Boxhill vs 威寶國際? - 幼校討論

Rank: 5 Rank: 5


	3107

1^#

發表於 09-10-26 07:43 |只看該作者 |倒序瀏覽 |打印

如果想擁有一個全英文環境, Boxhill的半日N1好, 定係威寶國際的全日班好呢?

BOXHILL的口碑一般都比威寶好, 全英文環境BOXHILL都算得上數一數二. 但係上星期係威寶國際的Interview其間及佢哋的open day見到佢哋的外籍老師真係好專業, 而且有多位. 全日的英文環境似乎幾吸引. THINK都唔錯, 可惜N1唔會有全英文的環境.

剛收到威寶國際的取錄信, 真係唔知點取捨好? 請指教?

0 0 0 0

Rank: 6 Rank: 6

醒目開學勳章


	5063

2^#

發表於 09-10-26 16:50 |只看該作者

你覺得有無需要讀全日?
因為boxhill競爭大, 你點都要交咗留位費先

MAMAMEEE

Rank: 5 Rank: 5


	3107

3^#

發表於 09-10-26 21:13 |只看該作者

原帖由 kerkermui 於 09-10-26 16:50 發表
你覺得有無需要讀全日?
因為boxhill競爭大, 你點都要交咗留位費先

Long time no talk lar..Ka Ka, 我都想問吓您嘅意見呀!

我所看到嘅全日班似乎冇咩壞處, 而優點係:
1. 無論係BOXHILL或者威寶國際, 我都係諗住讀一年. K1會轉校. 係呢一年內提供一個最佳的英文環境, 為未來鋪路.
2. 如果想係呢一年內習慣或甚至享受用英文溝通的環境, 全日相信會好過半日. 我聽d BOXHILL媽媽講, 如果搭校車, 可能分分鐘每日得番2小時15分鐘.
3. ....如果有第二胎, 大B讀全日, 一個工人都安心D.

您係咪有D唔同意呢? 隨便分享喎.

THINK的N1點都唔會全英文. Greenfield給我嘅印象好差, 不在考慮之列.

唯一猶疑係威寶國際班太少媽媽提, 唔知道係咪好似我哋係佢哋嘅OPEN DAY + INTERVIEW 時見到的情況咁好. 同BOXHILL的課程+口碑比較又如何? BOXHILL係11月尾interview, 未有頭緒前唯有兩間都mark住. 真係頭痛!

Rank: 6 Rank: 6

醒目開學勳章


	5063

4^#

發表於 09-10-26 22:08 |只看該作者

首先, 我只去過一次威寶, 印象好差, 所以無考慮過, 而呢間學校响MOS嚟講, 壞comments比較多~

如果幫你分析, 你應該了解吓所謂全日班嘅安排, 我眼見都有好多local teacher, 而姨姨當然唔會講英文啦, 咁學校點樣令你覺得係個英文環境呢? 會唔會英文老師跟足食飯午睡遊戲時間呢?

我唔清楚boxhill點安排啦, 不過以小兒學校為例, 9點返學, 11:50上校車, 12點準時俾家長接放學... 所以我好懷疑點解boxhill得兩個鐘多少少嘅返學時間!

另外, 0-3係語言敏感期, 你唔需要做一個單一語言環境, 因為幾樣一齊就幾樣一齊學好! 另外你要考慮: 如果你第時報d出名d嘅KG, 你會發現好多N班已經教緊中文單字, 你俾小朋友返完全日仲想唔想放學都仲要繼續教?? 定係佢返半日, 玩吓, 然後夜晚睇書會輕鬆d?

如果因為nb嘅關係,咁無得好講, 頭半年真係會難搞d, 我都曾經考慮過全日嘅N, 個最後因為入到心儀嘅學校而放棄咗.. hmm.. 我希望放到3個月假分擔咗最麻煩嘅時候, 如果都有難度嘅, 最多請個鐘點幫手.. 或者叫99個工人買吓餸幫吓小忙囉~ 大家都要適應, 無話唔得嘅!

monkey05

Rank: 5 Rank: 5

醒目開學勳章


	1739

5^#

發表於 09-10-27 10:38 |只看該作者

原帖由 MAMAMEEE 於 09-10-26 21:13 發表

Long time no talk lar..Ka Ka, 我都想問吓您嘅意見呀!

我所看到嘅全日班似乎冇咩壞處, 而優點係:
1. 無論係BOXHILL或者威寶國際, 我都係諗住讀一年. K1會轉校. 係呢一年內提供一個最佳的英文環境, 為未來鋪路.
2 ...

搭校車, 可能分分鐘每日得番2小時15分鐘.  唔係得番咁少呀 ??? 好驚喎.  我去揍呀仔放學.  我都見佢學校坐校車的 11:45 已排曬隊出來上校車.  d 叔叔 11:50-55 就開車.  番學d 車隊9點前都到曬, 小朋友9:00 前已殺緊入學校, 咁我計 3hr 既堂 , 坐校車小朋友就cut 左 15 min 囉.  都唔係太大問題.  點解 boxhill 會得番 2hr 15min 架 ?  d 校車時間有問題 ??

你有無了解下 boxhill 今年 n 有幾多中文會教 ?  佢地呢方面是改革中的, 我去年有去佢地既 open day 時, 佢地都刻意地介紹佢地係中文學架.  但唔知今年既野又會點, 因轉左校長.  英語環境boxhill 的質素係比到的.  不過, 你要全日都係就佢地provide 唔到啦.

威寶的老師係點我未接觸過, 唔 comments.  但如只計我打電話去問課程, 威寶聽電話果位小姐就答既態度唔好, 覺得好問長問短之餘仲要答到好似唔係好知咁.  果下, 令我連去佢地既open day 我都唔想. 不過, 我只是我個人感受.

換轉我, 會考慮幾樣因素:

1)  n 班, 番全日, 小朋友頂唔頂得順.  媽媽出發點想小朋友長時間接觸外語, 但站在小朋友角度看, 佢會唔會 enjoy ?

2)  除左英語, 呢兩間的中文, pth 會唔會日日都有教小朋友呢 ?  如打算將來考名牌幼稚園, 佢地一上 k1, 唔好話英文, 中文字, pth 都教得好快.  如n1 有打底, 會好d. 記住學英文易過學中文.  如小朋友在n時, 樣樣都平均接觸到, for 將來才是上算.

3) 如你重英文多一點, 假設在呢兩間都係番半日, 咁呢幾個鐘, 佢地既英文教法會係點呢 ? 一定係要小朋友聽 + 講, 定係聽多過講呢 ? n1 會 cover 到d 咩呢?  n1 畢左業, 呢年expect 小朋友會識d 咩呢 ? 要問得 detail d 你先可以compare 到.

4) 再生多個, 呢樣幾depends, 因太唔知細個件幾時生, 比我, 唔想放呢個問號作大果個既選校因素.  到時生左, 一個工人搞唔掂, d 99 呀 62呀實自告奮勇站出來幫手.

豆豆B媽

Rank: 5 Rank: 5


	1501

6^#

發表於 09-10-27 15:09 |只看該作者

Boxhill 我地之前上左playgroup . 感覺麻麻 (點知家下讀康傑playgroup 仲

)

但要英文就實有, 一踏入門口, reception已經英文對待.
嬸嬸只會笑. 唔會講野, 所以唔會有中文聽到... 呵

想知點解"Greenfield給我嘅印象好差, " ? Greenfield 收左我兒子上午班, 而打電話去個書記定主任都答得好唔錯 , 不過interview 唔係我帶所以唔知個環境, 婆婆就覺得唔錯, 因為近佢屋企 . (結果都無比留位費)

MAMAMEEE

Rank: 5 Rank: 5


	3107

7^#

發表於 09-10-28 00:29 |只看該作者

好多謝咁多位係短時間的分享, 真係好深入. 我需要再做一輪功課, 定位再決定.

monkey05, 又係好耐無見啦! 我每次有困難時, 您都會出黎相助, 感動!

Rank: 6 Rank: 6

醒目開學勳章


	5063

8^#

發表於 09-10-28 07:02 |只看該作者

原帖由 MAMAMEEE 於 09-10-28 00:29 發表

monkey05, 又係好耐無見啦! 我每次有困難時, 您都會出黎相助, 感動!

我成日懷疑佢跟踪我架!!

monkey05

Rank: 5 Rank: 5

醒目開學勳章


	1739

9^#

發表於 09-10-28 09:31 |只看該作者

原帖由 kerkermui 於 09-10-28 07:02 發表

我成日懷疑佢跟踪我架!!

HHAHAHAHAH ....係呀, 我最鐘意跟蹤你兩個. 小心d 呀 !!!!

amaze888

別墅

Rank: 4


	535

10^#

發表於 09-10-28 19:40 |只看該作者

威寶國際 vs 救世軍幼兒園

I want my girl can apply some famous kindergarten next year. Please advise which one is better. Thanks.

greenshoot

複式洋房

Rank: 3 Rank: 3


	282

11^#

發表於 09-10-31 23:11 |只看該作者

我都係煩緊個女n1既問題. wellborn 收左佢讀全日, 但我都係唔係好有信心, 因家長都唔太recommend咁. 不過boxhill無位, 無辦法...
另外, 我老公都提到自理能力既training, 又怕國際既學校無咁有discipline, 所以我地都有留意其他.
其實我仲報左合一堂同康傑, 但完全無聲氣. 而家都好被動, 真係唔係好知點樣幫個女安排最好. 各位有無咩advice?
謝謝!