尖子捨醫科 揀音樂

chrismon

http://hk.apple.nextmedia.com/news/art/20130812/18374683

【本報訊】追夢很難，卻非天馬行空。年僅16歲的黎渺揚於文憑試摘下六科5**，人人以為他要讀醫、讀法律，他卻堅持報考中大音樂系，盼用音符說故事，「我想把握大學四年時間，做最鍾意、最享受嘅事」。不論開心、失落，他總與音樂為伴，「音樂係social嘅，我想試吓做指揮，團結樂手一齊分享屬於我哋嘅故事」。
記者：袁樂婷                                                                                                         


                                        黎渺揚出身音樂世家，中大音樂系畢業、現職音樂老師的黎母自小教他彈鋼琴，後來再安排他學拉小提琴，埋下音樂細胞，「細個都鍾意，但唔係好主動，踢一腳郁一下」。中四選科，母親「半逼半𠱁」着他報考音樂科，高中三年竟成為他愛上音樂的轉捩點，「講起嚟要多謝我媽媽。高中識到志同道合朋友，一齊玩音樂，我諗係發掘咗我嘅興趣」。
音樂於他而言，不只是情感抒發，更是與人分享故事的載體。他說，自小喜歡用筆記錄生活點滴，直至高中才改以音符說話，「中五嗰陣有個朋友突然間唔理我，當時好唔開心，於是作咗首歌記錄呢份心情」。
                                                                     





七高中戰友同獲取錄                                        阿揚坦言想過放棄音樂，一度將繙譯系、醫學院放在聯招的首選位置，「但最後我問自己，到底做邊樣嘢最開心、最享受，我好清楚係音樂」。有朋友不理解他的選擇，直言讀音樂白白浪費他的好成績，他不以為然，「既然有好成績，有得揀，更加應該忠於自己」。父母和鋼琴老師也支持他追夢。
放榜前夕，本應「坐定粒六」的阿揚與其他考生一樣緊張莫名，「其實好諷刺，我成績OK，偏偏揀咗唔太着重成績嘅音樂系，一路都好擔心面試表現差，老師唔收我」。結果如願以償，與七名高中戰友同獲中大音樂系取錄，臉上雖沒有興奮若狂，但滿足和感恩至今縈繞心頭。
童心未泯的阿揚，直認受《哈利波特》電影影響，想一嘗電影配樂滋味；又希望擔任樂團指揮，手執充滿力量的指揮棒，帶領樂手一起與觀眾分享故事，「所以呢幾年要努力充實自己」。

chrismon

咁嘅成績，有幾多父母真心願意子女行呢條音樂路？

Yanamami

有膽走出框框，難得又有媽咪支持。

MC1128

chrismon 發表於 13-8-12 08:11
咁嘅成績，有幾多父母真心願意子女行呢條音樂路？

如果是我子女，一定支持，絕無虛言。這樣自覺的人，讀甚麼做甚麼都有出色。人生咁多選擇，只是first degree而已，仲有很多可能性待發掘。

ANChan59

如果唔選醫科，選BBA（Law), 觀感是否有不同！

October.

遇到有主見既小朋友，父母根本無得反對，唯有支持。

Yanamami

ha8mo 發表於 13-8-12 11:14
因為個阿媽都係玩音樂
可能佢睇得到條路可以點走

都有好大可能。音樂世家。隔離有個post，提議副修音樂就兩全其美啦。

小伊

讀完醫科，將來大把機會學音樂。CU有part time Music degree. 但缺無part time medicine!

阿Yan

人能按自己的喜好和天份，走出自己的路是極大的福份!

annie40

小甥女今年入大学, 老死间各自兴奋又快乐, 最唔开心的反而是考得成绩最好, 入读医科的妹妹, 读医是听从父母的话而读, 其他同学只能深表同情, 大家帮助cheer up. 是同人唔同命呢!

cowboymama

回復 annie40 的帖子

勉強真係會冇幸福！自己揀嘅，冇咁易後悔。

ANChan59

自己揀嘅，冇咁易後悔。

********

Well said.

ivantissue

我個仔好清楚表達左，就算俾佢取到六科五星星，都吾會讀醫

MC1128

ivantissue 發表於 13-8-12 18:58
我個仔好清楚表達左，就算俾佢取到六科五星星，都吾會讀醫

咁讀唔讀音樂?

maylomaylo

可否完成學業，才追夢？！