國民教育vs家庭教育 - 浸信會呂明才小學

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 浸信會呂明才小學 › 國民教育vs家庭教育

查看: 1264\|回覆: 2	go 國民教育vs家庭教育 [複製鏈接]

KOC

大宅

Rank: 5 Rank: 5


	3404

1^#

發表於 12-9-2 23:14 |只看該作者 |倒序瀏覽 |打印

本帖最後由 KOC 於 12-9-3 10:34 編輯

今早有人攪簽名運動，派單張，之如此類.....有好多家長議論紛紛，包括我太座......但係我有些不吐不快......

我相信一呂家長們一向對兒子其實也在進行365日每日至少一小時洗腦式家庭教育，包括：

不要吵、不要叫、不要打機、不要看電視、不要這樣那樣、要專心讀書、專心做功課、專心學這學那、英文班、音樂班、功夫班、乒乓球班、嘜班物班.....

大家的兒子是否已成功被洗腦呢？我就未成功啦.....

學校依家每星期兩堂，每課半小時，如果可以洗倒腦，真係好勁！咁我會要求校長將家庭教育(上述內容)獨立成課。

我有些不明白，以前英國派人來督香港，什麼小圏選都無，回歸到而家雖然仍然唔到我選，但至少阿公無派個人來做凸首，即使話小圈選都係指定某某做，選出來的凸首都要比人日鬧夜鬧啦，都幾可憐。

香港比大不烈顛管左咁耐，阿公要推行國民教育愛國愛黨，比你揸莊，都會咁做。依家大聯盟話並非內容有不足，總之要反對推行整個科目，以前電視收台放個士頭婆加奏"個個揸住個兜"的年代，又係唔係洗腦呢？又無人走出來話咁話咁！

一開始的國民教育風波，好多人話內容有偏頗，我係同意的，但我們可唔可以要求改善rather than現時絕食的做法呢？人地想同你握握手，你就行三鞠躬之一鞠躬。無錯，鞠躬係好有禮貌，你鞠我鞠大家鞠當然好正，但人先出手你去鞠，我真係抓頭！

依家校友呀學民思潮呀關注組呀，又話黃校長通知期短，透明度低，保密協議之類.....我真係感謝關心，但黃校長本著「培仁牧愛」咁多年的辦學精神，將一呂成為沙田區數一數二小學，問下自己當初點解要選擇一呂，是否再去質疑校長吧！

黃校長就國民教育的話 http://www.baptist-lmc-primary.edu.hk/about/about02.htm

作為家長，我信任學校校長，我也非盲目信任，只是覺得太多人把議題政治化及同時也有人向別人試圖洗腦！當然我也可能被洗腦，不喜勿插，文章唔知能否自動撤回，呵呵.......

0 0 0 0

返回頂部

chris_baba

洋房

Rank: 2


	61

2^#

發表於 12-9-5 23:15 |只看該作者

極為同意

返回頂部

KOC

大宅

Rank: 5 Rank: 5


	3404

3^#

發表於 12-9-6 12:24 |只看該作者

雖然明知有d報紙好偏頗，但係睇到佢地用校長d講緊野，特登用張最唔好睇既相登出街，我真係要比個dislike佢！也雖然明知網絡上一向粗言穢語無得管，但看到一些人對校長的人身攻擊，用字粗劣，真係離曬大譜！

在校內聯網看到國教通告的時候，太座問點解基督教學校點解會咁快推行，我話早年新生指導日都有講過，我估計係學校與政府保持良好關係及資助有關。作為資源有限，校舍又細小的一呂，面對同區各小學的追上，每年可獲五十萬資助的條件，真係幾好，最重要係，這些資源的投入，誰人得益？我估d錢應該唔可以加落d教職薪水，咁得益既又係唔係d學生呢？一呂自編的教材，我估也不會激得去邊。上年，我被小朋友問很多例如〝誰打敗哥利亞？〞的宗教問題，我全不識答，基督教學校，什麽都係〝主〞行先啦，一呂點會洗腦染紅學生呢！(上述只是個人意見，無根無據，不同意不用介意)

前晚在電視上看到校長的記者會，跟平時高高興興，面帶笑容與學生和家長迎面，又或者平時家長聚會講解學校事情的精神爽利的樣子比較，我真的感到有些難過。我問小朋友校長近日怎樣，他表現得很不開心地回答：校長看上去很不精神！還問我是否因為早上返學途中穿黑衣服的人反對校長，我話這問題有些複雜，我問返佢支唔支持校長要推行多一科國民教育呢？…..在這裡，我不把回答公開，有興趣，也問問自己的小朋友吧。

昨天早上聽收音機立法會選舉辯論，所有和建字派有關的，都被人問得有點兇，例如：你關唔關心d絕食學生、你支唔支持取消國民教習、你做嘜支持國民教習…無論點答，都係鬧！教育議題和政治議題，可以分得開嗎？！

今天早上，我決定關上收音機，不看電子報，沒有宗教信仰的我，祝願校長排除萬難，推行與否，you have my full support，誠心所願。