2歲的小朋友讀學前班的適應狀況 - 幼校討論

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 幼校討論 › 2歲的小朋友讀學前班的適應狀況

查看: 1542\|回覆: 10	go 2歲的小朋友讀學前班的適應狀況 [複製鏈接]

usagilam

民房

Rank: 1


	3

1^#

發表於 11-11-14 15:20 |只看該作者 |倒序瀏覽 |打印

各位媽媽,

我仔仔岩岩2歲, 返左學前班1個星期, 哩一個星期對於我同C6黎講, 真係幾辛苦~
因為我返工返的遠, 最遲8:00前一定要出門, 所以都係由C6送阿B上校車返學(校車8:15到樓下), 每朝都會問返C6上車情況, C6報告:個仔喊到我心都痛埋, 咁樣..返唔返都罷~ 但我堅信2-3歲係小朋友殿定學習基礎的最佳時機, 加上我仔仔的動作模仿及說話模仿幾強, 每天只可用我的信念去互相支持...而老師那邊, 每次打電話比我講提上堂的情緒, 都好正面, 每次都話"有少少扭計喇, 都肯入班, 比D時間佢喇....情緒方面有進步...好左架喇" 其實, 係咪老師的美麗的謊言呢？
我唔希望成為問題多多的家長, 少少事就誇張地緊張, 每日打電話去幼稚園的家長~
請問各位媽媽可唔可以分享一下, 你地寶貝的初入園的經歷同適應期幾耐呀？ THANKS!~

0 0 0 0

返回頂部

上等人

大宅

Rank: 5 Rank: 5


	1540

2^#

發表於 11-11-14 15:37 |只看該作者

係要適應嫁, 比D時間佢啦.我小朋友下學期時都重有情緒病. 始終早D比佢適應,考K同讀K個時就無咁煩.

返回頂部

LUCUSMaMa

禁止訪問


	681

3^#

發表於 11-11-14 15:42 |只看該作者

提示: 作者被禁止或刪除內容自動屏蔽

返回頂部

藤媽

大宅

Rank: 5 Rank: 5


	1271

4^#

發表於 11-11-14 15:45 |只看該作者

原帖由 usagilam 於 2011-11-14 15:20 發表
各位媽媽,

我仔仔岩岩2歲, 返左學前班1個星期, 哩一個星期對於我同C6黎講, 真係幾辛苦~
因為我返工返的遠, 最遲8:00前一定要出門, 所以都係由C6送阿B上校車返學(校車8:15到樓下), 每朝都會問返C6上車情況, C6報告: ...

usagi，放心啦，老師講既唔係美麗的謊言，小朋友真係需要時間去適應。外向d既就一兩個星期，好似我藤仔咁內向既就喊左3個星期左右啦。每朝早都喊到死去活來，我覺得佢扮野多d囉。到佢番左一個多月左右，每日番黎唱晒歌咁，又成日提住老師個名，跟住再送佢番學就連bye bye都唔同我講一支箭咁衝左入課室搵老師嚕！如果有其他人可以幫手送小朋友番學仲好d添，我朋友既囝囝第一日番學喊到連佢媽咪都跟住一齊喊 =.= 之後老師提議佢搵工人姐姐送番學，小朋友就冇再喊啦！

返回頂部

梅媽媽

別墅

Rank: 4


	844

5^#

發表於 11-11-14 15:45 |只看該作者

我仔剛返左學兩個星期多.頭一星期係我同爸爸一齊送返學(爸爸請假)佢喊左四日.頭一日喊足一個鐘 , 因為頭一星期只返一,二小時,阿仔見唔到我地就冇喊啦.第二星期開始返足三個鐘,我放底佢係學校個刻會扭,但一見我唔到又冇野啦.依家都係送入門口個刻,然後一切正常.
  我仔返學好開心,今日放學想留係學校玩,唔肯跟我走呀!
  阿仔講野唔叻,但返左兩星期明顯多左雙音字,同鐘意跟我地講野.我覺得返學既威力真係超級大呀.

  你個仔喊,會唔會係因為佢坐校巴,而校巴ee又冇學校老師咁有經驗去安撫小朋友呢? 我仔第三日已經肯跟老師去玩.我諗直接送佢去到學校,會好d. 但你既case又好似好難.唉!希望校巴上既小朋友可以安慰吓佢啦.
加油!!

返回頂部

maomaochoi

大宅

Rank: 5 Rank: 5


	1678

6^#

發表於 11-11-14 21:55 |只看該作者

唔洗咁擔心, 我阿仔都好痴纏, 除左我同我老公仲有工人外, 佢係乜人都唔會跟, 仲要人地同佢玩下, 傾下計佢都喊, 但我唔理, 第三日已經要佢坐校車, 開頭係勁喊, 但一星期後已經唔喊, 而家放假都會話要坐校車

我成日都諗, 佢第二時大左仲有更多野要
面對, 而我都未必可以幫到佢, 都要佢自己搞掂架啦! 我又冇心痛喎! 唔通成世人都冇困難咩

放心啦, 咁多小朋友陪佢玩, 佢都唔知幾開心啦!

返回頂部

JHsbb

男爵府

Rank: 6 Rank: 6


	6763

7^#

發表於 11-11-15 02:03 |只看該作者

唔駛擔心, 我個女1月插班時2歲1個月, 只係喊左3日(老師一閂門即刻收聲), 要老師拖住, 跟住無喊過, 坐校車就先比佢坐3日放學先, 等佢慣左後第4日先比佢坐校車返學, 我個女鐘意到係一見到學校校車黎, 佢即刻甩我地隻手等上校車....佢依傢日日都話要返學, 有時見哥哥著校服等返學佢無得返, 佢大喊(唔同學校)

返回頂部

23102009

別墅

Rank: 4


	696

8^#

發表於 11-11-15 11:10 |只看該作者

聽完你地既分享, 我覺得我個囝有點不正常,
佢第一個星期係每日返一個小時, 佢上校車係無喊過, ee仲話佢同隔離個同學講野...返到學校有小小喊, 中段無事, 但放學就又喊咗小小....跟住第二日返學到而家(返咗兩個星期)都無喊過...問過兩次老師, 佢都話佢無喊, 情緒好好, 問校車ee, 佢話佢坐校車會指出面啲車講一餐, 又唱歌, 仲要搞同學個書包...
究竟係咪胆生毛??? 定還是遲啲先喊???

返回頂部

vnghk0001

大宅

Rank: 5 Rank: 5


	2552

9^#

發表於 11-11-15 11:11 |只看該作者

我個女咸左一個半月呀，而家都不知幾鍾意返學，仲返到屋企講一啲生字，比如：坐定定、唔好"yuk"、一齊玩、而家點名啦、我地食茶點啦、，你就會估到佢係學校做乜！

比少少時間佢啦，你會睇到佢開心嘅一面架。

返回頂部

chanwendy

子爵府

Rank: 7 Rank: 7 Rank: 7


	12062

10^#

發表於 11-11-15 11:17 |只看該作者

我仔返咗兩個幾月N1, 家姐同校讀K3, 第一日一齊坐校車就已經好開心了, 可能以前成日接家姐落車, 所以佢係好期待返學的. 不過九月試過一次家姐請假去考學校, 得細佬自己一個坐校車, 可能隔離冇人同佢一齊坐, 佢上車喊到落車, 之後兩個星期都唔肯上校車, 但返到學校又冇事喎, 老師都有話佢入學校時就有啲鬧情緒, 但好快就冇事了. 挨過咗呢兩個星期後, 亞仔又回覆正常, 而家就算家姐再請假, 佢都冇再喊. 不過我地交帶咗保姆, 如果家姐唔返學, 就安排同站另一個女仔同亞仔一齊坐囉.

返回頂部

usagilam

民房

Rank: 1


	3

11^#

發表於 11-11-15 15:08 |只看該作者

多謝各位媽媽的意見同SUPPORT~

我都好明咁細的小朋友要等佢自己面對困難, 我唔希望佢變成「港童」(我唔會比自己縱容佢~) 所以我堅持要佢去讀N1, 等佢學習獨立同合群, 就算遠少少都要去~ 今朝返學C6報告:今朝由出門口到樓下, 不停叫住"媽咪媽咪"~ 跟手上車終於都無喊, 只是呆滯~ 聽倒都有D安慰~

其實, 我自己的目標好堅定, 但入學前, 屋企不停有人成日都有意無打撃我的信念, 話得2歲人仔就要返早學, 太細個...返左學後, 樣樣又要理...連返學著咩衫(未有校服)都驚死我地唔掂, 一晚4次不停提我同C6執定衫, 準備第二朝返學~ 我不停睇通告時, 又會有人話"哩間學校出名多通告~你要有心理準備~"...當我同阿BO係房傾偈「你拎左花花返黎種, 即係媽咪種喇~」又有人O係廳外搭訕"成日都有野要整架喇~"...阿B的情況已經令我記掛住架喇, 仲要有人不停晚晚煩住哂...但哩D野同C6講又無用, 只可以同朋友或上黎同大家SHARE~