請大家評評理(特別是做教師的爸媽)！唔該晒！ - 小學雜談 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 小學雜談 › 請大家評評理(特別是做教師的爸媽)！唔該晒！ ...

12 3 4 5 6 下一頁

發新帖

查看: 12581\|回覆: 116	go 請大家評評理(特別是做教師的爸媽)！唔該晒！ [複製鏈接]

Rank: 5 Rank: 5


	2023

1^#

發表於 04-4-29 04:52 |只看該作者

請大家評評理(特別是做教師的爸媽)！唔該晒！

囡囡讀小二，成績不俗，一向默書冇100，都90幾。
剛剛一次英文背默，全篇正確，唯獨orange juice,
默成orange-juice, 文中有兩個orange juice & 一個apple juice, 結果因為寫多左三個hyphen, 被扣左13分，
個老師count佢2個mistakes (@5 points) + 3個punctuation (@1 point)!!
請問這樣的批改合理嗎？
如果根據佢的批改方法，sister's 漏左 apostrophe,
咁米要扣1 mistake + 1 punctuation????

請給意見！Thanks!!

Welcome to Howie & Quinnon's homepage!!

Rank: 5 Rank: 5


	2023

2^#

發表於 04-4-29 09:14 |只看該作者

Re: 請大家評評理(特別是做教師的媽媽)！唔該晒！

Welcome to Howie & Quinnon's homepage!!

Rank: 14

王國長老


	5044

3^#

發表於 04-4-29 09:41 |只看該作者

Re: 請大家評評理(特別是做教師的媽媽)！唔該晒！

我覺得分數係比老師扣左，但如果因為扣了咁多分而令你個女唔開心，佢一定會記住佢，今次錯得咁唔抵，以後到佢老我都肯定佢唔會錯番同一個mistake，因為我細個都係咁既。Education係一個life long journey,而家小二一個小小的扣分影響唔大，最重要係佢學得正確，錯是錯，對是對。

Rank: 5 Rank: 5


	3546

4^#

發表於 04-4-29 10:47 |只看該作者

Re: 請大家評評理(特別是做教師的媽媽)！唔該晒！

babyhowie:
如果你覺得唔合理,你有否問番任教的老師?因為通常標點符號錯只會扣部分分數的.

Rank: 5 Rank: 5


	2023

5^#

發表於 04-4-29 11:06 |只看該作者

Re: 請大家評評理(特別是做教師的媽媽)！唔該晒！

剛剛番學校同老師理論，
佢話佢冇計錯分，
學校o既marking scheme係咁，
佢話我個女誤將orange juice兩個字，
寫成orange-juice一個字，
所以要扣1mistake + 1punctuation！ :-x
唉，規矩係死o既，人係生o既，
總之依家一句講晒，學校係咁set，
你唔憤氣都冇計，等於人大釋法，
你有權改變嗎？

Welcome to Howie & Quinnon's homepage!!

Rank: 5 Rank: 5


	2023

6^#

發表於 04-4-29 11:11 |只看該作者

Re: 請大家評評理(特別是做教師的媽媽)！唔該晒！

麟媽媽 & mayc,

多謝你地回應我呀！
老實講，呢單o野真係點都唔服！
不過，官(學校)字兩個口，
佢一句撻埋黎話係學校o既制度，
我地作為家長o既仲可以點？
如果亞女實實在在串錯兩個字都話心甘命抵呀，
依家只係寫多左3個hyphens要扣13分，
我點都唔憤氣架啦！ :-x

Welcome to Howie & Quinnon's homepage!!

Rank: 5 Rank: 5


	3546

7^#

發表於 04-4-29 11:40 |只看該作者

Re: 請大家評評理(特別是做教師的媽媽)！唔該晒！

我都覺得今次扣左便算,最緊要係你知個囡唔係唔識,有時候小學係好緊的,上次我個仔問我個"球"字有無勾,我話有,點知佢本中文書係無,他作業錯,默書錯,測驗錯,令到他無100分,以後我都唔敢答佢,叫佢睇下書點寫!

今次測驗是他寫個"影"字,擦唔乾淨,個"日"字好似有兩劃,但係人都睇到係擦唔乾淨的鉛筆印,但係老師都扣了他5分.

Rank: 3 Rank: 3


	147

8^#

發表於 04-4-29 11:42 |只看該作者

Re: 請大家評評理(特別是做教師的媽媽)！唔該晒！

babyhowie,

唔好唔憤氣喇,分數啫,總之知道錯喺邊,咁下次就唔好再錯就得啦,我唔知依家啲學校點樣計分,但喺我嗰個年代,就已經當錯兩個字架喇,你依家應該唔好勞氣,應該解釋清楚畀你個小朋友聽,有陣時啲標點符號都好重要的,尤其是加喺兩個字嘅中間,好似orange-juice咁,喺外國人眼中係無意思的,即等同我哋中國字咁,無端端加多一畫咁,整個字就變左無意思了,真係要小心啲,以後唔好再畫蛇添足喇.

Rank: 5 Rank: 5


	2023

9^#

發表於 04-4-29 11:58 |只看該作者

Re: 請大家評評理(特別是做教師的媽媽)！唔該晒！

Thanks for all your replies!!

某程度上，呢個已經成事實，
但係作為父母，都希望盡量為個女爭取！
見佢咁用心溫習，結果小小錯誤就冇左十幾分，
真係好hurt個小朋友，對佢黎講，亦好discourage!!

我覺得今時今日d老師，有時候會唔會過份吹毛求疵？
好似mayc所講o既case多的是，
一個字出頭唔出頭，有勾冇勾.....洗唔洗咁吹毛求疵？
大大下，好似依家咁，寫草書，又點睇到出頭唔出頭，有勾冇勾？

唉，依家d小朋友讀書都好慘，做父母o既就更加肉赤！

Welcome to Howie & Quinnon's homepage!!


	1972

10^#

發表於 04-4-29 12:37 |只看該作者

Re: 請大家評評理(特別是做教師的媽媽)！唔該晒！

提示: 作者被禁止或刪除內容自動屏蔽

Rank: 5 Rank: 5


	2023

11^#

發表於 04-4-29 12:48 |只看該作者

Re: 請大家評評理(特別是做教師的媽媽)！唔該晒！

wunma,

多謝你o既回應！

可能從未遇上此問題，一時間都未能接受！

記得以前自己讀書，印象中冇咁嚴格，
串錯字就計mistakes，標點就標點，
以前個字多左個"s"，都最多係扣1分，
從未見過一個字內又扣mistake，又扣punctuation!!
有時覺得老師容許自己有錯，而對學生就如此嚴格，
我同我先生&一個朋友講呢件事，
佢地都覺得如此marking scheme很不合理，
只多寫了3個hypens就要扣13分，
會唔會嚴懲左d？
只係十分之"登"個女唔抵，
相信佢知道我談判失敗，一定會好失望！

Welcome to Howie & Quinnon's homepage!!

Rank: 3 Rank: 3


	245

12^#

發表於 04-4-29 13:00 |只看該作者

Re: 請大家評評理(特別是做教師的媽媽)！唔該晒！

若我是老師,我只會扣一分,即是多了一個“-”号。政府納稅也會避免double tax啦。不合理! :-x

Rank: 5 Rank: 5


	1115

13^#

發表於 04-4-29 13:02 |只看該作者

Re: 請大家評評理(特別是做教師的媽媽)！唔該晒！

babyhowie

據理力爭是對的，你心痛個女亦人之常情。

不過我建議你不要將呢件事講比個女聽，亦唔好在女兒面前批評老師或這個評分制度，只宜輕輕帶過，今次扣了分唔緊要，學習接受失敗，下次再努力!
呢13分唔會白白無o左! 從中學習面對成敗得益更大!

Rank: 5 Rank: 5


	1192

14^#

發表於 04-4-29 13:28 |只看該作者

Re: 請大家評評理(特別是做教師的媽媽)！唔該晒！

babyhowie,

我認為你的小朋友是識orange juice的, 但就對於hyphen有一些誤解. 我認為老師只要扣punctuation的分便可. 老師這樣做真是有些為難個學生, 更何況那位學生平時是一個表現不錯的學生.

不過老師選擇用甚麼方式或態度教學, 我們控制不了, 所以我們做家長亦要花時間留意和衡量老師的教學方式, 再輔導一下小朋友.

親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.

Rank: 2


	38

15^#

發表於 04-4-29 15:01 |只看該作者

Re: 請大家評評理(特別是做教師的媽媽)！唔該晒！

我很明白你的心情, 小兒就讀的小學都是非常嚴緊.
初初都很不開心, 後來就習慣了.
亦令小兒以後小心了很多.

老師的立場是有錯就要圈出來,
就算是無傷大雅的小小小錯, 甚至根本不是錯, 都要扣足分. (例如一些中文字的字形)
我不是看重分數, 是覺得這樣會打擊了個小朋友的自信心.
但在老師的立場是一定要個小朋友跟足學校的那一套!我就向小兒解釋這是你學校的政策, 不是所有學校都是這樣. 既然你在這學校讀書, 就要守這裡的規矩.
只要老師說得清清楚楚就得了.

Rank: 4


	754

16^#

發表於 04-4-29 15:36 |只看該作者

Re: 請大家評評理(特別是做教師的媽媽)！唔該晒！

定下一個計分方法，就人人平等啦。

Rank: 5 Rank: 5


	2023

17^#

發表於 04-4-29 17:08 |只看該作者

Re: 請大家評評理(特別是做教師的媽媽)！唔該晒！

多謝大家花時間回應我！衷心感激！

說實話，呢件事對我同個女o既打擊都唔少！
對學校方面就更加好似無言以對！

基本上，做家長o既好多時都唔敢咁多聲氣，
怕之後老師們會更加"注意"呢個學生！

有一次我同先生係閒日食晏，
咁岩隔離係一班在任老師，
佢地談論o既話題，正正係d學生家長，
討論邊位麻煩、邊位有錢時常送禮，
雖說老師也是人，
但某程度上在公眾場所應避免某些話題，
以免影響形象或是引至不必要的誤會。

不過，今次既成事實，
就當用extra 的10分去買個教訓！

學習不是求分數，
咁學校係教育o既地方，
老師應該因循施教，
而唔係只管麻木去批改學生的作業。

香港o既教育制度幾時先追得到外國？

Welcome to Howie & Quinnon's homepage!!

Rank: 14

王國長老


	5044

18^#

發表於 04-4-29 18:09 |只看該作者

Re: 請大家評評理(特別是做教師的媽媽)！唔該晒！

其實好多學校都捉得好緊的，不要看少一些你認為是很小的毛病，無傷大雅，但對你女兒是好的，人係需要從錯誤中學習的。不要讓女兒覺得你和她同一陣線對抗學校，咁對佢唔好的，而家D細路最大既問題係 – 佢地永遠覺得自己無錯，全都係人地錯晒…
我仔有一個case比你個更過份。我仔K.3學期頭已要中/英文默書，英文班主任是一外籍男老師。亞仔放學哭哭啼啼，說他默到一大半時小朋友問佢野，佢答之後西人老師抽起他兩個的默書紙，只說了一句:”You two got ZERO!!”佢不停說人地問我先，又唔關我事，點解要Zero？因佢一早已溫習好，佢仲話點都唔應該係Zero，因為佢已默了一大半！
如果係你，你會點？
我亦覺老師有點過份，只是第2次默書罷！唔使咁嘛？但見亞仔咁樣，覺得係時候teach him a lesson。我說認同老師做法，錯就是錯，下次再傾再zero。佢之後收了聲，我亦解釋了默書的規舉他聽，他點著頭說明白。我第日私下搵過老師問下咩事(亞仔唔知的)，老師亦是說想比他們一個教訓，因佢地成日無心記住，特別係D男仔。之後老師比亞仔重默，今次梗係100分喇！亞仔不知幾開心，話teacher話比多次機會佢地！自始亞仔默書都唔敢四圍望，同人傾計。
我覺得學校同家長要walk hand in hand先可達到教好小朋友的效果，希望你勞氣過後再諗下，可能諗法會唔同左。

Rank: 5 Rank: 5


	2052

19^#

發表於 04-4-29 20:31 |只看該作者

Re: 請大家評評理(特別是做教師的媽媽)！唔該晒！

我覺得只要老師不是針對小朋友，所有學生一視同仁，同一評分準測，嚴格點是好的。
我是一個中學數學教師，所以對你女兒的英文老師批改方法是否過嚴不能下判斷。但我以教數學的角度，我的學生的小測卷中如果有一個單位寫錯，就算全卷答對，我也會扣5分，學生有時也會抗議，因為如果他們能得100分，我會送獎品給他。或者有時他們的答案相差少少，例如3.52cm寫作3.53cm，我也會扣分。學生會認為相差0.01cm，沒有所謂，何必執著，但我會解釋在量度身高當然沒所謂，但當你在計算大額數量，或需要精細的計算時，這誤差便變得重要。當他們錯多一兩次後，便會知道要改正過來，不再犯同樣的錯誤了。
小時候碰釘，需付出的代價很少。但如果不及早改正，養成「差不多」的習慣，到長大才碰釘，便需付的代價便昂貴得多少。我的朋友是一名船務文員，她曾經將一張1000美元的單據看成10000美元開票給人，結果便給解僱了。
同時亦想你明白大部份老師都不是因循苟且，而是我們一定要有一套規則立場，對所有學生一視同仁，否則的話，如何能服眾呢？希望你不要因這件事而將學校和自己放在對立的立場上。小朋友很聰明，她會在你平日的言談中感受到而仿傚，我曾經有一個中一學生，她常常欠交功課，我們當然約見她的家長。但她的家長都支持她，認為學校的功課壓力太大。最後我們都沒辦法，只好由她欠交，追得幾多便幾多。到這女生升上中四後，功課自然一落千丈，並且結交異性朋友，不聽父母勸專心學業，家長求助我們亦只能愛莫能助，因該女生一早已知道我們是沒她辦法的。
以上只是我將老師的立場和看法分享出來，希望能對你有幫助。
cathy

Rank: 3 Rank: 3


	440

20^#

發表於 04-4-29 22:51 |只看該作者

Re: 請大家評評理(特別是做教師的媽媽)！唔該晒！

一個問題:
2個 orange-juice = 1 mistake (spelling), 點解 2 個 hypen (in the case of orange-juice) 又唔 = 1 mistake?

1個 analogy (true story):

我覺得今時今日d老師，有時候會唔會過份吹毛求疵？
好似mayc所講o既case多的是，
一個字出頭唔出頭，有勾冇勾.....洗唔洗咁吹毛求疵？
大大下，好似依家咁，寫草書，又點睇到出頭唔出頭，有勾冇勾？

70-80 年代老師教 "You and I" 是 correct and formal. 現在寫 "You and me" 都 acceptable, 反正一樣 meaning. 但用開 "You and me" 的新一代 (奉旨地) 話 "you and I" 是錯 grammar. 如果你話 outdate, 尚可接受, 但話係錯就好似有問題. 所以老師吹毛求疵可以理解.

又不要太著眼分數. 100 分當然第一, 但99分(第二高分)未必排第二, 事關當有好多人都100分, 99分可變包尾. 如果咁就要勞氣, 就白費.

來日方長,加油.

‹ 上一主題|下一主題 ›

12 3 4 5 6 下一頁

發新帖

熱門主題

最高瀏覽主題