我囡囡...達標啦...各位媽咪加油 - 特殊教育 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 特殊教育 › 我囡囡...達標啦...各位媽咪加油

發新帖

查看: 2072\|回覆: 15	go 我囡囡...達標啦...各位媽咪加油 [複製鏈接]

Rank: 5 Rank: 5


	2101

1^#

發表於 10-9-1 10:34 |只看該作者 |倒序瀏覽 |打印

各位媽咪,

我好開心, 我一直都有睇呢度的題目, 因自己囡囡都係當中一員, 今日好想同你地分享一下我個囡囡的事, 亦希望大家繼續加油呀.

我囡囡歲半時, 我覺有點不妥, 佢同人無乜眼神接觸, 抱佢時仲會推開我, 我放工回來佢眼尾都唔望我, 那時我好擔心...因佢與' 自閉症' 的徵狀都幾吻合, 於是經健康院推介去政府評估, 兩歲時佢一個字都唔識, 又唔會手指指...可以話成日好似眼光光, 無乜反應, 又唔多會笑...又唔明我地講野, 於是被評為' 語言及社交遲緩, 約九個月, 有自閉徵狀' ...我同各位媽咪的反應一樣,..好傷心..好難過.

喊過痛過後, 都係要面對

於是一邊排政府, 一邊搵協康會幫手, 又排基督教服務處心橋..又睇多些書, 希望幫到佢...但我係一位在職媽咪, 對佢的時間真的有限, 所以當時真的好擔心..

佢兩歲兩個月先第一次講一個有意思的字-----' 媽' .我開心到流眼淚...現時仍記得那刻的感覺..

今日佢三歲八個月, 再去評估, ...
結果佢語言的表達及理解竟有四歲幾, 認知也有四歲..

我真的好開心...佢終於追到
各位媽咪, 大家努力. ...加油...為我地的囝囝囡囡都打打氣呀...

Rank: 5 Rank: 5


	2292

2^#

發表於 10-9-1 11:25 |只看該作者

Congratulation! 實在太好喇!!

祝你一家永遠開開心心,健健康康!!

原帖由 Freak 於 10-9-1 10:34 發表
各位媽咪,

我好開心, 我一直都有睇呢度的題目, 因自己囡囡都係當中一員, 今日好想同你地分享一下我個囡囡的事, 亦希望大家繼續加油呀.

我囡囡歲半時, 我覺有點不妥, 佢同人無乜眼神接觸, 抱佢時仲會推開我, 我放 ...


	2787

3^#

發表於 10-9-1 13:03 |只看該作者

提示: 作者被禁止或刪除內容自動屏蔽

Rank: 2


	62

4^#

發表於 10-9-1 13:41 |只看該作者

嘩, 真係好開心呀~~我都想呀女快0的有呢一刻...^^

Rank: 5 Rank: 5


	2101

5^#

發表於 10-9-3 11:08 |只看該作者

其實當佢歲半時, 我覺得有點問題後, 就一邊係政府及其他私營機構排隊, 一邊自己多些同佢做家居訓練, 兩歲見佢仲未識講一個字, 本來想同佢報語言訓練, 但協康會姑娘同我講, 佢仲細, 未定..不如報' 幼兒導師' , 咁我報左一兩個月, 好貴, 要$450左右一堂, 上堂時佢又唔多合作, 於是上左幾堂, 學左老師的一些方法, 就自己在家教佢,

一定要不厭其煩的去同佢講, 雖然那時佢唔識講, 但其實入緊腦...就算佢無乜反應, 我都會自言自語咁講,

且自己在網上print一些圖案, 好似花呀, 草呀, 樹呀, 太陽咁...初時好似字咭咁教佢認, 一邊睇一邊形容, 好似' 花' , 會講埋' 花有好多種, 好多顏色的呀...且有香味的喎..呢d就係花葉..花莖' 出到街見到又即時指俾佢睇..

又或將一些圖案一分為二, 叫佢砌返出來..
又或將一些圖案大大小小咁print出來, 教佢排大小, 長短

每次訓練都唔可以太長, 否則佢地就覺悶, 下次就唔想玩, 要俾佢地覺得係一個' 遊戲中學習 ' , 係開心的事

另外, 我個囡對音樂比較敏感, 好鍾意聽歌, 於是我成日抱住佢唱歌, 尤其係慢歌, 又或在playgroup,時佢一坐唔定.我就抱住佢係耳邊唱下歌...佢會望實我, 呢個時間就最多' 眼神接觸' (醫生之前話佢比正常小朋友少眼神接觸),

後期我仲自己用佢個名作下歌詞, 等佢多點反應.....

真的' 投其所好' ...

最後一點就係就係多些擁抱同讚美, 我相當各位媽咪都會, 都識 , 真的要多用呀...

現時好多時我放工時佢會叫爸爸打俾我同我講, ' 媽咪, 你係邊呀, 我好掛住你, 我好想攬住你呀'...真的聽到我由心度笑出來呀..

Rank: 2


	62

6^#

發表於 10-9-3 13:48 |只看該作者

"幼兒導師"係咩黎呀??係唔係家長上呀??

Rank: 5 Rank: 5


	2101

7^#

發表於 10-9-3 14:06 |只看該作者

不, 是小朋友上的, 係協康會的課程之一, 當時我想報讀' 語言治療' , 價錢約 $600, 而姑娘同我傾時, 話小朋友未坐定, 其實效果不大, 而' 幼兒導師' 的課程, 可以訓練佢地的專注力, 認知, 理解等, 較適合三歲以下的小朋友, ...後來我發覺..真的如此..因我現時大囡有些發音不正, 都上緊語言治療, 佢五歲啦..要知道乜野係' 上堂' , 要跟老師的指示去學習讀音...我諗若當時只有兩歲的細囡去學時, 一定成堂都學唔到野..

Rank: 5 Rank: 5


	1931

8^#

發表於 10-9-3 14:13 |只看該作者

freak

請問你囡囡番去做評做, 有d乜野要佢做架?

例如...呢?

Rank: 1


	1

9^#

發表於 10-9-3 14:56 |只看該作者

恭喜恭喜! 希望你囡囡的言語發展更好更快!


	37

10^#

發表於 10-9-3 16:24 |只看該作者

提示: 作者被禁止或刪除內容自動屏蔽

Rank: 5 Rank: 5


	2101

11^#

發表於 10-9-3 17:21 |只看該作者

urme1997,

你係咪指最近我細囡做乜評估, 令我知道佢己達標呀..
佢現時剛開始讀兼收, 所以由學校的兼收老師, 外派的語言治療師, 職業治療師同物理治療師同佢先做一次評估..再去訓練.但估唔到語言同認知都己沒問題了呀..實在令我太開心, 不過老師話佢的專注力仍不足, 社交能力仍較弱...呢幾項要加強培訓

至於評估內容是甚麼, 我就不知, 因當時我不在場呀

Rank: 4


	980

12^#

發表於 10-9-3 21:17 |只看該作者

真係替你開心, 相信呢度每一位父母都希望有你呢一日.
繼續努力, 永不放棄!

Rank: 5 Rank: 5


	1787

13^#

發表於 10-9-3 23:48 |只看該作者

好鄧你開心呀!加油呀!

Rank: 2


	93

14^#

發表於 10-9-7 16:34 |只看該作者

恭喜你們一家！

你的留言真的令人好感動呀！

Rank: 5 Rank: 5


	2431

15^#

發表於 10-9-7 16:53 |只看該作者

原帖由 Freak 於 10-9-1 10:34 發表
各位媽咪,

我好開心, 我一直都有睇呢度的題目, 因自己囡囡都係當中一員, 今日好想同你地分享一下我個囡囡的事, 亦希望大家繼續加油呀.

我囡囡歲半時, 我覺有點不妥, 佢同人無乜眼神接觸, 抱佢時仲會推開我, 我放 ...

睇到我好感動、好想喊 ... 真係好戥妳開心呀

我好希望我囡囡6 歲前, 都可以達標... 有特呀 :loveliness:

大家加油 !!!

Rank: 4


	564

16^#

發表於 10-9-8 17:29 |只看該作者

freak,

聽到都戥你開心，恭喜恭喜，亦多謝你的分享，相信是其他家長的強心針。

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2025 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢