我而家好擔心呀，我驚個細仔有過度活躍症… … - 特殊教育

Rank: 3 Rank: 3


	132

2^#

發表於 12-6-8 14:55 |只看該作者

咁細個就知有冇過度活躍症? 見咗醫生, 等專業人士證實咗先啦! 唔洗咁驚!

Rank: 3 Rank: 3


	102

3^#

發表於 12-6-8 16:07 |只看該作者

回復 bersqu 的帖子

我都覺得咁細個check未必可作準, 我個仔大部份人見過都話佢似過度活躍, 兩歲時問健康院都話要等三歲返學先知，係咪要見醫生. 而家三歲返咗學,個班主任第二個星期已同我講我個仔好活躍, 玩起來好利害! 到而家返咗一個多月, 班主任無講什麼, 佢雖然活躍, 但仲跟到老師既規矩.所以而家仍在觀察中.其實小朋友活潑同活躍唔容易分別出來. 不過我都當我個仔係過度活躍咁教。

Rank: 3 Rank: 3


	132

4^#

發表於 12-6-9 09:08 |只看該作者

你應該睇睇 "專注力缺損及過度活躍症(ADHD)" 的病徵係咩嘢？
小朋友有些行為讓大人不理解，患有ADHA的孩子，在身體發展上出現了問題，而患有輕度的ADHD兒童及年齡特別小的，家長都不容易察覺，但當患者到了小學二年級時，因為學校投訴而家長要花長時間等候政府診所診斷後得知患了ADHD，孩子就浪費了一年多才得到治療，對於患有ADHD的孩子愈早確診愈早得到治療是最好，所以孩了在幼稚園時已經被發現，當他們入讀小學時，家長處理他們的問題會較為輕鬆一點。

vwan05

洋房

Rank: 2


	68

5^#

發表於 12-6-9 10:50 |只看該作者

咁你其他小朋友有冇事？會唔會關遺傳事？

faye525

Rank: 4


	805

6^#

發表於 12-6-9 16:20 |只看該作者

本帖最後由 faye525 於 12-6-9 17:02 編輯

樓主, 我小朋友係有輕度ADHD

佢係上左小二, 我先覺得好唔對路自己帶佢去私人度CHECK, 理由其中一樣, 係再排政府, 等得越耐, 問題拖得越耐, 小學課程係唔會停低, 咁只會越黎越唔掂

樓主: 幼稚園教師睇到有唔妥, 叫你CHECK, 我覺得老師好盡責, 因為雖然話咁細未必肯定到, 但係好老實, 你排期CHECK都要時間, 可能排得黎, 都差不多上小學... 樓主可以叫學校出信俾你去排~~

普通程度到六歲就可以好肯定係唔係,

嚴重既, 其實好多幼稚園時期已經CHECK到..

輕微係最慘, 好似我個女咁, 老師係有投訴過, 但係係學校根本覺得佢只係百厭小小, 唔覺佢去到ADHD, 係我, C6同身邊朋友都覺得唔妥, 尤其一上小二開學後, 我再頂唔順, 帶佢去私家CHECK完肯定到既~

所以做父母一定要相信自己, 有問題就要去面對, 咁先係幫到小朋友既~~

ADHD其實係無得醫, 如果選擇食藥, 係令到佢地腦本身唔著果PART (控制情緒, 同自理), 著返, 等佢地可以控制到自己~
但係藥力過左, 就會打回原形, 你睇到咁, 可能覺得: 咁即係無用?
唔係的, 醫生有講過, 係佢地食左藥既時候, 教佢地規則, 令到D規則成為生活習慣, 日子耐左, 佢地就會知邊D野做得, 邊D唔做得, 咁就可以斷藥, 但係其實佢地個病係仲係度, 只係唔會咁易再做一D唔做得既野,
通常成年人既ADHD患者, 你會發覺佢地好多口水, 講唔停, 好易興奮, 忍唔到悶, 做事易粗心大意(我有個朋友係咁, 佢知自己有ADHD既) 唔似小朋友時期坐唔到係個位度, 走黎走去, 因為人大左, 會知醜, 會識控制自己..

但係呢個過程係要好多年, 第一關係小學, 當你以為定左落黎可以斷藥時, 就會到最難果關, 青春期!! 佢地會因為荷爾蒙既改變, 再次出現好大既問題, 要真正捱過果關, 先可以以後斷藥囉...

當然仿間仲有好多方法, 可以不防一試既~~ 因為人人唔一樣, 方法A岩你小朋友, 唔代表岩B小朋友

例如魚油係我小朋友身上完全冇用, 食完仲活躍左~ 跟住先知, 魚油唔係人人食得,

戒口係大部份媽咪都會做既野, 唔飲汽水, 唔食糖, 唔食朱古力, 唔食含有酒精既野 (煮飯唔好落燒酒, 西式CAKE好多都落左酒), 提佢大個左都唔好飲酒~~ (佢地大個都好易酒後出事)

wan_sosin

子爵府

Rank: 7 Rank: 7 Rank: 7


	10289

7^#

發表於 12-6-9 23:29 |只看該作者

我個仔K1,都等緊CAC評估,相信排到10月左右,早D知,早D處理,好過到問題出晒黎才理!

shirleycnf

Rank: 4


	817

8^#

發表於 12-6-9 23:52 |只看該作者

Hello faye525, 好多謝你的意見, 我終於收到油麻地診所叫我6月尾帶個仔去見精神科醫生, 我估計佢到時會開藥比我個仔食(因之前見過心理學家都話應該要吃藥), 雖然佢9月1先至P1, 我真係好希望快D開藥, 因為我就黎比我個仔攪到我精神病, 今日帶佢番小學聽講座, 佢響人地個禮堂周圍走, 又手多多周圍攪, 我真係覺得好辛苦

Rank: 3 Rank: 3


	102

9^#

發表於 12-6-10 00:51 |只看該作者

做媽咪真係唔容易啊，自己都怕有精神病啦，加油

Rank: 3 Rank: 3


	132

10^#

發表於 12-6-10 08:55 |只看該作者

要上網穩多D資料。有很多機構都會搞里方面的講座和給大人丶小朋友的訓練，如協康會丶小童群益會丶聖公會家庭福利中心等，你可上他們的網頁看看有否適合，也可看相關的書籍參考。

faye525

Rank: 4


	805

11^#

發表於 12-6-11 02:38 |只看該作者

回復 shirleycnf 的帖子

加油呀!!
好明白你心情

我未帶個小朋友去睇醫生前幾個月, 我都覺得自己變左有精神病架....

我好記得小朋友第一日食藥做功課既情況, 我係感動到喊左出黎......

之前從來未試過咁順利咁快架.....

(當然打後日子就有上有落啦~~~ 但係都好過唔食藥多多聲啦)

vwan05

洋房

Rank: 2


	68

12^#

發表於 12-6-11 09:25 |只看該作者

回復 wan_sosin 的帖子

排期都幾耐，唔好想太多，快D送距去睇睇

Rank: 3 Rank: 3


	102

13^#

發表於 12-6-11 12:06 |只看該作者

西醫就比較有數據d，但西藥對小朋友身體有影响，有時大人都頂唔住d西藥，何況小朋友。而且西藥係無斷尾呢回事，一定要keep住食！
而中醫多數用針，但要小心，施針要搵有信譽既，註冊中醫師，而且食中藥就少好多副影响。不過都長期戰，唔好覺得兩三個月醫得好！

wan_sosin

子爵府

Rank: 7 Rank: 7 Rank: 7


	10289

14^#

發表於 12-6-11 15:17 |只看該作者

回復 vwan05 的帖子

排緊架啦!多謝關心!我個仔剛4歲,行為同情緒時好時壞,小童群益會社工話佢唔係嚴重,亦有可能只係踩界.但佢起落好大,差嘅時間有時都會無從入手.都係要評估下先知.

faye525

Rank: 4


	805

15^#

發表於 12-6-11 16:15 |只看該作者

本帖最後由 faye525 於 12-6-11 16:24 編輯

回復 zixinyu 的帖子

西藥有斷尾既
不過要個患者識控制自己既時候

例如小朋友時期食藥, 就多數要去到高中既時候先斷到~~~ 係好好漫長日子.....

針灸, 我知有用

不過老實, 有幾多個小朋友唔怕針??? 仲要插到周圍都係, 仲要叫佢地唔郁..... (可以唔郁就唔係ADHD啦)

我覺得難度好高囉....同埋我搵過坊間資料話針灸最有效係六歲前....我小朋友八歲, 問過兩三個地方都話未必有用了....

我小朋友仲要本身超怕打針, 佢次次見到我自己打針, 佢都可以驚到叫出黎....佢自己打針就次次都又叫又喊一大餐....仲要起碼搵兩個人捉住先得 (上年小一係學校打針都係咁)

所以針灸唔岩我小朋友用....

中藥, 又唔係個個小朋友肯食.......我小朋友苦小小都食唔到, 平時西藥傷風感冒, 細時食藥水, 佢吞左落肚都好啦, 佢唔夠一分鐘會全部同你嘔返晒出黎.....而家大左可以食藥丸先解決到呢個煩腦...(咳藥仍然都係大作戰), 中藥佢一聞已經反胃想作嘔果隻.....

其實坊間傳既方法有好多, 但係岩唔岩用真係人人唔同........

做父母先知乜野岩自己小朋友

我同C6諗左都試左, 唯有西藥先岩我地.....

魚油唔好提添....我小朋友食完衰多幾錢重...........

Rank: 3 Rank: 3


	132

16^#

發表於 12-6-12 09:32 |只看該作者

回復 faye525 的帖子

( ⊙o⊙ )哇，咁你里個媽咪真係好辛苦，乜都比距試試，試到最啱為止，每個小朋友都唔同情況，真係少D心力都唔得啊