好唔開心，尋日放學時同阿仔的班主任傾左一陣。由於阿仔系今年9月轉校去呢間幼稚園讀K2，所以老師就話觀察左他個幾月，發現他好多野都跟唔上，聽唔明，大小肌都弱，專注力又差…如果持續幾個月都系咁樣，好有可能考慮俾他明年繼續留讀K2.（就讀的是兼收學校，但以正常兒童身份入讀），聽到咁，我真系好想大喊。
唉，他而家排緊政府的兼收位（原本排S位，其後進展良好而轉為兼收位），而所謂的額外支援治療，只有一個職業治療，剛剛上左一堂，個半月後再有。其他治療？咩都無提供，無幫助。只可以吃自己。我為左照顧個仔辭左份工，而家就靠老公一個人養曬2 頭家（我地同埋老爺奶奶），仲有供樓、仔仔平日的語言治療、社交小組訓練。所謂的夾心階層，窮唔夠窮，中產唔算中產。街外的咩咩中心都只系幫窮人，我地呢D就等同有錢人一樣收費，點挨
坦白講，身心都好累。你古我唔想訓練他專注力好D，理解力好D啊？我已經成日問D導師同治療師，點可以在家訓練他。但，成效真系如人地所講，好多時候都系進一步，但一日後就退2步。….
而家仲聽到K2就可能要留班，點算啊？日後小學，中學呢？尋晚就同老公傾，由而家開始，每晚點忙點累都好，都要抽時間同他溫習課本，因為他上堂的時候無聽到，我地就親自同他上，同他補返。老公都話OK，既然來到面前咯，只可以頂硬上。流淚在心里流。 | 
發表於 13-10-10 12:19
