一月尾先開始有時會返學唔喊， 但最近唔知係咪放完聖誕， 返番學一個星期有多， 好似越黎越喊， 都唔知點搞。唉～～
你問我佢係咪唔鍾意間學校／老師呢？ 我估唔係， 點解？因為以下觀察令我覺得佢係鍾意老師同其他同學。
1。 我個仔係語言表達能力好好， 比起好多同年紀小朋友， 佢可以用更多詞彙同埋句子可以講得更完整， 所以若果真心唔鍾意老師／同學， 佢應該同我地表達得到
2。 放學時有嫲嫲同工人姐姐接放學， 佢地都話阿仔好開心， 會主動同老師講byebye， 出到門口係仲一齊同其他同學仔一路行一路玩， 嫲嫲話佢o既開心唔係「放監／甩難o個種開心」
3。 我地任何時候問佢鍾唔鍾意老師／同學， 佢都答好鍾意， 即使返學途中， 未到門口， 佢話唔想返學， 但我即時問佢鍾唔鍾意老師， 佢都仲係答鍾意
4。 聖誕前， 媽媽同佢一齊做手工送張聖誕卡俾老師佢好開心咁做
5。全校親子旅行， 即使去好大地方， 好多人， 只要佢o係人群中見到老師， 佢地會好開心咁走埋去同佢講野／玩
6。 11月時學校播過上堂片場俾家長睇， 雖然我個仔係觀察型， 又內歛， 冇主動玩／答問題， 但佢都係眼神好集中好專心咁望住老師
7。 老師話其實我送左佢返學後， 佢只要搵到一個老師／嬸嬸傍住， 佢就會收聲， 大約一個鐘頭後就會投入番， 開心番。 但當課堂較為靜， 佢一諗起又會o爹喊。 （都因為以上其他觀察， 令我相信老師o係呢方面冇講大話／又冇話令我個仔o係學校有唔開心o既經歷
又話者因為媽媽本身係小學教師， 阿仔放聖誕咁多日， 媽媽又放咁多日， 周圍同佢去玩， o係屋企又諗好多唔同類型o既玩意， 學習， 講故事， 做小手工（坦白講， 佢肯定同媽媽玩o既小手工比起學校多趣味得多， 我地已經俾佢自己用較剪， 玩好多唔同類型o既色料／材料etc）
唔知係咪咁， 佢鍾意痴住媽咪～～
不過咁， 每朝返學已經係我送佢， （媽媽o係佢起身前已出左門） 無論起身／食早餐／換校服／出門口／o係我架車入面／落車時， 佢都係好開心／同我玩同我講笑～但一到學校門口， 換校內用o既白鞋開始， 佢就喊， 有時喊得勁到捉實我唔肯放手 （我個仔平時o爹但係好少喊得好勁， 算係乖o既小朋友）。。。
我地用過好多方法， eg 唔喊一次得貼紙， 夠幾多張就可以得到xx， 快到門口前都會佢有貼紙／同佢玩時仲好多返學roleplay／同佢講老師／同學好鍾意佢／同佢講所有好朋友／表哥等個個都要返學等等～～～～
但係都冇方法， 大家仲有冇乜野意見可分享下？ 謝謝
|
|
發表於 12-1-10 12:12
