A仔選小學 - 自閉寶寶 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 自閉寶寶 › A仔選小學

發新帖

查看: 5401\|回覆: 22	go A仔選小學 [複製鏈接]

Rank: 3 Rank: 3


	314

1^#

發表於 15-11-21 01:03 |只看該作者 |倒序瀏覽 |打印

呀仔仲排緊隊做first assessment, 但醫生話過佢似係有autistic features, 開邊瓣未知，但下年要讀小學了

我想問各位經驗媽咪，你地係點樣選學校。是否一定會選有融合教育果類，定係普通大班都ok? 會考慮佢的行為特性，定係學校質素多d?

呀仔而家間幼稚園老師時時話仔仔固執，不易接受課堂改變？我是否應揀d活動教學俾佢？但佢又完全掌握同記得課堂內容，我是否不應因一個亞氏就奪去佢讀普通學校的權利？

好迷惘，希望大家幫幫忙。我知自己孩子應自己最清楚，但我好需要一些指引

Rank: 5 Rank: 5

醒目開學勳章


	4364

2^#

發表於 15-11-21 09:30 |只看該作者

引用：呀仔仲排緊隊做first+assessment,+但醫生話

原帖由 cyriliris 於 15-11-21 發表
呀仔仲排緊隊做first assessment, 但醫生話過佢似係有autistic features, 開邊瓣未知，但下年要讀小學了

...

如只是固執及社交差的既, 不算最谷的傳統學校也可以, 我仔適應得很好, 頭一個月多跟進便可, 但如有ADHD傾向便要慎選, 要包融多的的學校, 或者多活動消耗佢既精力

Rank: 4


	631

3^#

發表於 15-11-21 11:04 |只看該作者

本帖最後由 Jcat 於 15-11-21 11:08 編輯

我估你混亂了. "融合教育"係一個理念, 現在香港所有的中小學都係融合教育的, 只要唔係特殊學校, 就叫融合教育.
以我仔為例, 佢今年都係入讀主流學校的小一, 我選校時已填報sens. 所以當我仔入讀時, 學校就可以跟據sens的人數向政府申請資助, 用這畢錢請言語治療師, 物理治療師, 教育心理學家等等到學校提供服務俾這些學生.
其他所有上學既事情全部和普通學生一樣, 除非有專注力不足或讀寫障礙, 否則真係所有野都一樣(功課, 考試, 上課安排) 這就是融合教育.

當然, 有些學校做得好, 有些學校做得唔好. 教育局係要求全港所有學校都唔可以歧視, 要融合的. 但仍然有少部分學校向家長推卻話學校無資源架, 而事實上係可以向教育局投訴, 這是歧視的一種. 不過, 如果校長/學校無心去做, 投訴完入讀左都唔係好事, 所以好多時家長就唔揀這些無愛心既學校, 也不會投訴, 不了了之吧.

Rank: 4


	631

4^#

發表於 15-11-21 11:10 |只看該作者

我自己既經驗係, 小班教學老師比較容易照顧到. 傳統既大班教學, 就算老師好有愛心, 但分身始終有困難.

Rank: 3 Rank: 3


	314

5^#

發表於 15-11-21 13:56 |只看該作者

回覆：A仔選小學

多謝大家的回覆，我想問，咁係唔係入到學校先話俾學校知小朋友有特別需要，學校就會安排d special edu架啦？又係唔係只有津校先有，咁直資私校呢？

是否只有從口碑先知學校對呢類小朋友好唔好，仲有無其他途徑？

我都覺得師生比例好緊要，一對廿幾真係會難為了老師。

我小朋友上堂應該係唔專心果種，老師成日話佢踢腳遊雲，又唔係太願意跟指示，但成續算跟到，亦未至於周圍走，問題兒童一名。老師講到咁，我都唔知有咩學校啱佢啦

我想選一間老師有愛心，無分名次，活動教學唔太悶的學校，會否太離地？落地d講，我都唔知自己想要咩？再者，名校如st Paul 男拔，我小朋友是否已經唔駛諗？

Rank: 5 Rank: 5

醒目開學勳章


	4364

6^#

發表於 15-11-21 17:44 |只看該作者

引用：多謝大家的回覆，我想問，咁係唔係入到學校

原帖由 cyriliris 於 15-11-21 發表
多謝大家的回覆，我想問，咁係唔係入到學校先話俾學校知小朋友有特別需要，學校就會安排d special edu架啦 ...

如果屬輕微, 註冊後冇耐交番SEN報告也可以, 因為有親耳大庭廣眾聽到一間融合教育做得不錯的學校校長說: 教育署派到落黎就盡力做好, 但如果比佢揀一定唔收SEN學生

Rank: 3 Rank: 3


	314

7^#

發表於 15-11-21 18:14 |只看該作者

引用：Quote:原帖由+cyriliris+於+15-11-21+發表

原帖由 piglet0529 於 15-11-21 發表
如果屬輕微, 註冊後冇耐交番SEN報告也可以, 因為有親耳大庭廣眾聽到一間融合教育做得不錯的學校校長說: 教 ...

咁個校長都算幾好，多謝相告

Rank: 5 Rank: 5


	4155

8^#

發表於 15-11-21 19:07 |只看該作者

我仔都係明年升小，啱先做完評估，都好擔心佢上小學的行為表現。但為了方便照顧，都係跟家姐間小學了。

Rank: 5 Rank: 5


	4461

9^#

發表於 15-11-21 19:23 |只看該作者

以我咁多年所見:

第一: 名校/神校: 學位緊張, 你唔讀大把人讀, 學校唔會多資源時間去服侍sen仔, 如果徵狀輕微, 成績又有返咁上下, 又可谷又可丞受壓力, 可試.
第二, 直資, 自行收生, 首先你小孩要過到第一關面試, 收左你的話, 証明你有可能無需支援都得, 而且直資無乜支援.
第三, 私校, 有支援都係家長自費.
第四, 輕鬆, 活動教學, 無名次, 國際學校應該可以, 津校唔使諗, 搵到間小功課當你嬴, 25人一班已經係小班, 有些是3x-4x幾人一班.,傳統學校講求紀律, 不要說上課秩序要守, 就算小息也多多規矩, 否則家長要不停收到學校電話.
第五, 直資,龍校, 私校, 如成功入到, 都要每年成績達標, 否則會勸退或留班

Rank: 5 Rank: 5

醒目開學勳章


	4364

10^#

發表於 15-11-21 21:37 |只看該作者

回覆：A仔選小學

有的津校可能因為地理問題少人揀, 被稱寶校又未必真係咁差, 收生少的有的融合做得好好, 小班同關愛好的

Rank: 3 Rank: 3


	314

11^#

發表於 15-11-21 23:19 |只看該作者

多謝各位意見, 好似在我的校網, 的確有寶校關顧做得好好, 好多人讚, 只不過係我呢個呀媽唔甘心入寶校.
而家真係覺得好大壓力, 好似一念天堂一念地獄咁, 唔想自己的虛榮心害左個仔

Rank: 5 Rank: 5


	1998

12^#

發表於 15-11-21 23:20 |只看該作者

回覆：A仔選小學

我仔A仔，佢智商無問題，係社交行為弱，當然理解分析係比其他人人差。佢好乖，情緒無問題，我想講，而家自傾A仔過度活躍讀寫障礙係好好好common，我仔果班要special care 既 sen有3個，但係呢3個返而正正常常，成績當然唔係最標青，但操行唔差，反而班內有幾個好惡搞，成績好差好差，有機會屋企無人管教，亦有機會跟本家人忽視小朋友是sen，學校包容有back up 重要，但朋輩的操行都重要。

隨著成長，我覺得小朋友的A仔行為越來越少，當然佢本身唔係嚴重的，我仔今年開始食專注力的藥，效果唔錯。我無特別幫佢做訓練，但成日同佢傾計，佢會同我share同學的勁野和衰野，如果佢的A仔特徵出現，我會盡量反影比佢知咁做唔岩。

Rank: 3 Rank: 3


	314

13^#

發表於 15-11-21 23:58 |只看該作者

多謝你的分享呀? 我想問你小朋友是否讀主流學校? SEN的SERVICE是什麼, 包括咩TRAINING, 要留堂做的嗎?
老師同同學會否對SEN小朋友抗拒? 學校功課考試會因佢係SEN調節嗎?
其實我都覺小朋友好似大大下D行為問題無咁明顯, 除非有D特別嘢TRIGGER到佢啦, 所以好想搏一搏一線主流, 不過當然抽唔抽到又係另一回事啦

因我真係對呢D嘢好陌生, 但又一定要認識, 希望你唔好覺得我煩啦~

Rank: 4


	631

14^#

發表於 15-11-23 11:53 |只看該作者

本帖最後由 Jcat 於 15-11-23 11:53 編輯

唔可以俾意見你, 揀唔揀名校或傳統學校係你既選擇, 因為你先係最最最了解孩子的人.
但我可以分享我的觀察和經歷. 我仔係資優+亞氏(好輕微), 學術好好. 選小學時我都一樣爭扎好耐, 揀唔揀學術好既學校俾佢呢, 我覺得佢應該應付到的.
不過最後我無揀, 而事實上現在我覺得我選擇係正確的. 因為A仔對轉變對壓力係好大反應, 佢地有壓力好難表達到也很難消壓. 在這情況下, 如果讀名校或傳統學校, 我將會花好多心神去處理佢既情緒問題.
現在佢開心愉快地做小學生, 成績輕輕鬆鬆就拎高分, 佢既自信心和情緒好好多.
越聰明的孩子, 越容易察覺自己不足的地方, 也會越懂得逃避/遮掩自己的弱項, 所以越大越難教.

Rank: 4


	631

15^#

發表於 15-11-23 11:59 |只看該作者

只有老師才知邊d學生係sens, 同學和家長係唔知的. 除非家長自己講, 咁其他家長才會知.
到校治療服務係根據sens學生的需要而申請的, 在升小前的CAC final assessment而定, 好似我仔, 會寫明要言語治療跟進, 要社工和教學主任follow等. 每個孩子份報告都唔同.
治療就會在上堂時間(所以阿仔有d堂係無上, 家長要自己教番佢), 有少量治療係放學後留校(咁家長就要自己安排接放學)

Rank: 5 Rank: 5

醒目開學勳章


	4364

16^#

發表於 15-11-23 17:31 |只看該作者

引用：多謝各位意見,+好似在我的校網,+的確有寶校

原帖由 cyriliris 於 15-11-21 發表
多謝各位意見, 好似在我的校網, 的確有寶校關顧做得好好, 好多人讚, 只不過係我呢個呀媽唔甘心入寶校.
而家 ...

咁就算未評估, 你覺得自己小朋友如何? 可以坐定定做功課嗎？聽老師話嗎? 在幼稚園有冇打過其他小朋友? 有很大情緒嗎？如果全部也是問題, 咁去到一間學術高或名校你就要預左成日收學校電話

Rank: 3 Rank: 3


	314

17^#

發表於 15-11-23 22:18 |只看該作者

回覆：A仔選小學

今日又收到老師電話，基本上收老師投訴已是家常便飯，但我還是會因這而哭

做功課大都可坐定定自己做哂
返學無打人無敵對，唯獨是較不合群
情緒起伏大，受軟唔受硬，俾人話就起哂降，鬧返人，輸左或油顏色油出界就會喊

我真係好唔開心，當大家講緊自己小朋友入咩名校，我就要諗邊d學校包容到佢

不過綜合各方意見，我諗都係d細校又咁岩遇到好老師最適合佢。我只怕果類學校d學生質素參差，影響左佢

Rank: 11


	30204

18^#

發表於 15-11-24 08:41 |只看該作者

本帖最後由 LeeCC 於 15-11-24 08:42 編輯

我周圍的小朋友都係讀名校，當年我講自行交左邊間，d三姑六婆的反應系：
下？你吾打算俾個仔讀喇沙個d架？
下？呢間你都制？
唔係嘛？呢d學校啊？

所以，先接受自己孩子的情況能力，找適合的學校

三姑六婆的說話唔使理

我可以講，我仔二年級，是我周圍的小朋友當中上學最開心，最有信心的一個，雖然他不是讀喇沙，男拔，間學校講出來一系無人識，一系聽完個校名吾出聲。

Rank: 11


	30204

19^#

發表於 15-11-24 08:57 |只看該作者

本帖最後由 LeeCC 於 15-11-24 08:59 編輯

你可以逐間心儀學校打去問下，有無收過自閉生，學校有咩支援調適，從學校的答复和態度，由什麼人答你，回覆對自閉生的認識，你會知道你要咩學校，咩學校會對你小朋友好
你也會知道哪間學校你可以死心，疊埋心水吾使再抱有幻想

Rank: 3 Rank: 3


	314

20^#

發表於 15-11-24 11:32 |只看該作者

引用：+本帖最後由+LeeCC+於+15-11-24+08:59+編輯

原帖由 LeeCC 於 15-11-24 發表
本帖最後由 LeeCC 於 15-11-24 08:59 編輯

你可以逐間心儀學校打去問下，有無收過自閉生，學校有咩支援 ...

多謝你呀，你所講的，而家我已可在幼稚園感受得到。可能係我多心或者太敏感，但果種小朋友被摒棄的感覺真係苦在心頭。不在此時經歷過，真係無為小學諗得咁清楚。

‹ 上一主題|下一主題 ›

發新帖

熱門主題

最高瀏覽主題