用戶登入
用戶名稱：
密      碼：
登記帳號忘記密碼

討論區

教育王國
教育講場
使用意見
幼兒教育
幼校討論
幼教雜談
小學教育
小一選校
小學雜談
中學教育
升中派位
中學交流
初中教育
專上教育
備戰大學
選科選校
國際教育
國際學校
海外留學
知識增值
課外活動
教材閱讀
公開考試
深造進修
特殊教育
特殊教育
資優教育
自閉寶寶
智能評估
徵求專區
二手市場
誠徵老師
組班專區
徵保母車

   聯絡管理員
搜索
教育王國 › 討論區 › 小一選校 › 小學之路 人生之路
查看: 5236|回覆: 29
 go

小學之路 人生之路 [複製鏈接]

antonyada

Rank: 3Rank: 3


173
1#
發表於 11-10-12 10:13 |只看該作者 |倒序瀏覽 |打印
好多家長近期都忙著為子女小一入學而透不過氣，父母與囝囝囡囡都很累，我以前未做人父親時都有問過別人：『洗唔洗呀』？問他們為點解咁緊張。不過到左今日我至體會，唔輪到我唔緊張。

因為小學至中學是人生最重要的六年、十二年，這個階段幾乎決定左一生人的路向，沒辦法，邊個叫我地生活係現今競爭化既社會。呢十二年幾乎可以斷定佢成人後行平坦大路，定係艱辛小路，因為學識根本同工作掛鉤左。

頭六年小學係佢地吸收知識最快階段，之後六年中學階段係理解分析能力最強時間，有能力高同早熟既小朋友，係小六至中一二已經明白點解要讀書，明白將來有乜野理想，有能力稍低既去到中三四，至又會迎頭趕上知道真惜學習機會。

好啦而家作為父母，有人會問應該點選擇學校？直資？私小？官津？我自己認為如果環境同能力許可，應盡可能比最好學習環境佢地，因為已經唔同以前，以前上一代對知識同工作關係無睇得咁徹底，而且以前大多數家庭都唔係富裕；但係而家唔同，因為大家都唔想子女將來，好似我地而家咁辛苦，係咪？

讀官津小學無疑對經濟壓力最小最輕鬆，不過毫無疑問你地都知，我地就係因為唔喜歡香港既填鴨教育先至咁多人走去直資同私小報名，亦都知道香港教育點樣將小朋友好奇心、腦筋、活潑性消散，到左小二三大部份家長都已經要為子女出外補習(否則在同班已經無競爭力了，莫講在外面)。

我舉一個好簡單例子，讀官津小學無學費，但相對語言能力比較弱，幾乎可以肯定英、中都會補習；其次數學亦好重要，再加兩三項什麼興趣班，平均來說每樣每月用七百蚊，即係每月花在額外支出係3500蚊左右(有多有少啦)，即每年約接近四萬，六年是二十四萬吧。

另一個小朋友選擇左直資小學，每月學費三千，連什費其他平均每月四千即一年開支四萬四千對嗎(十一個月學費)？不過好多直資小學因為資源充足，對語言尤其是英文十分重視，甚至包括PHONICS都變成常規課程，而數學甚至常識都以英語教授，就以SMC為例學習三文四語，並且有超過十個免費課外興趣班，就算是收費都只係百多二百元；你可以計算係強力英語支持下，自行出外補習極其量只有中文對嗎？再加一至兩個 “校外” 興趣班已經很多了，額外支出二千一百元，即一年二萬五千二百，加上上述學費即一年是六萬五千左右，六年三十九萬多。

換言之六年內相差拾五萬左右，我當然沒有計算每年學費增加既因素，因為當中仲涉及興趣班加價，總括計一計我就當相差三十萬夠了嗎？

如果用三十萬來換取在學識上及人生基礎上既差別，我認為十分值得，普遍人都認同，在一間貼近國際水平及學校環境中學習的學生，水平比較高，由因此係中學階段以至上大學，吸收理解能力更強。與其在十二年填鴨式學習，最後OK既咪升本地大學，唔得咪花幾十萬一年出外留學？老實講小學階段多花既錢可能只係高中畢業後出外留學既一年金錢而矣。

人家話 “底子打得好，傷風感冒小煩惱”，用係小學都好岩，似上面計一計我覺得相差二十三十萬比更多基礎給小朋友絕對值得，因為你等佢大個比五十萬佢，衰既一晚都可以輸晒，再唔係遇人不熟都可以比人騙清；但係花五十萬比佢畢生受用既知識同能力，係無人可以取走既。一旦擁有左知識有好根基，我亦相信佢人生道路會比自己好，更有能力賺更多的錢。

我地唔係有錢家庭，我地都同樣面對十二年或六年學費等生活支出壓力，不過我會想辦法，點呢？

先攪掂小學六年吧？如果小學成績理想，一旦六年後經濟不能支持咪改讀官津英中囉，我相信小學基礎已經足夠支持佢在官津中學領先同學；在無法突然超支三四十萬既前題，我會考慮將物業加按，係而家咁低息環境點解唔利用銀行幫囝囝讀一間心儀小學？加按五十萬每月支出不多出二千餘元，就可以解決所有問題；而一次過加按金額，當然不要亂用，呢點係個人自制能力既問題。到他日樓價再升，老實講五十萬都不算什麼。

有人會話，我們根本沒有物業，就算有也已經沒有加按空間(那一定是近半年才買樓吧)，如何是好？我又會咁睇，面對為子女前途著想，暫時唔可以一次過解決六年學費，那先安排一兩年吧？有時甚至需要動用積蓄，我相信有心付出，第一二年應可以支持，到最後更可以申請學費減免對嗎？

仲有，我知道好多父母係BABY一兩歲，已經買晒教育儲蓄保險，人壽儲蓄等等，一樣可以問保險公司借回，一借一儲下利率同樣好低也是其中一個方法；仲有呢
？有沒將子女前途同小一問題跟長輩分享，必要時我相信爺爺嫲嫲等長輩也極願意伸出援手。

有時候唔係你做唔到，係你唔願試。有為子女將來發展更好壓力反而成為我工作上動力，將來係點講咁多都係無人知，只要知道付出係值得的。

暫時分享至此，只係個人意見，謝謝。
東東

[ 本帖最後由 antonyada 於 11-10-12 10:15 編輯 ]
   0    0    0    0

返回頂部

xo883

Rank: 5Rank: 5


1273
2#
發表於 11-10-12 10:35 |只看該作者
問題係, 直資私校越黎越難入, 呢個並唔係錢可以解決到既問題.

同埋而家好多官津校都好活動教學, 所以對你所言不能完全認同

返回頂部

DD仔

Rank: 6Rank: 6


5695
3#
發表於 11-10-12 10:45 |只看該作者
读直资私校就不需要在外面参加补课/兴趣班/训练班?
竞争到处都是,如果要保持平平凡凡,当然不需要额外的补助,但若果要stay ahead,或不落后,费的心力也不会少.举例来说,学乐器,学运动,单考学校1对n的兴趣班,或自己找老师训练,差别已经很大.
其实,小学时期,家庭給的训练更重要.中学就开始要靠自己.
这是我自己的看法而已,不知道有没有过来人有相同看法?

返回頂部

antonyada

Rank: 3Rank: 3


173
4#
發表於 11-10-12 10:48 |只看該作者
對呀，並唔否認有些官津校近年都好過我地以前讀既時候(校風和成績)，不過相對直資及私小，在課程針對性及管理上仍然偏弱，當然我地唔可以以偏概全，私小直資都唔係間間好，仲要睇係咪岩自己小朋友。

至於難入方面，就算係官津都一樣咁難，有那一個家長唔想入好學校？自行分配同大抽獎難度，唔低於考直資同私小。

返回頂部

antonyada

Rank: 3Rank: 3


173
5#
發表於 11-10-12 10:56 |只看該作者

回復 3# DD仔 的帖子

...读直资私校就不需要在外面参加补课/兴趣班/训练班?

閣下可能無細味詳文，基本上讀什麼小學都離不開一大堆興趣班、課外班。不過事實上在語言方面假如已經有很好backup在背後，家長相對在語文方面擔心少了一些(當然跟不上的都仲係要補習), 就例如讀英小, 中小; 絕對上在英語能力方面有分別. 這是事實.

就好像我地香港人回國內, 當然就係惡補普通話一樣。但係國內人在國內讀書，很少人還要在普通話上補習吧？

返回頂部

sllau

Rank: 4


912
6#
發表於 11-10-12 11:04 |只看該作者
語言方面,有時talk得唔代表書寫得。
有日我奶奶同我講,呀邊個邊個係外國讀十幾年書,英文講得好好,但係都考唔到CRE (政府入職試)英文,我就話唔出奇,香港中五會考生中文係唔係個個都合格呀?佢地讀左十幾中文啦!

返回頂部

antonyada

Rank: 3Rank: 3


173
7#
發表於 11-10-12 11:04 |只看該作者
原帖由 DD仔 於 11-10-12 10:45 發表
读直资私校就不需要在外面参加补课/兴趣班/训练班?
竞争到处都是,如果要保持平平凡凡,当然不需要额外的补助,但若果要stay ahead,或不落后,费的心力也不会少.举例来说,学乐器,学运动,单考学校1对n的兴趣班,或自己找老 ...


另外, 我也同意你講現在很多小朋友學樂器, 學運動, 學藝術, 學n樣東西... 莫非真係為求 "不落後" 而矣?? 有沒有問過家長: "你的小朋友學十樣興趣班為了什麼?"

在校內1對n 的興趣班有時並不差過自己在外學, 我相信好多父母有一個經驗 "囝囝囡囡在學校會與同學傾學校的事同學的事, 但回到家後, 很少會全部說給父母知道". 唔知點解, 回到學校至會 "坐定定".

所以學校造就小組興趣班, 有時學得仲開心, 仲投入.

返回頂部

antonyada

Rank: 3Rank: 3


173
8#
發表於 11-10-12 11:08 |只看該作者
原帖由 sllau 於 11-10-12 11:04 發表
語言方面,有時talk得唔代表書寫得。
有日我奶奶同我講,呀邊個邊個係外國讀十幾年書,英文講得好好,但係都考唔到CRE (政府入職試)英文,我就話唔出奇,香港中五會考生中文係唔係個個都合格呀?佢地讀左十幾中文啦! ...


係呀, 就等於而家個個識用SMS, 用太空文, 叫佢地用中文寮番出來, 唔係易事了. 所以父母係家中要負起部份責任, 身教更重要. 同囝囝晚晚寫生字, 都係我生活一部份.

返回頂部

anteater

Rank: 6Rank: 6


5876
9#
發表於 11-10-12 11:11 |只看該作者
這是一篇支持自己小朋友讀直資學校的文章,有道理,不過不是所有直資學校都是好,有好多地區津貼學校都好好,只是網上討論區都是一窩風在討論名校,直資學校...像流感,一路在傳下去

返回頂部

青青河邊草

Rank: 4


509
10#
發表於 11-10-12 11:13 |只看該作者
原帖由 antonyada 於 11-10-12 11:04 發表


另外, 我也同意你講現在很多小朋友學樂器, 學運動, 學藝術, 學n樣東西... 莫非真係為求 "不落後" 而矣?? 有沒有問過家長: "你的小朋友學十樣興趣班為了什麼?"

在校內1對n 的興趣班有時並不差過自己在外學, 我相 ...


正如閱讀一樣囉
成日叫小朋友睇書
香港有幾多家長又真係閱讀一族?
就算看, 都係看d多圖少字的書多
點解又要叫小朋友要養成閱讀習慣?
每年去書展, 有幾多人會自己都去逛一逛
買些自己看的書?

返回頂部

青青河邊草

Rank: 4


509
11#
發表於 11-10-12 11:17 |只看該作者
我同意入面講架, 講官津以為慳左, 其實你出面同細路仔去補底的錢仲多

我自己從事果行要成日接觸小學
你問我, 我真覺得官津校係好講政府有無指示的, 佢地唔夠膽去變, 這是我比較之下得出的觀感. 尤其係官校, 所以, 我幫個仔揀學校, 一定唔會揀官校.

官校有些成績係好, 但係, 你要做到好果班囉.
但係, 如果只係平庸之輩, 入官校, 佢地只會希望把小朋友磨成一個模樣囉.

返回頂部

traeh

Rank: 4

醒目開學勳章


945
12#
發表於 11-10-12 11:51 |只看該作者
但係讀私小直資，一樣可以花好多錢。雖然樓主話假如學校在語言方面已有很好backup，家長相對在語文方面擔心少了一些，但家長比得錢讀得私小直資，多數都係對教育有一定要求。當然有部分家長會放鬆D，唔再出去上語文相關課程，但亦有好多唔放心小朋友單單在校內學語文，唔叻要出去補底，叻更要出去增益，等小朋友可以stay ahead。所以，課外班洗幾多錢，未必係睇學校資助模式，亦要睇小朋友需要，更重要係睇家長要求。

原帖由 青青河邊草 於 11-10-12 11:17 發表
我同意入面講架, 講官津以為慳左, 其實你出面同細路仔去補底的錢仲多

我自己從事果行要成日接觸小學
你問我, 我真覺得官津校係好講政府有無指示的, 佢地唔夠膽去變, 這是我比較之下得出的觀感. 尤其係官校, 所以,  ...

返回頂部

traeh

Rank: 4

醒目開學勳章


945
13#
發表於 11-10-12 12:02 |只看該作者
原帖由 antonyada 於 11-10-12 10:13 發表
在無法突然超支三四十萬既前題，我會考慮將物業加按，係而家咁低息環境點解唔利用銀行幫囝囝讀一間心儀小學？加按五十萬每月支出不多出二千餘元，就可以解決所有問題；


唔好意思，我唔係好識計數：如果每月可以支出二千餘元還款，咁應該都夠每個月交學費？咁點解仲要加按？多數私小直資都係二三千學費左右，當然都有貴D嘅。

返回頂部

xo883

Rank: 5Rank: 5


1273
14#
發表於 11-10-12 12:12 |只看該作者
唔知道樓主分別聽左幾多場官津/直資學校既簡介會? 我越聽就覺得分別越細, 因為官津學校唔可以好似直資學校咁透過interview去收生, 但同樣要爭成績黎爭政府資源, 所以學校方面會做好多拔尖補底既工作, 我覺得不能以偏概全, 家長應該選擇既係適合自己小朋友學習模式, 軟件配套比硬件更重要

返回頂部

magiccandy

Rank: 5Rank: 5


2656
15#
發表於 11-10-12 13:42 |只看該作者
眼見的朋友，孩子已是讀直資或私立學校，但其他課外活動及補習的開支也極高，因他們的同學個個都學這些、學那些，有特定的lifestyle，他們面對這種朋輩壓力，都一樣會愈來愈多花費。

其實如果太多支出都放在教育上，回報也未必成正比。結果這些朋友表面提供充足的資源給孩子，但他們買不起樓，亦錯失很多投資的機會，對子女將來也不是提供最大的保障。

返回頂部

sian

Rank: 5Rank: 5


3266
16#
發表於 11-10-12 14:04 |只看該作者

回復 15# antonyada 的帖子

Hi, antonyada

I am totally agree your comments.
My husband and me agreed that primary stage  is very important for our kids.  We are willing to invest more money to make sure my kids can have better learning environment.  We are not rich parent, English and PTH level are not high, but we believe "no pay no gain".  
Most of students who study at government, if they want to keep their position as top 10, their parent will ask them to join many extra course out of school time.  I don't want my kids only run for different course at weekends, heavy workloads for homework after school, then, no family time!
For me, to live to love to enjoy the life  with my both kids is the most important thing.  I don't want whole family only hard work for school job and extra academic courses.

Anyway, different parent can have different view and planning for the kids, right?

Good luck for all parent and kids

返回頂部

antonyada

Rank: 3Rank: 3


173
17#
發表於 11-10-12 14:07 |只看該作者
原帖由 anteater 於 11-10-12 11:11 發表
這是一篇支持自己小朋友讀直資學校的文章,有道理,不過不是所有直資學校都是好,有好多地區津貼學校都好好,只是網上討論區都是一窩風在討論名校,直資學校...像流感,一路在傳下去 ...


我都係借呢個平台, 講下自己見解, 大家亦可以講下唔同意見; 某程度上出現追名校風, 直資風係香港教育制度三年一小變五年一大變做成, 通識都未攪好, 明年又攪 "國民教育", 仲要成為常規課. 另外點解香港教育只重背誦考試, 而唔係理解分柝為重點? 無錯很多好的官津校都仍時好口碑; 產生好多高官名人, 但同時產生很多 "高分低能"既物體.

...."見到問題後，學生用最短時間，從記憶中搜索一個最接近的標準答案，然後用全部的心力將腦海中的資料抄寫到答題紙上。對填鴨式精英而言，獨立思考的意義，在於腦袋的標準答案搜尋器有多精準。"....

以上係討論對某某高官的反射(來自獅子山學會), 唔多唔少都講出左我當年受既教育, 實實在在就係咁樣!

另外, 我唔係支持大家一定讀直資, 而是在有得選擇之下, 如果你真的認為直資小學適合自己仔女, 應該不要因為費用問題而放棄, 而至於負擔得起的問題, 是一定可以解決的.

[ 本帖最後由 antonyada 於 11-10-12 14:09 編輯 ]

返回頂部

cmchang0927

Rank: 6Rank: 6


9428
18#
發表於 11-10-12 14:07 |只看該作者
"不過好多直資小學因為資源充足，對語言尤其是英文十分重視，甚至包括PHONICS都變成常規課程，"
唔係啦, 我屋企轉角間地區小學P.1上學期都冇dictation住, 先學phonics 既.
而數學甚至常識都以英語教授，就以SMC為例學習三文四語，並且有超過十個免費課外興趣班，就算是收費都只係百多二百元；你可以計算係強力英語支持下，自行出外補習極其量只有中文對嗎？
唔係間間直資私立都係咁啦, 我諗其實你係咪想要一間英文小學? Marymount, St. Jo, DPS, etc 個D英文都好強, 不過講開又講, 我帶阿女去學英文個度, 有好多你所講既"強力英語支持下"既學校學生, 去學數學個度又有, 去學中文個度都有...... (不只是DG, CONVENT個type, 仲有港同, 播道個種), 補同唔補好在乎家既要求, 唔係學校.... 有D家長讀官津, 唔介意小朋友成績, 幾填鴨都無需補習, 有D讀直資私立, 看見大部份同學仔平均分都over 90, 自己個仔得八字頭仲唔去補?
其實一間學校唔入到去讀都肯定唔到啱唔啱自己個小朋友, 睇吓好唔好彩.........

返回頂部

antonyada

Rank: 3Rank: 3


173
19#
發表於 11-10-12 14:17 |只看該作者
原帖由 sian 於 11-10-12 14:04 發表
Hi, antonyada

I am totally agree your comments.
My husband and me agreed that primary stage  is very important for our kids.  We are willing to invest more money to make sure my kids can have better  ...


Hi Sian,
我好認同你說法, 小朋友打從三四歲起, 竟然已經要一星期四五樣興趣班, 仲要係一直伸延到小五六甚至中學, 父母同子女相處時間少之又少, 都幾可悲....., 就算有時間相處, 又總離不開 "幾時黙書呀? 幾時考試呀? 做晒功課未?..等等etc.

返回頂部

DD仔

Rank: 6Rank: 6


5695
20#
發表於 11-10-12 14:39 |只看該作者
对,我就是这个意思.
有些事,要自己经过了,才知道实际情况.现在校里竞争之剧烈,没经过,是不了解的.
简单讲,給了学费之外,额外的增值补底训练通常都免不了,并不是单单以直资私校的学费跟官津学校的额外支出去比较.

原帖由 traeh 於 11-10-12 11:51 發表
但係讀私小直資，一樣可以花好多錢。雖然樓主話假如學校在語言方面已有很好backup，家長相對在語文方面擔心少了一些，但家長比得錢讀得私小直資，多數都係對教育有一定要求。當然有部分家長會放鬆D，唔再出去上語文相關課程，但 ...

返回頂部

‹ 上一主題|下一主題 ›
12下一頁
返回列表
發新帖