英文唔係咁好既媽咪平時點教小朋友做功課? - 和富慈善基金李宗德小學 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 和富慈善基金李宗德小學 › 英文唔係咁好既媽咪平時點教小朋友做功課? ...

發新帖

查看: 4800\|回覆: 39	go 英文唔係咁好既媽咪平時點教小朋友做功課? [複製鏈接]

Rank: 5 Rank: 5


	4036

1^#

發表於 08-5-21 10:02 |只看該作者 |倒序瀏覽 |打印

我個仔依家讀緊k1,據聞下年就要簡學校,想同佢報李宗德,,但我英文真係唔多掂,一大堆問題真係諗到我好驚,點同佢做功課呢?如果用補習老師咁我又唔知佢既進度去到邊?學校既通告及同家長既溝通又係咪英文?有冇人可以答下我呀?

Rank: 5 Rank: 5

醒目開學勳章


	1902

2^#

發表於 08-5-21 15:02 |只看該作者

第一, 學校通告中英對照, 第二,小一功課不深, 我與先生每天也很夜回家, 孩子也自己做功課, 一般有中學程度的家長也能教導自己的小朋友。

原文章由 子峰mama 於 08-5-21 10:02 發表
我個仔依家讀緊k1,據聞下年就要簡學校,想同佢報李宗德,,但我英文真係唔多掂,一大堆問題真係諗到我好驚,點同佢做功課呢?如果用補習老師咁我又唔知佢既進度去到邊?學校既通告及同家長既溝通又係咪英文?有冇人可以答下 ...

Rank: 5 Rank: 5


	4036

3^#

發表於 08-5-21 16:01 |只看該作者

原文章由 wawaliluk 於 08-5-21 15:02 發表
第一, 學校通告中英對照, 第二,小一功課不深, 我與先生每天也很夜回家, 孩子也自己做功課, 一般有中學程度的家長也能教導自己的小朋友。

多謝你既回覆,有中英對照都好d,我就係得中學程度好驚應付唔黎,小一小二可以,咁打後呢.....

Rank: 5 Rank: 5

醒目開學勳章


	1902

4^#

發表於 08-5-21 16:38 |只看該作者

因我個仔是小一, 不知之後的功課會否深奧, 但每位家長也希望小朋友接受良好教育, 李宗德給我感覺是教學活動, 老師年輕有活力, 不用太擔心自己的英文程度, 而抹殺選一間好學校, 或者你與孩子一同學習, 當親子活動也好。

Rank: 5 Rank: 5


	3153

5^#

發表於 08-5-22 01:08 |只看該作者

原文章由 子峰mama 於 08-5-21 10:02 發表
我個仔依家讀緊k1,據聞下年就要簡學校,想同佢報李宗德,,但我英文真係唔多掂,一大堆問題真係諗到我好驚,點同佢做功課呢?如果用補習老師咁我又唔知佢既進度去到邊?學校既通告及同家長既溝通又係咪英文?有冇人可以答下 ...

子峰媽 :

實不相瞞 , 我地兩公婆既英文都唔掂 , 簡直可以用個"差"架嚟形容 , 當初都好擔心 , 但發覺 , 其實唔係想像中咁差 , 阿仔P.1 時既功課 , 係我自己跟 , 當然 , 好多我都唔係好識 , 尤其係SCI , 數學又用英文解題 , 一堆又一堆既英文 , 我睇見都怕 , 不過 , 我用過來人身份同你分享 , 唔識一D都唔出奇 , 就算你大學畢業又點 ? 我地果個年代所學既 , 同呢個年代跟本就唔一樣 , 好記得P.1時有份假期功課 , 係ENG 既Phonic , 你睇落好似唔難 , 但我話你知 , 我問我身邊既朋友 , 由F.5 - 大學程度既都有 , 都冇個識做 , 唔係因為佢地冇留心聽書 , 而係果陣時跟本就冇PHONIC 比我地讀 , 最後搭上搭先問左個英國朋友 , 佢地果邊好細過就開始學PHONIC , 先做倒果本功課咋 !

我果陣都係同自己講 , 唔識咪同阿仔一齊從新學起囉 , 有幾難 , 其實係件好事 , 因為當中你亦可以溫故知新 , 但今年阿仔就出去補習社做功課喇 ! 唔係話D功課太深 , 而係阿仔喺屋企跟本就集中唔倒精神做功課 , 為怕影響我地親子關係 , 冇辦法下只好送佢去補習社做功課 , 當然.... 哽係有好有唔好啦 ! 好既就係我唔駛再日日好似傻婆咁鬧仔 , 小朋友又唔駛日日比我"哦" 大家既親子關係就從此得到改善... 壞處就係 , 同上年對比 , 我今年真係學少好多嘢 , 以前我唔識就會即時問佢 , 同佢一齋查字典 , 佢學到邊 , 學堅咩都會知 , 但而家呢 ....

同埋可以同你分享多少少 , 喺新學期既時間 , 盡量主動少少去識D同班或同級既媽咪 , 同佢地交換電話 , 就算第日真係有功課唔識 , 或者好似我咁 , 阿仔一齋又唔記得帶呢樣 , 唔記得抄果樣時 , 喺冇時間或冇電腦上網既時間 , 都可以即打比D媽媽們 , 咁就唔駛估估吓啦 ! ^^

朱家有個小豬B,人人叫佢做家熹!
【醒世文】- 頭四句父母不親誰是親不重父母重何人你若重他十六兩後代兒孫還一斤千兩黃金萬兩銀有錢難買父娘身在堂父母百年稀生時不孝死後悲

Rank: 5 Rank: 5


	4036

6^#

發表於 08-5-22 09:02 |只看該作者

原文章由 wawaliluk 於 08-5-21 16:38 發表
因我個仔是小一, 不知之後的功課會否深奧, 但每位家長也希望小朋友接受良好教育, 李宗德給我感覺是教學活動, 老師年輕有活力, 不用太擔心自己的英文程度, 而抹殺選一間好學校, 或者你與孩子一同學習, 當親子活動也好 ...

你講得都好有道理,冇理由因為自己未夠料而抹殺亞仔入一間好學校,就當係同佢一齊學啦,如果入到既話......

Rank: 5 Rank: 5


	4036

7^#

發表於 08-5-22 09:18 |只看該作者

原文章由 家熹媽咪 於 08-5-22 01:08 發表

子峰媽 :

實不相瞞 , 我地兩公婆既英文都唔掂 , 簡直可以用個"差"架嚟形容 , 當初都好擔心 , 但發覺 , 其實唔係想像中咁差 , 阿仔P.1 時既功課 , 係我自己跟 , 當然 , 好多我都唔係好識 , 尤其係SCI , 數學又用 ...

家熹媽咪:
真係十分感謝你花咁多時間為我講解,一直以黎我都有睇你o係度講既野架,得到你地支持我心都定好多,但想再請教下你,可否講講當初你係點選校架?因以我所知,係唔可以同一時間選直資同津校,除李宗德外,我另外都有2間心儀既津校,如果我首選李宗德,咁我係咪唔可以同時再報果2間津校呢?咁萬一李唔收我仔咁點算呢?又或者掉轉,可唔可以如果我選心儀津校先,到派唔到果陣再報李呢?其實實則係點既呢?請指教

另~~你係全職定在職媽黎架?

WW

Rank: 5 Rank: 5


	1127

8^#

發表於 08-5-22 14:34 |只看該作者

原文章由 子峰mama 於 08-5-22 09:18 發表

家熹媽咪:
真係十分感謝你花咁多時間為我講解,一直以黎我都有睇你o係度講既野架,得到你地支持我心都定好多,但想再請教下你,可否講講當初你係點選校架?因以我所知,係唔可以同一時間選直資同津校,除李宗德外,我另外都 ...

九月份政府就會派表給 K3 家長, 揀選心儀o既一間小學, 家長可以照樣填寫及交返去o個間小學度. 而李宗德小學會係八月左右就開始接受報名, 妳亦都可以照樣填表申請. 通常李宗德會係十月就會一次過約見面試, 收生結果幾日後就會上網公佈, 如果李宗德收左妳小朋友, 佢會要妳返學校交留位費及簽紙放棄政府o既小一派位. 如果妳宗德唔收妳小朋友又或者係後補生, 都唔會影響第一輪派位結果.

我朋友有經驗就係佢小朋友係李宗德後補生, 第一輪又入唔到心儀小學, 到第二輪派位前一日, 李宗德打電話俾佢, 問佢仲會唔會讀, 俾左一日時間佢考慮, 但係因為第二日佢小朋友派到第一志願, 佢最後都係決定讀官校.

歡迎有時間黎我o既部落格睇睇 http://hk.myblog.yahoo.com/babyszewai

Rank: 5 Rank: 5


	4036

9^#

發表於 08-5-22 16:56 |只看該作者

原文章由 WW 於 08-5-22 14:34 發表

九月份政府就會派表給 K3 家長, 揀選心儀o既一間小學, 家長可以照樣填寫及交返去o個間小學度. 而李宗德小學會係八月左右就開始接受報名, 妳亦都可以照樣填表申請. 通常李宗德會係十月就會一次過約見面試, 收生結 ...

多謝你,講解得好清楚,但知唔知大抽獎統一派位係大約幾時揭曉?

Rank: 3 Rank: 3


	194

10^#

發表於 08-5-22 22:01 |只看該作者

一點意見給各位家長

原文章由 子峰mama 於 08-5-22 16:56 發表

多謝你,講解得好清楚,但知唔知大抽獎統一派位係大約幾時揭曉?

小兒在李宗德已讀了近五年，自小三後發覺功課真的愈來愈深。小一和小二，大部份孩子的距離不大。小三開始有一些被拋離。小四下學期，已經有30%同學跟不上。小五上學期，已有一班同學不見了(因6班減到5班)。其中有不小更是插班生，可見淘汰之慘烈。小五一開始，功課倍增，quiz不斷。兒子告訴我，每次只有不多於1/3人合格。但合格的人之中，只有小數人成績突出。老師全英語上science和maths，大部份同學要求中文解釋。老師不會回應。其實李宗德的課程和其他傳統名校如DBS, SPCS，DGS差不多，或許更深。如果在本校可名列前茅，一直到小六畢業。我相信在香港任何一間名牌中學都可入精英班。

但如家長不能堅持，或對校方有懷疑。便要細心考慮自己的孩子應否入李宗德。因為跟不上的同學雖然會有輔導(上SEN)，但自信心會大受打擊。

其實學校是硬件，家長才是軟件。如果把教好孩子的任務全交給老師是很危險的。李宗德不是100%老師教得好。我兒在五年內都遇上不稱職的老師，以致成績倒退。我便在家中為他補課，還借此事讓他知道︰「世事並不盡如人意，學習全賴自己努力。」

我在這裡常看到小一至小三的家長留言。但自從小六家長埋怨呈分試後，便不再有高年班的家長留言了。其實今年小六數學考試真的很差，但不合格的學生都有李兆基收。可見李宗德的學生是有「實力」的。錯不在學生和校方，學校的功課真的很深。我把小五和小六停課時的英文和數學功課dowmload下來，找一般英中的初中生做，都有人說深。各位家長不要看輕小一至小三的打底功夫，追不上就追不上，到小五便會很辛苦。希望小小意見能幫到各位。

Rank: 5 Rank: 5


	3153

11^#

發表於 08-5-23 01:06 |只看該作者

原文章由 子峰mama 於 08-5-22 09:18 發表

家熹媽咪:
真係十分感謝你花咁多時間為我講解,一直以黎我都有睇你o係度講既野架,得到你地支持我心都定好多,但想再請教下你,可否講講當初你係點選校架?因以我所知,係唔可以同一時間選直資同津校,除李宗德外,我另外都 ...

子峰媽 :

唔駛客氣 , 我都經過你而家呢個階段 , 果陣好無助 , 想搵人問吓 , 但果陣時好多家長都睇多過覆 , 所以都係問d自己相熟既家長拎料 , 時代唔同咗 , 好多家長都透明度咗 , 大家亦多咗暢所欲言 , 希望第日有機會 , 你地都可以幫返其他家長啦 !

我自己揀學校 , 就係多聽/多聞/多睇 ... 因為李宗德果陣係區內唯一一間唔係私立既小學 , 講真 , 好多家長都想搵所英小 , 但又唔駛交學費既小學比佢地讀 , 但邊有咁so , 哈 ~

阿仔讀緊K1時 , 自己就不停打聽 , 不停咁八 , 當中聽倒/睇倒/聞倒既都好壞各半 , 但因為佢係活動教學 , 加上阿仔D格好難坐得定 , 先同佢揀呢間 , 到K2 參觀埋校舍 , 我就哽加鍾意喇 ! 其實揀校既嘢 , 真係各有所好 , 我鍾意"佢"少功課 , 多活動 , 但亦有好多家長反感 ...

我個人愚見就係 , 家長可因應小朋友本身性格 , 個人喜好 , 接受既程度去揀學校 , 唔好太盲目去揀學校 , 最怕就係 , 人家話好 , 就不問不聞咁去揀 . 每間學校都一定有好處 , 亦有唔好處 ... 但有樣嘢係千真萬確 , 李宗德係一所直資小學 , 家長係需要比錢入去讀 , 相對地 , 所要求既 , 亦比律校既多 , 比律校既緊 ! 什至我亦親耳聽過 , 有家長話 , 呢間學校不知所謂 , 比錢讀重要衰過唔駛錢果D ....

其實大家都好明白 , 人係有要求 , 遇上問題係一定要要正視 , 所以 , 你或許會對呢間學校有所祈望 , 但呢D都唔係重點 , 重點係 " 甘願造 , 歡喜受 " 有好多嘢 , 未必會如你所願 , 就好似 , 小朋友每年既成績 , 佢地每年所轉既班主任 , 老師係咪個個都咁追質數等 ... 呢D問題 , 喺地球上每間學校都一定會有 , 太執著只會令自己唔開心 , 同埋自尋煩惱 ...

天水圍好既學校好多 , 每間都有"佢地"可取之處 , 但記住 , 冇一間學校係會冇"反對"既聲音 , 就算再好 , 都一定有人唔鍾意 . 傳統學校有佢既fANS , 直資同私立都有 , 只係家長們所想要既嘢都唔同 , 如果你小朋友適應力強 , 又可以接受傳統教法 , 其實係好架 ! 因為果類學校既校規會比較嚴 , 小朋友會比較有規有矩D .

至於同步入紙 , 直資一般都會比律校早放榜 , 如果你被取錄既話 , 就要想清楚自己係咪真係要喇 ! 最好比定理澤備自己 , 到時收既 , 會點呢 ? 就算唔得既 , 其實都冇壞 , 因為喺面試既過程中 , 小朋友都係有得著架 ! 就當比小朋友見識吓囉 ! ^^

朱家有個小豬B,人人叫佢做家熹!
【醒世文】- 頭四句父母不親誰是親不重父母重何人你若重他十六兩後代兒孫還一斤千兩黃金萬兩銀有錢難買父娘身在堂父母百年稀生時不孝死後悲

Rank: 5 Rank: 5


	3153

12^#

發表於 08-5-23 01:34 |只看該作者

原文章由 tongyimtong 於 08-5-22 22:01 發表

小兒在李宗德已讀了近五年，自小三後發覺功課真的愈來愈深。小一和小二，大部份孩子的距離不大。小三開始有一些被拋離。小四下學期，已經有30%同學跟不上。小五上學期，已有一班同學不見了(因6班減到5班)。其中有不小更是 ...

Tongyimtong :

感恩你比機會我地抵年級家長更了解高年級家長既心情 , 我都好明白 , 有好多家長都好多怨言 , 過往既高年級家長們 , 佢地都係想發洩一下 , 但同時間 , 作為抵年級家長既我地又如何 ? 當然 , 成績未如理想既 , 可以轉校 , 但不高不抵既又點呢 ?

我好欣賞「世事並不盡如人意，學習全賴自己努力。」老師們都不過係我地班小寶貝既踏腳石 , 前路點行 , 唔係在於老師們用咩方法 , 用咩態度去教 , 小朋友本身都應該同我地家長一齊並肩作戰 , 各我地一齊去承擔呢份責任 ...

讀咗兩年既我 , 真係睇倒好多嘢 , 我仔成績呢一年都唔係太好 , 你話老師問題咩 , 我會反問 , 點解其他同學仔既成績又咁好 , 當然 ... 有d小朋友本身聰明 , 一點就明 , 但我都唔會沒殺咗d真係有出盡心機 , 血力既小朋友既努力 , 就如你所講 , 一間學校總會有唔同程度既老師 , 就算程度相同 , 但人格又係咪成正比 ? 答案係唔一定 ....

作為家長既 , 亦係小朋友既良師益友 , 除咗喺學習上比意見佢地之外 , 更要教好佢地 , 如何自理 ? 如何面對逆境 , 我身邊曾有朋友因為老師針對自己小朋友而轉校 , 但在我角度 , 如果新學校又遇上呢呢個問題 , 又如何 ? 再轉 ? 其實唔單止老師同學生既關係要打得好 , 就連家長同老師既關係都要打好 , 先可以發輝得更好 ! 呢點我唔覺得係咩"擦鞋" 而係溝通 ... 打電話好 , 寫信好 , 就算面對面傾都冇問題 , 只要大家一齋正視 , 唔會有解唔開既結 !

再一次感恩你既回應 , 希望日後都有更多高年級家長 , 分享一下 ! 只要係心平氣和下 .. THZ~

朱家有個小豬B,人人叫佢做家熹!
【醒世文】- 頭四句父母不親誰是親不重父母重何人你若重他十六兩後代兒孫還一斤千兩黃金萬兩銀有錢難買父娘身在堂父母百年稀生時不孝死後悲

Rank: 5 Rank: 5

醒目開學勳章


	1902

13^#

發表於 08-5-23 15:12 |只看該作者

其實, 未報李宗德時已知小二用全英語, (因我有很多朋友的子女就讀小二至小六), 老師不會再用中文解釋, 但試想一吓, 未嘗不是一件好事, 孩子的英語基礎, 便從小而立。
上課時雖有些不明白, 但如果家長能預先與孩子講解課文內容, 中文亦可, 讓小朋友有一個概念, 再上課時就能對老師英語授課有所領悟。
但我亦知此方法需要家長多些陪伴子女, 所以我都覺得前路難行, 因我工作時間長, 所以要多些和其他家長交流、支持和鼓勵。

quote]原文章由 tongyimtong 於 08-5-22 22:01 發表

小兒在李宗德已讀了近五年，自小三後發覺功課真的愈來愈深。小一和小二，大部份孩子的距離不大。小三開始有一些被拋離。小四下學期，已經有30%同學跟不上。小五上學期，已有一班同學不見了(因6班減到5班)。其中有不小更是 ... [/quote]

Rank: 5 Rank: 5


	4036

14^#

發表於 08-5-23 15:17 |只看該作者

原文章由 tongyimtong 於 08-5-22 22:01 發表

小兒在李宗德已讀了近五年，自小三後發覺功課真的愈來愈深。小一和小二，大部份孩子的距離不大。小三開始有一些被拋離。小四下學期，已經有30%同學跟不上。小五上學期，已有一班同學不見了(因6班減到5班)。其中有不小更是 ...

咁你仔仔一直有冇補習老師跟呢?佢跟唔跟得上呀?

Rank: 5 Rank: 5


	4036

15^#

發表於 08-5-23 15:35 |只看該作者

原文章由 家熹媽咪 於 08-5-23 01:06 發表

子峰媽 :

唔駛客氣 , 我都經過你而家呢個階段 , 果陣好無助 , 想搵人問吓 , 但果陣時好多家長都睇多過覆 , 所以都係問d自己相熟既家長拎料 , 時代唔同咗 , 好多家長都透明度咗 , 大家亦多咗暢所欲言 , 希望第日有 ...

家熹媽咪:
真係十分感謝你,你係我眼見一個非常有心既媽媽,時常為我地呢d咩都唔知既媽咪解答,實在難得,假以時日有機會做到家熹學弟我都會o係度回饋返大家,係呢,咁家熹平時咩時間補習?係請人上門還是去補習社?星期六學校係放幾點?係咪平時放左學可留o係學校上課外活動架?因為我放工要5:00,去到接佢5:30,咁如果放學係3:30咁果2個鐘點算呢...

Rank: 5 Rank: 5


	3153

16^#

發表於 08-5-23 17:10 |只看該作者

原文章由 子峰mama 於 08-5-23 15:35 發表

家熹媽咪:
真係十分感謝你,你係我眼見一個非常有心既媽媽,時常為我地呢d咩都唔知既媽咪解答,實在難得,假以時日有機會做到家熹學弟我都會o係度回饋返大家,係呢,咁家熹平時咩時間補習?係請人上門還是去補習社?星期六 ...

子峰媽 :

比你咁讚法 , 真係有d難為情 , 哈哈哈 ~

就算第日你揀其他學校 , 都可以回饋返比其他新生家長 , 讓呢份互助既關係 , 一直傳落去架 ! ^^

家熹補習時間都幾長 , 由放咗學到晚上8點倒 , 佢一放學就會跟校車去補習社 , 跟住同幾個學兄一齋上去 , 7點半會喺補習社食埋飯先返 ! 時間長就長d , 但佢都接受到 , 或者係因為一班學兄學姐一齊做功課 , 比起佢一個人做既好啦 ! 到晚上補習老師會車佢返嚟我地度 , 自己慳返好多時間 ...

放學後係有活動既 , 但都係要自費 , 就算自費 , 亦要抽籤架 ! 佢地話就話放3點半 , 但出門口大約係3點9倒啦 ! 但如果你話佢地會唔會可以比小朋友留喺學校做功課 , um ... 呢點我都唔係好清楚呀 ! sorry ~

星期六佢地係唔駛返學架 ! 冇長短週之分 , 如果要返既同學仔 , 都係自費報咗與趣班架咋 !

如果你問到時可以點分配時間 , 你可以搵補習社比佢 , 放學跟校車去做功課 , 你放工再去接佢都得 ! 以我所知 , 都唔少家長係咁做 .

家熹而家係一班人咁補 , 但出年我都想同佢轉單對單 , 始終D課本開始深 , 如果一班人一齊上 , 我怕佢可能到時會備唔倒課 , 而家3重考慮當中 , 遲少少有機會可以再同你分享 ! THX~

朱家有個小豬B,人人叫佢做家熹!
【醒世文】- 頭四句父母不親誰是親不重父母重何人你若重他十六兩後代兒孫還一斤千兩黃金萬兩銀有錢難買父娘身在堂父母百年稀生時不孝死後悲

Rank: 5 Rank: 5


	3153

17^#

發表於 08-5-23 17:20 |只看該作者

原文章由 子峰mama 於 08-5-23 15:35 發表

家熹媽咪:
真係十分感謝你,你係我眼見一個非常有心既媽媽,時常為我地呢d咩都唔知既媽咪解答,實在難得,假以時日有機會做到家熹學弟我都會o係度回饋返大家,係呢,咁家熹平時咩時間補習?係請人上門還是去補習社?星期六 ...

原文章由 子峰mama 於 08-5-23 15:35 發表

家熹媽咪:
真係十分感謝你,你係我眼見一個非常有心既媽媽,時常為我地呢d咩都唔知既媽咪解答,實在難得,假以時日有機會做到家熹學弟我都會o係度回饋返大家,係呢,咁家熹平時咩時間補習?係請人上門還是去補習社?星期六 ...

子峰媽 :

比你咁讚法 , 真係有d難為情 , 哈哈哈 ~

就算第日你揀其他學校 , 都可以回饋返比其他新生家長 , 讓呢份互助既關係 , 一直傳落去架 ! ^^

家熹補習時間都幾長 , 由放咗學到晚上8點倒 , 佢一放學就會跟校車去補習社 , 跟住同幾個學兄一齋上去 , 7點半會喺補習社食埋飯先返 ! 時間長就長d , 但佢都接受到 , 或者係因為一班學兄學姐一齊做功課 , 比起佢一個人做既好啦 ! 到晚上補習老師會車佢返嚟我地度 , 自己慳返好多時間 ...

放學後係有活動既 , 但都係要自費 , 就算自費 , 亦要抽籤架 ! 佢地話就話放3點半 , 但出門口大約係3點9倒啦 ! 但如果你話佢地會唔會可以比小朋友留喺學校做功課 , um ... 呢點我都唔係好清楚呀 ! sorry ~

星期六佢地係唔駛返學架 ! 冇長短週之分 , 如果要返既同學仔 , 都係自費報咗與趣班架咋 !

如果你問到時可以點分配時間 , 你可以搵補習社比佢 , 放學跟校車去做功課 , 你放工再去接佢都得 ! 以我所知 , 都唔少家長係咁做 .

家熹而家係一班人咁補 , 但出年我都想同佢轉單對單 , 始終D課本開始深 , 如果一班人一齊上 , 我怕佢可能到時會備唔倒課 , 而家3重考慮當中 , 遲少少有機會可以再同你分享 ! THX~

朱家有個小豬B,人人叫佢做家熹!
【醒世文】- 頭四句父母不親誰是親不重父母重何人你若重他十六兩後代兒孫還一斤千兩黃金萬兩銀有錢難買父娘身在堂父母百年稀生時不孝死後悲

Rank: 3 Rank: 3


	194

18^#

發表於 08-5-23 22:24 |只看該作者

回應

原文章由 子峰mama 於 08-5-23 15:17 發表

咁你仔仔一直有冇補習老師跟呢?佢跟唔跟得上呀?

子峰媽媽

我仔仔一直無補習，我教文科，丈夫教理科。我都是雙職家長，但情愿犧牲自己的興趣和學習。五年來，我無和朋友出過一次街，無在家和親友煲電話粥。好像斷六親一樣。夫婦二人的一切娛樂和計劃都以孩子為核心。

他的成績算中上。但還可以更好。

wawaliluk

小二的時候，孩子的班主任被一名家長質問︰「你們標榜以普和英教學，為什麼我的孩子學了一年多，一點不會用普通話和英語跟人溝通？」老師問他們在家以什麼語言溝通。家長答廣東話。班主任回應︰「如果家長以為在學校的數十分鐘課堂可以使學生的普通話和英語有很大進步，我相信閣下會非常失望。」事實上，我兒告訴我，自小一已有同學因為一路跟不上而退學。我的經驗是︰「把家和課室結合。和孩子堅持用三語溝通。普和英為主，廣東話輔助。」

家熹媽咪

我想閣下是全職家長。一路都很有心，指導其他家長。使他們多了解WFJLPS。本人很感動。我自問無此能耐。但孩子小二便上補習班，我不敢苟同。我兒今年上學期見家長，老師問我他有否上補習班。我回答我沒有，她說一早已觀察他無補習。老師說他是班上小數上課特別集中和投入的人。顯然是無上補習班。希望老師的意見可供各位參考。

[ 本文章最後由 tongyimtong 於 08-5-23 22:29 編輯 ]

Rank: 5 Rank: 5

醒目開學勳章


	1902

19^#

發表於 08-5-24 00:50 |只看該作者

Dear Tongyimtong,
多謝你的寶貴意見！
我雖為家長, 但我奇怪為何有些家長, 把教養小朋友的責任, 全放在學校、老師身上？
我亦明白到學習不可一步登天, 是需要浸淫, 我相信多讀、多寫，多了解, 便能事半功倍。
但想請問: 是否太細的小朋友上補習班會令他們太過依賴補習班教導, 而導致無甘尊心上課?
其實, 我個心時常想是否應該放棄工作, 全職教導孩子？
p.s. 我個仔成日都想的陪佢

原文章由 tongyimtong 於 08-5-23 22:24 發表

wawaliluk

小二的時候，孩子的班主任被一名家長質問︰「你們標榜以普和英教學，為什麼我的孩子學了一年多，一點不會用普通話和英語跟人溝通？」老師問他們在家以什麼語言溝通。家長答廣東話。班主任回應︰「如果家長以為在學校的數十分鐘課堂可以使學生的普通話和英語有很大進步，我相信閣下會非常失望。」事實上，我兒告訴我，自小一已有同學因為一路跟不上而退學。我的經驗是︰「把家和課室結合。和孩子堅持用三語溝通。普和英為主，廣東話輔助。」

Rank: 3 Rank: 3


	194

20^#

發表於 08-5-24 19:41 |只看該作者

答覆

wawaliluk

補習班的老師良莠不齊，而且小孩習慣由人指導才做功課，便不會自動自覺。最重要是補習老師替他修改功課，家長亦會變成依賴。往往到期終考試才發現小孩追不上別人，已經太遲。

我的做法是每天都問他在學校學了什麼。然後會不經意地問他學過的東西。亦會時常看他的功課和堂上習作，藉以了解他的實力。

最重要是，成績好的孩子是會和以下兩樣東西絕緣的︰遊戲機和肥皂戲。不過和這二大害絕緣，也不一定成績好。

有二套經典電影倒可以推介給小孩︰sound of the music & My fairlady. 小孩喜歡看之餘，還有兩大優點︰培養品味和學習優雅的英語。

小小心得，希望幫到各位。

p.s. 當全職家長，還是在職家長是很個人的。關乎家庭經濟、夫婦關係，孩子教育和個人發展等問題。下決定前應三思和與家人多作商討。

‹ 上一主題|下一主題 ›

發新帖

熱門主題

最高瀏覽主題