家長必學！25條問題引仔女談學習 「你今日返學點呀？」、「攰唔攰呀？」、「開唔開心呀？」9月開學，家長都想關心仔女上學情況，但問來問去「三幅被」，小朋友都唔願答。曾任高中教師的美國靚媽Liz Evan設計了25條問題，並上載到網誌與其他家長分享，讓大家無須問「返學點呀？」都可以知道仔女「返成點」。短短幾日已經吸引超過200萬人次到其網誌「偷師」，更成為傳媒訪問焦點。 其實，靚媽Liz Evan設計的25條問題都是「兜個圈」去問仔女上學情況，但來得有趣味得多。美國全國廣播公司記者「偷師」後，試問仔女學校有沒有什麼事情讓他們發笑，結果仔女樂意地訴說：「我的老師是新來的，我和同學都有協助他。」 靚媽Liz Evan自言最喜歡第12、15及21項問題，而關於外星人的問題，可以讓子女舒適地表達最不希望誰存在於課堂中，家長可「打蛇隨棍上」，詢問為何希望該人物被外星人帶走，仔女就會不知不覺地表達自己的不滿，家長可因應情況提供協助，更重要是了解自己的孩子。 以下是25條問題問仔女返學返成點：
1.今日喺學校遇到最好嘅事係乜？（或遇到最壞嘅事係乜？）
2.話我知今日有乜嘢令你係咁笑？
3.如果有得揀，你最想邊個同學仔坐你隔離？（或者最唔希望坐你隔離？）
4.學校邊個地方最吸引呢？
5.話我知你今日聽過最古怪嘅詞語係乜？（或從某人聽過最古怪嘅事？）
6.如果今晚我打電話俾老師，你估老師會同我講你啲乜呢？
7.你今日點樣幫助人？
8.人哋今日點樣幫你呀？
9.講一樣你今日學到嘅新嘢？
10.今日邊個時間最開心？
11.今日邊個時間最悶？
12.如果有太空船去到班房要捉走一個人，你想邊個俾外星人捉走？
13.有邊個同學仔你未同佢玩過，好想小息搵佢一齊玩？
14.話我知今日發生過乜嘢好事？
15.邊個詞語老師今日講得最多？
16.你覺得有乜嘢你要喺學校做／學多啲？
17.你覺得有乜嘢你要喺學校做／學少啲？
18.你覺得要對邊個同學仔好啲？
19.小息時你通常去邊度玩？
20.邊個同班同學最得意？點解係佢？
21.午餐最鍾意係乜？
22.如果聽日你係老師，你會做乜？
23.班上有邊個同學仔要罰佢冷靜下？
24.如果有得調位，你最想同邊個調？
25.今日你分別三次用鉛筆做過啲乜？ 轉載自蘋果日報
| 
發表於 14-9-9 08:45
