見完兒童體能智力中心啦! - 特殊教育 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 特殊教育 › 見完兒童體能智力中心啦!

發新帖

查看: 4386\|回覆: 15	go 見完兒童體能智力中心啦! [複製鏈接]

Rank: 5 Rank: 5


	3361

1^#

發表於 10-11-26 11:48 |只看該作者 |倒序瀏覽 |打印

我昨日見完"兒童體能智力測驗中心"既醫生啦! 由2月排,　原先仲要等多２個幾月，昨日突然有位比我插入, 真係好感恩呀!

當日做左一連串既測試, 我終可鬆了一口氣, 一直困擾父母既礙問, 終可放下心頭大石!

醫生同細仔做了一連串既體能/智力/語言測試. 佢認知及理解能力都好好, 其中有一樣醫生話唔建議俾佢做, 因係超出佢年齡, 但都想測試吓細仔, 而細仔又真係可以做到. 有社交及眼神接觸, 做得好時會望住醫生笑, 想醫生取悅佢, 不過覺得細仔都較怕羞, 所以要繼續留意社交發展. 但語言方面就遲緩, 大約係1-2歲之間(而家2歲9個月), 只有名詞，未有動詞，醫生話要再排期見語言治療師評估, 然後排期做治療, 不過都要排好耐時間, 可能約1年或以上。

而我最擔心既問題係細仔要否入讀i位, 因為而家正當係interview既時間，我想有幾手準備，in埋有i位既幼兒學校，醫生話細仔唔需要入讀i位, 因佢本身只係語言方面遲緩, 無連有其他問題, 可以入讀正常幼稚園.

係呢年離我每日都係到諗同一個問題，細仔是否有智力問題？是否有自閉問題？是否有......我終可放心啦!

醫生抖正我地平時同小朋友講野既毛病，由於小朋友係菲傭照顧，我地說話一句句子中有中又有英，咁係錯既，父母一定要同小朋友講全中文句子，不能夾雜英文詞語，而工人就講番全英文，仲要多Ｄ互動既遊戲，亦唔需要迫小朋友跟我地講野，因小朋友表現到佢有意欲想講野（指住個波波對住醫生講一論太空話）。

我已打算為細仔報一Ｄ有開語言既playgroup，希望對佢有幫助！

各位媽媽，大家要努力呀！

Rank: 5 Rank: 5


	1263

2^#

發表於 10-11-26 11:58 |只看該作者

弓起, E 位+普通幼稚園 ok.

Rank: 5 Rank: 5


	1787

3^#

發表於 10-11-26 12:00 |只看該作者

搵全中文既PLAYGROUP?好似好小有...
I位都係普通幼稚園,不過會多DD咁多支援比小朋友....但一定係全日班.我仔就番緊I位N班....
大家都一齊努力啦!

Rank: 5 Rank: 5


	3361

4^#

發表於 10-11-26 12:08 |只看該作者

原帖由 kelvin_hmlau 於 10-11-26 11:58 發表
弓起, E 位+普通幼稚園 ok.

請問Ｅ位係即咩意思呢？間間普通幼稚園都有？

Rank: 5 Rank: 5


	1263

5^#

發表於 10-11-26 12:23 |只看該作者

E 位係早期訓練中心 (例如: 協康會郭葉練洪), 比你孩子只有部分 development delay (例如: speech). 好似返言語治療補習班, 可能一星期 1 次.

Rank: 5 Rank: 5


	3361

6^#

發表於 10-11-26 12:32 |只看該作者

原帖由 kelvin_hmlau 於 10-11-26 12:23 發表
E 位係早期訓練中心 (例如: 協康會郭葉練洪), 比你孩子只有部分 development delay (例如: speech). 好似返言語治療補習班, 可能一星期 1 次.

謝謝你既解說。

醫生安排左家長上語言工作坊，希望對父母同小朋友溝通時會有幫助，亦排緊期做語言治療。細仔已經返緊Ｎ１，係呢段時間我會再報有關語言既playgroup，再叫哥哥要同細仔玩多Ｄ互動既遊戲.

Rank: 5 Rank: 5


	1263

7^#

發表於 10-11-26 12:51 |只看該作者

回覆 1# loklok0104 的文章

你個 case, 唯一讓我擔心係社交問題. 智能正常又係另一件事.

唔識講野同唔識溝通係兩碼子的事.

需知道歲半左右正常小孩會同其他人玩了, 例如爸媽. 當然對陌生人會比較慢熱.

你可以對社交方面再加留意觀察吧.

Rank: 3 Rank: 3


	343

8^#

發表於 10-11-26 12:56 |只看該作者

loklok0104 :

我想問你, 你評估佐幾耐先可以見到醫生呀! 同埋點解會知道你本身要等多兩個幾月? 我之前都去佐智能中心做評估, 但是都無話知要等幾耐先可以見醫生同治療師, 其實是吾是可以自己打電話去問?

Rank: 5 Rank: 5


	3361

9^#

發表於 10-11-26 13:07 |只看該作者

原帖由 肥婆媽 於 10-11-26 12:56 發表
loklok0104 :

我想問你, 你評估佐幾耐先可以見到醫生呀! 同埋點解會知道你本身要等多兩個幾月? 我之前都去佐智能中心做評估, 但是都無話知要等幾耐先可以見醫生同治療師, 其實是吾是可以自己打電話去問? ...

我之前係2月中見健康院醫生做初步評估，醫生話小朋友各方面都較遲緩，所以寫紙refer去兒童體能智力中心做評估。我係3月時係兒童體能智力測驗中心見姑娘，初步了解小朋友情況，再排期見醫生。一直等，我間中就打電話去評估中心問仲要排幾耐，上星期打去問，Ｄ姑娘都話仲要等2個幾月，大前日突然收到電話話有個位取消唔離，可以俾我插位見醫生做評估，我真係好感恩!

你排左幾耐呀？你都不防試吓打電話去問吓姑娘排期情況吖！

希望你都可以快Ｄ鬆一口氣！

[ 本帖最後由 loklok0104 於 10-11-26 13:08 編輯 ]

Rank: 4


	580

10^#

發表於 10-11-26 14:24 |只看該作者

請問評估需時幾耐? 大概內容係咩?
我個囡都係, 佢就2歲8個月, 初步已見醫生, 醫生同護士認為佢係language confusion.

Rank: 5 Rank: 5


	1981

11^#

發表於 10-11-26 14:45 |只看該作者

請問你仔仔在評估的過程中是否好合作? 完全無扭計?

原帖由 loklok0104 於 10-11-26 13:07 發表

我之前係2月中見健康院醫生做初步評估，醫生話小朋友各方面都較遲緩，所以寫紙refer去兒童體能智力中心做評估。我係3月時係兒童體能智力測驗中心見姑娘，初步了解小朋友情況，再排期見醫生。一直等，我間中就打電話去評估中 ...

Rank: 5 Rank: 5


	3361

12^#

發表於 10-11-26 14:58 |只看該作者

原帖由 PeonyComing 於 10-11-26 14:24 發表
請問評估需時幾耐? 大概內容係咩?
我個囡都係, 佢就2歲8個月, 初步已見醫生, 醫生同護士認為佢係language confusion.

醫生分3 part同佢做評估：

體能評估：上樓梯，落樓梯，係一級樓梯跳落地面，坐係地，然後起身，踢波；睇手，腳有無力，會否張力低。

智力評估：首先醫生會示範一次，要小朋友跟住做，由淺至深既配對/疊積木/切圖/顏色，再由深至復雜既配對/疊積木/切圖。小朋友一路做，醫生一路計時，家長唔可以出聲。

語言評估：有圖書／圖片，問圖中既物件係咩離；有一Ｄ玩具，係日常既家具/煮飯仔，醫生講一Ｄ指示，睇吓小朋友能否理解做到，係呢個時候我仔就開始表現唔合作，借尿道話要去vv, 我同醫生講佢可能開始累唔耐煩，醫生話唔係，因為呢Ｄ係佢既弱項，所以佢唔鍾意做，就表現到唔耐煩，而智力果part係佢強項，所以佢有興趣，表現好合作。

我去既前一日，將細仔所識講既字(50幾個)寫係張紙，希望可令醫生更了解細仔情況。

以上資料希望幫到你!

[ 本帖最後由 loklok0104 於 10-11-27 00:06 編輯 ]

Rank: 5 Rank: 5


	3361

13^#

發表於 10-11-26 15:03 |只看該作者

原帖由 bobolam 於 10-11-26 14:45 發表
請問你仔仔在評估的過程中是否好合作? 完全無扭計?

醫生讚佢大致上都好合作，無發脾氣。

當醫生要佢做既野時，如佢唔願意時，佢會U字偏咀，眼濕濕再斜望醫生。

Rank: 5 Rank: 5


	2292

14^#

發表於 10-11-26 15:34 |只看該作者

我同事囝囝E+讀K2, 由菲傭照顧, n班時說話能力唔好, 幼稚園老師建議去評估, check到語言遲半年及有自閉傾向.

及後, 同事幫小朋友轉校, 請人做言語治療, 到協康會訓練, 再搵埋麻麻(講廣東話)湊囝囝, 不足一年, 說話已經正常, 而且評估為無自閉. 仲好叻好聰明.

同事話可能當初又英文又中文, 影響左小朋友語言能力.

唔好太擔心!!!! 多d同小朋友傾計, 用單一語言, 講簡短句子, 漫漫會有進步!

Rank: 5 Rank: 5


	3361

15^#

發表於 10-11-27 00:18 |只看該作者

原帖由 kelvin_hmlau 於 10-11-26 12:51 發表
你個 case, 唯一讓我擔心係社交問題. 智能正常又係另一件事.

唔識講野同唔識溝通係兩碼子的事.

需知道歲半左右正常小孩會同其他人玩了, 例如爸媽. 當然對陌生人會比較慢熱.

你可以對社交方面再加留意觀察吧. ...

謝謝你提點, 我會多加留意小朋友既社交發展問題.

我細仔喜歡同小朋友玩, 佢會主動療小朋友玩, 喜歡模仿其他小朋友動作, 佢只係對於陌生大人才會怕羞, 唔望人既情況. 我女家係大家族, 我地經常番亞媽度食飯, 我都會特別留意佢同表兄/表姐玩既社交表現. 我去政府評估既前一日,亦有打過電話同細仔既班主任傾過小朋友既各方面發展問題.

[ 本帖最後由 loklok0104 於 10-11-27 00:35 編輯 ]

Rank: 5 Rank: 5


	1787

16^#

發表於 10-11-27 01:11 |只看該作者

IwanBB,
你知唔知你同事....點解咁快又可以再評估呀? (你話不足一年說話已經正常....)
THANKS>

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢