關於集團
集團品牌
presslogic-logo
廣告查詢
工作機會
用戶登入
用戶名稱:
密      碼:
搜索
教育王國 討論區 小學雜談 我好唔開心,可能要放棄'培正'!
查看: 8614|回覆: 22
go

我好唔開心,可能要放棄'培正'! [複製鏈接]

Rank: 3Rank: 3


203
1#
發表於 04-5-11 20:30 |只看該作者

我好唔開心,可能要放棄'培正'!

我星期日同老公屋企人吵大獲,好唔開心,好唔開心!

我本來好高興咁話比佢地聽阿女考到'培正'!但佢地對阿女一句贊賞都無,重即刻同我老公計數,話俾$奶奶俾得少....mug野身份蘿蔔皮,讀私校...想高攀.....總之...成餐飯煩到我想死...返到屋企,老公又無意見/無反應/無所謂.....總之唔關佢事,家用係得咁多,自己唸掂佢!!好似個女佢無份架!!!!! :-x  :-x [size=large]已經冷戰左2日啦,真係好閔!!!!

Rank: 3Rank: 3


101
2#
發表於 04-5-11 20:47 |只看該作者

Re: 我好唔開心,可能要放棄'培正'!

唔好嬲, 個女係你既, 讀邊間學校其他人有意見未必要聽.
孩子的教育好重要, 我唔係話讀培正一定好, 但我同你一樣,好唔滿意你的家人的表現, 說甚麼新鮮蘿蔔皮呢d說話, 俾兒女讀名校有甚麼錯, 點可以自己標籤左自己不配讀.

不過, 只想提提你, 讀私校是一條很長的路, 別人的說話不用理, 但必須計清楚, 自己確實負擔得起, 否則他日要女兒轉校, 可能造成更大傷害.

培正是一間好學校, 千祈咪輕言放棄啊!

lulu4466

Rank: 5Rank: 5


3063
3#
發表於 04-5-11 22:47 |只看該作者

Re: 我好唔開心,可能要放棄'培正'!

qio,

咁其實妳老公係唔係想妳個囡讀官校或津校?「培正」確實唔錯,但如果真係唔讀,佢考慮俾妳囡囡讀邊間學校,如果妳參加咗「統一派位」,可以睇吓結果,再同佢傾,妳老公都有佢經濟煩惱嘅,係現今經濟環境下,佢可能驚如果一旦冇得工作,點負擔得起佢嘅學費,唔通到時先轉校,佢可能唔想。

妳同佢好好地相量,唔好堅持住非「培正」不可之信念,咁樣同妳老公去傾,平心靜氣d,慢慢達成共識,唔好各自企兩邊睇問題,於件事冇益,又傷大家和氣。

Rank: 5Rank: 5


2023
4#
發表於 04-5-11 23:02 |只看該作者

Re: 我好唔開心,可能要放棄'培正'!

qio,
其實好多家長情願想盡辦法(搬屋、借地址....)
都希望仔女入到一間心目中理想o既學校。
但係除左讀書之外,你仲要預佢參加其他課外活動。
依家無論校外或校內,都有好多費用不少o既課外活動。
所以,你除左要計算學費之外,仲要預筆錢係其他方面。
好多家長會報定d心水私校,再睇下統一派位結果,
好多時如果派位唔太差,d家長都情願讀官校/津校,
留番d錢俾仔女學樂器or其他課外活動。
始終決定權係你身上,所以你要好好考慮清楚!

Rank: 5Rank: 5


1188
5#
發表於 04-5-11 23:10 |只看該作者

Re: 我好唔開心,可能要放棄'培正'!

{ 週身兒女債 }套在只有 Daddy 打工來說,真係壓力架!

咁你是否在職?

Rank: 3Rank: 3


216
6#
發表於 04-5-11 23:29 |只看該作者

Re: 我好唔開心,可能要放棄'培正'!

Sorry to hear that, may i know how much for 培正 monthly school fee?

Rank: 3Rank: 3


203
7#
發表於 04-5-12 02:25 |只看該作者

Re: 我好唔開心,可能要放棄'培正'!

多謝你地回應,呻吓舒服左d!

培正學費一年要成2萬,對我屋企黍講,真係負擔,但又不至於比唔到。阿女而家幼稚園雖然讀救世軍,但都要比九百幾,差唔多成千銀啦。我都有唸過阿女讀全日小學後係屋企幫人湊多一個細b(現已有一個3歲啦!),我果份都夠比啦!如果唔係,阿女返學之後搵份part time,麥記又好,七記又得,賣野都唔緊要,2千蚊會搵到既。

我其實都係到等緊統一派位(首選麗城果間浸信會聯會),心大心細,因為都唔想咁細個要坐咁耐校車。(不過,如果派潮x/聖十x/象山x....做人父母,係咪要幫阿女留條後路先)。但係由放楞到宜家,果個死人頭一D意見都無,話之你 :-x  :-x 重要比佢家姐'kut",頂心頂肺!!!我又無話要佢地一亳子,駛唔駛咁講!佢自己住tuen mun,個仔咪又係出九龍油天讀,阿女話哂都係憑實力考番黍....愈唸愈hing..........


1272
8#
發表於 04-5-12 09:04 |只看該作者

Re: 我好唔開心,可能要放棄'培正'!

qio,

既然培正容許妳參加派位,便不用急於決定,先交留位費,待派位結果出了才作最後決定.

讀一間好的學校對小朋友日後發展有著很重要的影響.我記得曾有一個網友講過”我個人覺得,貴有貴養,平有平養,總不相信小朋友唔學彈琴、唔學游水、唔學跳笆雷舞會養唔大”,他的說話對我來說是當頭棒喝.所以要考慮的並非一定要讀培正,而是有沒有比培正更好的選擇,反而課餘活動豐儉由人.

男人要擔心的事其實不少,只是大男人心態,不會流露於表面,不要因第三者的說話而影響兩夫妻感情,不值得.
~~~~~~~~~~~~~~~~~~~~

Rank: 3Rank: 3


147
9#
發表於 04-5-12 11:51 |只看該作者

Re: 我好唔開心,可能要放棄'培正'!

qio,

唔好為左啲無為人嬲呀,唔值得架,啲無為人更係取笑你啦,因為佢哋唔抵得你個女咁叻丫馬,同埋驚你個女叻過佢哋啲細路,其實你嘅遭遇,我呀媽以前都受過好多,因為我呀哥讀到大學,我又考入左名校,而我依家(我個女抽到我以前嗰間學校),雖然啲人唔敢同我講呢啲說話,但我都知道佢哋個心好唔妥,因為佢哋個個都係度扮唔識間學校,幾搞笑架.

仲有,你要有心理準備,無論你個女讀邊間學校,都會有說話聽的,所以到時你可以當佢哋喺度唱歌就得喇.

至於老公方面,你都唔好怪佢,因為啲無為人係佢啲屋企人,我諗佢都唔會好受,又唔可以批評佢啲屋企人,因要面,所以佢為有保持緘默囉.

我覺得你做得好啱喎,你真係好有我呀媽嘅影子,我支持你架,如果抽唔到合心水嘅學校,就讀培正啦,辛苦啲都要,努力吧!

Rank: 5Rank: 5


3163
10#
發表於 04-5-12 11:57 |只看該作者

Re: 我好唔開心,可能要放棄'培正'!

當然在能力範圍內,會俾最好的給仔女。
既然不用他們付鈔,懶得理無謂人的閒言閒語。

Rank: 1


19
11#
發表於 04-5-12 13:03 |只看該作者

Re: 我好唔開心,可能要放棄'培正'!

你有冇試過問下培正有無機會申請減免學費,培正係教會學校,有都唔奇架。
我頭先

Rank: 5Rank: 5


3546
12#
發表於 04-5-12 15:24 |只看該作者

Re: 我好唔開心,可能要放棄'培正'!

qio:
如果抽唔到合心水嘅學校,就讀培正啦,辛苦啲都要,勞力吧!一間好的學校真是很重要的!千祈不要因為d閒言閒語而輕易放棄!
我個表弟細個時成日搬屋,差唔多兩年就搬一次,有時更密,但無論他住邊到,我姑姐都無幫他轉校,他由小學到中六都係讀培正,他現在是兒科醫生.

Rank: 3Rank: 3


216
13#
發表於 04-5-12 16:44 |只看該作者

Re: 我好唔開心,可能要放棄'培正'!

Dear qio,

我係你我一定fight到底, 到真係頂唔順先至放棄, 我發夢都想個仔能夠讀到培正, 你個女唔係讀培幼都考到培小, 你話佢幾叻同好彩, 千萬不可放棄o

請問你個女是否讀書好叻? 或者有其它強項? 我想知佢interview考什麼? 你個女是否表現得好好?

我一定撐你

Rank: 5Rank: 5


1814
14#
發表於 04-5-12 21:14 |只看該作者

Re: 我好唔開心,可能要放棄'培正'!

Dear qio,
我地十分支持你比個女讀培正啦。

第一、培正禁難考都考到,証明你個女有實力啦!你知嗎,有好多讀九龍塘名幼稚園的小朋友都考唔到,可想而之你個女一定好醒,雖然唔係讀名幼稚園但都令培正收佢。

第二,讀培正不應說是高'pa'什麼呢!一樣有好多公務員仔仔女女係度讀,近幾年平民化個以前很多呢。雖然唔係話讀左會'飛黃騰達',但起碼可以比到你優質教育。培正不論設施、師資甚至課程、升中出路都好D啦!

第三、你而家又唔係話要比個女讀一級貴價或一級名校,紙不過是憑住‘我拱得起、個女又讀得到’的心態。你又不是那種貪慕虛榮、報很多面試班、死都要借人豪宅地址報名個種呀。

你有問過你囡囡對培正的感覺嗎?你應跟她說‘爸爸和媽媽對你學業看法不一至,爸爸需然不太支持、但媽媽覺得這是一所十分好的學校、而你又叻女考到,媽媽的責任是拱你讀書,你的責任便是比心機讀書、你比心機爸爸媽媽便開心呀!’

不是施壓力、只是讓她感受下,免得你和你老公下一次又為囡囡的學業抄架時,令囡囡以為全是她的錯呀,為她帶來陰影。

還有,有些親戚永遠有彈冇讚,只識話人個仔女、但又唔識話自己個D。甚至有D會‘厭人富貴、(曾)人窮’你不要為她們的說話而激氣吧,你應為你囡囡咁叻考到培正而替自己和囡囡高興,個女係你生嫁…

we support up!

puibb
做人至緊要開開心心 :-D

Rank: 3Rank: 3


203
15#
發表於 04-5-12 21:46 |只看該作者

Re: 我好唔開心,可能要放棄'培正'!

[size=medium]我好感動啊!BK好溫暖!!多謝咁多位!!

[size=small]我本來是只等大抽獎的,但有同學仔媽咪報,我問左老師佢都話好,話阿女幾聰明,(我唔覺!其實佢好大意,成日照抄都抄錯 激死我!)所以咪報囉。
交表時我專登帶阿女去,(之後好似旅行咁又再去多次)問佢覺得呢度大唔大?又係門口睇左D學生上堂好耐,話比佢知讀小學就係咁架,如果想讀就要比心機答老師問題,要聽話,要乖.....等等。到考試日,我係2點,但上午10點就到,等佢知有咁多...咁多...人考,一定要有好表現...
約20分鐘佢就出黍,話老師比幅畫佢睇,(應該係2個朋友見到隻大熊,一人爬上樹,一人咋死.....)叫佢講故事..作結局。比D假硬幣,叫佢玩買野...大約係咁上下!
佢淨係考左呢間,又無D證書,真係好好彩!

Rank: 2


71
16#
發表於 04-5-13 01:57 |只看該作者

Re: 我好唔開心,可能要放棄'培正'!

我個女都考到培正呀! 因為經濟上只勉強負擔得到, 所以留了位等派位結果, 但係如果派唔到好學校, 我一定唔會放棄培正呀, 你唔好理人地講乜喇! 個女又唔係佢地的, 為左自己女女著想, 寧願辛苦D慳D駛囉! 唔好嬲你老公喇佢夾係中間都好難做, 你個女咁叻應該開心嫁! 唔好俾女女覺得因為佢你地嗌交呀!

Rank: 3Rank: 3


145
17#
發表於 04-5-13 07:37 |只看該作者

Re: 我好唔開心,可能要放棄'培正'!

我個人覺得,小朋友會好鍾意比較,例如放暑假去邊到玩(我朋友親身體驗),佢個仔係九龍某間名私校就讀,同學們都很喜歡作比較,例如用緊


1972
18#
發表於 04-5-13 09:01 |只看該作者

Re: 我好唔開心,可能要放棄'培正'!

提示: 作者被禁止或刪除 內容自動屏蔽

Rank: 3Rank: 3


200
19#
發表於 04-5-13 13:17 |只看該作者

Re: 我好唔開心,可能要放棄'培正'!

咁私校有冇獎學金,學費減免之類?

Rank: 1


19
20#
發表於 04-5-13 14:40 |只看該作者

Re: 我好唔開心,可能要放棄'培正'!

以培正來說,每年年尾總結成績後,都會有好多獎,當中包括學術或活動都有,有d獎(其實係大部份)都有獎學金,雖然只是寥寥幾佰元,但對學生實在是種鼓舞。
培正的舊生會實在很龐大,而且大多很慷慨,這也是這學校資源沖足的原因。
正如我之前講過,衹要學生家庭經濟有問題,都可申請減免學費。
‹ 上一主題|下一主題
返回列表
發新帖