剛確認仔仔有自閉症, 有冇人可以分享應該如何是好? - 自閉寶寶 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 自閉寶寶 › 剛確認仔仔有自閉症, 有冇人可以分享應該如何是好? ...

發新帖

查看: 11590\|回覆: 37	go 剛確認仔仔有自閉症, 有冇人可以分享應該如何是好? [複製鏈接]

Rank: 4


	550

1^#

發表於 17-4-11 11:26 |只看該作者 |倒序瀏覽 |打印

本帖最後由 purinlu 於 17-4-11 11:34 編輯

仔仔宜家2歲2個月大, 健康院已轉介到智力中心做評估, 但我們心急到了精神科醫生做評估, 醫生確認了, 仔仔主要社交障礙, 無乜眼神接觸, 自我中心. 語言也遲緩,

昨晚好難過, 好擔心仔仔將來長大發展, 醫生建議我們盡快揾訓練中心改善, 否則上到幼稚園都有困難, 我哭了成晚, 我要好好面對,

我們現在都唔知如何是好, 也不知要怎樣教仔仔, 醫生知道協康或政府都要排好長時間至可以安排訓練.

大家你們可否分享心得或建議到那中心比較好?

Rank: 5 Rank: 5


	1330

2^#

發表於 17-4-11 12:36 |只看該作者

回覆樓主:

評估完見議排咩位？你好醒目，識得心急搵私人評估確診，所以可以盡快搵服務和排位。

要把握治療黃金期，3歲前係一個最佳治療階段人。可找5天私人密集。通常8月有位，因為排緊位既人派到s位就吾返私人了。但都要排隊，你可以大包圍，間間都排。邊度快入邊度。

Rank: 4


	550

3^#

發表於 17-4-11 12:51 |只看該作者

本帖最後由 purinlu 於 17-4-11 12:52 編輯

回覆 funghon 的帖子

我在私人醫生度評估, 佢沒講什麼位,

政府, 我下個星期至去沙田智力中心見護士, 照我所知仲未評估, 仲要排評估...

所以我都唔知邊間中心好, 剛打協康, 都要等半年以上,

我想問什麼是S, I , E 位? 我睇緊Blog 友講, 但我唔係太清楚.

你有冇介紹好的中心可一試? 迷網中

Rank: 5 Rank: 5


	1013

4^#

發表於 17-4-11 13:30 |只看該作者

評估左妳要排政府服務就要負責評估的醫生、心理醫生，etc. 寫轉介。
只係2版紙，剔左排E、I、S位，妳交返去自己果區的家庭服務中心(IFSC) ，我果區的姑娘約見左我同仔仔，同日下晝就出到P no. 有左呢個排位no.上到幼稚園可以申請學校的學前到校復康服務(前提係學校有參加)。

除非妳唔打算用政府服務，聯絡返個醫生叫他填返轉介。排咩位應該他會比到意見妳。

政府野一定要排要等，妳搵私人的呢度無人會答妳邊間好唔好，都係睇夾唔夾個小朋友。妳可以爬下文睇下呢度有講過的中心，自己上網睇下佢地有咩服務，考慮埋價錢、地區之類。

Rank: 4


	550

5^#

發表於 17-4-11 14:30 |只看該作者

原來係要攞個轉介評估報告去家庭服務中心排位.

我想問之後排咗位,除了學前到校復康服務(如果學校有參加), 政府有記錄, 是否會標籤咗, 就算改善咗, 會否因有記錄而不獲普通學校收呢?

謝謝你們意見

Rank: 5 Rank: 5


	1257

6^#

發表於 17-4-11 16:16 |只看該作者

樓主, 呢個係好多媽咪初初知道小朋友有問題時的諗法, 以過來人經驗就係唔好諗呢個問題, 盡快去做治療, 希望趕及6歲前黃金治療期。其實如果學校的是不包容的，就算收左都會用盡方法請你退學。

Rank: 5 Rank: 5


	1013

7^#

發表於 17-4-11 23:13 |只看該作者

回覆樓主:

我都係兩歲兩個月。兩星期前確診。宜家做緊私家治療。建議你快啲搵治療，因為即使是私家都好缺乏，週圍都話要排。排咗先啦！

Rank: 3 Rank: 3


	214

8^#

發表於 17-4-12 09:00 |只看該作者

樓主，你第一件事要做嘅就係打去協康會約期做評估（5800元嗰種）
第二件事照去cac見姑娘，照排期見醫生！
第三件事，搵有到校服務嘅幼稚園，要遂間自己問！
第四件事，按自己經濟能力，有錢就搵密集課程俾你仔仔讀，言語治療都唔少得，因為言語好影響情緒同學習！付擔唔到就周圍搵社企丶政府機構嘅訓練俾仔仔！總之3歲前可以改善好大好大，3至6歲亦係黃金學習期，加油！喊完就得，好多同路人！
至於排位嗰度，評估完醫生會俾建議，盡可能揀S＋E位，將來要改都易啲，協康俾信你排位就即刻交俾社工幫你排，因為相差一日對將來派唔派到位可以係相差一年…

Rank: 4


	550

9^#

發表於 17-4-12 10:29 |只看該作者

好多謝你們的建議, 現在開始慢慢接受事實, KCHK 講得好啱, 唔好諗咁多, 以仔仔為要先,

首先要快快幫仔仔排位, 但今日打去社會福利署問, 佢地又叫我打比分區評估中心, 中心又話唔比用私人評估報告, 一定要佢地評估, 之後問多兩問又話唔清楚得唔得, 我再打去家庭綜合服務中心又叫我打番自己區的問, 我區係明愛中心, 如果唔得至打去另一社會服務中心分區服務中心. 我又打去明愛, 佢都唔知道, 佢話要揾社工覆我,

我想問係唔係醫生另外填一份form至可以去排, 在哪裡可以找到? 因診所護士未見過, 我又好困惑, 唉....好灰.

Rank: 4


	550

10^#

發表於 17-4-12 10:31 |只看該作者

回覆 Tarttatt 的帖子

十分謝謝你的提點, 我真係唔知從何入手.

Rank: 5 Rank: 5


	1013

11^#

發表於 17-4-12 15:03 |只看該作者

purinlu 發表於 17-4-12 10:29
好多謝你們的建議, 現在開始慢慢接受事實, KCHK 講得好啱, 唔好諗咁多, 以仔仔為要先,

首先要快快幫仔仔排 ...

http://www.swd.gov.hk/tc/index/site_aboutus/page_familyserc2

妳在呢個網睇返自己區係邊個電話。

http://www.swd.gov.hk/tc/index/site_pubsvc/page_rehab/sub_admissiont/id_crsrehabwa/

呢個網可以睇到各區E,S,I 位的輪候情況。

我果時在協康評估，個CP係即時傾埋排咩位，填埋referral form, 搵埋我應該交去邊間中心（因為我果區分南北）。我就跟第一個網址的地址在第日交左去，負責的姑娘不在，再後一日她打比我，講晒啲程序同話要約見我。跟住約見日見完姑娘，下晝姑娘打比我話出左P no.。到前排姑娘調走，都打黎handover左交代晒先。

Rank: 5 Rank: 5


	1013

12^#

發表於 17-4-12 15:33 |只看該作者

purinlu 發表於 17-4-12 10:31
回覆 Tarttatt 的帖子

十分謝謝你的提點, 我真係唔知從何入手.

http://www.swd.gov.hk/tc/index/site_pubsvc/page_rehab/sub_listofserv/id_psosps/

學前到校list

Rank: 4


	550

13^#

發表於 17-4-12 15:46 |只看該作者

剛剛取回醫生信, 醫生附加了建議排什麼, 仔仔要排S位, 我真係越來越擔心佢的情況, 原來咁差。心情又再一沉.

Rank: 3 Rank: 3


	214

14^#

發表於 17-4-12 16:41 |只看該作者

purinlu 發表於 17-4-12 15:46
剛剛取回醫生信, 醫生附加了建議排什麼, 仔仔要排S位, 我真係越來越擔心佢的情況, 原來咁差。心情又再一沉. ...

我之前阿仔1歲10個月確診自閉排S位
所以好了解你心情，盡快俾信你嗰區嘅社工排位！加油

Rank: 5 Rank: 5


	2567

15^#

發表於 17-4-12 20:54 |只看該作者

回覆 purinlu 的帖子

如果經濟許可, 你可先安排上私人密集訓練或語言訓練, 有很多私人機構如協康會、基督教家庭服務中心、step等有這些訓練/課程。因為排政府服務要一段時間排(至少排9個月), 不要錯過小朋友的黃金時間6歲前做訓練。加油!

Rank: 5 Rank: 5


	1257

16^#

發表於 17-4-12 21:40 |只看該作者

樓主, 政府同私人都要兩邊排, 私人一定快過政府, 因為S位通常都要等一至兩年(視乎地區及是否跨區都選），樓上已經有到校服務的list，睇下有無你想讀的學校, 如果想密集加主流都讀就上午密集, 下午主流(一來咁樣應該高d機會會收)。比心機!

Rank: 4


	550

17^#

發表於 17-4-13 10:12 |只看該作者

好多謝大家提供資料和建議, 我現在雖然仲係好唔開心, 但見到有咁多人幫我, 我感到不孤單, 有你們支持, Thank you.

Rank: 5 Rank: 5


	2192

18^#

發表於 17-4-13 15:40 |只看該作者

回覆樓主:

排咩服務都好，媽媽最重要有心理準備呢個係長期既培訓。同埋有同爸爸商量傾談嘛？雙親既一致方向，對小朋友都好重要。見得太多，因為小朋友既問題，引致夫妻不和。
如果媽媽覺得攰，傷心，一定要拎出黎講，唔好靜靜一個啀埋喊。

唔遊過去係個人選擇。不過我唔係雞，殺我黎警猴就好過份。我唔覺我需要對b6有幾好囉

Rank: 5 Rank: 5


	1516

19^#

發表於 17-4-14 19:22 |只看該作者

本帖最後由 heiheiada 於 17-4-14 19:23 編輯

Del

來看我的BLOG
http://www.baby-kingdom.com/?uid-137816-action-viewspace-itemid-16886

Rank: 5 Rank: 5


	1516

20^#

發表於 17-4-14 19:24 |只看該作者

回覆 purinlu 的帖子

我個囝都係今年年頭俾 CAC 評估為自閉。

阿囝發現有問題時佢已經4歲半，因為情況唔嚴重，健康院夾硬話佢冇事。只係轉介左幾堂言語治療俾阿囝。

後來我透過學校找了心理學家評估，取了轉介信，去社署登記。當時我好好彩，幼園校長請了學校社工幫忙，陪我去社署登記，又幫忙我申請到校服務。之後，我又遇到一個好好心嘅社署職員，佢收到我個 case 就即刻接見我，幫忙處理。所以我喺極短嘅時間就申請到社署嘅輪候號碼＋到校服務。之後，我才拿轉介信到 CAC 登記，排期排差唔多一年，到今年年頭才等到評估，結果 CAC 嘅心理學家確認佢有自閉証。

我同C6當時都好平靜，可能係因為阿囝自從接受到校服務之後，有好明顯嘅進步，亦都可能係因為我地明白，無論評估結果如何，我地都會努力去輔助佢。最近，阿囝參加左升小學適應小組，阿囝嘅態度有好明顯嘅改善，社工亦都話佢升普通小學完全沒問題。

所以，樓主唔好唔開心，我地要做嘅係盡我地嘅能力去幫助佢，結果係點樣唔到我地控制，只能說盡了力，無悔了！船到橋頭自然直，我們都不要太擔心，上天自有安排。

來看我的BLOG
http://www.baby-kingdom.com/?uid-137816-action-viewspace-itemid-16886

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2025 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢