油塘基督教臻美秀華幼稚園的親子嘉年華 - 幼校討論 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 幼校討論 › 油塘基督教臻美秀華幼稚園的親子嘉年華 ...

發新帖

查看: 3727\|回覆: 29	go 油塘基督教臻美秀華幼稚園的親子嘉年華 [複製鏈接]

Rank: 3 Rank: 3


	433

1^#

發表於 04-10-16 23:34 |只看該作者

油塘基督教臻美秀華幼稚園的親子嘉年華

各位家長

小兒是03年第一屆畢業生，收到他們於10月23日禮拜六舉辦的親子嘉年華的請柬及入場券。時間是 10:00am 至3:30pm。內容相信跟去年差不多，有表演、遊戲、參觀校園、親子活動等等。

有興趣的家長可以電話查詢參加事宜2348 9655。

Jackiesau

Rank: 4


	875

2^#

發表於 04-10-17 08:16 |只看該作者

Re: 油塘基督教臻美秀華幼稚園的親子嘉年華

Hi Jackiesau,

Pls comment 油塘基督教臻美秀華幼稚園 and which primary school your son is studying.

http://www.tickercentral.com/view/59wk/l.png[/img][/url]

[/img][img align=right]

[/img][img align=left]

[/img]

Rank: 3 Rank: 3


	433

3^#

發表於 04-10-17 23:14 |只看該作者

Re: 油塘基督教臻美秀華幼稚園的親子嘉年華

貓貓Sharon

小兒現正在幼稚園聯屬的臻美黄乾亨小學讀P.2，至於現時的校園生活，小兒已畢業一年多，他們亦可能有很大的改變，應該留待現在有小朋友就讀的家長comment

小兒在幼稚園開辦的第一年入讀K3時，並沒有缺課；沙士期間，常嚷着要返學；又很掛念老師，常渴望收到幼稚園寄來的學習VCD。不喜歡跳舞，但被老師挑選在畢業禮中表演，亦會全力以赴綵排及演出

我想我的小朋友有創意、有上進心、願意承担責任、懂得解決問題、良好人際關係及懂得溝通。我絕對相信臻美可以給予小朋友上述的教育及訓練。而且崔園長及丘主任的愛心及肯為教育付出的努力，每每為小朋友設想，這才是最重要的。

不過最重要的是趁開放日期間，可以親身的實地視察，與園長、老師及家長交流瞭解，以評估自己的小朋友是否適合。

Jackiesau

Rank: 4


	915

4^#

發表於 04-10-18 09:12 |只看該作者

Re: 油塘基督教臻美秀華幼稚園的親子嘉年華

Jackiesau:

我同你都有同一想法, 希望小朋友唔會讀死書同埋讀得開心, 所以我都已經報左秀華, 目的係想升上去黃乾亨, 請問你知唔知道秀華升上去黃乾亨機會大嗎? 我問過學校佢地只係話會有較大機會而唔係一定可以直升, 呢個係我最擔心的問題

Rank: 3 Rank: 3

醒目開學勳章


	419

5^#

發表於 04-10-19 03:54 |只看該作者

Re: 油塘基督教臻美秀華幼稚園的親子嘉年華

HI Jackiesau

星期六你會到嗎?

billyyanst

等我試吓回答你的問題
marco k1開始在秀華就讀, 今年已是k3的大哥哥了,
小朋友不用讀死書同埋讀得開心,亦是我的理念, 而在這兩年多日子裡,學校亦做到這點.

在我的觀察,學校是不會放棄任何一個學生, 除非大家真的不夾,(尤其是教學方針). 因此你大可放心.

Rank: 4


	915

6^#

發表於 04-10-19 13:15 |只看該作者

Re: 油塘基督教臻美秀華幼稚園的親子嘉年華

Jackiesau:

多謝你的回答, 我可以放心一點了

: 另外我都想問下呢間學校同家長的溝通會以什麼形式, 例如我會唔會知道小朋友係學校做過d乜, 又或者有冇家長會可以比機會家長發表意見, 又或者可唔以打電話比先生傾下計等... thanks!

呢個sat我一定會去look look, 可以親自睇下間學校真係好有用, 我之前報觀塘區的一間幼兒園前都要求比我參觀左先決定, 但係好多出面的名校都冇呢個service :evil: 可能唔憂掛

Rank: 3 Rank: 3


	433

7^#

發表於 04-10-19 23:26 |只看該作者

Re: 油塘基督教臻美秀華幼稚園的親子嘉年華

billyyanst

小兒是第一屆畢業生，當時合共有十九位小朋友。其中有十五位升讀小學部P 1；據有些家長口中得悉，餘下的有兩位自行放棄臻美學位，就讀津校。正如Marcomama 說，臻美不會輕易放棄任何一位小朋友。

您所說的家長與校方的交通方法，全部都用得上，如有需要，老師更會主動來電。

Marcomama

星期六要返工，可能趕不到。

Rank: 3 Rank: 3


	433

8^#

發表於 04-10-21 00:28 |只看該作者

Re: 油塘基督教臻美秀華幼稚園的親子嘉年華

Marcomama

今天星島日報 J10 版又再刋登臻美，標題是[教育改革的先驅]；尚有介紹幼稚園及提到歡迎有興趣入讀本校及幼稚園的家長參加下列活動：

1. 幼稚園開放日
10月23日
十時至三時半

2. 臻美聯校親子、師生競技同樂日
11 月 5 日
九時至四時
香港足球總會會所

到時會否放假同 Marco 一起去玩

Rank: 4


	915

9^#

發表於 04-10-21 09:05 |只看該作者

Re: 油塘基督教臻美秀華幼稚園的親子嘉年華

Marcomama & Jackiesau:

多謝你地d料, 我想再問你地記唔得佢地interview會以d乜野形式同問d乜野問題呢? 唔豬會唔會好難呢? 事關我個囝我表達能力麻麻地, 仲有有時會好有性格, 明明識都唔答你

激死 :cry:

Rank: 5 Rank: 5


	2122

10^#

發表於 04-10-21 16:51 |只看該作者

Re: 油塘基督教臻美秀華幼稚園的親子嘉年華

Jackiesau,
可否談論一下你的小朋友讀小學的情況呢? 小一至小三是否不用考試? 可以怎樣評估小朋友上課真的吸收到~等同外面學校同級的知識?

billyyanst,
我都幫楹楹報左名, 聽聞11月會安排interview, 但個囡未係好識講野, 我都有d擔心, 今個星期六open day 我大約11點去, 睇下到時見唔見到你?

:

:

Rank: 4


	915

11^#

發表於 04-10-21 17:49 |只看該作者

Re: 油塘基督教臻美秀華幼稚園的親子嘉年華

dleelm:

我要下晝點零鐘先可以去到, 如果你未走到時見啦

Rank: 3 Rank: 3


	433

12^#

發表於 04-10-22 09:21 |只看該作者

Re: 油塘基督教臻美秀華幼稚園的親子嘉年華

Dleelm

小學情况，請參閱[小學雜談]的各臻美家長留言。

每級每年都有三次評估，多角度測試小朋友所學習的知識有多少。

小一至小三，語文着重小朋友培養聆聽與閱讀；高小才加強他們的寫與作。

我們不跟別人比較，只跟自己量度，是否有進步。我們是一條龍學校，不需為升中派位而考試，求分數跟其他同學比拼。不需為求好Band 1 比率，要讀深一年而跟其他學校比拼。我們可以按照各人不同的程度、情况，去令小朋友有自信地學習，像海綿慢慢吸水一樣，知識才會深刻。

Billyyanst

以往經驗，會面形式，多是一組家長，約十個家庭跟校長/副校長面談；內容主要是環繞臻美的教學理念。小朋友就會跟老師做一些評估。

曾經試過用day camp形式，用遊戲方式進行，但實在耗用很多人手。

Jackiesau

Rank: 3 Rank: 3


	433

13^#

發表於 04-10-22 23:39 |只看該作者

Re: 油塘基督教臻美秀華幼稚園的親子嘉年華

各位家長

返工，去不到嘉年華！小兒要去，可能想見返老師，惟有叫工人陪他返去玩！

有去的家長，可否有参觀後的留言。

Jackiesau

Rank: 3 Rank: 3

醒目開學勳章


	419

14^#

發表於 04-10-23 23:36 |只看該作者

Re: 油塘基督教臻美秀華幼稚園的親子嘉年華

Jackiesau

今天放工後立即回校,是次是本年度第一次回校. 發覺學校多了好多新面孔,整條長走廊的習作,令我目不暇給.

玩遊戲時與新老師接觸,她們俾我感覺好好,(好友善,好主動....)

整間學校都充滿歡樂氣氛,參觀的人數都好多. 從各個攤位的設計至整間學校的佈置,都能看得出學校及各義工家長的努力.

marco 在學校玩到不願走, 我們差不多玩至完埸才離開.

Rank: 3 Rank: 3


	433

15^#

發表於 04-10-24 21:57 |只看該作者

Re: 油塘基督教臻美秀華幼稚園的親子嘉年華

marcomama

多謝妳的分享。小兒亦玩了近一小時，見到幾位當時幼稚園而家又同一在臻美的同學。

jackiesau

Rank: 4


	915

16^#

發表於 04-10-24 23:45 |只看該作者

Re: 油塘基督教臻美秀華幼稚園的親子嘉年華

jackiesau & marcomama:

我個日有去到秀華, 我可以分享下我的感受同有d問題想請你地指教一下:-
1. 校園好乾淨, 地方都算幾大, 設施好新, 不過美中不足的是入校園之前的一段路原來好大大風, 冬天似乎會好涷, 還有是沒有露天的Playground (有時小朋友出身汗都幾好, 我覺得), 入面大肌肉活動的活不算多, 可能好快好玩悶, 我問過園長(佢都幾NICE)話會去小學個操場到玩, 但我估計應該唔會日日都去掛, 仲有佢地過去係唔係行過去呢

2. 當我個囝囝係度SIR 豬豬, 有幾個比較大的小朋友, 其中一個小妹妹有著住緑色校服, 我估計最少都有5-6嵗, 連同2個差不多年紀的男仔係條滑梯度玩捉依人, 但係見到D細佢地咁多(我個仔2.5YRS都未夠)的小朋友上到去都冇乜意識要讓, 繼續玩得好巔, 搞到我鬼咁驚要成日傍實佢, 請問呢間幼稚園D小朋友係咪都係咁Style? 對行為上的管教會唔會好寛鬆? (SORRY, 我明白這可能是某一兩個小友的影響, 係唔應該一概而論, 皆因小兒已的性格是唔太鍾意受束搏, 重要極之坐唔定, 如果在行為上太過寛鬆我怕第日會好難教)
3. 學生d project & 中個畫做得好靚, 真係令我大開眼界, 重有d感動 (雖然好多都係家長幫手做的) , 原來d小朋友的潛能得到適當的培育係可以發揮得好好

但係會唔會有好多親子的pjt, 因為我要返工, 而且冇7 / 8點都冇得放工果隻
4. 我最關心的問題是升上黃乾亨的百份比, 園長解釋得模稜兩可, 佢回應根據以住是大約有80%, 以2班k3升上去計而小學開3班計, 但如果今後的k1唔只開2班, 假設開到3班, 而小學又冇開多d班, 會令到秀華上黃乾亨的%降低, 如果到時得50%, 我又覺得冇乜安全感bor, 然後我又問左佢知唔道黃乾亨邊會以什麼準則去決定收唔收, 園長淨係話佢地有自己的方法去決定收唔收(即係冇答到)

5. 秀華有英文同普通話老師係黃乾亨果邊過黎教小朋友, 但係每樣只係一星期一堂(好似少左d) 因為以我所知黃乾亨果邊好注重三文兩語的
6. 到時如果上唔到黃乾亨而要去其他小學, 以秀華依家的程度出到去其它比較傳統的學校會唔會有問題

其實我個心都仲係十五十六, 唔知應該揀d傳統少少的學校還是黃乾亨呢類咁另類的學校, 黃乾亨比我感覺係一差隻腳落去就冇得返轉頭果種, 雖然我好buy果種教學理念, 但係始終係新, 就算完成整個中學課程, 上到大學又如何? 例如到時成十幾廿嵗先至要面對考試, 可能會比從少已經經歷考試的學生來講可能會重難面對, 你地有冇呢個感覺, 可唔以分享下
7. 黃乾亨雖然冇考試, 但係學習風氣係點呢? 會唔會少鬥心呢

唔好意思, 真係好多問題, 為人父母都想小朋友好, 又唔想幫佢揀錯路

:wink:

Rank: 3 Rank: 3


	158

17^#

發表於 04-10-25 09:13 |只看該作者

Re: 油塘基督教臻美秀華幼稚園的親子嘉年華

我23號都有帶小朋友去嘉年華玩下, 佢又係報了出年入讀, 但我今次去完後我唔會俾小朋友讀, 因年個嘉年華俾我的感覺一般, 我行了全場都係見到兩個老師, 家長義工又唔係太積極, 雖然學校佈置及設施都好好。但可能佢仲算新校未係好完善

Rank: 3 Rank: 3

醒目開學勳章


	419

18^#

發表於 04-10-25 15:15 |只看該作者

Re: 油塘基督教臻美秀華幼稚園的親子嘉年華

fu_fanny

真是 :cry: , 學校俾你有這樣感覺
但以我所見真不是這樣的. 你幾點去呀 ?

首先一入門 , 我見到書記小姐及一個家長義工派禮物,
接著, 見到園長及邱主任在大堂與家長交談
第1個課室, 王老師介紹同學們習作
第2,3,4,5個課室都有一個老師及一個以上的家長義工協助小朋友玩遊戲及手工.

再回到禮堂有家長義工派小食, 我們遇到楊校董,他還教MARCO 弄棉花糖,
接著食麥芽餅, 取氣球, 玩滑梯, 最後到魚池側,玩電子遊戲,
總共花了個多小時.

Rank: 3 Rank: 3


	158

19^#

發表於 04-10-25 15:26 |只看該作者

Re: 油塘基督教臻美秀華幼稚園的親子嘉年華

我大約11點鍾去到, 我去到都見唔到有人, 我走的時候先見到有位小姐派禮物, 停車場我見到一個人, 但佢不係好熱情話俾我知應該怎樣去, 我去到展覽室我有見到先生, 但我在其它課室見唔到, 可能因為人多無暇可招呼到每一個人, 校長同主任我就見唔到

Rank: 5 Rank: 5


	2122

20^#

發表於 04-10-25 16:12 |只看該作者

Re: 油塘基督教臻美秀華幼稚園的親子嘉年華

我都係11 點去, 真係好熱鬧, 比想像中多人, 我都覺得好少老師, 大部份係家長義工, 本來想問老師一些問題, 但最後都無問到, 因為老師忙著幫手玩遊戲, 有d 失望. 另外見到小朋友做的project, 真係好西利, 可見父母都用唔少心血, 親子時間真係唔小得. 請問高班的家長, 小朋友平均幾耐做一個project, 會唔會好多paper work 最後由父母擔任? 因見有部份project由電腦print out, 我估計小朋友未會用電腦打咁多生字.

‹ 上一主題|下一主題 ›

發新帖

熱門主題

最高瀏覽主題