是否自閉兒都無眼神接觸? - 自閉寶寶 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 自閉寶寶 › 是否自閉兒都無眼神接觸?

發新帖

查看: 14216\|回覆: 30	go 是否自閉兒都無眼神接觸? [複製鏈接]

Rank: 2


	34

1^#

發表於 11-4-29 15:57 |只看該作者 |倒序瀏覽 |打印

我個仔在2歲時被評估有自閉特徵,但佢好有眼神接觸和交流,不過現在3歲半了,只懂說數個單字,佢有社交問題,不怕接觸陌生人,但就不懂如何和他們玩,成日以尖叫+bb話和人溝通,佢好喜歡和我玩,又成日要抱要鍚,不過就不願和弟弟玩,對於佢係咪有自閉症,我都未肯定,現在有上言語治療,有進步,但不大.

[ 本帖最後由 longheifung 於 11-4-29 15:59 編輯 ]

Rank: 7 Rank: 7 Rank: 7


	10937

2^#

發表於 11-4-29 16:57 |只看該作者

原帖由 longheifung 於 11-4-29 15:57 發表
我個仔在2歲時被評估有自閉特徵,但佢好有眼神接觸和交流,不過現在3歲半了,只懂說數個單字,佢有社交問題,不怕接觸陌生人,但就不懂如何和他們玩,成日以尖叫+bb話和人溝通,佢好喜歡和我玩,又成日要抱要鍚,不過就不願和 ...

我仔仔同你仔仔一樣大, 各方面情況差不多一樣
語言主要講單字,疊字,兩字詞(例如:早晨,唔該....)
不過你要要求他講先講,自己唔會主動講只講bb話
評估0左係發展遲緩
因為醫生話仔仔有良好眼神接觸,無固執行動
無很大情緒行為,
有番s位暫托,姑娘時時讚仔仔乖坐定定,
有番主流幼稚園,同老師傾過都覺得同同學仔差距都大
有進步,但很小
加上係s位番暫托,問主任都認為仔仔係發展遲緩,意見都提議小朋友番s位,進步空間比番e位大
所有用之前個no.轉排s位,今年排到位有得讀
我都無再諗仔仔個問題係什麼病
我只係希望小朋友進步,第日出番主流學校

Rank: 5 Rank: 5

醒目開學勳章


	3777

3^#

發表於 11-4-29 17:41 |只看該作者

我仔仔一直有言語發展延緩, 一直唔覺佢有自閉; 但係早2個月係 CAC 評估為自閉特徵

我仔仔講野情況同你小朋友差不多, 3歲講2個字既野, 但數字方面就好好記性及叻 (而家亞仔 K3 既功課, 搵數字之間 missing 既 no. 我仔3歲時已經識晒)

我一直都唔太理亞仔自閉特徵呢方面既野, 個人認為自閉呢2個字, 只係一個名; 就算真係評估為自閉, 都無藥可以醫到, 同埋政府支援又不足, 等 S 位都要等1年半至2年

而我自己主要就針對小朋友那一方面弱就訓練果方面, 如佢細膽, 我就比佢返多些興趣班, 係日常生活上鼓勵同人講野 (如幫手去問人取 "茄汁", order 食物等等), 同埋有返言語治療班咁, 希望可以改善佢講野能力, 從而比信心佢同人傾計

Rank: 5 Rank: 5

醒目開學勳章


	3777

4^#

發表於 11-4-29 17:58 |只看該作者

樓主, 千奇唔好被評定 "自閉特徵" 就感到害怕或氣餒

總之一句, 小朋友邊樣弱就多些同佢做果方面既訓練

講真, 照顧正常既小朋友, 都係按佢強弱去訓練; 所以無話自閉既係特別些, 特別既只係自閉兒可能比正常兒童多些額外訓練就可以啦!!

我仔由細至大, 都無做特別既訓練, 只係今年 CAC 評估一出, 最大問題係言語發展, 我才3月初開始同佢返 "私家言語治療", 返左2個月, 同時當我在家時(以前既我每晚去左做公司野或上網打機), 而家既我什麼都不顧, 就專心針對只同仔仔傾計, 講故事, 搵話題講, 仔仔呢2個月明顯好大改善 (係街上既人及班主任都係咁講)

樓主, 見你小朋友都唔係太典型自閉兒, 起碼會搵你同佢玩, 愛被人擁抱; 呢類既小朋友經多些訓練就追得返

我仔今年都6歲啦 (5歲11個月先被 CAC 評估為自閉特徵; 3歲半 PASS 左健康院言語跟進; 係我5歲半返健康院要求去轉介既)

[ 本帖最後由 szeszes 於 11-4-29 17:59 編輯 ]

Rank: 2


	34

5^#

發表於 11-5-1 00:43 |只看該作者

apple~y: 我想問既然你個仔無明顯大問題,點解可以讀s位? 我個仔返主流幼稚園成日扭計,老師都成日投訴他唔聽指令,我當時同社工反映可否由排e位改排s位,佢話s位係比情況較嚴重的小朋友讀,而我個仔2歲時評估結果未需要讀s位

Rank: 2


	34

6^#

發表於 11-5-1 00:50 |只看該作者

szeszes: 多謝你的鼓勵,我是全職媽媽,在家儘量和個仔說話,教他自理,不過佢脾氣好大,成日扭計,要好有耐性才得. 因為佢未開始說話,所以溝通及情緒有問題,根本無辦法讀興趣班,好難訓練佢大膽,佢唔係咁鍾意返學,因為未懂說話,所以都有很大的障礙.

Rank: 5 Rank: 5

醒目開學勳章


	3777

7^#

發表於 11-5-1 13:34 |只看該作者

慢慢來啦!! 我仔細時脾氣都好差 (一日大喊幾次), 原因係... 佢地未識運用言語去表達唔開心及不快樂

總之當佢地開始識用言語後, 就會有明顯改善

以前我仔專搵 DADDY 發脾氣 (大聲鬧或出手打 DADDY 一,二下), 上年老公都話開始頂亞仔唔順... 今年亞仔明顯識用言語表達後, 就少左發脾氣 (除非真係嚴重唔夠訓及累)

如果你真係搵唔到方法去教佢講野, 可以試下搵一些言語治療班, 等治療師教下你

平價些有一對3既, 烔樂舍 (位於柴灣) <- 呢間專門教自閉小朋友 (我未去過, 唔知其實好唔好, 但係係褓姆女女介紹, 褓姆女女係幼稚園教師)
http://www.joyacademy.hk/showcontent.asp?nsid=107

貴既, 就為 $650-$850/堂, 1小時, 係單對單既... 我仔而家係返緊呢一類, 我都諗住幫亞仔係暑假時, 幫報佢報烔樂舍既暑期班

原帖由 longheifung 於 11-5-1 00:50 發表
szeszes: 多謝你的鼓勵,我是全職媽媽,在家儘量和個仔說話,教他自理,不過佢脾氣好大,成日扭計,要好有耐性才得. 因為佢未開始說話,所以溝通及情緒有問題,根本無辦法讀興趣班,好難訓練佢大膽,佢唔係咁鍾意返學,因為未懂 ...

[ 本帖最後由 szeszes 於 11-5-1 13:42 編輯 ]

Rank: 7 Rank: 7 Rank: 7


	10937

8^#

發表於 11-5-1 14:15 |只看該作者

原帖由 longheifung 於 11-5-1 00:43 發表
apple~y: 我想問既然你個仔無明顯大問題,點解可以讀s位? 我個仔返主流幼稚園成日扭計,老師都成日投訴他唔聽指令,我當時同社工反映可否由排e位改排s位,佢話s位係比情況較嚴重的小朋友讀,而我個仔2歲時評估結果未需要 ...

我仔仔2歲時評估,當時醫生都係發展遲緩話無須要s位
2歲時係好多0野都唔識,唔明
醫生當時比我選I或e位,0甘我就選e位
之後番0左8個月私人s位,到k1開學
見到小朋友都有進步諗住番主流k1應該都無問題
當時仲未派到e位,番0左一段時間
其實老師都無什麼投訴,只係同我講仔仔比同齡同學仔
差距好大,好bb,有無做評估排服務
0甘比我預期中真係進步得小,
所以同社工反映,社工叫我寫封信主要講0下小朋友學習上有什麼問題再寄番去比她
跟住社工比醫生看完封信就話比小朋友排期再見醫生
2個月之後再見醫生,其實醫生都無點評估小朋友
都係留意0下仔仔反應,仔仔好似好緊張
全程坐定定,望實個醫生,唔0甘玩0的玩具
之後都係主要問番家長小朋友學習情況
之後就問我介唔介意轉排s位,push 0下小朋友
好彩今年大派位前轉0左位,所以今個學期有得番啦
而且番s位暫托,聽過主任意見所以最後有這決定

[ 本帖最後由 apple~y 於 11-5-1 14:19 編輯 ]

Rank: 5 Rank: 5


	3080

9^#

發表於 11-5-19 18:07 |只看該作者

我亞囡2.5yrs岩岩評估左有自閉傾向, 真係有d接受唔到, 醫生話亞囡IQ無問題, A-Z, ONE TO TEN, 顏色, 形狀, 生果都識講, 其他說話如: Mami, Daddy, 大小二便, 拜拜, 社交上既說話就唔講又唔會指住d野, 鍾意玩Lego & 砌圖, 好少望實人, 如果佢肯講野情況會好好多><
社工幫我即刻排e同s位, 不過最快要等一年, 岩岩4月派左位比09年既人, 睇下出年有無機會入到s位喎! 政府其實應該關注下呢d問題

亞囡今年上K1真係有d擔心, 醫生叫話同學校講讀返N1喎!? 不過我想亞囡試下先真係讀唔上先轉, 之後希望可以入到s位啦!

原帖由 longheifung 於 11-4-29 15:57 發表
我個仔在2歲時被評估有自閉特徵,但佢好有眼神接觸和交流,不過現在3歲半了,只懂說數個單字,佢有社交問題,不怕接觸陌生人,但就不懂如何和他們玩,成日以尖叫+bb話和人溝通,佢好喜歡和我玩,又成日要抱要鍚,不過就不願和 ...

Rank: 1


	5

10^#

發表於 11-6-3 10:16 |只看該作者

看什麼醫生好 ?

各位可愛的媽咪
你們好
我個女是在日本出生, 沒有香港証明, 但我是香港人, 我個女在3歲時, 仍沒有說話, 只有單字, IQ 應該沒有問題, 但自理能力弱。那是才向醫生說她的情況, 得知她是自閉症。
在日本都有一個月看一次醫生, 但真係沒有大進展, 雖然日本在好多方面好先進, 但在自閉症方面的跟進好唔update . 仲有,個醫生一d 都唔支持我們這一群mama , 我說她很喜歡出街看事物, 個醫生說她大大下, 知道自己不及人, 就會躲在家中不門。
自閉症有好多種類, 我問個醫生佢現在是什麼種類, level  ? 佢笑笑口說唔知道, 大大下會變。問醫生在家怎樣train 她, 他說比佢自由玩。
我說擔心佢大個, 讀唔到書, 個醫生話到時讀特殊學校。我聽了哭起來, 個醫生係度大笑, 他是不是有問題架?  我甘慘, 佢大笑。
我好心痛, 一d 都0鼓勵我.
我想在香港的醫生check 我個女一下。

請妳們幫下手, 可否介紹到那裡check , ? $ 呀 ?  tks

Rank: 5 Rank: 5


	1220

11^#

發表於 11-6-3 10:27 |只看該作者

回覆 10# Miyuki10 的文章

你試下帶佢返嚟協康會啦，個度有好多資源，有得做評估。

或者你先電郵問問你咁情形可唔可以去做。

http://www.heephong.org

[ 本帖最後由 jjcow 於 11-6-3 10:30 編輯 ]

Rank: 5 Rank: 5


	2347

12^#

發表於 11-6-3 15:46 |只看該作者

回覆 3# purplechung 的文章

hello,你好！

回想起我仔2.5歲時同你小朋友一模一樣，不過佢仲有情緒問題，佢2.5歲時係開始上n1，但都係成日要老師捉佢做野，有時仲會發脾氣，吾算跟倒大隊。

通常開學前都有3-7時入學適應日/班，你可以參加吓，到時看看自己小朋友係咪同人地果d有好大距離，如果係，再同老師/主任商量，問吓意見。

Rank: 3 Rank: 3


	116

13^#

發表於 11-6-3 23:23 |只看該作者

回覆 4# szeszes 的文章

精神科醫生話：六歲之前，不能判斷小朋友患自閉症。把握時間，密集式及針對式的訓練，不要放棄，如果可以有選擇，盡量不要入讀Ｓ位，因為易入難出，可能是一條不歸路，請三思！

Rank: 3 Rank: 3


	116

14^#

發表於 11-6-3 23:46 |只看該作者

回覆 9# purplechung 的文章

你囡囡的現況，好過好多人，不可過分迷信Ｓ位，因為無嘢學，只是教小朋友如何自理，其他同學們都是很嚴重的，入去容易，想出返來很難，無論如何，都應該讓她試一試返主流幼稚園，我認為最好是學生少Ｄ仲好，方便老師關顧。

Rank: 5 Rank: 5

醒目開學勳章


	3777

15^#

發表於 11-6-4 12:31 |只看該作者

我仔已經係6歲大啦! 從來未返過 S 位, 一向係一間深程度既幼稚園返學, 學習上無任何問題, 自理能力 OK!!! 9月升小一, 都係讀普通學校; 我仔既自閉特徵唔明顯, 係叫擲界一群, 只係比較怕羞慢熱

我仔無返過任何密集式及針對式的訓練, 係6歲才開始返言語治療訓練 (因為5歲11個半月先係 CAC 做評估), 返左2個月, 有好大既進步, 而家開始成日駁咀駁舌, 又會係學校同D同學傾計, 連班主任都覺得進步好大 (褓姆老公仲勸我唔好比佢再返, 因為而家把咀太叻, 好多野講, 樣樣都問到篤)

原帖由 asap2122 於 11-6-3 23:23 發表
精神科醫生話：六歲之前，不能判斷小朋友患自閉症。把握時間，密集式及針對式的訓練，不要放棄，如果可以有選擇，盡量不要入讀Ｓ位，因為易入難出，可能是一條不歸路，請三思！ ...

[ 本帖最後由 szeszes 於 11-6-4 12:33 編輯 ]

Rank: 3 Rank: 3


	203

16^#

發表於 11-6-6 00:41 |只看該作者

原帖由 Miyuki10 於 11-6-3 10:16 發表
各位可愛的媽咪
你們好
我個女是在日本出生, 沒有香港証明, 但我是香港人, 我個女在3歲時, 仍沒有說話, 只有單字, IQ 應該沒有問題, 但自理能力弱。那是才向醫生說她的情況, 得知她是自閉症。
在日本都有一個月看 ...

我有聽過日本的媽媽抱怨他們的醫療制度對自閉症的家庭支援很不足,請爭取時安排評估及治療!
另外,我想跟那個醫生說: 醫者失格 !有需要pm我!

Rank: 2


	34

17^#

發表於 11-6-6 15:26 |只看該作者

我個仔都係返主流幼稚園,因為未開始說話(而家識小小單字表達),成日有情緒問題,好彩下午班只有幾個同學,老師可以兼顧,不過升k2要轉校了,因為開唔成k2班,都擔心無學校收佢讀k2.佢近來有明顯進步,肯跟人說話(單字),肯去廁所小便,但情緒問題仍大,希望有學校肯接受他.s位方面,我認為佢不是太嚴重,都怕易入難出,所以不考慮,只排e位.

Rank: 1


	5

18^#

發表於 11-6-8 09:52 |只看該作者

回覆 2# JJran 的文章

JJran 謝謝你呀,

原來在日本還有其為他媽媽都有同感,
可能我多心啦! 其實日本的社會都不需要其視自閉症人士, 其實自閉症的兒童, 個個都有天才的部份, 只不過那些兒童不懂得運用, 如果日本肯好好訓練, 引導他們, 好似香港甘多服務為他們就好啦.

你有沒有好的醫生介紹, 給我web site or their name , tks

Rank: 3 Rank: 3


	203

19^#

發表於 11-6-8 13:49 |只看該作者

原帖由 Miyuki10 於 11-6-8 09:52 發表
JJran 謝謝你呀,

原來在日本還有其為他媽媽都有同感,
可能我多心啦! 其實日本的社會都不需要其視自閉症人士, 其實自閉症的兒童, 個個都有天才的部份, 只不過那些兒童不懂得運用, 如果日本肯好好訓練, 引導他們, ...

你囡囡無香港出世紙的話, 就要排私人的密集式訓練或職業和言語治療, 可排協康會, 我囝囝讀緊樂x教室的私人密集式訓練, 貴但都唔錯, 你囡囡識廣東話的? 如果比較大,要問問有無for大d小朋友既課程
樂x教室: www.joyfulclass.com

Rank: 1


	5

20^#

發表於 11-6-10 09:09 |只看該作者

回復 1# JJran 的帖子

TKS , 你的web site , 我會找找。
我囡囡現在四歲, 唔識廣東話, 只識少許日文和英文, 如果是簡單的句子, 理解力都ok , 很少說話, 即使說都是說, 單字或, 二三個詞 ,表達力比較差, 但佢好喜歡晿歌, 以前佢晿的歌, 我地聽不明佢晿什麼, 但現在好清楚。

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2025 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢