女兒測驗後............

RAMC

Rank: 3 Rank: 3


	132

2^#

發表於 04-10-31 14:55 |只看該作者

Re: 女兒測驗後............

妳太緊張啦, 這樣不單對自己, 還會對女兒造成壓力, 成績更加事倍功半. 放鬆些吧. (就算考第一都未必是最佳的學生)

ROSANNA

洋房

Rank: 2


	54

3^#

發表於 04-10-31 15:16 |只看該作者

Re: 女兒測驗後............

suyee,

首先, 你不要太激動, 現在還未派試卷呢? 當派了成績後, 你要先了解她不夠時間的原因, 是讀得不太熟.....令她花太多時間去思考? 還是出了太多課外題? 你也要了解其他同學是否都不夠時間做還是只得她一個這樣? 我想你一定要搞清楚才責怪她 (如果真是她的問題), 始終是第一次測驗, 不要嚇怕她啊!

tkkmama

Rank: 5 Rank: 5


	2164

4^#

發表於 04-10-31 16:28 |只看該作者

Re: 女兒測驗後............

HI suyee:

我們都是過來人,小朋友唔夠時間做考試題是十分普遍的.我大女小時都試過了,派回中文卷一睇,原來試卷有成廿幾三十句要寫(當時她是初小)那短短四十分鐘,相信佢連抄都成問題,唔好話仲要諗,後來再同d同學家長傾下,原來好多同學都唔夠時間做,所以唔好咁嬲先,派左卷再同佢檢討下呀.

hinhinandy

Rank: 3 Rank: 3


	499

5^#

發表於 04-10-31 19:59 |只看該作者

Re: 女兒測驗後............

hi suyee :
唔好比自己同個女咁大壓力啦 , 放鬆 d ^^, 我個仔小一時都試過做唔曬份中文測驗卷 , 亞仔仲話唔夠時間做三頁呀 , 當時 , 我心諗死得囉 , 三頁喎

, 個心唔舒服左成個星期呀 , 陰功

, 但最後份卷派返黍 , 只係做唔切三條............哈哈~~~~~妳話死唔死 ^^
所以唔好太擔心喇 ^^

以笑臉迎接每一天 , 以信心去對抗逆境 ^0^
一個人的快樂 , 不是因為他/她擁有得多 , 而是因為他/她計較得少 ^0^
因為愛，學會珍惜．因為愛，學會不捨．因為愛，你要學會放下．
每個人都有一顆慈悲心,視乎你有沒有好好運用它. 慈=施予別人快樂, 悲=拔走別人痛苦.

Jackie

Rank: 3 Rank: 3


	364

6^#

發表於 04-10-31 21:11 |只看該作者

Re: 女兒測驗後............

我覺得你太緊張啦，千其唔好俾個女覺得努力有白費呀！

angeline

Rank: 3 Rank: 3


	332

7^#

發表於 04-10-31 21:57 |只看該作者

Re: 女兒測驗後............

放鬆d啦, 剛剛升上小一都未夠兩個月就要測驗, 小朋友和家長都需要時間去適應的。

csk

Rank: 5 Rank: 5


	2007

8^#

發表於 04-11-1 01:42 |只看該作者

Re: 女兒測驗後............

suyee

你不要給自己這麼大壓力！派卷回來和女兒研究為甚麼做不完測驗卷，針對問題再改善。

我囝囝寫字中文整齊不過好慢，上年小一試過測驗唔夠時間做，我便請教老師平日做功課需時幾耐，原來老師要求20至30分鐘完成的補充作業，囝囝要做成個鐘頭。我便買一些限時的試卷給他做。起初一份限時35分鐘的卷要55分鐘才完成，我坐在他身邊看他為甚麼這樣慢再幫他糾正，後來考試便沒有問題。上星期中文測驗無時間做補充卷，回來他說做唔晒中文卷，我也看開了，因為他懂得先做佔分重又不太難的閱讀理解，惟有在長假期練番寫字要快一些。

SaladMi

Rank: 3 Rank: 3


	321

9^#

發表於 04-11-1 02:48 |只看該作者

Re: 女兒測驗後............

suyee,

我的兒子也是讀小一的，我好明白到你的心情。

但我個人認為一個人的學生生活有十多年，現在才站在起步點，我們要教育孩子的歲月是多麼的長呢？試想想，你自己也擔心自己的反應，何妨是妳的女兒呢？不但會傷害你倆之問感情，也嚇怕了她對讀書、考試的情緒，那麽實在太不值得了。

以下是本人給你一些方法，希望你用得着：
1. 女兒放學後與你聯絡，你先詢問她當天在校的情緒或有關健康狀況的，而當天考試、測驗及考試的結果己成定局了，不問也罷。若她主動說出今天表演理想應即加許；不如意的則加以安慰及鼓勵。對話應該是温馨及關懷，那麽她才會樂於溝通，說出心底話。

2. 派了成績後，若未如理想就則需檢討一下温習的方式、時間等種種因素，記住：小孩是必須反覆温習才可入惱。若現在的方法不可行，想想其它方法吧！

3. 若自己感讀工作及女兒學業令到自己太大壓力，情緒不安，何不嘗試返補習社或聘補習老師代勞呢？

4. 試想想，女兒的學業、情緒、健康的輕重先後。若你不是於學業在第一位的話，那你就有潛質成為一個好媽媽了。

最後，我認為學習不應著重學業的成績而是學習的態度。

希望幫到你--suyee

Saladmi

KWT

Rank: 5 Rank: 5


	1414

10^#

發表於 04-11-1 09:12 |只看該作者

Re: 女兒測驗後............

不要那麼著緊,小朋友及媽媽都在適應期,特別是小朋友,那是他們第一次考試呀!

好似我細仔考中文,其中有一部份是句子重組,即使他做對了,也全部沒有分數(佔18分),為什麼呢?原來仔仔全部寫1,2,3,4....排列,好似做習作咁做,但考試則要求將句子逐隻字重寫出來.我只替他不值,他自己也覺得,跟著我叫他下次考試測驗一定要留心老師的說話,避免再錯.

另外,我大仔以前考中文,數學都是次次不能依時做完份卷,如此這樣,差不多有一年時間.每次我都替他不值,直至他自己也說,如果多些時間給他將份卷做完,成績會好很多,他又不是不會做,只是欠時間.我說為什麼不嘗試做快一些,決定權在自己,結果他將此缺點改過,成績突飛猛進.

要訣是無論仔仔考試成績如何,一定要平心靜氣,有同理心,跟他在同一條線上進退.

mayc

Rank: 5 Rank: 5


	3546

11^#

發表於 04-11-1 10:12 |只看該作者

Re: 女兒測驗後............

suyee:
我好明白妳的心情,但妳和女兒的努力不是白費的,要知道考試測驗是有天時,地利,人和的因素配合,現階段最重要是你女兒識唔識,唔係高唔高分,我認為如果在分數上角逐,大家都會痴線,所以千祈不要只著於分數.上年下學期測數學,我個仔(小一),他拿著張69分的數學卷給我看,仲話好彩合格! :evil: 我看見分數,心裏「打了個突」,心想唔係差成甘呀?根住我細看張卷,畫時鍾個part,個鍾面很細,小朋友畫歪了少少便會錯,停車場數車然後相加,數錯其中一種車種,下面其他的答案都全錯,看完份卷後,我覺得個仔無mud大錯,我自己也能釋懷,所以無需太緊張!

:
今次測驗我個仔都有話做唔晒!星期六回校課外活動,其他家長都說囝囝做不完,我個仔做淨一題,巳經是好好了,所以我鼓勵妳多認識個女的同學家長,大家可以互通消息!

wunma

禁止訪問


	1972

12^#

發表於 04-11-1 10:20 |只看該作者

Re: 女兒測驗後............

提示: 作者被禁止或刪除內容自動屏蔽

麟媽媽

王國長老

Rank: 14

王國長老


	5044

13^#

發表於 04-11-1 11:00 |只看該作者

Re: 女兒測驗後............

我兒子亦是小一，明白你的憂慮，我有一些小經驗，同你分享一下。如果小朋友不是不願讀書溫習的，小一其實個個都應該差不多的，但總有一些比較好成績，一些總是錯得無無謂謂的，成績強差人意！
我兒子亦有呢個情況，第一次測中文只得五十幾分，老師很好，上星期六放學後替兒子複卷重做，看看是什麼問題，後發現全是在於考試作答技巧。老師說控制時間運用好重要，要訓練孩子寫得快一D，有唔識既如果真係諗唔到，便在題目旁邊打個記認(畫粒星或打個圈)，去做下一題，唔識個D係做完晒之後有時間複卷時再做，免了因為一題唔識晒左D時間作答後面識的題目。專注力亦好重要，有D小朋友會突然雲遊(我仔係勁雲遊那種！)，要訓練作答時用手指仔指住每個字，之後作答，咁可以防止唔知自己做到去邊或做漏題目！做作句時亦要教導孩子以最簡單的句子作答，盡量運用自己識的字，以免寫錯字！
那日重做老師也驚嘆說亞仔唔係唔識的，只是沒作答技巧，那天的卷竟有98分！老師仲問我有沒有替兒子重溫試卷？我當然無喇，有時間都溫下星期要測那幾科喇！最衰呢次唔計分的，我鼓勵兒子說他其實是可以做到的！只要下次專心D，小心D！
你也不要責備女兒，剛由幼稚園上小一總要時間適應，要她知道她是可以做到的！當然唔比心機溫習而考得唔好媽咪梗係會鬧喇！我跟兒子說：” Don’t cry over spilt milk!”，唔考都考了，正如倒瀉了的奶，喊都喊唔番的，重要的是下次要捉穩杯子，不要再次倒瀉才是正確做法！
大家同孩子一齊努力喇！

csk

Rank: 5 Rank: 5


	2007

14^#

發表於 04-11-1 11:50 |只看該作者

Re: 女兒測驗後............

麟媽媽

妳的兒子遇到這麼好的老師真幸福！多謝你分享老師的心得。現在小學中文測驗往往有6至7版，要寫很多字，我兒子的作答技巧亦是不好，題目全部識做不過唔夠時間做。學校平日沒有給學生做模擬試卷，他對掌握時間很含糊，令我有時很苦惱。以前問老師如何改善，她的回答是大部份人都做晒試卷，拋番個波給我。兒子平日的功課做得很整齊，這優點用在測驗、考試便成了缺點，因為他慢慢寫。你可以替我請教老師怎樣練寫字可以快一些嗎？

KITTYMAMA

別墅

Rank: 4


	757

15^#

發表於 04-11-1 12:11 |只看該作者

Re: 女兒測驗後............

SUYEE

你和女兒下的苦功, 一定不會白費的, 你要堅信這一點, 以後的路才會走得更穩. 一次的成績, 並不代表永遠, 相信你是明白的. 可能當時在電話聽到那一刻真的很難受, 你才會這樣想, 平靜下來, 深思一下, 你會明白的. 讀書的是你女兒, 不是你呀, 不要把責任全放在自己身上, 你這樣著緊, 關心, 從旁協助, 已盡了責任. 而且考試成績的好壞, 並不能完全代表學生所學到的知識多寡, 放開一點吧, 學習的路還長哩!

suyee

民房

Rank: 1


	19

16^#

發表於 04-11-1 12:43 |只看該作者

Re: 女兒測驗後............

很多謝你的意見,很多謝各位媽咪的意見,日後我會學懂放鬆一點!

Rank: 3 Rank: 3


	276

17^#

發表於 04-11-1 12:57 |只看該作者

Re: 女兒測驗後............

KWT 寫道:
要訣是無論仔仔考試成績如何,一定要平心靜氣,有同理心,跟他在同一條線上進退.

我都好同意KWT所講, 係我個女二年級既時候, 佢有一次數學測驗成績唔好, 得4X分, 平時識做既, 當日竟然唔識做, 我當時好唔開心, 重係佢面前喊左出黎, 後來, 我發覺可能我比得太大壓力佢, 令到佢測驗既時候好緊張, 答唔到份卷, 於是, 我就改變策略, 以平常心去同佢讀書, 而且, 我重覆睇佢份卷, 細心D留意下佢錯係邊度, 同佢講, 你真係錯得唔抵, 你叻架....之類既鼓勵說話, 於是, 佢果年考試考得幾好, 重"羅"埋個進步生獎添

所以, 我覺得細路仔讀書唔好迫得太緊要, 重要睇下佢點解成績會係咁, 好似我個女, 如果個老師教得好, 果科佢可以"羅"全班最高分果頭三名, 如果老師教得唔好, 係就無物心機學, 唉, 我都係度諗緊辦法令佢D成績唔好咁frustrate :cry:

我家有四隻可愛貓貓, 老公係巨貓, 亞女係肥貓, 仔仔係細佬貓貓, 而我呢.........梗係靚靚貓媽咪啦 !!!

jazzmama

男爵府

Rank: 6 Rank: 6


	5009

18^#

發表於 04-11-1 13:43 |只看該作者

Re: 女兒測驗後............

我都試過啦,
仔仔今年小二, 依然做唔晒份卷 (中文)
記得佢放學馬上打電話比我,
話 : 11 題無做 !
我以為佢話第 11題啫, 唔緊要啦.
後來佢話 : 有成 11 題無做, 唔夠時間,
都無辦法啦, 已經過去

最好笑佢話, 實無 100 分,
咩佢自己咁高要求嘅

你們要將一切的憂慮卸給神,
因為祂顧念你們
彼前 5:7

朋友媽

洋房

Rank: 2


	82

19^#

發表於 04-11-3 10:12 |只看該作者

Re: 女兒測驗後............

小女小一，我亦曾經有一段時間會因個女的成績而心煩，有時控制唔到會破口大罵，令她很不開心。後來我問自己她只是一個六歲的小朋友，但我常以成人或自己的標準去衡量她的能力，是不是自己太太....緊張和將上學和做好D功課當作是自己的責任，我生個女出來是想她快樂，不是要給她壓力，但壓力來自父母，真矛盾!

後來，我決意改變自己，自己只是肩負從旁提醒的角色，今次個女做D功課低分，我會說﹕「低分是自己沒有比心機做，是自己的責任，不過還有進步的空間。下次努力。」

而考試時，要多留意平時做功課的強弱，可專於弱項溫習，不過我從不過問她考成怎樣，因已過去，而且已盡力和已成事實，如她在考試期間有努力，不妨帶小朋友慶祝一下，以作鼓勵