到英國讀書（左丁山） - 教育講場

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 教育講場 › 到英國讀書（左丁山）

查看: 968\|回覆: 5	go 到英國讀書（左丁山） [複製鏈接]

elbar

翡翠宮

Rank: 13


	77527

1^#

發表於 14-8-21 10:09 |只看該作者 |倒序瀏覽 |打印

8月份係海外大學招生季節，呢日見到一份廣告，因有陶傑相片，特別睇多兩眼，原來係英國大學招生廣告，內裏有不少名氣學校，唔駛賣廣告招生呀嗎？佢地肯收嘅話，香港文憑試考生會排隊由中環排到筲箕灣，何況仲要搵陶傑做icon？初為人母嘅記者G話：「哎吔，個個父母都想子女到英國讀大學，可以讀到有陶傑咁叻呀！」你就想咯，陶傑係才子，才氣係天生嘅，冇得讀嘅，如果到英國讀書嘅學生個個可以成為陶傑，申請入學嘅年輕人會由香港排隊排到上廣州咁長。

地產M就有仔在英國讀大學，剛回港放假，M公子陪埋地產M到中環飲茶，衣着光鮮醒目到極，標準英國紳士款喎，與從加州回來放假嘅學生P打扮完全唔同，學生P穿NBA籃球員短褲，長可及膝，配一件Chris Paul嘅球衣，半個黑人青年裝扮，與M公子相比，好似係南極與北極。問M公子：「你日日都着成咁？」M公子話：「唔係一定嘅，不過好多同學都着得好型，我唔想咁寒酸！」哦，好彩地產M已經搵到上咗岸，由做地產經紀做到有十幾層樓收租，咁又支持得到地產M公子在英國讀書着靚衫揸靚車嘅，地產M向左丁山解釋：「阿仔間大學有好多富貴同學，唔係白人呀，全部來自中國大陸，佢地個個着靚衫，揸靚車，呢，啱啱有一位趁暑假招待幾個同學去上海觀光一星期，話要盡地主之誼，包埋阿仔來回機票（倫敦至上海），及五星酒店住宿，搞到阿仔與同學鬆毛鬆翼，我已經警告佢，我冇錢還禮㗎！」

左丁山為之聽到哈哈大笑，跟住善意警告M公子：「你因住畢業回港後，識講流利普通話，英文反而唔多掂！」內地學生留英者，聽講多數有錢，「窮窮地」嘅就嚟香港或美國，唔怪得教育係英國一門大產業，美國大學亦盡力吸引中國學生，睇霍士電視嘅新聞短片，講加州Santa Clara大學（查史美倫母校）如何努力為中國學生服務，便知一二。唔怪得CNN有段新聞話，香港學生考SAT，報名慢啲嘅話就會冇位，因為每次SAT考試，都有極大量中國學生來港參加（因中國無SAT試場），有啲趕時間嘅香港考生，因香港冇位，唯有飛過去星加坡考SAT！

左丁山

1 0 0 0

解憂店

世界著名大學

返回頂部

FattyDaddy

男爵府

Rank: 6 Rank: 6


	9576

2^#

發表於 14-8-21 16:02 |只看該作者

Elite schools in UK could be full of hidden dragons and crouching tigers, if one has the privilege to study in one of them it is not uncommon to sit beside a prince or princess of some third world country, but so what? If you are not quite in the same league as them then you are at most a hanger-on, and then as with any third world country, these people could fall from grace in the blink of an eye, prince one day, fugitive the next, e.g. "Bok the Melon".