推薦幼童和小童的爵士舞班（新蒲崗） - 課外活動 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 課外活動 › 推薦幼童和小童的爵士舞班（新蒲崗）

發新帖

查看: 8410\|回覆: 27	go 推薦幼童和小童的爵士舞班（新蒲崗） [複製鏈接]

Rank: 7 Rank: 7 Rank: 7


	13224

1^#

發表於 11-6-28 20:48 |只看該作者 |倒序瀏覽 |打印

我囡自五歲起跟呢個老師習舞，前年底同三個當年小四、小五既同學仔一齊自編隻舞，參加老師搞既比賽，攞到冠軍，瓜分咗一年獎學金。老師跟住幫佢地報埋全港舞蹈公開比賽，攞到金獎

呢個老師有少少藝術家脾氣，教舞唔只為賺錢。不過佢大學時都讀過幼兒心理，仲曾經有過個過度活躍既囝（而家已經大學），所以對幼童遠較對我囡果班寬鬆

如果有興趣可以參考以下網站http://grandjetehk.com/apply/
（個poster下面左右兩張相都有我個囡

)

[ 本帖最後由 csy_ma 於 11-7-9 21:35 編輯 ]

Rank: 7 Rank: 7 Rank: 7


	13224

2^#

發表於 11-6-29 19:47 |只看該作者

回復 1# csy_ma 的帖子

補充：
爵士舞都有得考試，呢位老師亦會搵好多表演機會俾小朋友去試

每年都會參加全港舞蹈公開比賽

呢位老師揀既音樂節奏向來偏強勁，尤其係pop jazz果班

Rank: 1


	15

3^#

發表於 11-6-30 00:42 |只看該作者

我覺得新蒲崗有一間比呢間更加好，叫做『臻雅舞集』，d老師又有禮貌又專業~ 佢地都有參加全港舞蹈公開比賽，都係拎金獎~

『臻雅舞集』個校監係香港非常有名o既老師，我覺得好信得過~


	6654

4^#

發表於 11-6-30 09:53 |只看該作者

回復 1# jenny_mom 的帖子

提示: 作者被禁止或刪除內容自動屏蔽

Rank: 7 Rank: 7 Rank: 7


	13224

5^#

發表於 11-6-30 13:20 |只看該作者

原帖由 jenny_mom 於 11-6-30 00:42 發表
我覺得新蒲崗有一間比呢間更加好，叫做『臻雅舞集』，d老師又有禮貌又專業~ 佢地都有參加全港舞蹈公開比賽，都係拎金獎~

『臻雅舞集』個校監係香港非常有名o既老師，我覺得好信得過~ ...

E，我囡近幾年都有參加全港舞蹈公開賽，我年年都有本場刊，但好似留意唔到"臻雅舞集"個名喎？

妳地跳中國舞架？

校監係掛名既，佢有幾多時候出現響學校？我囡既老師，響行內一樣有名氣，近幾年都係全港舞蹈公開賽既評判，佢既學生，年年都有拎金獎，仲攞過迪士尼搞既high school musical比賽亞洲區三甲，咁又算唔算專業？

Rank: 7 Rank: 7 Rank: 7


	13224

6^#

發表於 11-7-1 00:29 |只看該作者

因為有家長來PM查詢，我諗返起舊年表演完睇過既一D評語同資料，摘如下：（以下既家長心聲多半係響老師既facebook中集合既，以前響佢個網都搵到，但而家搵唔返？）

家長演出後心聲:

1.
Gloria, Thanks for your teaching and supports. I find XX has grown a lot after the show. We're eager to watch your next big show. Wish you continue success!
You are really a brilliant
leader/director/teacher!!

（九歲學員家長）

2.
第一場大家都表演得好好, 嚴師比95分已經好好, 不過我會比XX仔 110分, 佢果晚超 high, 語障b都比你攪到佢唔用 mic 都唱得咁大聲, 真係服左你 !!! 你應該比個最特出表演獎
比佢 !!! :)

（六歲學員家長）

3.
有一份關於XX的成長喜悅想跟妳分享....
可能她是小鴨中比較年長的一個，對這次表演的感受和投入感也較深。由於種種理由，她對今次的舞步不算太熟練。話說星期六晚的演出後，她問我們她跳得如何，從表情看知道她有點不高興；原來她說其他小鴨沒有跟她做一樣的動作...於是我們就耐心跟她解釋，雖然她已做好動作，但節奏快了點，反而其他小鴨就有跟著音樂做。她聽後明白了就沒事。
回到家已很晚，我着她明天可以遲點起床、多點休息。
星期日的早上，我們被輕輕的音樂聲弄醒，還只是八點多，出廳看到她在自顧自的把玩着小提琴和聽着音樂，細問下原來她自己一早起來跟着音樂來練習舞步(因為我們也有小步操的歌曲"龍貓散步"的CD)！她說是最後機會了，所以想當日的表演好一點，還問我有否那首歌曲的樂譜，很想自己奏來給我們聽.....
那刻很感動，從來不知道她會有如斯責任感和進取心，也實實在在的感受到她的成長.....
到正式表演時，她也確能做到比昨晚更佳更準確，錯誤的地方也改善了.....
也許不是什麼高水平演出、也許別人認為這只是微不足道的小事、小鴨表演也只是過場性質，有點"蝦碌"效果可能更好，但看到她完場後聽着我們給她的鼓勵和讚賞、享受自己努力的成果...原來中間的過程，對她和我們來說可真的是向前躍了一大步呢！所以要再一次多謝你們給了她這寶貴的經驗！

（六歲學員家長）

4.
如我一向所講, 製作一個有質素的表演, 真的不易, 再加上沒有充裕的財力, 單靠一顆心, 是更加困難 !
不過, 這次的公演我覺得是十分成功, 出色的 !!! (你知嗎, 我星期五來看的朋友, 她不愛音樂, 五音不全, 我上次請她睇容祖兒演唱會, 到半場佢就走左 ! 今次, 她說以一個不出名的機構來說, 真是不錯了, 起碼她會看足全場)
我本身也看過不少表演, 而當中有些
XX
亦有參與, 雖然今次沒有華麗的佈景, 但台上的每一件佈景, 都流露著藝術工作者對藝術的熱忱和火 !!!
而最令我欣慰的是我看見XX
在這個暑假中成熟, 世故了不少, 亦多了體諒! 對表演的投入, 上心, 亦更加表現出來 ! 現在我每天和她上學都以此為鼓勵, 有望她把這份認真, 投入的態度, 引入她的校園生活中 ! 但老實說, 她仍然留戀在表演的日子中, 問我為什麼不可以公演多幾場 !!! 在台上, 她取回她一向失去的自信 !

（十歲學員家長）

5.
雖然係閹悶d, 不過好work! 我用佢跳舞首歌唻叫XX妹妹起身, 佢本來扭計都彈起來操兵.... 真係掂.... 俾佢學跳舞係冇錯, 老師, 佢先係 magic of life and DANCING QUEEN 呀!!!!

（六歲學員家長）

6.
我幾時都認為，跟Gloria既好處係唔只學到跳舞（雖然佢響呢方面都幾嚴），仲學到做人，學自動走位同執生，呢D先係將來孩子職場上最需要學既野^V^

（九歲學員家長）

Rank: 7 Rank: 7 Rank: 7


	13224

7^#

發表於 11-7-1 00:38 |只看該作者

仲有以下既郵件部分，係我舊年向一位做傳媒既朋友推薦我囡既導師時寫既：

這次推薦妳採訪的，就是Grand jete藝術總監（http://www.grandjetehk.com/01_01.html），亦是囡囡的舞蹈老師Gloria。女兒是在CCDC（城市當代舞蹈中心）遇上她的，她那時才四歲左右，在上另一個導師的課。她導師因事缺課，由時為CCDC Cafe老闆娘的Gloria代課，我從門上的小窗窺見小朋友們的跳舞氣氛全變了，每個都很投入，於是待導師出來便打聽她有否兒童班，結果卻沒有。到該年最後一季，得知她開班，便趕緊報名。由CCDC跟到現在Gloria擁有自己的舞蹈室，已四年多了。

為什麼那麼積極打算推薦她呢？因為Gloria有心，不單為賺錢。有時還懷疑她的”數口”頗差。像今年的暑期舞蹈夏令營，她已開始收我們的學費了，卻在連續五天的密集課程額外多加了每天免費的一小時，因為她想改善小朋友在音樂劇中的唸白技巧，所以請了位話劇導師上課──如此吧了！

她每年都策劃不只一個的舞蹈表演，每次表演，她會瘋狂加課練習，但她只求表演效果有水準，所有額外排練的課時均完全免費，全日踩台的綵排更奉送午飯；我囡平生第一次靠自己的能力賺錢，也是拜她所賜
──她協助成人高級班的一位學生搞一個規模不大的表演，邀請了幾位她的小朋友班學員助慶，女兒被她選中，自然也得免費加課排練，想不到跳完後，竟還獲”利是＂獎勵；
之前她邀請我們的子女參加舞蹈比賽，代我們張羅舞衣後，我們明言可以給回表演服裝的費用，她卻說不用……以上種種，絕不像是生意人的算盤，怪不得有學生跟了她十多年，還有些學生當了媽媽後，又送子女到她那學舞。

在她的跳舞課學得的，不單是舞蹈技巧，還有責任感、專注、團體合作等，每年的表演，家長都不能到後台協助，那正是讓學生們明白一個團隊得互相幫忙的機會，還有自我發揮的突破關口。

現在她的小學學生中，有上學時屢被老師投訴、經常出位的小女孩，有跟着姐姐上課（單親的姐姐獲一年全免獎學金）、由非常抗拒到很喜歡跳舞的小男孩，有自閉症患者等；還有一位”新”學員，是Gloria成人班學生的女兒，她本來明言對跳舞沒興趣，愛跆拳道，最近卻自行提出要學舞了，因為：”看見你們排舞，覺得你們很開心。＂

Gloria曾到多間中學作舞蹈老師，當中有一群ＸＸＸ中學的學生，跟了她三年多的，以下是當她們贏了舞蹈比賽時在facebook的對話：（五月了，太久找不着，大概是Gloria改變咗佢一生之類。）
聽講G教佢地時，她們是F3，她們有來自綜援家庭的，亦有的是社工跟進個案，經常因要與社工會談而缺課的，而現在，她們會為參加迪士尼High School Musical舞蹈比賽（去年她們參加過，亞洲區內入三甲），自行租場排舞，自行編舞，再請Gloria免費指點，以及幫她們拍參賽的錄影短片等。舞蹈，成為她們要向上的凝聚力和向心力。


	6654

8^#

發表於 11-7-2 00:16 |只看該作者

回復 7# csy_ma 的帖子

提示: 作者被禁止或刪除內容自動屏蔽

Rank: 7 Rank: 7 Rank: 7


	13224

9^#

發表於 11-7-2 11:54 |只看該作者

原帖由 Pertra 於 11-7-2 00:16 發表
How is the "I am a dancer" course ? for 3-4.5 years old ?

幅相果班小朋友應已全部升晒班，佢地表演果陣都應該六歲左右了？（我囡都係著I am a dancer套制服，著咗好似有年幾兩年？）

我囡有時早返見到幼班上課，會有好多道具。我囡以前倒未試過。個老師以前響CCDC上堂果陣，佢果班學生去考CCDC既獎學金課程，會有好多人入選（我囡考果次有5個，約佔入選學生既四分一左右），因為老師幾注重訓練幼童既手腳協調。做marching，都唔係好多四五歲小朋友可以做得好。

以前老師未開2-3歲班時，有D家長俾學生既細佬妹上出面既舞班，但係覺得果D班差好遠：幾百呎既課室就困住廿幾人，小朋友連四圍探索既空間都冇，於是向Gloria訴苦，叫佢開個幼班俾佢地。

Gloria既舞室夠大，都是透明玻璃，光猛。出面有沙發俾家長任坐任睇，書架上又有好多適合唔同年齡既中英文圖書同玩具，好有家既氣氛。
所以佢有班同明愛學障小組合辦既班（由明愛出部分錢資助學費，舊年佢地都有份參演舞劇，因為資金係由小黃花資助既，楊采妮都有黎睇演出，佢都讚班細佬演得好OK，上咗近一年，水準都同我地呢班上咗幾年既有得揮。果次演出多得楊采妮，結果上咗好多張報紙娛樂版），D小朋友好鍾意提前返舞室玩，我見佢地都有攞《黑貓白貓》漫畫雜誌黎睇，都有D安慰

（果D係我囡帶返去既，佢仲帶咗之前好辛苦先集齊既六十期《Princess》雜誌同幾十本＂喜羊羊＂漫畫書返去）。至於英文既圖書，多半係Gloria成人班既一個做印刷既學生攞過去既。
男仔玩具則係張poster中著白衫打呔既有型男孩攞返去（個男仔好鍾意扮MJ，自己編咗隻獨舞參加咗老師既比賽，結果輸咗俾我囡果隊攞到銀獎，參加全港公開舞蹈比賽都係得銀獎，但佢既MJ舞好有型，都上過報紙做咗大半版古仔架

）。

一般黎講，Gloria對年紀愈細既學生要求愈鬆（我地以前第一次去大會堂踩場綵排，旁觀佢對成人班既要求，都有少少嚇親，不過成人班D學生跟咗佢好耐，以前響CCDC做學生演出時都係做押軸，好高水準）。佢有講過愈細既小朋友，可能因為父母照顧得太周到，自立能力稍遜，呢個都一樣反映咗響跳舞能力度。

老實講，Gloria係有要求同有火既老師，唔係人人都支持得住，佢有時甚至會同小朋友講，話假如唔係自願、而係家長迫黎既就出聲，佢會同家長講返，勸佢唔駛俾唔係自願者黎上課。
但佢觀察力好，課後亦會同家長主動溝通，到咗我地咁大個，好多時，小朋友驚佢多過驚家長。例如我囡好鍾意周五上完活動後返屋企唔做功課，但會睇書同玩扮演遊戲玩得好夜，第日上Gloria課時沒精神，俾佢話，規定佢之前果晚唔可以夜過十一點瞓，阿囡如果之前要去夜街既話都會好緊張。
其他家長亦會叫佢出口，將家長都叫小朋友唔郁既規矩，由佢把口規定小朋友做，否則唔駛再返黎勒。咁小朋友就真係肯乖乖就範

好多家長亦會將佢既課當作要小朋友努力學業既獎賞（可惜通常係反面既，就係成績差就唔上得）。

[ 本帖最後由 csy_ma 於 11-7-2 12:02 編輯 ]

Rank: 7 Rank: 7 Rank: 7


	13224

10^#

發表於 11-7-5 22:39 |只看該作者

唉！點解我約莫每年推薦佢一次，結果都係得一兩個人有興趣（好彩，我囡而家最老死之一既跳舞同學仔，都係當年因為我當年響BK推介過而跳到而家既

）

Rank: 5 Rank: 5


	1028

11^#

發表於 11-7-7 10:26 |只看該作者

我想請問,有沒有適合5歲男孩的恒常(長期)班?可PM我.
謝謝!!(在網頁找不到)

Rank: 6 Rank: 6


	7684

12^#

發表於 11-7-7 13:11 |只看該作者

我留意咗呢間一段时間, 請問八歲半有咩course可以報? 其實她心儀Pop Jazz, 但而家學緊那個course要十月尾才完, 咁有咩course可以上住先呢?

禁止在戶名，頭像相片，自定義頭銜，個人簽名，使用帶有商業/個人/團體廣告或宣傳推介成份之字句/圖片/超連結

Rank: 7 Rank: 7 Rank: 7


	13224

13^#

發表於 11-7-8 12:00 |只看該作者

原帖由 Crabtree 於 11-7-7 13:11 發表
我留意咗呢間一段时間, 請問八歲半有咩course可以報? 其實她心儀Pop Jazz, 但而家學緊那個course要十月尾才完, 咁有咩course可以上住先呢?

八歲半……Gloria對大小朋友既要求會嚴好多，我試過同佢講阿囡有朋友仔想轉去佢度跳，佢通常都要求佢地試堂。對呢一班，佢似乎幾揀人既，所以都唔敢推薦。我囡係上以下既正規課程：

9-14 yrs 跳出我天地 Super Juniors

Super Juniors 課程適合9至14歲及已接受舞蹈訓練至少四年之學員，必須對藝術表演有濃厚的興趣，學習態度積極、勇敢嘗試新事物。

課程訓練包括: 芭蕾爵士舞(Ballet Jazz)、C.S.T.D 考試、Pop Jazz。
...其中更會闡釋各類舞術語用法、專門名詞等. 學員會安排參加舞蹈比賽、舞台表演等。藉此加強學員的自信、團隊合作精神，及培養"make it happen"的策劃能力。"

註：學員必需經導師 Audition 批准以證明程度合乎資格才可報讀。
學員完成至少一年訓練可領取認可證書一張。
學員必需參與表演、比賽及澳洲聯邦爵士舞蹈考試。

星期六 :3- 5 pm

佢地八月初要考爵士舞試，周日先要加堂練習，估計唔會俾人試堂。考完試，為遷就我們要準備呈分試搏殺既準小六生，會到九月至開課，期間只有八月上旬既舞蹈營：去鯉魚門渡假中心過四日三夜，要上最少十堂舞蹈＋音樂劇課。Gloria跟幾位同業夾錢，請了位來自百老匯的黑人女老師來港作短期授課，呢班亦有份受教

。

一般來說，佢響這類舞蹈營會安排小朋友接觸不同類型既舞蹈，例如hip-hop同中國舞。hip-hop既老師以前都係佢學生，而家已響APA畢業好耐，曾做過一段時間演藝人，後來決定留在港以教學為主，都係響hip-hop界響出名堂既，亦係蒲窩中既大師級導師。

至於中國舞。我地好好彩，舊年因為本來約咗既老師臨時甩底，Gloria搵咗響CCDC教開中國舞高級班，亦曾訓練過香港舞蹈團兒童學生既大師級波Sir黎拔刀幫忙。結果佢話鍾意教呢班小朋友，之後舞蹈營都見到佢既身影

。

不過，呢個舞蹈營都幾貴，千六蚊，學費拍得住佢兩個月十六堂既價錢，且小朋友又唔識人，貿貿然同陌生人共度四日三夜，好驚啫。（雖然如特別要求，家長應可陪同）我建議妳都係九月打後先試堂好了。

仲有，上Gloria既課，最好唔好響之前之後貼近既時間安排趕場上其他課。佢遇到表演或比賽或考試前，分分鐘會跳多個幾鐘。試過有次演出前，佢叫我地星期日兩點返去練舞，應承六點放小朋友走，結果要等到七點幾……

就算佢加堂唔駛收錢，但而家D學生日程咁忙，要就到佢既時間亦唔係唔易。佢對呢個年紀既要求絕對唔同，就算我囡係佢有些時候會讚既學生，但一樣試過俾佢話到喊

（不過我囡都幾易喊，佢有D舞伴成日俾老師鬧，都未試過流過一滴眼淚），上之前要有心理準備，佢果度唔可以hea

。

[ 本帖最後由 csy_ma 於 11-7-9 16:03 編輯 ]

Rank: 7 Rank: 7 Rank: 7


	13224

14^#

發表於 11-7-8 12:09 |只看該作者

原帖由 琬晴B 於 11-7-7 10:26 發表
我想請問,有沒有適合5歲男孩的恒常(長期)班?可PM我.
謝謝!!(在網頁找不到)

有。我覺得佢對男孩有小小偏心

，有時男孩子唔係跳得咁好，都可以做比較重要既角色（亦可能因為男孩子較少，所以佢擺佢地較為突出）。

wOnder kids 兒童舞蹈課程 ( 4 - 6歲幼稚園 K2 + K3

[ 本帖最後由 csy_ma 於 11-7-9 15:57 編輯 ]

Rank: 7 Rank: 7 Rank: 7


	13224

15^#

發表於 11-7-8 12:11 |只看該作者

重覆，刪去

[ 本帖最後由 csy_ma 於 11-7-8 12:13 編輯 ]

Rank: 3 Rank: 3


	248

16^#

發表於 11-7-8 14:52 |只看該作者

回復 1# csy_ma 的帖子

Hi csy_ma

我都想要D恆常班既資料, 請PM我呀, 謝謝!

Rank: 7 Rank: 7 Rank: 7


	13224

17^#

發表於 11-7-8 23:22 |只看該作者

原帖由 2008tungtung 於 11-7-8 14:52 發表
Hi csy_ma

我都想要D恆常班既資料, 請PM我呀, 謝謝!

我都係搵返facebook裡間學校post既資料
您要幾歲既？

Rank: 7 Rank: 7 Rank: 7


	13224

18^#

發表於 11-7-11 10:15 |只看該作者

回復 1# csy_ma 的帖子

周日同阿囡上考試補堂（又係本來話上兩個鐘，搞到兩個半，我囡仲係最早下課既一批，大半班未走得

），Gloria說其實也有頗多BK家長致電問詢，但她的暑期班時間有改，網上所列已不是那麼update的了。最好給她電話查詢

。

聽說有測量師家長去她Studio參觀，甫上去，就講出其專業觀察：我諗呢度有三千幾呎，係唔係？亦有家長一家大小周六晚上去視察環境，仲有家長要求其歲多的子女跟哥哥上兩歲幾既班，貪教室夠大可讓囝囝暢快地四圍走？

幼班小孩果然比較好玩和輕鬆愉快

（呵呀，你地捱到我囡果班就知

）

但幼班其實不能打針，學上一年都好難做到單腳轉幾個圈同玩空中一字馬（我囡瘦，而家都未似佢D大一年既同學咁做到，地上一字馬就睇先天多D)，好好地左右手腳配合做到步操已經唔錯，家長勿以為Gloria係魔術師

[ 本帖最後由 csy_ma 於 11-7-11 10:19 編輯 ]

Rank: 7 Rank: 7 Rank: 7


	13224

19^#

發表於 11-7-11 10:21 |只看該作者

原帖由 csy_ma 於 11-7-8 12:09 發表

有。我覺得佢對男孩有小小偏心，有時男孩子唔係跳得咁好，都可以做比較重要既角色（亦可能因為男孩子較少，所以佢擺佢地較為突出）。

wOnder kids 兒童舞蹈課程 ( 4 - 6歲幼稚園 K2 + K3 ...

佢話而家幼班多數都係男孩子報喎，因為囝囝鍾意走黎走去

Rank: 7 Rank: 7 Rank: 7


	13224

20^#

發表於 11-7-29 01:02 |只看該作者

原帖由 2008tungtung 於 11-7-8 14:52 發表
Hi csy_ma

我都想要D恆常班既資料, 請PM我呀, 謝謝!

唔好意思，我啱啱先收到我囡果班(10-15歲)九月既恆常班資料：

Super Junior 課程適合10 至
15 歲及已接受舞蹈訓練至少四
年之學員，必須對藝術表演有
濃厚的興趣，學習態度積極、
勇敢嘗試新事物。

很可惜好似網上未有，唔知係唔係妳要既野？

‹ 上一主題|下一主題 ›

發新帖

熱門主題

最高瀏覽主題