想同仔過年去台灣旅行，有什麼要注意的 - 自閉寶寶 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 自閉寶寶 › 想同仔過年去台灣旅行，有什麼要注意的 ...

發新帖

查看: 3716\|回覆: 22	go 想同仔過年去台灣旅行，有什麼要注意的 [複製鏈接]

Rank: 4


	910

1^#

發表於 12-12-22 15:40 |只看該作者 |倒序瀏覽 |打印

第一次同小出門：
人物：我、五歲A仔、工人姐姐
如跟團：擔心行程期間，唔肯上車落車，食飯時我仔食得慢，又驚同唔同人一齊食會焦躁有情緒，我仔一般無特別大情緒，但如累或唔想繼續行程會訓地，係熟悉地方會因為唔理解去邊或堅持要去自己想到地方會慢慢望住我們走開。而且去洗手間是一問題。
如自由行：因我只到台北一次，而且全程搭的士，相信有些難道，又驚小朋友身體不舒服找不到幫手問睇醫生地方，可以在酒店找Tour接送2天全日行程嗎？我們可最後一天自己搭捷運去一至兩個目的地，然後酒店安排車去機場搭下午機走，共四日三夜行程。
有否合小孩子玩的地方介紹，最緊要安全。
其實事前你們有否告訴孩子要去旅行，上機等等呢，因我最怕是上下機他會不肯。
還有什麼要留意，請指教

Rank: 5 Rank: 5

醒目開學勳章


	2026

2^#

發表於 12-12-22 19:18 |只看該作者

本帖最後由 pinkdoll 於 12-12-22 20:00 編輯

cksy_bb 發表於 12-12-22 15:40
第一次同小出門：
人物：我、五歲A仔、工人姐姐
如跟團：擔心行程期間，唔肯上車落車，食飯時我仔食得慢， ...

好欣賞你願意帶仔仔一同去旅行, 亦明白你好想讓仔仔可以出外看一下海闊天空, 照你所講仔仔還有很多行為及情緒問題未處理好, 擔心本來一心想高高興興去玩, 可能最後令行程沒法繼續下去. 其實, 我哋啲a仔, 一般在他們喜歡的事物及他們自己限制的環境下, 情緒太多沒問題, 因為他們對自己有著很多的限制, 只要有少少不合他們心意或有少少更改, 他們情緒便一發不可收拾. a仔係需要好多實習, 慢慢的去學習, 我提議不如唔好坐飛機去咁遠住, 在香港join一些一日團讓小朋友習慣下去旅行是如何, 但記緊最初時揀一些行程不多的團, 情況好了, 就在香港住二日一夜酒店, 然後去附近玩(e.g. 廸士尼, 昂平360等). 再好些, 就挑戰去澳門. 這樣逐少逐少讓小朋友去適應去學習. 我想比較穏妥.

另外, 你拆開小朋友既問題, 逐一寫低, 逐一去處理, 逐一去擊破
例如: 小朋友去洗手間有問題
目標: 小朋友去任何地方既廁所都冇問題

又例如: 小朋友食飯慢
目標: 訓練小朋友半小時至四十分鐘內吃完飯

當所有阻礙仔仔的問題都解決了, 那麼想去边就可以去边了, 這不是更加海濶天氣, 這不是更加好嗎? 訓練a仔是一個很大的挑戰, 真的要花很多心機耐性, 大家同路人, 努力加油, 互勉之.

Rank: 5 Rank: 5


	4461

3^#

發表於 12-12-22 21:19 |只看該作者

回想我第一次同亞仔去旅行時佢2歲, 跟團----一個字形容, 慘, 不合作,自理差, 情緒大, 固執........想死咁

第二次三歲, 自由行, 台北, 好小小, 但都係要成班人就佢, 又偏食, 攪到我不好意思......

如是....到今日7歲, 完全無問題, 同佢出門共7次, 有近有遠, 跟團, 你耍有心理準備比團友白眼, 自由行, 係一個最好選擇, 我同亞仔去過台灣三次, 有個動物園好好玩, 坐捷運可到,好大, 玩足一天, 去書局買本旅遊書, 好多介紹, 大部份地方可坐捷運去到, 記得酒店要BOOK在捷運站附近, 另外, 有個小小博物館在台北車站,(唔係好記得個名), 好啱小朋友玩, 又可玩半天, 玩完出來附近好多野食, 又有地下街行下, 咁又可消磨一天, 另外美麗華魔天輪啦,......

先買本書, 然後寫好行程, 同小朋友預先講多一兩次, 再比圖片佢睇下, 講多些小會遇到乜野, 坐飛機有氣壓,EAR仔會痛, 都預先講定係好小小

Rank: 4


	910

4^#

發表於 12-12-22 21:31 |只看該作者

回覆：pocoyo123 的帖子

Pink doll and pocoyo123, much thanks , 收到唒，由下月開始，我就開個主題比仔仔，叫做去旅行，多謝

Rank: 5 Rank: 5


	1998

5^#

發表於 12-12-25 21:24 |只看該作者

回覆：想同仔過年去台灣旅行，有什麼要注意的

我有多次帶a仔外遊，由上机开始已是一挑戰，跟团不用煩交通，自由行不用早起趕餐死，我prefer自由行。

Rank: 4


	910

6^#

發表於 12-12-25 23:58 |只看該作者

回覆：SKB 的帖子

想問上機前要什麼準備，我仔好古惑又神化，多次做估他會發情緒的事，他又不發。同他做理準備，明明估無問他，臨時他又發作。而且很多時他好像知道有些唔妥，就是要改變習慣，在起點他就發作。所以，我想應該要由陸路去機場，但怕入閘查boarding pass 的門口他不肯過，第二便是上機前不行，如果在九龍站先check in , 須要過check boarding pass gate 嗎，因我未試過

Rank: 4


	559

7^#

發表於 12-12-26 11:50 |只看該作者

每個小朋友旅行的表現各有不同。
小兒喜歡坐車看風景，在香港和台北機場離境候機處(過海關後)都有兒童遊樂場, 跑跑跳跳、看看飛機就已放晒電，上機次次都可小睡至落機(短途)。
過閘應沒有大問題, 一面排隊, 一面向他講解當過山洞吧(有真人示範)!
另小兒只接受港式食物, 不喜歡台式小店環境, 早餐也不太合他胃口, 所以我上次台灣之旅多晚被他囚禁在酒店內, 所以酒店交通放便是極重要。
上廁所也要適應, 因小兒當年還是用potty.
剛到澳門兩天遊, 到處有聖誕節豪華佈置(室內外都有)、噴水池或水的設計, 吸引小朋友興奮莫名, 科學館更是樂而忘返, 食物是港式, 所以, 盡興而歸。可考慮澳門測試小朋友喜惡。

Rank: 3 Rank: 3


	454

8^#

發表於 12-12-28 13:46 |只看該作者

引用：第一次同小出門：人物：我、五歲A仔、工人

原帖由 cksy_bb 於 12-12-22 發表
第一次同小出門：
人物：我、五歲A仔、工人姐姐
如跟團：擔心行程期間，唔肯上車落車，食飯時我仔食得慢， ...

你幾時去？提早阿仔講行程，要講好多次，可能一曰一次，同你擔心口既scenario ,例如上落機/車，去廁所，口係公園玩扮上落機，同埋講唔合作口既後果。講多的台湾好玩野引讵。我仔第一次去台湾二歲半，跟住去兩次星加坡，剛剛去曰本都ok,我話讵扭計就會有angry uncle 鬧，食哂讵的野，好work ,因為讵為食。可以search d飛機内慨相比讵睇

Rank: 5 Rank: 5


	1887

9^#

發表於 12-12-29 00:30 |只看該作者

我女第一次去台灣，問題在於坐飛機時，唔肯戴安全帶，空姐每隔幾分鐘就來望下，結果阿女喊足全程。之後返香港，坐車時成日叫佢戴，後來因為佢做緊生物療法，基本上已無乜固執行為，加上哥哥坐車戴安全帶當時興，所以第二次去台灣已 VERY GOOD。

建議：可考慮BOOK 服務式住宅，我上次去首次租住，三房兩廁所，連同菲傭一行五人，夠住。有洗衣機有微波爐有焗爐，要用品又可以同管理處借用，住得好舒服，廳又夠大，小朋友走來走去。我女因要戒口，每朝我地在住處，一起吃早餐，及準備好佢的食物先出去玩。

Rank: 5 Rank: 5


	1887

10^#

發表於 12-12-29 00:35 |只看該作者

本帖最後由 free_style 於 12-12-29 00:51 編輯

至於台北可以玩的地方，近則有台北市動物園，我係今年中去過的，OK舒服，行下坐下，有動物睇，有企鵝。記得在企鵝館外、買手信的地方，買隻玩具BB企鵝蛋，放左在收銀處附近的。好似十蚊港元而已。浸水後廿四小時，BB企鵝會破蛋而出，慢慢變大，當然，大左後，SIZE 僅如一雙中指咁長。好鬼好玩。上次買返來，小朋友成日望住佢幾時破蛋而出!
另，動物園內的黑猩猩住處，同我地只係隔塊玻璃，我上次去探佢時，佢剛坐在我側邊乘涼，同佢僅一塊玻璃(當然不易碎的那種)之隔，連我都有點驚...........感覺好震撼!

不過，要留意，最好帶備食物去動物園，因為若先上山，山上係無似樣的餐廳的，諗住上到去先食會中招。解決方法包括：先在 7-11 買幾個飯糰，佢地的飯糰....說實....幾好食，又唔貴，我有個台北朋友話我知，試過果然係唔錯。

小人國亦值得去，不過最好包車，因較遠。有架叮噹火車。亦有小朋友玩的碰碰車。

誠品亦可去，佢地的小朋友CORNER，有很多故仔書的。長谷川義史的繪本，有趣的故事系列，可考慮。

Rank: 5 Rank: 5


	1887

11^#

發表於 12-12-29 00:40 |只看該作者

本帖最後由 free_style 於 12-12-29 00:42 編輯

若坐捷運，可以找一天去淡水。那個市集，有很多俾錢玩遊戲的攤檔。在向海那面的街，中段有一個樓上「遊樂場」，有架室內小火車，好好玩的。店舖的名字忘了，但佢的地舖，有一個只得四座位的小型音樂旋轉木馬，幾有趣的，我的小朋友玩到唔肯走。不過，要注意，那些遊戲全部要俾錢，我地玩左兩個幾鐘，行下玩下，最少唔見二百大圓。

Rank: 5 Rank: 5


	3121

12^#

發表於 12-12-29 11:38 |只看該作者

回覆：想同仔過年去台灣旅行，有什麼要注意的

可以在港Book定車計劃好行程。台灣司機人情味濃不貪錢，可按你要求上落車和提議合適的行程安排。我pm你他的聯絡可what's app 佢先和議價。

動物園和貓空可乘捷運好方便。
十分放天燈和看瀑布好好玩。
九分行舊街似赤柱看你小朋友喜不喜歡，都好迫!

101的誠品好好行和在附近散步都好舒服。

我們一家4口自由行，時間可自行安排，不需跟團的趕趕趕。

Rank: 4


	559

13^#

發表於 12-12-29 16:42 |只看該作者

記住隨身帶住兩三樣小型玩具(e.g.小畫板, 車仔) ,給小朋友在排隊/進餐/坐車/搭機/固執時把玩, 是他平時喜愛玩開的那些,
他平時喜歡吃的小量零食也可(e.g.益力多, 獨立包裝餅乾), 因他固執, 給台灣的小食未必受落。

點評

free_style 泥膠都係好用品。我試過整一舊在身，阿女都玩得好開。發表於 12-12-31 18:29

Rank: 5 Rank: 5


	2571

14^#

發表於 12-12-29 17:46 |只看該作者

見你地傾開去旅行，我都很羨慕。我仔仔依家連去餐廳食飯都難，有時佢一到餐廳門口就晒手擰頭，夾硬捉佢入去，又是一場角力…只好大家捱住餓咁走，唉！有時某些酒樓餐廳佢又會肯去，不過，又未必次次得。就係因為咁…莫講話衝出香港，在香港出街一家人開開心心食餐飯，都好似係奢想咁。這種難處，又有誰能了解？

Rank: 5 Rank: 5


	3121

15^#

發表於 12-12-29 21:33 |只看該作者

引用：見你地傾開去旅行，我都很羨慕。我仔仔依家

原帖由 misshk12 於 12-12-29 發表
見你地傾開去旅行，我都很羨慕。我仔仔依家連去餐廳食飯都難，有時佢一到餐廳門口就晒手擰頭，夾硬捉佢入去 ...

小朋友會長大和進步的，俾多啲鼓勵和時間佢啦!

Rank: 4


	910

16^#

發表於 12-12-31 00:49 |只看該作者

回覆：想同仔過年去台灣旅行，有什麼要注意的

煩悶都要講多次，萬分多謝你們提點，我突然覺得同路人比起密友，原來給我更窩心（好肉麻）。因為其他家長的話題是比我這個重要，他們須要幫忙更迫切，但竟然禁多回答幫我解困，多謝

Rank: 4


	559

17^#

發表於 13-1-1 22:29 |只看該作者

回復 misshk12 的帖子

我都仍然與你面對同一問題, 不是每一間食店都肯進入, 試用玩具/食物吸引他, 從住處附近經常路過的食店(最好不是老麥, 因不宜食太多垃圾食物)入手。Good luck!
話你知, 在台灣時, 小兒只肯入吉野家(他的至愛之一)食首三日內的唯一一餐飯。心痛死我!

Rank: 5 Rank: 5


	1998

18^#

發表於 13-1-2 00:15 |只看該作者

回覆：想同仔過年去台灣旅行，有什麼要注意的

無計，總好过佢唔肯食，舊年g我帶個仔去上海，佢淨係肯食蛋達咋，激死我。

Rank: 4


	774

19^#

發表於 13-1-4 15:41 |只看該作者

我都係兩歲帶個仔去過沖繩, 但主要問題係佢一入到商場就會四圍走, 其它又無乜問題喎!

Rank: 4


	516

20^#

發表於 13-1-5 20:38 |只看該作者

回覆：wilyun 的帖子

1) 有個“台北市立兒童育樂中心“，那裏的免費設施都好好玩。
2) Babyboss 職業角色扮演
3) 在港預演上機和機上过程

‹ 上一主題|下一主題 ›

發新帖

熱門主題

最高瀏覽主題