- 在線時間
- 47 小時
- 最後登錄
- 08-8-10
- 國民生產力
- 10
- 附加生產力
- 22
- 貢獻生產力
- 0
- 註冊時間
- 70-1-1
- 閱讀權限
- 10
- 帖子
- 159
- 主題
- 34
- 精華
- 0
- 積分
- 191
- UID
- 767
 
|
Re: 免費去德國留學
share:
當時我有存錄有關北歐免費大學資料, 希望幫到你, 資料如下:-
免費大學
北歐很多地方的大學都唔駛學費架~~~大家可以考慮下
但由於香港無agent及宣傳, 所以無乜人知道, 全部要自己一手一腳上網申請, 訂機票...等等...有興趣的可以在3月尾左右去歐洲教育展查詢
因為北歐少華人, 去呢度讀書, 可以更加令自己學好語言, 相比香港人去其他熱門地方好D囉~~~
但有很多人都唔相信可以免費讀大學, 以為要有歐盟護照或拎到獎學金先得~~~其實真係唔駛學費架~~~
成績唔駛一定好彪炳架~~~但就一定要讀完F.7囉~~~仲要係香港考一個英文試, 不過我唔記得左係咩試~~~好似一年有好多次架~~~
去歐洲讀書, 唔駛一定要識幾種語言, 但一定要問清楚你想去既國家的大學是否有英文課程, 咁就得架啦~~~而且課程還包括學習其他國家既語言學添呀~~~
我妹妹剛於今年8月尾去左芬蘭讀U, 佢話讀得好開心, 話同香港既教學模式好唔同, 唔係乖乖坐定定咁上堂, 而係好活動式咁教學, 例如 : 遊戲, group discussion等等~~~~最緊要係少華人, 去到可以improve到speck English.
如果想拎有關資料, 請留意報紙, 大約在3月中或3月尾, 香港會舉行歐洲教育展, 去果度取料就最齊最新~~~~
佢地會問你想讀咩科, 然後介紹有關大學比你知, 不過要自己上網申請, 然後寄齊學歷去.....如果你可以面試, 佢地會寄通知信比你, 有些學校可以在領事館進行, 但有些就要親身去面試~~~我妹妹果時, 一間在領事館考, 一間要去芬蘭考~~~可能香港太少學生, 佢地驚你唔習慣, 所以希望你可以親身去體驗一下那邊既生活~~~
如果之後你被取錄的話, 亦會有信通知, 咁你就可以自己book機票, 然後拎埋入學信及book機票既confirm list去領事館申請visa, 費用好似$500左右~~而申請的學生, 銀行戶口要有約5萬多元, 要拎埋銀行簿比佢睇, 但申請完之後可以動用這筆錢的~~~
學校方面會幫你安排埋住既地方及有人會去接你機, 帶你認識日常生活的地方, 例如 : 超市, 銀行, 郵局...等等....
如果去芬蘭, 最好搭芬蘭航空, 既直接, 價錢又平
不過, 佢地係好有規律架~~~例如 : 你要confirm去唔去面試....等等.....
我妹妹呢排比較忙, 佢有幾個test及要交功課呀!!! 所以我未問到佢, 如果我問到佢既話, 一定會將詳細資料話比大家知
我妹妹是住在學校提供的宿舍, 住宿費約港幣$700 (宿舍分單人房同雙人房, 前者約港幣$1500, 後者約港幣$700), 已包基本傢俬即床, 被, 枕頭, 書台, 衣櫃, 椅子及電費, 在學校食lunch約港幣$20一餐, 我妹妹話好似食自助餐咁, 都唔錯架~~~至於其他雜費及一個月約用多少, 好視乎個人, 有些人大洗咪用多D囉~~大些人知慳識儉咪會用少D囉!!! 以我妹妹為例, 佢8月尾走時, 我比左EUR$2000 (約港幣2萬), 佢都仲未用哂~~~佢話每星期去超市買野, 都會與同學仔一齊四圍去格價, 而家已經知道那間超市最平喎!!! 佢話要學習獨立及處理金錢, 係一個好好鍛鍊自己既時間喎!!!
如果去當地面試, 千祈唔好租酒店, 因為好貴, 好似約要港幣$1000以下一晚, 我妹妹果時, 係佢朋友幫佢book一間類似學校宿舍既房, 港幣$200一晚, 真係平好多架~~~
機票視乎哪間航空公司及季節, 芬蘭既學校8月尾就會開學, 我妹妹當時揀芬蘭航空, 因香港無直航機, 搭芬蘭航空是最快及轉機時間最短, 機票是一年期限那種, 加埋機場稅約$11000左右, 不過寄艙行李只有20kg咋!!! 但如果你book機票時, 出示埋學校取錄信, 航空公司會免費比多10kg寄艙行李, 而hand carry可以有8kg, 我妹妹果時寄30kg行李, 另帶8kg上機, 手提電腦可免計重量
我妹妹話而家當地氣溫是-24C, 不過唔覺太凍喎!!!! 佢話好開心, 可以過白色聖誕及砌雪人及玩雪戰, 呢D係香港無架!!! 仲有, 佢有時都會睇到北極光, 佢話真係好難忘喎!!!
如果要買羽絨, 去當地買平香港好多, 約港幣$400, 但比香港買的還要暖, 因佢走時, 我在香港買左件9:1既比佢, 都要仟幾蚊, 但佢話都不及在芬蘭買的暖呀!!!
佢仲話在課餘後, 師生既關係好融洽, 凡有長假期, 佢個阿Sir仲介紹part-time比佢做添呀~~~佢話雖然人工唔係太多, 但可以有improve英文既機會喎!!!!
佢未決定去芬蘭讀書時, 佢中學既Miss唔贊成佢去芬蘭讀書架!!! 話係香港讀副學士都有好多出路, 但我同老公都覺得, 同樣用三年時間, 梗係讀Degree好D啦!!!!
當佢去到約一個月左右, 佢話慶幸自己當初無聽Miss講, 如果佢當初決定唔去, 佢話一定會後悔喎!!!!
見到佢而家咁開心, 我同老公辛苦D都值得既~~~
我終於問左我妹妹啦~~~~個英文試叫做 "IELTS", 即係 International English Language Testing System, 係英國文化協會度考架~~~你地有興趣既, 可以自己去英國文化協會個網頁度睇, 佢有哂費用, 考試時間表及 preparation...等等....希望呢D資料可以幫到大家啦~~~~
取自: carol_kk
Date: December 25, 2004
|
|
發表於 05-7-8 13:11
