- 在線時間
- 50 小時
- 最後登錄
- 16-11-16
- 國民生產力
- 46
- 附加生產力
- 472
- 貢獻生產力
- 0
- 註冊時間
- 09-2-19
- 閱讀權限
- 10
- 帖子
- 161
- 主題
- 53
- 精華
- 0
- 積分
- 679
- UID
- 466080
|
我仔一開始通常都去到11點(老師話小一D字如果執得好以後舒服好多,過咗小一要佢寫好D字就難.),但宜家多數都係10點(其實唔練琴可以早D.).佢做功課唔快又大意,所以都成日要改錯.但基灣日日測日日溫到考試反而覺好似啱啱溫咗無咁辛苦.宜家考緊第二次試,中文要溫得辛苦D,因為教好多字.英文感覺教得唔快,不過有漸漸加快的感覺了.(但聽D高年班的講就真係功課多又深搞到我都惊惊地)
其實基灣校長老師真係好好架(高年班家長又好好,肯教我地呢D小一新家長),我都好開心入到呢間學校.早返學早放學都有好處,多咗好多時間去做其他嘢.我小朋友原本出面學樂器後來都係轉入去學(師資有保證),目前都幾好.
係了,我一開始乜都訂.網上功課同英文報紙,但結果D報紙至今只睇過兩份(每星期二份),真係無時間睇(因我有返工),網上就星期六日先一次過,目前都做到.但我諗小二就難,因D嘢又深咗(小一因好多 幼稚園學過無咁辛苦容易D),所以要有時間先訂無謂好似我咁訂咗都無睇.
另外我買校服只是冬天運動衫上衣買兩件(因白色的,我地又星期一同三體育堂怕洗咗未干)其餘各一就夠.不必自己買顏色筆,基本上只需一個書包,筆盒,鉛筆(最好成打買,因每日都俾小朋友帶五支返去)擦膠同一支綠色圓珠筆(用來自我改作業的).我之前唔知剪刀顏色筆買一套,宜家都無用,因為學校統一買.要買個放作業的文件套(我地之前係明我,畢業時派咗一個宜家用緊好好用)
課外活動星期六,可以參加兩樣由9點去到11點15分,我仔參加兩種幾好,佢好鐘意.(可惜詩班無選中,我好想佢入詩歌班,因為基灣詩歌班好好架!當然管弦校隊都好好,希望第日有機會入,加強練習.)
我有去做義工講故事,D學生真係好有禮貌好有禮貌(尤其高年班),比我想象中有禮貌!
之前未入都有人批評基灣老師惡,但入學至今學校的老師同接待處的人俾我感覺真係好正面好好,所以好欣賞呢間學校的所有人(上至校長老師下至學生),我只係真心講出自己感受,希望你地明年都有同感!
我諗下有乜到時再上來講.宜家只諗到咁多.或者有乜嘢你地再問,我得閑會盡量答(有時返工未能及時答請見諒).
原帖由 JoshCaleb_Mummy 於 10-11-26 10:29 發表
聽講功課好多, 活動好多, 咁想問下各位小師兄小師姐幾點瞓架? 其實...我連幾點放學都唔知... |
|