開學喇！(沙公的第一天) - 特殊教育 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 特殊教育 › 開學喇！(沙公的第一天)

12 3 4 5 下一頁

發新帖

查看: 9732\|回覆: 80	go 開學喇！(沙公的第一天) [複製鏈接]

Rank: 3 Rank: 3


	276

1^#

發表於 06-9-1 18:22 |只看該作者

開學喇！(沙公的第一天)

今早好興奮，因為阿仔第一天返新學校(沙公)升小一。
要坐新校巴，穿校服(以前幼兒中心只穿背心)，用新書包；穿黑鞋。唔知佢會唔會哭，唔肯上校車。

好彩阿仔一見到車開門，自已就上咗車，我想同佢拜拜點知架校巴一接咗阿仔就開走咗。係佢爸爸見到一面咁多，話佢無哭到，個心都定小小。

之前我已經响屋企不停咁同阿仔做模擬練習，例如阿仔呢期鍾意反斗車王，我就話比佢聽返新學校坐Fillmore(其中一架淺綠van)，咁佢就成日同我講要坐Fillmore。又同佢成日扮老師點名，講自已個名，幾多歲，响邊度讀書，爸爸媽媽同埋佢個妹個名等等。
送咗佢同個妹返學之后，我就去睇醫生，因為我咳咗成個月都未好返，

醫生就叫我照肺，兩星期后返去睇result。 :cry: 重比咗兩日病假添。咁我就返屋企睡到3點幾。

之后，我就到pick up point 接放學，哥哥一落車，我就問佢鍾唔鍾意返學，佢好開心咁話鍾意，同埋好好玩。咁我見佢咁開心，就買小食俾佢。

返到屋企，我同哥哥整理書包，發現有通告，知道他在校將會吃甚麼午餐，但係我個仔好偏食，唔知佢今天有無食到，問佢就話有食，遲啲都要問吓佢個班主任先。

希望阿仔响沙公能夠開開心心過他的小學生涯！

Rank: 3 Rank: 3


	388

2^#

發表於 06-9-2 09:39 |只看該作者

Re: 開學喇！(沙公的第一天)

markojacey,

Its seems your son had a very good start with 沙公,
way to go! I am happy for you!!

pamam

Rank: 4


	544

3^#

發表於 06-9-2 13:47 |只看該作者

Re: 開學喇！(沙公的第一天)

Click here also. 等我將有關沙公link up先.

Carson's birthday in January 2000.

Rank: 3 Rank: 3


	276

4^#

發表於 06-9-2 16:12 |只看該作者

Re: 開學喇！(沙公的第一天)

pamam 寫道:
markojacey,

Its seems your son had a very good start with 沙公,
way to go! I am happy for you!!

pamam

多謝晒！

我都係咁望。希望响BK另一個媽咪chanchanboy(希望你唔介意我提埋你)個小朋友都係咁快樂就好喇！
等阿仔返多一排我再同大家匯報。
markojacey

Rank: 3 Rank: 3


	276

5^#

發表於 06-9-2 22:08 |只看該作者

Re: 開學喇！(沙公的第一天)

今早帶個細女去尤德覆診見兒科醫生，(因之前佢响學校同家中都有情緒嘅問題，俾健康院refer咗去尤德做初步檢查。)
做完評估后，醫生話阿女有小小自閉嘅行為，

分三個階段計並不算自閉傾向or 自閉症，好mild，但係有某些行為如同人傾計好小 eye contact，假想東西有時好固執物件本身的名稱如擦膠不可以係一隻杯。醫生話正正係佢有小小自閉的特質，她會將自已嘅concept放落別人的身上，以致社交方面比較弱。 :cry:
好彩醫生話佢語言方面和學業上無大問題，可以繼續讀普通幼園和主流小學，佢介紹咗小童群益會俾我，叫我試吓帶妹妹上一啲社交和EQ班。重話等妹妹上咗小學后先再跟進。
所以，由今天起除了要同哥哥一齊努力之外，(升小一開始要跟功課)重要幫妹妹睇吓有無course啱佢上。好似又多一項挑戰。
近排我咳咗好耐都未好番

，希望一切的事都有一個好的result.

Rank: 4


	544

6^#

發表於 06-9-3 15:56 |只看該作者

開學喇

我九月一日有帶仔仔返學, 我見到小一同小二班都係各自有20人, 兩個班主任, 小一另有兩個輔助老師(唔知係咪咁叫), 小二就有一個, 所以人手比列都好好.

我見到其中一個班主任, 就同佢講我仔仔噚晚已有計劃要搞老師個咪個掣, 叫佢注意, 佢就叫我放心啦, 佢都係一般自閉症小朋友咁, 我地好清楚點處理架啦.

下午我同工人送飯比仔仔, 剛剛見到老師叫我仔仔放好一個文件套入佢自己個書包, 叫佢認吓自己個書包, 見我仔仔想求其攝係書包與書包之間就閃人, 比老師又叫佢返黎, 佢先致正正經經望吓邊個係自己個書包, 然後放好, 跟住排隊去廁所, 佢都有跟住無走去第二度.

放學後自閉症輔導老師同班主任都有打比我講吓仔仔ge情況, 我覺得佢地真係專業過特殊幼兒中心好多同有佢地ge方法.

我問仔仔返學點, 佢話開心, 但就驚小朋友好嘈, 唔知點解返到屋企都仲好乖同好定tim.

Carson's birthday in January 2000.

Rank: 3 Rank: 3


	365

7^#

發表於 06-9-4 09:15 |只看該作者

Re: 開學喇

chanchanboy,

Wish your son have a good start! The first day looks promising and encouraging!

Justin2002

Rank: 4


	544

8^#

發表於 06-9-4 09:33 |只看該作者

Re: 開學喇

Justin2002,

Thank you.

Carson's birthday in January 2000.

Rank: 5 Rank: 5


	1060

9^#

發表於 06-9-4 17:48 |只看該作者

Re: 開學喇

Chanchanboy,

hope your son can be enjoy his new school life :)
add oil

cathleen

Rank: 3 Rank: 3


	276

10^#

發表於 06-9-5 00:59 |只看該作者

Re: 開學喇

今晚放工返屋企，啲細路已經瞓晒。

我沖完涼，諗住瞓，但係眼光光咗成個鐘都瞓唔到。因為今日下午我老公打電話俾我，話响加拿大住嘅老爺內出血，個人已經昏迷，不醒人事。

醫生話老爺可以打嗎啡hold 住一陣，但情况並不樂觀，要決定打還是讓他自然地走。經過一輪商議，老公，奶奶同我啲姑奶都認為不打針，因老爺响5年前做完手術后已經不能自由行動，到我生完細女未夠3個月就一家人飛過去探佢，等佢見吓個孻孫女。而佢曾經大上大落，唔想佢繼續辛苦下去，老公話醫生估計大約12-18個小時內就-----

到咗晚止9點多，台灣嘅autie打IDD俾我，話剛剛同奶奶通完電話，問我知唔知老爺件事，重問我會否過去幫手，我就話我老公一個人返去，佢就話最好帶埋阿仔去，因為佢係嫡孫，(我老爺都係舊一輩人)，但係阿仔啱啱升小一，返咗學幾日。如果帶佢去，我驚佢返嚟又要重新適應，二來佢好細個(大約2歲)坐過飛機，當時還未知佢係自閉症，响架飛機度周圍跑，依家唔知佢有咩反應。但以嫡孫的身份我又覺得佢要去。另一問題係我同老公做果份工攞假好鬼煩，攞special leave都要打個八折，就算批你都俾說話你聽。

我自己其實就想一家去，但老公話依家去"奔喪"並不是旅行，不用全部去晒。
心情好差，所以上嚟BK抒發一下。 :cry: :cry:

Rank: 4


	669

11^#

發表於 06-9-5 08:46 |只看該作者

Re: 開學喇

markojacey ,

家父都是早10多日前過身,不過這幾年他身體麻麻,我們早有心理預備,所以冇太傷心,佢心臟病去,走得唔辛苦,可說係福氣,我們一家搞了幾天現都七七八八,只是等下禮拜的喪禮.
中國人來講這是'大孝'你老公和阿仔"奔喪"走不甩,我諗盡量順奶奶意思去做等老人家個心安樂D啦

Rank: 3 Rank: 3


	388

12^#

發表於 06-9-5 08:57 |只看該作者

Re: 開學喇

Just do what you think is the best for your son. We always try our best to do all the right things, but sometimes it's just impossible to please everybody. For those who love your son would understand.

Rank: 4


	544

13^#

發表於 06-9-5 09:26 |只看該作者

Re: 開學喇

1. 大約最快要去幾多日? 如果一個星期至10日左右, 我諗唔會好影響小一, 因為其實學校27/11/06至2/1/07會有裝修假期, 放成個月假, 學校一定有方法幫班小朋友重新適應, 我諗你唔駛太担心.

2.反而你先生有無信心一個人帶住佢先, 如果無其他親戚朋友同行可以幫手, 就算小朋友肯乖乖地, 始終帶住個細佬唔係咁易, 長途機我地唔諗, 但小事如你先生在機場check-in or等行李, 你仔仔可以企定定係佢隔離等嗎?

3. 放假方面, 我諗你要考量你自己覺得有無需要, 而唔係批唔批, 因為無mug人會成日用呢d籍口請假, 如果佢咁都要比說話你聽, 唔駛理佢 :tongue:. 反而你會唔會想留番d假第日陪仔仔出席學校活動呢? 還是今次會同佢一齊一邊做d training呢?

4. 無論你是否請假同行, 我覺得你老爺都唔會怪你, 你奶奶如果有說話都只是一時意氣, 平靜落黎, 佢會知道你做所有野都係由對仔仔最好而出發.

Carson's birthday in January 2000.

Rank: 3 Rank: 3


	388

14^#

發表於 06-9-5 15:42 |只看該作者

Re: 開學喇

wewangwang,

sorry to hear about your dad, my dad passed away more than 10 years ago and I still miss him dearly.

Pamam

Rank: 3 Rank: 3


	276

15^#

發表於 06-9-5 22:18 |只看該作者

Re: 開學喇

chanchanboy, pamam, wewangwang,
首先多謝大家的關心。

因時差關係下午打電話比奶奶但無人聽。還不知老爺情况如何。

啱啱放工返嚟屋企，老公打電話比我叫我check 佢個e-mail account,因為佢家姐send 咗封e-mail比佢，原來加拿大果邊可能改咗決定，原來唔係打嗎啡，係打另一種葯去支持佢嘅血壓，老爺暫時無事，佢哋加拿大時間早上10點鐘再同主診醫生商量下一步點做。不過都只係時間嘅問題。 :cry:
至於帶唔帶阿仔去？

老公就堅決地話不帶他一齊去，並非阿仔有自閉症，而係認為一個小朋友去到一個陌生地方，而大人為了"奔喪"而出入醫院等地，小朋友又唔方便進出此地，對阿仔無好處。重要揾人照顧他，但係佢啲姑媽又未必handle 到阿仔，再者阿仔都未必肯跟別人。

另外，我攞唔攞假，都要睇下情况！好似依家咁，都唔知攞幾多日，等事情明朗化先再作打算。
帶嫡孫"奔喪"，其實我奶奶都未有比說話我聽，始終未contact到，係佢台灣個契妹(即係我叫阿姨那位)嘅提議，所以都係等今晚老公返通宵等那邊消息。

wewangwang,
Sorry to hear that, 希望你一切安好！
markojacey

Rank: 4


	669

16^#

發表於 06-9-6 00:11 |只看該作者

Re: 開學喇

markojacey, pamam,

thank you

markojacey,

As you said, your 老爺暫時無事,等事情明朗化先再作打算。Just up-date us when you have news.

Rank: 3 Rank: 3


	276

17^#

發表於 06-9-6 23:16 |只看該作者

Re: 開學喇

各位，今早起身返工，打電話比老公，終於証實老爺响當地時間下午二點多離開咗我們。

老公話佢家姐打電話比佢，話老爺走得好安詳，係佢放喉十分鐘左右笑住咁離開。
下午，接完阿仔和阿女放學，便同老公去睇機票，但係還未定下喪禮日期，所以只是check吓大約果幾日機位。老公果邊公司已經批咗一個星期大假，暫時決定老公自己一個返去。我同兩個小朋友就留在香港。老公話只要在心中，不必要一家飛過去。

晚上，奶奶打電話比我哋，同我講仍然接受唔到老爺嘅離世。 :cry: 話由知道有問題到做決定只係一個多鐘嘅時間。實在太快。 :-| 另外，佢希望老爺土葬，但老公話老爺生前想過火葬，所以依家都唔知用咩形式，等遲啲佢啲家姐同奶奶去殯儀館傾埋時間，老公就立刻飛過去辦手續。

而晚上，阿仔小一個班主任打電話比我，講番阿仔呢幾日响學校嘅情况。佢話阿仔大致上跟得上，好得意，發脾氣時老師叫佢坐佢就要企喺度。

排隊時就好快跑咗去要時時叫佢返嚟，真係比佢激C！

同埋這兩星期暫時做評估，所以無功課做另外，老師重話遲啲有活動，記得比阿仔參加，等佢可以訓練吓自信心。買一啲講故事嘅CD聽，等阿仔學吓用腦仔多思考。

Rank: 4


	669

18^#

發表於 06-9-7 08:34 |只看該作者

Re: 開學喇

markojacey,

Oh sorry to hear that, 希望哀傷的事被時間沖淡, 您們一家人好快開心番。

拜神的人說今年潤七月.,比較難'過'.....

Rank: 4


	544

19^#

發表於 06-9-7 09:43 |只看該作者

Re: 開學喇

markojacey,

世事難料, 聽到你老爺ge事真係好難過, 希望你地可以早日收拾心情啦!

你仔仔係學校情況都幾好喎, 我仔仔就食飯太慢, 掛住四處望, 食到連小息都無得放

.

等我都揾d故仔cd比我仔仔聽下先, 新雅個d唔錯呀!

Carson's birthday in January 2000.

Rank: 3 Rank: 3


	388

20^#

發表於 06-9-7 10:25 |只看該作者

Re: 開學喇

markojacey,

sorry to hear that, be strong!

pamam

‹ 上一主題|下一主題 ›

12 3 4 5 下一頁

發新帖

熱門主題

最高瀏覽主題