用戶登入
用戶名稱:
密      碼:
搜索
教育王國 討論區 幼教雜談 有冇媽媽選擇放棄上N班?
發新帖
查看: 4685|回覆: 15
go

有冇媽媽選擇放棄上N班? [複製鏈接]

Rank: 5Rank: 5


1462
1#
發表於 13-9-26 23:06 |只看該作者 |倒序瀏覽 |打印
因亞B一返N班就病足兩個月!醫生都睇了八丶九次!心都痛晒!經醫生建議,決定放棄返N班,等出年先讀K1。但見亞B一個在家又好似好悶咁!有媽媽做同樣的決定嗎?



   3    0    0    0


119
2#
發表於 13-9-26 23:55 |只看該作者

回覆:angel-papa 的帖子

提示: 作者被禁止或刪除 內容自動屏蔽

Rank: 3Rank: 3


235
3#
發表於 13-9-27 00:02 |只看該作者
由於仔仔今年未夠年齡入讀N班, 所以打算直接明年入讀k1

Rank: 5Rank: 5


1302
4#
發表於 13-9-27 00:46 |只看該作者

回覆:有冇媽媽選擇放棄上N班?

我有自己教我女自理,認知等……so far,佢識自己揸筷子食麵,挾餸食飯,自己著鞋著袜。因某啲原因冇俾佢返n班,不過有每星期上2-3堂私人學前準備班,每日有2小時課程中有1小時英文及1小時普通話/廣東話,主題教學,有大小肌訓練,又有phonics,茶點等,其實都等同返緊n班,不過超小班,得4個小朋友1班,不過咁返法都唔係平就真,但個人認為性價比絕對值得,而且有病假,唔洗有啲人當小朋友病都仲帶佢哋返去散播細菌。

我响出面偷睇上堂見到個個都好開心,雖然只返咗個零月,但已經見到阿女叻咗,有啲嘢我冇教都識講番俾我聽。 黎緊考k我都對佢好有信心!所以我覺得返唔返n唔係重點,但家長點幫小朋友準備先係最緊要。

講到好似賣緊廣告咁,但我唔係,所以唔洗問我喺邊間返,我唔想好似幫人賣廣告 :;pppp:



Rank: 4


779
5#
發表於 13-9-27 01:59 |只看該作者
我B係龍囡,理應張羅緊dPN班,但我先生就好反對咁細就要返學,因為佢身邊好多朋友D仔女一讀PN就病,一個月就請病假半個月,又話頭半年返都吾知做麥,返到去就一個喊完到一個,情況失控,亦都覺得咁細理應需要阿媽多於一切,(因為我遲職全程湊女),佢既堅持我都明白,只好找D play group上,等阿囡學習同人溝通,但作為阿媽既我眼見個女D性格比較牛王頭,亦都驚住吾讀PN班到時跑K1幼稚園機會會少過其他有讀既小朋友,龍B眼見真係太多啦!真係驚到時好學校難求,依家剛報左play group比佢試下反應,之後到兩歲都想報D兩歲班上,(我見到有D班好似返學咁樣,毎日兩個鈡頭,返足5日,全程英文教授,例如JollyKingdom)各位為人父母既可否分享一下意見,我驚我選擇錯誤,亦都有無一D好選擇係for兩歲小朋友學前班,比些意見。THX!!

Rank: 2


62
6#
發表於 13-10-20 03:49 |只看該作者

回覆:Arashi_nam 的帖子

點解小朋友一定要返N班先係好?我大女係我自己一手一腳湊,從來無讀過N班或返過一日playgroup,因為我堅信自己湊會知道個女進度係邊?可以自己教唔駛嘥錢。

或者你自己信心不足,但我可以講係:

1.我從來無諗過要小朋友讀名校或者做資優生。所以我無報任何N班或者playgroup
2. 我只係想小朋友返學無咁攰,所以揀校時要求原區。雖然係原區,我都揀區內個人認為最好、最少雙非嘅幼稚園
3.小朋友返學係學習知識,如果你一早已經催谷佢學呢樣學果樣,只會剝奪佢學習興趣,到佢返K1時只會唔專心,因為佢已經學識咗,仲點解要返學聽老師?

我只想我嘅小朋友童年時係開開心心,掉返轉頭諗下你自童年係點過?我相信你自己都希望自己童年時唔係日讀夜讀、過一啲非人生活

我大女而家K1,但我一樣課外活動都無幫佢報,直到佢出聲想學我先會幫佢搵,因為興趣唔係迫出嚟,係要自己發掘,到時到候佢自然會話你知,你迫佢學係無用!

之於你話驚interview時會蝕底,我從來無驚過。係屋企我會自己教佢認ABC、數123、認圖形、顏色、夠佢interview用就算。最多時間係講故事,因為佢聽我講故事時可以學到詞彙、睇到繪畫,從而有邏輯思考、講故事能力。

而家細女我都係咁做,細女係兔尾B,會同龍B爭幼稚園學位,但我都無驚過。只要信自己有能力教好個女、俾最好嘅嘢佢,咁點解要假手於人?

希望你睇完會明白,母愛勝於一切。只要我地有能力,點解要俾小朋友咁快受苦去讀書?佢有心讀自然會努力、否則只會浪費自身氣力,得不償失!

媽媽之路不易行,共勉之!



點評

ckadull  做得好! 咁你平時會同女女去邊到玩???  發表於 13-10-29 15:01
mcegg  講得好啱!你所信所做嘅係媽媽嘅典凡,值得眾媽媽學習!  發表於 13-10-24 09:10
maylulu    發表於 13-10-23 11:39

Rank: 10Rank: 10Rank: 10


29493
7#
發表於 13-10-20 08:59 |只看該作者
返n班返冇幾耐就要考k, 其實對考k幫助唔係咁大。
返n好處我覺得係可以有機會同其他小朋友相處,喺一個大家都冇家長在場嘅地方相處。n同playgroup唔一樣,喺n有好多時間唔係學緊知識,而係學緊相處,自理。喺學校,要去廁所,要排隊等,唔可以等到last minute先講要去,到時又趕唔切。喺屋企,玩到最急先去都仲得。哩少少分別,屋企setting好難做到。

Rank: 1


16
8#
發表於 13-10-21 22:09 |只看該作者

回覆:有冇媽媽選擇放棄上N班?

如果樓主唔需要返工,可選擇唔上n 班,自己教或只報出面的playgroup校也可~現在很多人報n係因為媽咪要返工不能親自教自理才把小孩送進n班學野,獨立及自理(好過留在家被嫲嫲/婆婆/工人姐姐寵壞)有得揀既話,寧願自己身為阿媽自己教番~小朋友都乖d ~



Rank: 7Rank: 7Rank: 7


10291
9#
發表於 13-10-21 23:41 |只看該作者
支持唔返n班!我仔仲要大仔,都等到3歲幾先返K1!我返而好珍惜唔洗返學嘅日子,小朋友一旦返學,就要返十幾二十年,真係無憂無慮嘅時間好少!

點評

shevachevy  同意呀, 讀書時間流流長, 玩多年仲好啦, 我女都冇讀n班, 成3歲半先返k1, 而家都適應得好好  發表於 13-10-24 15:00

Rank: 5Rank: 5


2786
10#
發表於 13-10-22 14:47 |只看該作者
題外話:其實 N 班係 K1,樓主應該係講緊 PN﹖

Rank: 3Rank: 3


339
11#
發表於 13-10-23 01:03 |只看該作者

回覆:有冇媽媽選擇放棄上N班?

我都放棄左唔讀 pn:
1· 見到個個响校車釣魚……好明顯唔夠瞓
2· 個個都話三兩日又要睇医生
3· 小女比較容易同其他大人細路溝通,冇急切需要提升技能
4· 自理 ok
5· 對答如流,有時大人講野佢識答咀
6. 認知 ok, 佢成日問人咩黎,做乜野去了解唔同人和事。其實佢好多野都知係咩,當我反問佢,佢會識講反出黎
7· 甘早返學,我自己都起唔到身,何況我個囡要瞓十二個鍾
8· 唔想呢頭食完奶,果頭就上車,會呕
9· 褓母教得佢好好
10· 可以去多幾次旅行
由於以上因素,我選擇比佢玩下先,大家 happy



Rank: 5Rank: 5


1260
12#
發表於 13-10-23 11:50 |只看該作者
回復 fafapot 的帖子

Are you a working mom? If so, could you share your experience in teaching your daughter during your off-work time? Thanks!

Rank: 4


967
13#
發表於 13-10-24 12:57 |只看該作者

回覆:有冇媽媽選擇放棄上N班?

返同唔返都有好處!如果返得唔好,成日病,咁就停啦,好返怕悶就上pg,一樣學到嘢!



Rank: 4


667
14#
發表於 13-10-24 13:58 |只看該作者

引用:因亞B一返N班就病足兩個月!醫生都睇了八丶

原帖由 angel-papa 於 13-09-26 發表
因亞B一返N班就病足兩個月!醫生都睇了八丶九次!心都痛晒!經醫生建議,決定放棄返N班,等出年先讀K1。:to ...
病是指感冒,流鼻水,咳?如果係,每晚用暖水浸脚,可增加抵抗力。好work!好多時,家長追求小朋友學術上或功能式的學習之餘忽略俾小朋友受用一身一的养身之道。我两個小朋友由bb開始浸脚,不抗拒用艾草浸,只喝暖水,頭部按摩,etc。從小灌輸养身之道,有好的身體,學習事半功倍。此刻不养身,將來养医生。
我是支持返N班,小朋友可接觸不同的教育方法,多元化的玩具教材,同輩之間的接觸等。大家共勉之!



Rank: 3Rank: 3


152
15#
發表於 13-10-24 18:24 |只看該作者
micman 發表於 13-10-20 03:49
點解小朋友一定要返N班先係好?我大女係我自己一手一腳湊,從來無讀過N班或返過一日playgroup,因為我堅信 ...
好認同你的理念好佩服你,最緊要係你坐言起行,對自己的理念保持信心,難得難得.

Rank: 3Rank: 3


339
16#
發表於 13-10-25 19:21 |只看該作者

引用:回復+fafapot+的帖子 Are+you+a+working+m

原帖由 maylulu 於 13-10-23 發表
回復 fafapot 的帖子

Are you a working mom? If so, could you share your experience in teaching your  ...
係呀,working mom.  我地假日會同 bb 出街,將平日睇 video, flash card 同書本上嘅比佢實物接触。又成日同佢講野,佢想要啲野又要佢講出黎至比佢。我地要佢做野嫁,返到屋企識得自己除鞋再放好,去完vivi 自己抹乾淨著返條裤,呢啲歲幾係學得到嫁,只要你放手比佢做



‹ 上一主題|下一主題
返回列表
發新帖