請問點樣同小朋友伴讀先正確 - 教育講場

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 教育講場 › 請問點樣同小朋友伴讀先正確

查看: 2932\|回覆: 12	go 請問點樣同小朋友伴讀先正確 [複製鏈接]

Hiu_Yau

大宅

Rank: 5 Rank: 5


	1041

1^#

發表於 12-4-30 02:54 |只看該作者 |倒序瀏覽 |打印

由K1開始都有講故事，完全口語化，唔讀書面語。k2小囡開始學拼音，所以下學期起開始睇phonics/ORT書比佢練習併音。加上想佢多認字，又開始睇漢字500。圖書方面開始讀書面語，如果見到佢識既字又會叫佢讀出來，我開始覺得佢對睇圖書有壓力（我老公都話我好似問書多d）。請問我是否做錯左，應該點樣先叫做伴讀呢？點樣令小朋友認字同愛閱讀呢？

4 0 0 0

返回頂部

Radiomama

公爵府

Rank: 10


	27803

2^#

發表於 12-4-30 09:50 |只看該作者

幼稚園時可重點進行"一起愉快地讀"，選擇大圖畫書、有趣故事書，英文就照書面讀、中文可口語點讀，不要勉強他識字認字，寧可在其他時間玩認字遊戲。
"伴讀計劃"(guided reading or reading scheme)是較有系統地選書的(分level)，需要一些技巧，最好小組進行，若在家單對單，先讀一讀parent's guideline吧。我記得ORT有HOME READING系列是有一本家長手冊會教授使用技巧，家長不要大意miss了這一part。中文書中青田出版的"我自己會讀"也是不錯選擇。
最後晚上睡前讀故事則更relaxed，純粹只讀/講故事給他聽，我由個仔歲半開始讀到依家(七歲半)，佢仲好enjoy，感恩。
不過先聲明一下，我家從不開放電視，仔仔只在兩三歲時看Barney的DVD, 其他主要由書本獲得"聽/讀故事"的樂趣，這個好關鍵。

返回頂部

cowmoon

子爵府

Rank: 7 Rank: 7 Rank: 7


	14066

3^#

發表於 12-4-30 12:28 |只看該作者

盡量不要讓佢覺得你要佢“練習併音”，讀書是有樂趣的，而不是一項練習。
K2 如果讀 Phonic / ORT, 可以分三天進行，第一天是你朗讀，讀完大家 discuss 內容，培養 comprehension 的能力，comprehension 其實比 fluency 更重要！第二天，你陪讀，可以你讀一頁，佢讀一頁，不要介意佢唔識，要多讚；第三天，請佢自己讀。其實在第三天，你也可以引入第二本新書啦，等佢一直有追新故事的趣味。
唔好讓佢覺得你為左慳自己的口水和時間所以要佢自己讀，你可以伴讀一本專攻 reading skill，另外你又再朗讀另一本。我未見過有小朋友不喜歡媽媽讀故事的。
選才方面，陪讀的一定要夠淺，讓佢 build up 自己閱讀的信心。你朗讀的，就可以深少少，也可以訓練佢的 listening and thinking skill.
仲有，不要 compare，有好多小朋友 P2 讀 Harry Potter，但P4先讀又如何？比D時間佢，最重要是有興趣讀，閱讀興趣係一世的。

返回頂部

babyislove

版主

Rank: 19


	3563

4^#

發表於 12-4-30 15:27 |只看該作者

Hiu_Yau 發表於 12-4-30 02:54
由K1開始都有講故事，完全口語化，唔讀書面語。k2小囡開始學拼音，所以下學期起開始睇phonics/ORT書比佢練 ...

用心去讀，不厭其煩，從佢o既興趣出發

自從阿仔一歲多d開始，每日講咩書都係佢自己揀，佢仲會揀定等我放工一返去就講俾佢聽;有時講成6-7本佢先罷休。

佢宜家2歲9個月，前幾個星期，佢自問自答朗讀o左一本關於英文故事書，是關於顏色，每個顏色都作到一首短詩咁，佢一邊抑揚頓挫咁扮我講呢個故事，一邊開心到自己忍唔住笑。每頁有6-7句，佢講得到4-5句。整本書有7頁，佢大概讀到35句吧!

我從來唔expect佢一定要從伴讀中學英文、學知識，我只係希望佢鍾意睇書，因為只要佢鍾意，自然上心入腦。

返回頂部

Hiu_Yau

大宅

Rank: 5 Rank: 5


	1041

5^#

發表於 12-4-30 16:21 |只看該作者

多謝大家既建議，如果我改為每日教佢讀一本英文(ORT LV2) / 漢字500 (教兩課)，到晚上我再講故事書可以嗎? 請問我需等佢完全識讀才轉新書嗎?

返回頂部

huba

伯爵府

Rank: 8 Rank: 8


	15928

6^#

發表於 12-5-1 00:07 |只看該作者

回覆：Hiu_Yau 的帖子

欲速則不達，與其時常想著'教'及怎樣令到妳的女兒'識',何不嘗試改變一下，想想怎樣去' 引'發她的興趣吧!
譬如,選擇她感興趣的書,而不只是妳想她識的書。
等她的閱讀習慣確立以後，才擴濶書種及/或深度。

返回頂部

Hiu_Yau

大宅

Rank: 5 Rank: 5


	1041

7^#

發表於 12-5-1 01:45 |只看該作者

回覆：請問點樣同小朋友伴讀先正確

你地都講得岩既，我想佢行得太快了。宜家係迫佢睇書，唔係佢想睇書，所以佢唔enjoy，我應該改變放鬆d。

返回頂部

cowmoon

子爵府

Rank: 7 Rank: 7 Rank: 7


	14066

8^#

發表於 12-5-1 08:13 |只看該作者

英文書 ORT 算是不錯的選擇，中文可選青田和小樹苗的小書。我覺得小朋友都係鍾意“細細本”一個故事的，讀完一本書，也會有成功感啊。
晚上你講故事，如果是英文的不妨也照書讀，也可以選擇些薄薄的 Chapter Books，或者分兩日讀。

返回頂部

cowmoon

子爵府

Rank: 7 Rank: 7 Rank: 7


	14066

9^#

發表於 12-5-1 08:19 |只看該作者

如果你想簡單D，就買一批差不多程度的 ORT 或青田，每天是旦讀一本，你讀一頁佢讀一頁，其實同一 Level 的都是那一組字彙。記著，尤其是中文，小朋友係有機會耐左就唔記得D字，小朋友學習都是要 Spiral 形式，即是重覆又重覆不過每個圈加少少野，不可要求他們直線而行。

返回頂部

fefemom

男爵府

Rank: 6 Rank: 6


	8591

10^#

發表於 12-5-1 18:48 |只看該作者

絶對同意以上各家長的觀點。你想引起小孩對閱讀產生興趣，就應讓她讀她（不是家長）覺得有趣的書，家長的角色是不斷發掘適合的書，供她閲讀。
我們也是歲半開始每睌讀故事，每天讓小孩自己㨂故事，開始重複又重複一整月都說同一故事，到現在K1,每晚她會㨂2-4本書和我一起閲讀。我們現在閲書只有一條規則：一晚中文一晩英文，即使重複也可。
我囡現在讀的書大都是從圖書館借的，部分我借（可參考一「開卷有益」各家長的建議），部分個囡自己揀，每次還書都讓她參與，續借得多便知道她的喜好。
以我囡為例，借過「基本漢字500」三次，她不喜歡，我也沒有再借，Biff , Chip & Kipper,她覺得有趣，現借到stage 4-5（當然中文書仍是很難借到有趣的，很多故事都是說教，很少像B,C&K般得淡笑）。
還有讀書時我們會輪流讀，知道她一定不識的我會讀，慢慢她會pick up的，有時又專登讀錯，讓她也改下我，咪一味家長改小孩。遇到深字也不要即時教她是什麼，從故事context他們可能work out到，完了再誘導問，好似我囡上次問我什麼叫fake, decorate現已可應用這兩個字。
持之以恆，一定有收穫。

返回頂部

marcuscyrus

子爵府

Rank: 7 Rank: 7 Rank: 7


	11360

11^#

發表於 12-5-4 18:01 |只看該作者

本帖最後由 marcuscyrus 於 12-5-4 18:04 編輯

我有兩個仔，大仔(6歲)認字能力好強，細細個2-3歲就好鍾意睇書，但因為我怕佢是autistic的超讀，所以佢一邊讀書，我一邊都會問下佢少少野(其實係make sure佢除了認到字之外，還了解故事的內容)，有時問下感想，有時叫佢估下之後會點
細佬(現3歲半)認字能力冇哥哥咁強，同佢睇書就主要係我讀，佢見到自己識o既字會好大聲咁讀出黎(好似自己好勁咁)
我認為閱讀是一種習慣/興趣，並非一種考核，所以在閱讀的過程，我希望孩子是愉快的，大兒子的情況比較特別少少，我才會向他提問多一點，以確保他不是自閉/自傾/阿氏
另外，我一開始跟他們閱讀就是讀文字(非口語)，再配以口語化的解釋，現在哥哥開始讀老鼠記者，我們會設計不同的方法去讀，最常用的是輪流讀，直到下一個句號，有時叫哥哥幫我讀書給細佬聽，他們有時會討論起來呢
還有，每個小孩的性格不同，應該沒有一套閱讀方法是"正確"，慢慢摸索一下，自然會找出適合自己孩子的方法，加油哦