子女的選擇真係要支持? - 備戰大學 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 備戰大學 › 子女的選擇真係要支持?

發新帖

查看: 2311\|回覆: 18	go 子女的選擇真係要支持? [複製鏈接]

Rank: 3 Rank: 3


	368

1^#

發表於 16-7-21 11:53 |只看該作者 |倒序瀏覽 |打印

我女明年考DSE, 最近同佢談及將來選科的話題, 佢話佢其實好喜歡演戲, 佢有玩Drama的...不過我一直以來我都同佢講, 藝術呢樣野係要捱, 付出同收入未必成正比, 我建議佢用份正職支持住去玩藝術，但佢覺得我band佢…..

佢成日話, "我明我將來係要養家麻, 所以而家咪唯有逼自己讀一D不想讀的科目, 將來做D自己唔鍾意的工作…" 咁就一世喎…. (駛唔駛咁慘呀?)

我們係一個典型中等入息家庭, 要養年老的父母, 要供樓, 自己年紀都已近半百, 有少少積蓄, 最近老公份工又不穩定....
成日聽D專家講, 要比D細路做佢鍾意的野.... 好似我情況, 真係唔通唔理現實咩?

Rank: 9 Rank: 9 Rank: 9


	20786

2^#

發表於 16-7-21 12:09 |只看該作者

回覆：子女的選擇真係要支持

現香港人身兼幾職，如男的是牙医，又是歌手，又是藝人，佢家庭背景是牙及醫世家!一人推一步，你有要求，孩子也可達心願，方法己講了，希望明白。

點評

王家爸爸諗起關正傑，正職建築師，副業歌手。發表於 16-7-22 16:05

Rank: 8 Rank: 8


	15364

3^#

發表於 16-7-21 12:39 |只看該作者

本帖最後由黃巴士於 16-7-21 20:46 編輯

佢成日話, "我明我將來係要養家麻, 所以而家咪唯有逼自己讀一D不想讀的科目, 將來做D自己唔鍾意的工作…" 咁就一世喎…. (駛唔駛咁慘呀?)
*************************************************************************************************
似乎你囡都很有能力在學術上發展, 才有如此矛盾.
亦睇你囡有几鍾意藝術???
如果真心支持ART,係會唔計較犧牲自己一些東西/事物, 而去保護自己理想中的風險. 則做一份唔太喜歡的工作賺錢去支援藝術的支出。
相反地, 如是學術不成, 就正接向其ART出發.
這方面, 只有她自己才可盤算.

Rank: 5 Rank: 5


	3156

4^#

發表於 16-7-21 12:52 |只看該作者

引用：我女明年考DSE,+最近同佢談及將來選科的話

原帖由 CircleFace 於 16-07-21 發表
我女明年考DSE, 最近同佢談及將來選科的話題, 佢話佢其實好喜歡演戲, 佢有玩Drama的...不過我一直以來我都 ...

你們真的要等她養嗎？如果可以的話，給她機會試試實現夢想吧！

Rank: 14


	119395

5^#

發表於 16-7-21 14:40 |只看該作者

回覆：CircleFace 的帖子

聽專家講，都要了解他的背境，及他引述的例子背境！例如他看過芬蘭的例子，咁芬蘭d稅，失業及退休福利跟香港截然不同！硬套在香港，Die Hard.

星期日聽高永文在中大EMBA 的分享，幾接地氣。他説自己中學較喜歡文學，但又喜歡醫科，因為家庭環境，當時做醫生是合適的！畢業後，越做越覺得合適自己，看書、文學依然是工餘興趣！

到他的兒子喜歡觀鳥，他的建議是生物學家好難搵食，所以亦步他後塵學醫，從醫，但繼續觀鳥的興趣。

以前魏婍珊都喜歡話劇，但讀新聞，做了多年 anchor ，後來結婚，離開電視台，再做返話劇！

God grant me the serenity
to accept the things I cannot change;
courage to change the things I can;
and wisdom to know the difference.

Rank: 5 Rank: 5


	3310

6^#

發表於 16-7-21 18:26 |只看該作者

我們這些年青人常說追夢，想趁著有能力去做自己嚮往的事。我覺得中六生心底裡其實有consider夢想與現實的問題，有自己的打算，這個時候做家長最好還是先支持，等完了DSE再詳談（可以改選），因為作為年青人面對公開試已經很辛苦，還要有父母阻撓真的會很frustrated。當然還是要強調成績，讓自己之後想法不同時仍有選擇

Rank: 5 Rank: 5


	4899

7^#

發表於 16-7-21 18:55 |只看該作者

ANChan59 發表於 16-7-21 14:40
聽專家講，都要了解他的背境，及他引述的例子背境！例如他看過芬蘭的例子，咁芬蘭d稅，失業及退休福利跟香 ...

魏綺珊入大學時都未有演藝學院，讀到書的話入新聞系（有埋電影電視廣告讀）系同話劇最近磅的。

我反而想，如果樓主個女聽父母話，先入大學讀其他科，大學畢業后再走去讀戲劇，樓主會唔會覺得佢浪費左四年？我識幾個人，大學畢業后（三大，什麽科都有）走去演藝讀year 1.

點評

ANChan59 Thx 發表於 16-7-22 10:08

Rank: 5 Rank: 5


	4899

8^#

發表於 16-7-21 19:06 |只看該作者

CircleFace 發表於 16-7-21 11:53
我女明年考DSE, 最近同佢談及將來選科的話題, 佢話佢其實好喜歡演戲, 佢有玩Drama的...不過我一直以來我都 ...

我估你得一個女，佢覺得你地層樓遲早比佢，佢唔會覺得有經濟壓力。

或者甘，你同佢講不如入中大新聞系，有電影電視讀，課餘搞劇社，魏綺珊都系甘。等佢入左新聞系，眼界開左，可能畢業時就有第二D 想法。

Rank: 8 Rank: 8


	15424

9^#

發表於 16-7-21 20:37 |只看該作者

佢肯聽父母講就最好，唔肯聽都唔到我地唔支持。

Rank: 6 Rank: 6


	7022

10^#

發表於 16-7-21 22:38 |只看該作者

回覆：子女的選擇真係要支持

我一向以來都專重個仔決定，人生係佢過，唔係我幫佢過，我由細已同佢講，有手有腳肯做野唔會餓死，我唔洗佢養，佢自己夠食就得啦，屋永遠都有得佢住，做自己想做既野，只要唔傷害人，唔理佢，最緊要係做既野要諗清楚，要一生無悔。。。。唔好做 d 將來會後悔既事。佢宜家成日都話將來想做youtuber/綜藝節目既藝人，我當然冇問題，但呢一刻你仲係學生，考好個 dse 先，將來你想做咩都得

點評

smallmama Me too 發表於 16-7-22 11:52

Rank: 6 Rank: 6


	7022

11^#

發表於 16-7-21 22:43 |只看該作者

回覆：子女的選擇真係要支持

我唔會干預佢讀咩科，只要佢入到

Rank: 6 Rank: 6


	5911

12^#

發表於 16-7-22 11:32 |只看該作者

每個家庭都有自己的故事，最清楚自己子女情況的並不是其它人！
老實說，子女到了不需要你的意見的時候，你講都冇用。
每一門職業都有出路，關鍵在於比心機做，做到嗰行最頂尖的就會出頭。宋仲基都捱左好耐先靠一個機會爆紅，磨劍十年都是等一個機會。入依行除天份之外就是忍耐，要有心理準備
同佢講做人要有擔當，要2手準備：如果萬一做演藝唔成，咁靠咩生活？
做學生有做學生的責任，拿到一定的資格之後，比5年時間佢追求夢想，追到自然好，失敗起碼有個資格做番凡人，營營役役像常人般在職場搵食。
也許，一年後佢的想法已經唔同了；多變就是處於這個年齡段的孩子的一個特點。

Rank: 4


	985

13^#

發表於 16-7-22 11:59 |只看該作者

我覺得最緊要佢知自己做緊什麼決定, 我仔今年升中四選科咁, 佢一開學已問晒老師視藝DSE係讀D咩考D咩 (我都係到要填選科先知亞仔一早問晒呢D野), 所以我比佢自己選 (開頭第一次佢選視藝同宗倫, 嚇到我), 但我冇BAND佢, 只係同佢講佢自己選要比心機讀, 後來到6月可以再改最後機會, 結果佢選咗視藝同世史, 佢話2科可以有D關係 (因為視藝要讀藝術史), 咁做家長可以做就係支持同做佢既backup.
常用古人既說話鼓勵自己 : 兒孫自有兒孫福, 只要在他們需要既時候站在他們身邊已足夠.
(只是自身感受, 不喜勿插)

Rank: 11

醒目開學勳章貢獻勳章


	33554

14^#

發表於 16-7-22 12:19 |只看該作者

我又quote 一個"名人" 嘅故事

讀書時，阿Moon已經鍾意音樂，認識佢時，佢學咗中樂幾年，鋼琴無記錯得3級，屋企唔支持佢向音樂發展。
當年，男友 (現時老公) 入咗理工放射治療，阿Moon repeat一年後亦跟隨。畢業後，從事放射治療師行業，並儲錢讀CU 音樂學位課程 (呢行有好多part time post)，之後去BU讀音樂master，之後因為搞籌款活動，成立香港業餘管絃樂團，係現時嘅團長、指揮。
而佢，亦無停過從事佢嘅專業，業餘仲有教樂器、做比賽評審、接表演job、仲有樂團練習！

唔贊成佢讀音樂嘅爸爸，同阿Moon嘅關係亦响一次演出後破冰

如果係真心鍾意嘅嘢，唔需要放棄，讀咗個專業之後，亦可以同步發展！

恐龍家

Rank: 15


	132916

15^#

發表於 16-7-22 16:08 |只看該作者

CircleFace 發表於 16-7-21 11:53
我女明年考DSE, 最近同佢談及將來選科的話題, 佢話佢其實好喜歡演戲, 佢有玩Drama的...不過我一直以來我都 ...

喜歡演戲、玩Drama，同讀啲揾到錢既科目，其實無衝突。除非你讀工程，否則都有大把時間參加學會，玩演戲、玩Drama。

Rank: 9 Rank: 9 Rank: 9


	20786

16^#

發表於 16-7-22 16:37 |只看該作者

回覆：王家爸爸的帖子

工程冇時間參加活動?

Rank: 9 Rank: 9 Rank: 9


	20786

17^#

發表於 16-7-22 16:39 |只看該作者

回覆：小曳人的帖子

Rank: 6 Rank: 6


	5911

18^#

發表於 16-7-22 17:15 |只看該作者

小曳人發表於 16-7-22 12:19
我又quote 一個"名人" 嘅故事

讀書時，阿Moon已經鍾意音樂，認識佢時，佢學咗中樂幾年，鋼琴無記錯得3級， ...

對，好例子。
樓主不妨鼓勵孩子現在讀好啲書，考好啲，在大學就可以選些和戲劇/音樂有關的學位讀，甚至到外國讀也可以，用這個途徑去追求理想。到拿到了資格，再看看怎樣實現理想；這樣總比空口講理想實際。
否則，理想實現不了，光陰倒是浪費了不小，幾年後還是原地踏步~

Rank: 4


	599

19^#

發表於 16-7-22 21:23 |只看該作者

回覆：CircleFace 的帖子

總值有大學學歷最重要

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2025 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢