擔心...關於ADHD - 特殊教育 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 特殊教育 › 擔心...關於ADHD

發新帖

查看: 2587\|回覆: 21	go 擔心...關於ADHD [複製鏈接]

Rank: 4


	716

1^#

發表於 13-7-9 19:12 |只看該作者 |倒序瀏覽 |打印

請問有無家長的小朋友係有經驗？我仔去玩左2堂playgroup，導師已經察覺到我仔有些關係呢方面嘅問題，現在我仔差不多2歲，之前已經到政府兒料排期做評估，還在等待中，但我真係好擔心佢行嘅路人同普通正常小朋友嘅唔同！

有以上經驗的媽媽，可以講多點呢方面嘅特徵或者資料我知嗎？

小朋友特徵，皮氣很差，一有不滿即時大叫，繼而用個頭去撞野(心痛)! 喜歡看轉動的光影，尤其地鐵窗外跑得很快的景物，看風扇，或會自己揮動一些如飲管、筷子、筆的東西來看。

喜歡跑來跑去，不愛聽指令，和群體體遊戲，但有時會自發地撩大人玩，現在還不懂説話

[tr][/tr]

王國熱話

有冇jm8／7放胎丫？

馬年開跑旺孖B! 等緊派彩, 就黎做馬媽^.^(...

終於resign 努力造人

雞精副作用 (慘)

Rank: 4


	716

2^#

發表於 13-7-9 19:13 |只看該作者

芒果米池發表於 13-7-9 19:12
請問有無家長的小朋友係有經驗？我仔去玩左2堂playgroup，導師已經察覺到我仔有些關係呢方面嘅問題，現在我 ...

原帖由 芒果米池 於 13-07-09 發表
請問有無家長的小朋友係有經驗？我仔去玩左2堂playgroup，導師已經察覺到我仔有些關係呢方面嘅問題，現在我 ...

以上我所講嘅情況，係咪好大機會已係有ADHD？平時我可以做些什麼來幫助他？

Rank: 7 Rank: 7 Rank: 7


	10291

3^#

發表於 13-7-9 23:50 |只看該作者

我在BK回覆過你的!如果單單ADHD,相信政府不大會咁快讓你排評估,因為ADHD一般不能在2,3歲評估到!
你試試從自閉方面看看!

點評

芒果米池多謝您的回覆，感激不盡發表於 13-7-10 01:15

Rank: 4


	716

4^#

發表於 13-7-10 01:12 |只看該作者

回復 wan_sosin 的帖子

多謝你回覆:)關於ADHD及自閉症文章我都看過，但都比較概括，我想知道多點日常生活的細節地方，例如佢地係行為上嘅舉動。而ADHD嘅例子真的有很多都係講忘記功課，現在只是2歲，很難知道是與否。而自閉症也比較多地方多特徵相同，但我仔見到小朋友都會有開心表現(但未曾有溝通)，也會撩一些不認識的人玩(成人)。所以我無諗到佢係自閉，我好想係呢度聽多啲例子呀

Rank: 5 Rank: 5


	2347

5^#

發表於 13-7-10 12:06 |只看該作者

本帖最後由 Capricorn2521 於 13-7-10 12:14 編輯

正如樓上媽媽所講，2歲吾會叫你去評ADHD。2歲通常係發展遲緩或自閉傾向。

如果只係吾講野，會聽指令，能安坐，多數係言語發展遲緩。

但以你所述：喜歡跑來跑去，不愛聽指令和群體遊戲，現在還不懂説話，喜歡看轉動的光影，尤其地鐵窗外跑得很快的景物，看風扇，或會自己揮動一些如飲管、筷子、筆的東西來看。

你要有心理準備，會評自閉傾向。

我個仔1歲時都會撩大人玩，18個月會講野，但吾係溝通，都評自閉傾向。

Rank: 4


	716

6^#

發表於 13-7-10 14:07 |只看該作者

Capricorn2521 發表於 13-7-10 12:06
正如樓上媽媽所講，2歲吾會叫你去評ADHD。2歲通常係發展遲緩或自閉傾向。

如果只係吾講野，會聽指令，能 ...

咁自閉係咪仲比ADHD更難攪呢？！我今年3月先去排政府，最少要等6個月，起碼9月先有得評估。我每次阻止佢揮動筆或筷子，佢都會發皮氣鬧哭，好在當佢撞頭，我都能夠大聲制止他，但阻止唔到佢大哭，要愛反先肯收聲。

而家見反playgroup，都好有難度，佢根本唔會坐定定，未開始還好，佢可以四圍跑同玩，但一到有指令要坐底，我就好辛苦，根本控制唔到佢聽。難想像到9月反學會點，我諗反一星期左右，老師都睇得出個問題。

有呢個問題我覺得好痛心，點解會咁。到時如果真係評為自閉症，係咩要食藥同上堂？唔可以反正常學校？家長可以做啲咩？

Rank: 5 Rank: 5


	2347

7^#

發表於 13-7-10 15:21 |只看該作者

回復芒果米池的帖子

好明白，一樣，我個仔1.5-2歲返Playgroup時都係咁，就算坐得定，都係玩自己手上的東西，完全吾聽吾理老師講野，根本就學吾到野。到PN 9月開學時，評估報告出咗，我都好坦白同老師講個情況同做緊D乜訓練。

因為你係新手，都要找專業人仕幫吓你，你可以去協康青蔥計劃D小組上吓，雖然未確診，但佢嘅情況你都要學吓點樣處理，又可以問吓導師意見，D家長又包容D，上堂冇咁多奇怪眼光。

Rank: 5 Rank: 5


	2347

8^#

發表於 13-7-10 17:20 |只看該作者

本帖最後由 Capricorn2521 於 13-7-11 10:37 編輯

其實書本同講座我都聽過N咁多次，但你可能未聽過。小朋友佢地做D我地認為無聊嘅野，對佢地其實係有意思，有刺激的，例如：揮動筆或筷子，我地吾好阻止佢地，要同佢地一齊揮。目的要佢漸漸明白同人一起有樂趣，減少這些活在自我世界的娛樂。當你同佢揮筆揮筷揮得好開心，你眼望我眼時，你可以教佢用筆塗鴉，用筷子夾食物，將呢D行為變成一般人認為有意義的活動。佢撞頭係因為佢感覺發展未完善，要同佢玩多D體能/感覺遊戲，如爸爸抱著小朋友轉圈，拋高放手接返，一起玩被blanket蓋頭，去公園玩不同設施。小朋友鐘意走來走去的話，要買幾塊不同質地，不同大小，不同形狀的浴缸墊/地墊隨時放在家中地上，小朋友不要穿鞋在上面走動，比腳底有刺激。

Rank: 4


	980

9^#

發表於 13-7-10 19:40 |只看該作者

回覆：擔心...關於ADHD

完全明白你上playgroup時的難處，我仔17個月狀況與你類近。我查過step(邁步)有得自費做自閉症評估，但費用接近8000$$，小朋友一歲8個月後可以做。如果很心急而負擔到的話，可以考慮下。

Rank: 7 Rank: 7 Rank: 7


	10291

10^#

發表於 13-7-10 22:58 |只看該作者

回復芒果米池的帖子

其他媽媽給的意見很好!
自閉也並非一定就完全不和人有接觸,但一般都有溝通困難!
如樓上所講,找找出面機構,搵下社工幫忙!

Rank: 5 Rank: 5


	1107

11^#

發表於 13-7-10 23:40 |只看該作者

回覆：芒果米池的帖子

不要遲疑，儘快打去step / links / 協康請教專業人士意見。我個仔快兩歲2個月，今年一月step 做評估，排左s位。4月讀協康密集，全班5個人最細係佢，好感恩一直都有進步。另外都俾其他個別訓練俾佢，谷下佢，仲細易攪d。

Rank: 4


	716

12^#

發表於 13-7-11 01:25 |只看該作者

Capricorn2521 發表於 13-7-10 17:20
其實書本同講座我都聽過N咁多次，但你可能未聽過。小朋友佢地做D我地認為無聊嘅野，對佢地其實係有意思，有 ...

佢一無電視睇，就每一件野都係咁揮動。爸爸抱起佢飛都有玩，我會倍佢跑步捉迷藏。但我反playgroup個Miss就講話要制止佢揮動物件，同控制佢見到有列車經過時，唔好興奮大叫，話要糾正佢嘅思想，唔知佢講呢啲是否正確呢？不過真係好難控制！

Rank: 4


	716

13^#

發表於 13-7-11 01:27 |只看該作者

misseleve 發表於 13-7-10 19:40
完全明白你上playgroup時的難處，我仔17個月狀況與你類近。我查過step(邁步)有得自費做自閉症評估，但費用 ...

謝謝，不過真係好貴，我要再搵啲平啲呀。

Rank: 4


	716

14^#

發表於 13-7-11 01:29 |只看該作者

wan_sosin 發表於 13-7-10 22:58
回復芒果米池的帖子

其他媽媽給的意見很好!

真係呀！未了解之前，仲以為會完全唔出聲，完全唔會同人有交流呀。奈何佢太多呢方便嘅特徵，我推bb車想轉個彎，彎都未轉，佢已經唔鐘意，想撞個頭喇。

Rank: 4


	716

15^#

發表於 13-7-11 01:31 |只看該作者

Vichang 發表於 13-7-10 23:40
不要遲疑，儘快打去step / links / 協康請教專業人士意見。我個仔快兩歲2個月，今年一月step 做評估，排左s ...

其實我唔知咩係s位，咩係i位。請問你排協康排左幾多個月呀？之後上課嘅費用大概幾多呢？

Rank: 4


	980

16^#

發表於 13-7-11 02:02 |只看該作者

引用：Quote:misseleve+發表於+13-7-10+19:40+完

原帖由 芒果米池 於 13-07-11 發表
謝謝，不過真係好貴，我要再搵啲平啲呀。

不如你就費用打去問下實數，及有冇方法減免等。加油

Rank: 4


	980

17^#

發表於 13-7-11 02:04 |只看該作者

引用：Quote:Capricorn2521+發表於+13-7-10+17:20

原帖由 芒果米池 於 13-07-11 發表
佢一無電視睇，就每一件野都係咁揮動。爸爸抱起佢飛都有玩，我會倍佢跑步捉迷藏。但我反playgroup個Miss就 ...

問下專業人士好過單信playgroup miss. 以上兩點表面看我都不太認同

Rank: 7 Rank: 7 Rank: 7


	10291

18^#

發表於 13-7-11 09:55 |只看該作者

misseleve 發表於 13-7-11 02:04
問下專業人士好過單信playgroup miss. 以上兩點表面看我都不太認同

同意!playgroup miss受過幾多專業訓練先?如果真係咁專家,就唔會教playgroup啦!

唔通ADHD嘅小朋友,總之就叫佢唔好跑,佢就會變得無ADHD?

你搵非牟利機構會平D!有些小朋友會是自閉+ADHD!平常佢哋會唔出聲唔講嘢,但會不停玩!
我識一個鄰居嘅小朋友係咁樣!

Rank: 5 Rank: 5


	2347

19^#

發表於 13-7-11 10:26 |只看該作者

芒果米池發表於 13-7-11 01:25
佢一無電視睇，就每一件野都係咁揮動。爸爸抱起佢飛都有玩，我會倍佢跑步捉迷藏。但我反playgroup個Miss就 ...

我叫你同佢一齊揮，然後大家揮到開心時，教佢正確用筆用筷子，其實目的都係糾正小朋友嘅思想。

如果小朋友可以一叫即停，相信你都吾洗返playgroup返得咁辛苦。

A仔多數固執，吾容易相信人，吾怕人，吾驚陌生人，佢吾明點解要聽你話，佢自己一個人玩感覺良好。你的指導佢覺得係打擾佢嘅安寧。所以，我地要教佢，首先要佢接受你。要進入佢嘅世界，所以要 ”投其所好”，好像一個男孩要追求一個高傲的女孩，男孩首先要打探女孩平日喜歡什麼嗜好，然後一齊玩，之後，你要教佢就容易得多。正因為佢地固執，當佢接受了你之後，佢就會好聽你話 (當然當中仲有好多技巧，依家吾講啦，免得打亂你)

所以........原來我咁大個女.......第一個追求嘅男孩........原來係我個仔...... (咁樣諗會浪漫D)。

Rank: 5 Rank: 5


	2347

20^#

發表於 13-7-11 10:52 |只看該作者

記得我仔2歲時上一個playgroup，第3堂個senior D 嘅亞 sir，叫咗我同亞仔出去傾，到咗第2間房亞仔即時定曬，安靜曬，佢就話亞仔：應該吾係ADHD，似乎係terrible two。

初初真係比佢地攪到我頭都大。

‹ 上一主題|下一主題 ›

發新帖

熱門主題

最高瀏覽主題