應怎樣做? - 自閉寶寶 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 自閉寶寶 › 應怎樣做?

發新帖

查看: 3302\|回覆: 20	go 應怎樣做? [複製鏈接]

Rank: 2


	53

1^#

發表於 11-5-5 09:10 |只看該作者 |倒序瀏覽 |打印

仔仔剛評自閉傾向,現在應該先訓練什麼?想問問大家有沒有上過邁步的課程,大家試過未?好不好?另外一間很新的陳蔭川學兒樂園,大家的小朋友讀過嗎?又好不好呢?真不知應如何幫助仔仔,請給意見,謝謝!

Rank: 4


	672

2^#

發表於 11-5-5 10:21 |只看該作者

我都是在家訓練我小朋友, 用了幾個月, 進步好多!現在已不像有自傾, 各位, 大家一起努力吧

Rank: 5 Rank: 5

醒目開學勳章


	3777

3^#

發表於 11-5-5 11:55 |只看該作者

首先你小朋友幾多歲? 同埋而家出現左咩野問題? 如: 成日轉野? 身體擺動? 情緒? 言語? 定係咩野問題

因為不同既特徵, 要按不同既訓練去糾正

我仔有: (我仔而家6歲2個月, 5歲11個月先係 CAC 評估; 以前我唔知亞仔原來有自傾, 只覺得佢言語發展係慢; 細時仲以為佢係數資優, 因為佢3歲半就做到 K3 既數學功課)

言語表達較弱 (我搵私家言語治療訓練)
社交溝通較弱 (時常帶佢去冒險樂園波波池玩, 比個困獸鬥局佢, 焗住佢要主要跟人玩)
狡窄興趣 <- 細時愛好數字 (對數字超好記性; 呢1年已經就無左呢個特徵)

** 我仔3月開始, 都有天天食 DHA 魚油丸, 唔知係心理作用, 定係經過言語治療特訓, 明顯呢2個月追得好快

[ 本帖最後由 szeszes 於 11-5-5 12:00 編輯 ]

Rank: 2


	53

4^#

發表於 11-5-5 13:20 |只看該作者

謝謝兩位鼓勵.
szeszes,你好叻,識教你仔仔,教到佢都叻.我仔仔快兩歲九個月,言語慢,情緒不穩,常發脾氣,社交弱,成日講數字,見到數字好開心,即刻講,睇到書就要搵數字出黎讀,又記好多數字.
想請教你:
點改善讀數呢個狡窄興趣?
社交溝通弱(我都放佢入過彈彈床,佢淨係識坐係彈床度,對其他人無興趣),對細仔你有咩方法?
脾氣大,有時又唔知佢為咩發脾氣,點算?
DHA 魚油丸是不是醫生開?定係自己買?你買邊種?

Rank: 5 Rank: 5

醒目開學勳章


	3777

5^#

發表於 11-5-5 14:01 |只看該作者

mamagarfield:
你仔仔仲細, 我仔2歲9個月時, 同你仔既情況係差不多; 不過, 我經過同佢不停既訓練, 花左大約2年就好似明顯係自閉入面轉返出來咁

我仔細時一識行, 我就同佢返 playgroup, 係 playgroup 入面, 時常被老師叫佢做 running baby, 原因係... 一唱完歌仔, 佢即走左去玩, 唔坐定定

我仔一到2歲半 (我仔係大仔, 3月中出世) 返 N1, 因為我仔情緒一向都無問題, 由其是對住陌生人, 就怕羞, 一定唔會係學校發脾氣; 不過就成日會離開坐位, 但老師叫佢時, 佢又會返回坐位坐

以前我仔主要係用英文單字同我溝通, 係到 K2 時先開始多中文字溝通

我仔係呢年, 5歲左右才開始主動係公園或波波池入面搵人同佢玩 (細時, 我朋友 D 仔女, 出聲叫我仔同佢玩, 我仔都唔多理佢地, 仔仔多數叫我陪佢玩)

讀數呢方面, 由係成4歲半先開始介甩左, 我地用其他野引佢注意, 即係街上有其他野就叫佢去睇下; 同埋同佢講, 呢 D 數字唔係你睇 (燈柱上), 係比維修人員睇乍, 你都唔係做維修人員... 如是者, 不停改變佢

脾氣唔好既原因, 因為佢唔識得表達佢既情緒, 當開始有好既語言就開始會轉好的 (我仔由係成4歲半先轉好), 果時我仔一大發脾氣, 我會即攬住佢, 拍下佢背脊; 我仔雖然言語唔叻, 不過佢表達叻不錯, 果時用幾個單字及手指指動作, 再加上理解不錯既我, 多數我都可以 calm down 到我仔

當我仔學識畫畫後, 我每天要佢係佢自己既日曆表入面, 畫一個面容 (即係開心, 就畫微笑; 非常開心, 就畫大笑; 唔開心, 就唔開心既樣), 我天天都問佢, 為何今日係開心或唔開心, 叫佢分享下... 從而令佢晚晚都將佢發生既事同我講下, 我又同佢傾下等等

DHA 魚油丸, 都係食市面上果幾只大牌子, 細時係 smart fish cream, 而家就食另一只, 因為同 d 同事一齊訂夠16盒, 平一半價錢

Rank: 2


	53

6^#

發表於 11-5-5 16:32 |只看該作者

Szeszes:

你是在職媽媽嗎?你每日用幾多時間訓練仔仔?你仔仔係讀主流幼稚園,佢明唔明老師講咩?老師有無話佢語言跟唔到?

Rank: 5 Rank: 5

醒目開學勳章


	3777

7^#

發表於 11-5-5 17:33 |只看該作者

我係在職媽媽, 亞仔平日係跟一個湊過幾個小朋友既褓姆 (本地 ee), 亞仔每晚食完晚飯玩完先回家 (因為褓姆女女係幼稚園教師, 仲有特殊教育文憑, 係佢叫我要求健康院轉介仔仔去政府做評估, 因為佢都覺仔仔似有自閉傾向, 係好輕微果只, 似擲界果類)

仔仔由 N1 至 K3 都係讀主流幼稚園 (迦南), 迦南既程度都幾深, K3 係用 P1 既英文書; 一直老師只係講仔仔主要係比較慢熱, 怕羞及言語發展延緩; 但仔仔既認知及學術上既野, 係完全無問題 (默書係佢強項, 個個星期都有默書, 我仔只係有2次唔識 pizza – 錯手寫左 pazza; 蛋糕 - 寫左為蛋米), 仔仔背兒歌, 簡單既詩都得, 認字係佢強項, 學校派既字卡, 通通都唔洗再溫書, 佢呢年愛上上天文台網, 學到好多地點既名 - 佢自己會記 d 地區名既字, 係造句時佢識寫 "如: 柴灣; 上環, 中環咁", 我自己都會買市面既認知書比佢做, 佢都識

可能我一向支持早教小朋友, 由其是在數學及英文方面, 4歲已經識晒1-1000, 1-500單/雙數, 大量既英文字 (佢連迷宮叫 maze 都知, 仲要係佢教返我)

你話你仔仔好喜歡數字, 你不如好似褓姆咁, 平時教佢多些數字, 如: 你同佢一齊玩推波波, 即係你坐一邊, 佢坐你對面, 你推波比佢時, 你讀 1, 叫佢讀3, 之後回傳為 5, 叫佢講7... 反相又可以玩雙數 (等佢連下腦仔, 同埋同你有社交溝通); 掌握好左之後, 又可以試下教佢計數, 其實呢 d 野, 可以增加溝通, 同埋要佢留意你既題目

我以前仲會買一些教數學既 VCD 比佢, 一邊睇就一邊同佢玩, so far 亞仔一直都被老師話佢數學好好

原帖由 mamagarfield 於 11-5-5 16:32 發表
Szeszes:
你是在職媽媽嗎?你每日用幾多時間訓練仔仔?你仔仔係讀主流幼稚園,佢明唔明老師講咩?老師有無話佢語言跟唔到?

[ 本帖最後由 szeszes 於 11-5-5 17:39 編輯 ]


	203

8^#

發表於 11-5-5 18:55 |只看該作者

提示: 作者被禁止或刪除內容自動屏蔽

Rank: 5 Rank: 5

醒目開學勳章


	3777

9^#

發表於 11-5-5 20:10 |只看該作者

首先, 我唔係專家, 我只係用我仔既 CASE 講返出來, 我身為一個有自閉兒既家長, 仔仔細過時, 唔多理人, 到我地搵到佢既興趣, 再係興趣方面同佢一齊溝通, 同時又可以比佢訓練下腦袋 (起碼, 你講1, 佢要講3去回應)

當然, 我唔係整天都只係教佢數學, 但係可以從數學入面, 玩溝通, 玩社交; 等佢同大人有左亙動既關係

我仔仔由1歲9個月開始至4歲大都對數字好沉迷下, 果時係... 同佢行街及搭車, 佢對眼就搵燈柱上既數字讀, 咁我唯一就係同佢一齊讀, 3歲時佢可以背晒成個小西灣入面每支燈柱既號碼; 仲有佢返 N1 及 K1 時, 天天返學既步行路程入面, 佢總是會一個一個車牌咁跟住讀, 讀到返到學校門 (當架車開走左時, 佢會同我地講如: AA1234 車車開走左)

正如有些自閉兒彈琴好叻, 佢父母比小朋友向呢方面發展, 總好過咩野長處都無

我仔而家既情況不錯, 佢而家有好多興趣, 唱歌, 跳舞, 畫畫, 踩 roller, 而我仔明顯對數學及科學係最大興趣 (最近成日叫我帶佢去山邊, 比係做萬樂珠+可樂既實驗)

原帖由 wah37 於 11-5-5 18:55 發表
Szeszes:
佢喜歡數字，如果再教佢數字﹑玩數字，會否令佢更加沉迷數字，興趣更狹隘?

[ 本帖最後由 szeszes 於 11-5-5 20:12 編輯 ]

Rank: 2


	53

10^#

發表於 11-5-6 13:20 |只看該作者

Szeszes,
謝謝你既分享.
你幾時教佢跳舞、踩 roller?你點樣搵到褓姆女女呢係d褓姆?好厲害!佢依家仲有無幫你湊你仔仔?可介紹俾我嗎?問下佢有咩訓練方法.

Rank: 5 Rank: 5

醒目開學勳章


	3777

11^#

發表於 11-5-6 18:55 |只看該作者

跳舞係 K1 已經開始, 之前係學校既課外活動, 後來跳舞老師無再同學校簽約, 去左 YMCA 教

踩 ROLLER 係最近先開始學既, so far 平衡都不錯

我仔既褓姆係舊同學介紹, 而佢女女咁岩係讀幼兒教學, 講真一句, 我仔比較好彩, 褓姆成家都好錫亞仔, 仲要暑期時會請我仔去外地旅行

褓姆唔會再幫人湊小朋友了, 本身佢自己係有些 $ 既人 (果時幫我湊既原因, 都係比面佢既契仔, 幫下我手, 同埋搵個 b 來湊下過日神)

** 剛剛我去左一間中心, 佢有感統體訓練, 睇左佢地既訓練方式及同主任傾左一陣, 大概知道是怎樣訓練, 今晚開始同仔仔自行在家訓練 **

原帖由 mamagarfield 於 11-5-6 13:20 發表
Szeszes,
謝謝你既分享.
你幾時教佢跳舞、踩 roller?你點樣搵到褓姆女女呢係d褓姆?好厲害!佢依家仲有無幫你湊你仔仔?可介紹俾我嗎?問下佢有咩訓練方法. ...

Rank: 5 Rank: 5


	1209

12^#

發表於 11-5-6 19:20 |只看該作者

原帖由 szeszes 於 11-5-6 18:55 發表
跳舞係 K1 已經開始, 之前係學校既課外活動, 後來跳舞老師無再同學校簽約, 去左 YMCA 教

踩 ROLLER 係最近先開始學既, so far 平衡都不錯

我仔既褓姆係舊同學介紹, 而佢女女咁岩係讀幼兒教學, 講真一句, 我仔比較 ...

點呀,決定上感統嗎?

Rank: 5 Rank: 5

醒目開學勳章


	3777

13^#

發表於 11-5-6 20:37 |只看該作者

決定唔上, 因為老公唔覺得亞仔感統有問題, 唔想浪費 $, 因為呢個感統訓練, 起碼要半年至2年先有效

但係會在家幫下佢啦!! 因為再讀感統既話, 真係會收支不平衡, 搞唔掂 (自己就覺得言語治療師快見效, 同埋仔仔主要而家有呢個問題為主)

自己係 youtube 上再了解下 "感覺統合訓練", 再搵下方法試試

原帖由 bbricky 於 11-5-6 19:20 發表
點呀,決定上感統嗎?

[ 本帖最後由 szeszes 於 11-5-6 21:07 編輯 ]

Rank: 5 Rank: 5


	1209

14^#

發表於 11-5-6 21:28 |只看該作者

原帖由 szeszes 於 11-5-6 20:37 發表
決定唔上, 因為老公唔覺得亞仔感統有問題, 唔想浪費 $, 因為呢個感統訓練, 起碼要半年至2年先有效

但係會在家幫下佢啦!! 因為再讀感統既話, 真係會收支不平衡, 搞唔掂 (自己就覺得言語治療師快見效, 同埋仔仔主要而 ...

係呀,我依家超辛苦,最重要知道怎樣幫小朋友,加油俾心機!


	2787

15^#

發表於 11-5-6 23:40 |只看該作者

提示: 作者被禁止或刪除內容自動屏蔽

Rank: 5 Rank: 5

醒目開學勳章


	3777

16^#

發表於 11-5-7 13:30 |只看該作者

THX!! 係唔係即係 C046 呢本呢?

http://www.hkedcity.net/radio/activities/upload_files/27450/Big_sale_201103.pdf

原帖由 pipi331 於 11-5-6 23:40 發表
耀能有本感覺統合家居訓練指南幾好.


	203

17^#

發表於 11-5-7 14:21 |只看該作者

提示: 作者被禁止或刪除內容自動屏蔽

Rank: 5 Rank: 5

醒目開學勳章


	3777

18^#

發表於 11-5-7 14:25 |只看該作者

我 PM 比你啦!!

原帖由 wah37 於 11-5-7 14:21 發表
To szeszes,

我想問問你剛剛去有感統訓練的中心是哪一間中心?

另外你是否有安排小朋友做語言治療? 用的是哪一間?


	203

19^#

發表於 11-5-7 15:52 |只看該作者

提示: 作者被禁止或刪除內容自動屏蔽

Rank: 5 Rank: 5


	1209

20^#

發表於 11-5-7 16:13 |只看該作者

原帖由 wah37 於 11-5-7 14:21 發表
To szeszes,

我想問問你剛剛去有感統訓練的中心是哪一間中心?

另外你是否有安排小朋友做語言治療? 用的是哪一間?

yes is C046

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2025 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢