雅士圖-由爸爸分享仔仔由Playgroup讀到K1感受 - 幼校討論 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 幼校討論 › 雅士圖-由爸爸分享仔仔由Playgroup讀到K1感受 ...

發新帖

查看: 14771\|回覆: 16	go 雅士圖-由爸爸分享仔仔由Playgroup讀到K1感受 [複製鏈接]

Rank: 1


	21

1^#

發表於 19-4-4 01:01 |只看該作者 |倒序瀏覽 |打印

本帖最後由 Kathan 於 19-4-4 01:02 編輯

我都係雅士圖嘅家長，呢個BK戶口係我仔出世後16開立之後一直冇喺度出過聲，亦冇諗住會參與呢度嘅討論，但今日喺其他家長口中得知，學校竟然被有心人惡意抺黑，所以我都要上嚟分享下我嘅感受。

我個仔由一歳上小小雅士圖（Playgroup）一直讀到雅士圖國際幼稚園N班再上而家K1，一直好感恩可以入到呢一間學校。我仔仲未兩歲入學之前，都有讀過英藝及靈糧堂的學前班，雖然其中靈糧堂的設備好新丶校舍好大，仲可以好大機會一直讀落去升上 K1 ，有學券可以慳返好多錢。但我比較左三間嘅教學方法之後，當時我就毫不猶豫選擇左零政府資助嘅雅士圖。（字數所限，要分幾個回應先打得晒）

Rank: 1


	21

2^#

發表於 19-4-4 01:03 |只看該作者

回覆樓主

當年17年上英藝Playgroup，雖然每堂好平，但外籍老師就隔幾堂就轉人，四個月裏面就轉左四位外籍老師，仲要當中三個係Hea返工，竟然可以當住家長面都可以Hea住教，講故事時間可以一點互動都冇急着完成，四個月裏面除咗學到一點紀律同消磨時間之外都唔知學到啲乜嘢。

之後轉左靈糧堂，講設施同裝修係一流，兩位老師都好有熱誠，但節奏太慢， 10幾個學生連埋家長圍住一個大圈，淨係逐個同學生講Hello都講左5分鐘，所有嘢都係圍住逐個學生做一次，專注力比較低嘅BB一冇耐性就開始跑來跑去，一個學生作反就骨牌效應咁。

Rank: 1


	21

3^#

發表於 19-4-4 01:04 |只看該作者

回覆樓主

而小小雅士圖嘅Playgroup我個仔就係由一歲開始讀起，每次上堂都係小班教學，根據返我仔嘅程度完成到就會升級到下一個級別，因為我個仔對重複學過嘅嘢就會坐唔定，所以呢一個模式都好適合佢，所以兩年前知道雅士圖會開辦幼稚園，我就毫不猶豫放棄考取其他幼稚園嘅機會。

我仔呢年半嘅N班同K1生涯，我完全冇失望過，因為Ms Wu同每位老師都好有熱誠，課程完全緊貼我仔嘅進度，老師同Ms Wu又經常用WhatsApp匯報我仔嘅學習情況，包括影相同埋拍片。

Rank: 1


	21

4^#

發表於 19-4-4 01:05 |只看該作者

回覆樓主

好記得第一次見家長係竟然係車輪轉咁班主任丶普通話老師丶外籍英語老師獨立分別見晒三個，完全可以知道晒小朋友各方面嘅進展，之後又會獨立去見Ms Wu匯報小朋友嘅整體學習進度同埋之後嘅學習建議，我相信好少會有幼稚園可以做到呢一個程度。因為講到一啲出名嘅名牌幼稚園，一級已經過百人，就算係校長都未必可以認得晒所有人。

另一樣令我感動嘅地方，就係上星期Ms Wu誤會左我細女病左，竟然都send WhatsApp過嚟問候佢。證據就係上面嗰張圖

Rank: 1


	21

5^#

發表於 19-4-4 01:07 |只看該作者

回覆樓主

同埋今日睇返嗰位攻擊學校嘅有心人，竟然連學校換地板都可以成為黑材料。之前學校因為颱風山竹令到地下窗門有少少入水，受影響嘅只係一間班房嘅小小角落頭
Ms Wu都竟然決定重鋪地下全層地板，換日本幼稚園標準都採用嘅防水膠地板，如果學校真係貪錢的話，大可以將漏水問題完全唔理，根本冇必要為咗少少漏水嘅範圍換晒全層嘅地板，而且學校創校只係年半，連咁新嘅裝修出現咗少少問題都用咁多錢重鋪所有地板，根本上有心人嘅攻擊係得啖笑。

Rank: 1


	21

6^#

發表於 19-4-4 01:09 |只看該作者

回覆樓主

點解我會咁清楚，就係因為學校專登為咗呢一次換地板開咗一次家長教師會會議，邀請晒各班嘅班代表返學校講解返工程嘅項目。而且為咗唔影響上堂，換地板只係做咗兩個星期六日，即係頭一個星期六日拆地板，跟住用地氈封番晒受影響嘅區域，完全冇灰塵同安全問題，跟住到第二個星期六日就鋪返晒所有新地板。
鋪完新地板之後，地下嘅情況仲理想過以前，小朋友跑跑跳跳根本唔使擔心跌親嘅問題，實在真係唔明白咁都可以變做黑材料⋯⋯

Rank: 3 Rank: 3


	125

7^#

發表於 19-4-4 10:40 |只看該作者

回覆樓主:

我也給各家長的詳細分享雅士圖。令我對這校感覺十分好。我囝囝也在附近上PN. 所以我知道這間學校也原來有咁多家長給予好評。不過真心嗰句學費真的有点貴。

Rank: 3 Rank: 3


	170

8^#

發表於 19-4-4 11:37 |只看該作者

littlebobo2016 發表於 19-4-4 10:40
我也給各家長的詳細分享雅士圖。令我對這校感覺十分好。我囝囝也在附近上PN. 所以我知道這間學校也原來有咁 ...

我女1歲開始響little Aristle 上playgroup, 到PN入讀佢地幼稚園。

真心講，由第一日上playgroup 到依家讀幼稚園，每一日都覺得好貴(emoji)，但另一方面，雖然貴，仍然心甘情願咁繼續讀，惟一原因係覺得學校真係好。

記得第一日返學，入到校園，基本上老師們已經叫得出呀女個名，一個星期內已經幾乎認得埋邊個係邊個小朋友既家長，當然佢地係細校，未必真係要記好多，但我作為家長，感受好正面，尤其之前聽過朋友分享，小朋友k3畢業返最後一日學，老師都仲係未記得佢個女叫咩名，就會覺得學校好有心。（下續）

Rank: 3 Rank: 3


	170

9^#

發表於 19-4-4 11:45 |只看該作者

chloellyc 發表於 19-4-4 11:37
我女1歲開始響little Aristle 上playgroup, 到PN入讀佢地幼稚園。

真心講，由第一日上playgroup 到依家讀 ...

到開左學無耐，學校為每個就讀小朋友既daddy mommy同學校開一個whatapp 群組，學校包括Ms Wu 都會響入面。學校響需要時，會通過whatapp group 同家長溝通小朋友既情況。而我地有需要時，亦可通過whatapp 問問題。當時，唔好assume 一問學校會即答，但我相信未必有好多學校會咁做，始終對學校既workload真係會加重好多。

我記得開始第2個月，學校響觀察左小朋友一個月後，佢地會俾一個ECA 既suggestion list 俾家長，家長自行決定要唔要報讀。當時我收到suggestions 後，通過whatapp 問學校，基於咩原因suggest, 記得當時係晚上11點幾接近12 點，Ms Wu拎住電話錄音俾我地，解釋我地聽原因。(下續）

Rank: 3 Rank: 3


	170

10^#

發表於 19-4-4 11:59 |只看該作者

chloellyc 發表於 19-4-4 11:45
到開左學無耐，學校為每個就讀小朋友既daddy mommy同學校開一個whatapp 群組，學校包括Ms Wu 都會響入面。 ...

我相信除非好有熱誠，否則唔係太多人可以半夜仍然拎住電話回覆家長既提問。（戴定頭盔先，從無要求學校半夜覆我地既提問架，純粹問左等學校有時間先回覆(emoji)）

到之後開學幾個月舉行家長週，同學校約好時間見面update小朋友返學情況，原來當日係同Ms Wu 親自面談，而當日同Ms Wu 傾左超過一個鐘。認真地到依加，未聽過邊間學校可以每個家庭見家長可以傾到一個鐘既時間。而真心地，呢個鐘頭既面談，令我對我女既另一面加深左了解。（下續）

Rank: 3 Rank: 3


	170

11^#

發表於 19-4-4 12:10 |只看該作者

chloellyc 發表於 19-4-4 11:59
我相信除非好有熱誠，否則唔係太多人可以半夜仍然拎住電話回覆家長既提問。（戴定頭盔先，從無要求學校半 ...

當然我地都會覺得學校有進步既空間，但總括讀左2年，我地對學校仍然係好滿意，亦想借呢個平台表達我地對學校所有人（包括校監校長所有老師同工友姐姐）既謝意。

以上都係我地讀左2年既少少經驗分享，希望可以俾多d資訊俾對呢間學校有興趣既家長做參考啦。

Rank: 3 Rank: 3


	170

12^#

發表於 19-4-25 01:27 |只看該作者

回覆 Kathan 的帖子

有圖有真相？

爸爸好好既share

Rank: 1


	8

13^#

發表於 19-4-28 11:09 |只看該作者

我也是雅士圖現讀學生的家長，一直不是討論區的常客，從來沒有出帖和回應。但這兩天得知女兒就讀的學校竟然被人惡意抹黑，令我感到愕然！我不是想在討論區對罵，只是真心想分享一些真實的經歷！

Rank: 1


	8

14^#

發表於 19-4-28 11:10 |只看該作者

大女由BB至初小都在Little Aristle 上堂，阿女在九龍塘出名的幼稚園就讀，當年還未有Aristle 幼稚園！在阿女考小學的時候，女兒的表現和程度都非常好，幼稚園的老師、Little Aristle 老師和Ms Wu對她都很有信心，可以考到我心儀的直資小學，但一次又一次收到小學的reject，結果令大家都感到差意，而我們只有15分，要在大抽獎入到心儀的津小是十分難的一件事，我感到好大壓力，好在有Ms Wu幫助，教我在這個時候，需要怎樣準備大抽獎，怎樣叩門直資小學和津小！而Ms wu一直鼓勵我們，不要放棄，一直要叩門！直至最後，我們叩到一間名私小，我和爸爸都非常感激Ms Wu一直支持，冇她的支持，我們一早放棄了！

Rank: 1


	8

15^#

發表於 19-4-28 11:10 |只看該作者

之後知道Aristle 會開辦幼稚園，細女已經直接報讀，沒有考其他幼稚園。細女就讀呢段時間，Ms Wu和每一位老師都好有熱誠和細心，凡事都以小朋友行先，而家長日會有班主任，普通話老師，外籍英文老師，一次晒三個，而校監面談，是Ms Wu 親自面談，次次都傾超過一個鐘，令我們了解到小朋友在的學習進度和在校內的情緒，我相信其他學校未必做到！

希望可以比大家了解一下呢間學校，比有興趣既家長做參考啦！

Rank: 4


	792

16^#

發表於 19-4-28 23:30 |只看該作者

等我都幫學校平反一下，講下我心聲

我小朋友今年開始一夠二歲就做插班生。

我仲記得初初返學，班主任每一日放學都打電話黎同我跟進佢嘅進度，直到小朋友完全適應。

我小朋友雖然宜家都只係 2 歲 3 個幾月，佢明白好多事，雖然講嘢未係好叻，只發到單字加單字，要我估下估下，但睇得佢每日返學真係好開心，我日日接佢放學佢都同班主任HI FIVE先肯走，怎至有時佢見到校車，或者經過學校佢都會講林老師BABABA，（BB話聽唔明）。
小朋友嘅真誠絕對冇得呃，肯定係學校比左好多愛心佢先會咁鐘意返學。

直到今日學校有ZOO 活動，我先再次入學校，見幾位唔係我小朋友果班嘅老師都認得我小朋友仲講得出佢個名。我真係好感動！我冇後悔過比佢入雅士圖哩間學校。

Rank: 3 Rank: 3


	205

17^#

發表於 19-6-22 03:56 |只看該作者

回覆樓主:

我是前雅士圖學生嘅家長，雖然離開左，都想講下感受。
初初我小朋友是細B插班入n班。首星期係家長可以陪課，令小朋友適應。第一日返學，我囡囡雖然有我陪，但都唔肯坐上前面，只係少少距離都已經喊，當佢喊時我好意外同枱有幾個小朋友一齊離開位拎紙巾俾佢。而老師係完全冇責怪小朋友離位，仲向小朋友講多謝。如果你一般幼稚園，老師多數會擔心out of control而怪小朋友離位。嗰刻我覺得老師真係會嘗試去了解小朋友，從小朋友覺得出發，而小朋友亦學習到關愛，好有禮貌。
到一直上堂，基本上如其他家長所講，差不多每星期有相share, 而班主任係差不多每個月都會同我通電話，講下學校情況，小朋友進度，每次都願意花時間，講左差唔多半個鐘，里啲真係其他大班學校做唔到。另外班主任真係會去發掘小朋友優點，去欣賞每一個小朋友。
而小班教學，令好多同學，家長嘅感情都好好，大家互相幫助，好多資料都願意互相share.
而Ms Wu的確同每一個小朋友嘅家長都開個獨立wtsapp group, 一齊分析小朋友情況，點揀學校。
至於我地點解轉學，同大部份離學家長一樣，因為學校太新，冇咩升小紀錄，都會有啲擔心，所以K1有offer就轉走啦。轉學時其實都好唔捨得，到宜家囡囡k1依然好記得當時嘅老師，學校名。
我地都係好鐘意里間學校，老師，同埋氣氛。真心覺得係一間好學校，家長質素亦好高。
不過取捨係學校名氣，語境，資源。雖然都係有net,
但始終細校，語境同資源上比大校會差少少。

‹ 上一主題|下一主題 ›

發新帖

熱門主題

最高瀏覽主題