- 在線時間
- 223 小時
- 最後登錄
- 18-6-15
- 國民生產力
- 95
- 附加生產力
- 1051
- 貢獻生產力
- 0
- 註冊時間
- 03-12-16
- 閱讀權限
- 10
- 帖子
- 1880
- 主題
- 12
- 精華
- 0
- 積分
- 3026
- UID
- 17210
 
|
Re: 新一代英文幼稚園
suebb,
我雖然唔係新一代既家長, 但我女女以前o係係現時新一代相同既管理層既學校讀過兩年半(即奧斯卡), 我諗都可以俾小小意見既. 我本人覺得無論佢既課程, 大部份既老師, 嬸嬸, 家長同學生都係唔錯既, 但一講到佢地既管理層, 如某某校長, 某某主任, 我就真係唔知點講好, 簡值係過份, 完全唔係以小朋友發展和前途為本, 下下都係只有利益, 利益同利益, 絕對既一盤生意.
如果個家長對學校有貢獻, 佢地會厚代小小, 如果無~ 你就自己諗下啦.. 而d老師同嬸嬸好多時都係為咗份工, 就要跟隨上頭指示, 而想做d多對小朋友好d, 多俾d有建設性既意見校方都唔多敢言. 唔怪得以前有咁多離校家長係樹投訴啦, 原來通通都係真架.
以下是部份既實例, 可供參考:
而家仍然時時聽到幾位仍現在該校就讀的學生家長既投訴, 佢地唔夠地方開跳舞班, 將d小孩子迫係一個課室跳; 全日班學生返學校, 唔記得俾早餐佢食; 小朋友無返學無坐校車, 無打電話返學校, 校方又唔會主動跟進; 無報名去參觀, 又帶咗個小朋友去等參觀等.....; 當然都會有其他家長講下d好既野, 如而家會請白色既外籍老師(因為以前只為慳錢, 就只有南亞裔老師), 課程夠深, 功課夠多, 活動收費會平過以前等等.
而當年發生係我女身上既, 如: 同校方講咗唔坐回程校車, 點知又叫咗個女上車; 跳舞班收埋收埋鬼咁多學生, 如果無份表演既只係叫你係側邊打橫跳, 堂堂都打橫跳, 700幾蚊就係學打橫跳; 無啦啦加收全日班茶點費200; 外籍老師轉過不停; 好肯為小朋友既園長同老師就係因為唔聽佢地話要炒, 炒咗人仲要用人地要放產假黎做離職原因wor, 人地未結婚架陰公, 真係當我地白癡; 仲有當年我女讀k2, 因為佢地要結業, 我要求校長寫4封reference letters俾我女見小學時用, 點知要三吹四請個幾兩個月後, 先寫得一封又話busy又咁又咁, 都寫得一封啦, 只係改heading, d內容都係一樣jer都唔肯俾埋嗰幾封你, 有幾難呀jet, 喂~ 唔跟你轉校你就唔駛理d學生, 有無諗過唔係我唔想讀, 係你要結業, 我都好慘架~ 而對學校有貢獻既同班學生要求佢寫信, 佢唔駛一星期就寫晒5封俾佢啦;
仲有當年既k3學生又話如果唔跟佢走連俾畢業証都無, 只係差一個月, 你提早畢業唔得架咩? 你都結業啦?! 唔係攪到上教統局, 我諗都唔會有延長多一個月, 直至完成晒個學年呢個局面, 仲有好多好多, 不能儘錄~.
如果唔係知道佢地既手法, 我都好大機會會跟佢地轉校, 仲會俾埋個仔讀, 無可否認, 佢地既課程, 英文, 大部份以前既老師同嬸嬸, 家長同學生當時我都覺得好好既, 不過知道佢地既手法就真係好失望. 聽聞"原本既"新一代係一間唔錯既學校, 但經過某某人既改革換血, 真係唔知攪成點. 聰明既你, 我諗你地聽完之後, 多多小小會知道呢間學校是否合適, 是否符合你既要求啦.
仲有, 對現在仲o係樹讀緊既家長, 講聲唔好意思, 我知我無係嗰樹讀都唔應該講咁多, 但都係我d衰性格, 忍唔住都要講下, 不過我承諾只會寫一次, 同唔會有任何回應, 你地就原諒我一次咁多啦~  |
|
發表於 07-1-3 14:51
