各位,請幫忙解答,我個仔似傾向邊類呀?(急問) - 資優教育

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 資優教育 › 各位,請幫忙解答,我個仔似傾向邊類呀?(急問) ...

查看: 2951\|回覆: 13	go 各位,請幫忙解答,我個仔似傾向邊類呀?(急問) [複製鏈接]

R小姐

洋房

Rank: 2


	99

1^#

發表於 10-9-10 00:44 |只看該作者 |倒序瀏覽 |打印

Dear 各位媽咪,
係咁既,我個仔就黎兩歲九個月,岩岩喺1/9/10正式讀K-1,
先講吓佢平時性格,喺屋企都係冇時停,鐘意周圍走,好少坐定,
不過佢有興趣既野,佢都會坐定定做,eg:佢鍾意睇既DVD,
佢可以坐定定睇完又睇都得,如果睇厭左就梗係同圍郁啦..
=_=,但佢喺發展/學習同理解方面都係OK完全冇問題,
尤其記性好好,講一,兩次就會記得(補充:尤其對佢鍾意既野,簡直講一次已經記到實...)
依家唯一既係表達能力仲係未可以講到一句句子,暫時都係呢D先係講4個字一句--->老師

早晨/唔該媽媽/唔該亞爸...
佢喺情緒方面係完全正常,從來都冇發覺佢行為古怪/異常/失控,完全冇,但有時掛住玩/有野吸引,佢就唔會望你,
要叫佢望住我,我就會望住.
唯一發覺佢同一般小朋友唔同,就係佢有潔癖,呢樣野喺佢歲幾開始發現,直到依家就黎兩歲九個月,依然都係咁,仲越大越要乾淨/隻手唔肯拎野食,起初以為佢懶得拎,但用叉或牙籤拮住佢係會拎,到左就黎要返學,我同婆婆就強迫佢拎餅乾/曲奇,(因為呢兩樣食物都唔可以拮黎食),佢好勉強拎起,隻手會拈左餅碎/曲奇碎,佢就係用手拍,多數會打開隻晒手好似唔想要隻手咁,食飯時有一粒飯喺咀角都會指到你抺左為止/玩緊佢最鍾意既野就一定要擺得好好,歪少少都唔得...(佢既Info介紹到呢到先)
依家問題就係,佢返左第一日學,老師

同我講佢第一日返學既情況俾我聽;話佢坐唔定,話佢果時會聽,立即坐底,但老師

行轉背佢就又唔肯坐,老師

話佢好少同老師

有眼神接觸,對鍾意既野先有興趣,唔係樣樣野都岩/可以引到佢注意力,所以又認為佢專注力不足,老師

問佢野唔係次次答---->其實呢樣佢喺屋企都會咁,我有時叫佢叫我(即係叫媽媽),佢多數會奸笑走左去(PS: 佢肯定係聽到,因為佢奸笑,並唔係好似聽唔到),我同佢講,好啦,你唔叫媽媽,媽媽唔彩你啦,佢聽完立即叫媽媽....-_-,呢樣野歲半開始到依家有時都係咁,好間唔中先一叫佢就叫我....-_-
老師

講完以上佢上堂情況之後,已經話覺得佢同其他廿五位小朋友唔同,第三日已經話寫信轉介我個仔做評估-_-"
(補充:之前老師

有問過我個仔識左咩知識,我答佢個仔識講24個英文字,6個顏色,1-10數字,數字就用左3,4日左右識講/識認...老師

聽到就問我有冇帶佢Check IQ,我答左冇,因為唔覺得佢有咩問題,太蠢或太叻,兩樣都唔係)
依家同大家講完一大輪,想問吓各位有經驗既媽咪,我個仔大概有冇問題?因為我上網搵過[自閉]/[過度活躍]同[資優生]都有好多特徵相似,所以我都睇到好亂,唔知佢有邊種傾向,大家有冇仔/女係類似我個仔咁款架?
Sorry,太長篇,唔好意思,多謝各位解答:)

0 0 0 0

返回頂部

brrbaby2007

大宅

Rank: 5 Rank: 5


	4187

2^#

發表於 10-9-10 12:16 |只看該作者

如果話資優又睇唔到有乜特別例子，反而事事相反又冇eye contact似乎係ADHD

PS. 大部份小朋友睇DVD都係concentrate架，Sam Sir話睇DVD唔計

"即使你是友善的，人們可能還會說你自私和動機不良，不管怎樣，你還是要友善。即使你是誠實的，人們可能還會欺負你，不管怎樣，你還是要誠實。你今天做的善事，人們明天可能就忘記，不管怎樣，你還是要做善事。” 杜麗莎修女。

返回頂部

R小姐

洋房

Rank: 2


	99

3^#

發表於 10-9-10 13:10 |只看該作者

Hi ,多謝你回答我問題呀,
我補充如下:
如果唔計睇DVD,佢亦都有定定地睇書既時候,不過就唔係坐定睇,而係本書擺喺梳化,佢個人就"某"喺地下,隻手喺梳化託住個頭黎睇(即係除左食飯之外,佢個PAT PAT係極少痴實張椅/梳化)
佢會自己拎學字圖書或喜羊羊漫畫黎睇,佢見到漫畫入面有4個雪人,就聯想到係我地一家(爸/媽/佢/婆婆),
佢指住d雪人黎同我講,
1) 帶住珠鍊既雪人(係媽媽)
2) 眼眉粗雪人 (係爸爸)
3) 雪人bb (係自己)
4) 拎住個煎pat既雪人 (係婆婆)

果時個仔係歲半多d...其實可能冇咩特別/唔係特別叻既野,
不過喺我度唸,佢都係屬於有想象力,
我唔係認定佢係資優,佢講野唔叻,我都認為佢唔會係資優
加上佢坐唔定/專注力不足我認為佢係過度活躍,
我就上網搵[過度]既資料,俾我同時間搵到[過度及資優既特徵],兩者有某幾樣特徵係非常相似,
但亦有其他係唔似,
eg: 過度係會失控/情緒波動/易失控,
但我個仔就冇試過以上情形,都係普通小朋友扭計果種,
就算喊都係好快收聲.
佢記性算好好,見一次就記得個玩具擺邊個箱,加上佢一定要放返原位,如果我擺喺第二度,佢係會自己堅持擺返埋原位,
我見[過度]特徵好似唔會咁,
所以我想講,我都唔肯定佢係邊樣.

返回頂部

R小姐

洋房

Rank: 2


	99

4^#

發表於 10-9-10 13:18 |只看該作者

補充: 佢眼唔望住人,係因為前面有野/物件令到佢專注左望第二樣,有時喺屋企唔望住我講野,我會話,係要望住媽媽,佢就會即刻望住,我放工返黎佢唔叫我(叫媽媽),我就叫佢叫,佢奸笑行左去,我就話你唔叫我,我唔彩你,你就即刻叫幾次媽媽....佢到依家都係咁,好似成日玩野咁...

返回頂部

sulleybe

洋房

Rank: 2


	52

5^#

發表於 10-9-10 14:28 |只看該作者

原帖由 R小姐 於 10-9-10 13:18 發表
補充: 佢眼唔望住人,係因為前面有野/物件令到佢專注左望第二樣,有時喺屋企唔望住我講野,我會話,係要望住媽媽,佢就會即刻望住,我放工返黎佢唔叫我(叫媽媽),我就叫佢叫,佢奸笑行左去,我就話你唔叫我,我唔彩你,你就即刻 ...

我覺得你個仔又冇咩問題, 好多小朋友都係咁, 佢返學前有冇返過 playgroup之類的活動, 係屋企係唔係多數有人幫佢做嘢, 好少同佢講嘢? 佢果表現好正常, 資優同說話能力冇直接關係, 不過佢隻手唔肯拎野食就會有影響左腦發展, 要注意! 平時帶佢多D同其他小朋友,大朋友玩,同多D人溝通,對社交方面會有好轉.

返回頂部

R小姐

洋房

Rank: 2


	99

6^#

發表於 10-9-10 15:26 |只看該作者

Hi bulleybe,
好多謝你既回覆呀,
好開心你認為佢冇野呀,我仲好擔心佢係自傾/活躍,
但呢兩者佢都中少少,
我個仔好like轉動既野-風扇,但其實特徵又唔太似,
佢幻想力有/屬於好記性/學野屬於快,
但由於我冇催谷佢學習,
我只教佢英文字26個,數字1-10,顏色6個,都係普通既野,
以上我教既,佢都識左/識講...

返回頂部

R小姐

洋房

Rank: 2


	99

7^#

發表於 10-9-10 15:30 |只看該作者

補充:屋企得我,爸爸,婆婆同佢,唔係太多人,
有帶佢去公園玩,佢好鍾意同小朋友玩,如果公園冇人,佢係會走,零願唔玩,佢去到公園主要都係群其他小朋友,而唔係玩滑梯等等...多數好開心,開心既時候都會周圍走,佢都會同我朋友d仔/女一齊玩,完全唔覺得佢想一個玩/唔理人,反而仲覺得佢好鍾意同人一齊玩

返回頂部

brrbaby2007

大宅

Rank: 5 Rank: 5


	4187

8^#

發表於 10-9-10 16:38 |只看該作者

其實你個case同我B參不多，響我認識的小朋友中冇一個好似佢o甘坐唔定，而且好似都有d叻叻地。有老師話佢資優，Sam Sir話佢有少少ADHD。但冇論係咪資優定ADHD，首要做係改善佢專注力，我會盡量俾多d感統exercise佢做

返回頂部

breadmo

複式洋房

Rank: 3 Rank: 3


	252

9^#

發表於 10-9-14 00:36 |只看該作者

我個仔(2yr9mths)情況好似, 返學(k1)頭兩日有我陪都ok, 第三日自己上堂就出事, 老師話佢坐唔定, 周圍走, 又捉佢唔住 (我仔好大力), 問有冇做過評估, 我話有語言遲緩同埋少眼神接觸.

第四、五日都係咁, 我哋提議陪上堂, 就算走都有媽咪捉往佢, 加上我想了解, 佢平時冇呢個專注力或過動問題, 陪咗一日我覺得:
1. 返下午班冇得nap, 好倦, 有脾氣
2. 新環境未適應
3. 樣樣新鮮四週走

加上我立即找一些專注力課程, 佢哋話專注力問題唔係咁大, 仔仔係講嘢慢, 當講唔到咪有情緒問題, 所以要訓練佢安坐同表達, 又問我有冇做IQ test. 仔仔冇什麼過動症我已經好感恩, 邊敢諗IQ呀.

經過幾日陪上堂, 情況一天比一天好, 其實老師都話佢反應快, 玩爬上的活動連大仔都唔夠我仔快, 自理能力又比好多同年齡好, 加上玩玩具有手尾, 穿珠仔, 分類, 拼圖好專心可以坐好耐.

其實我路過咋, 本來係發展遲緩愈睇愈擔心, 睇返版資優平衡吓, 點知發現R小姐的情況好似, 想寫D嘢分享吓, 或者你都試吓陪上堂了解, 老師只係講到個情況, 原因都係媽咪去發掘, 因為媽咪先會最了解, 每個小朋友都係獨得的.

返回頂部

baubaulee

大宅

Rank: 5 Rank: 5


	3121

10^#

發表於 10-9-14 01:13 |只看該作者

Hi

What kind of感統exercise are good for concentration training? Please share.

Thanks!!

原帖由 brrbaby2007 於 10-9-10 16:38 發表
其實你個case同我B參不多，響我認識的小朋友中冇一個好似佢o甘坐唔定，而且好似都有d叻叻地。有老師話佢資優，Sam Sir話佢有少少ADHD。但冇論係咪資優定ADHD，首要做係改善佢專注力，我會盡量俾多d感統exercise佢做 ...

返回頂部

mybabynbaby

洋房

Rank: 2


	62

11^#

發表於 10-9-14 02:21 |只看該作者

感統exercise係做0的咩呀??

返回頂部

R小姐

洋房

Rank: 2


	99

12^#

發表於 10-9-14 13:52 |只看該作者

原帖由 breadmo 於 10-9-14 00:36 發表
我個仔(2yr9mths)情況好似, 返學(k1)頭兩日有我陪都ok, 第三日自己上堂就出事, 老師話佢坐唔定, 周圍走, 又捉佢唔住 (我仔好大力), 問有冇做過評估, 我話有語言遲緩同埋少眼神接觸.

第四、五日都係咁, 我哋提議陪 ...

Hi breadmo,
好多謝你既回覆呀,你小朋友都係2.9yr?
即係我個仔同你仔仔差唔多大?我個仔係十二月中出世架..^^
其實我個仔平時喺屋企都係坐唔定,不過叫佢坐定果吓佢係聽,果刻係控制到,但轉吓頭佢又走黎走去,之前已唸過返左學佢都會係咁 (點知真係..-_-)
佢一有興趣既野,就會好似你仔仔咁,好專心,可以坐定好耐,
但如果佢冇興趣,佢又會走左去搵新既事物...
佢講野算遲呀,依家足左2.9yr最多都係講到4個字一句,仲係[老師早晨/唔該媽媽果咋...)
[我要食餅],都係我講一句佢先肯跟住講,
我認為佢似係懶講野,因為平時我放工返屋企,叫佢叫我 ,
佢唔肯叫,奸笑咁行左去,佢越叫佢叫你,佢越唔叫,
我同佢講: 你唔叫媽媽,我唔會彩你,
佢次次都會立即叫: 媽媽,媽媽,媽媽....-_-
好前尋日咁,我問佢某樣野明唔明,其實我之前已經問左兩次,佢都有答我知,但我又衰,隔左一陣又問佢明唔明,
跟住佢唔so我,又奸笑擰轉塊面,我好認真/有少少勞氣咁同佢講: 媽媽問緊你明唔明呀...
聽完立即擰返轉望實我: 明明明明明明明明....
你話係咪俾佢激死,唔鬧佢都唔得...
佢既性格唔知點解會咁,所以佢返到學校都係咁對老師,
所以老師話佢問親都唔答,唔應老師....-_-
我都唔知點搞,唔通同老師講,你要話唔彩佢先會應你架咁咩?
老師彩我都傻啦....

返回頂部

atari

複式洋房

Rank: 3 Rank: 3


	151

13^#

發表於 10-10-6 12:01 |只看該作者

你應該開心, 多過擔心.

根據你講小朋友既情況, 佢絕對係一個聰明仔. 係唔係資優呢,我唔係專家(查實我一直覺得"資優"呢個term係商人的玩意)

點解要坐定? 係為左坐定而坐定? 家長想當然要求小朋友做某些事情,但有否細心想過那個要求是否在情理當中?唔通你帶佢去踢波個時要求佢坐定?
到某一日你小朋友全日都坐係度, 你第一個感覺絕對會係:"佢係咪唔舒服?", 而唔會係:"好囉,終於識坐定"

專注力係指做一件事情的持續性. 例如看圖書, 他最長可以看多久呢? 小學生的專注力也不會超過45分鐘(想一想小學一節課的時間你便會明白) 年紀越小,時間越短.

至於眼神接觸, 家長要小心了! 爸爸媽媽說話時有否眼神接觸呢? 例如:爸爸在睡房大叫:"媽媽,我的XXX在那裡" 然後媽媽在廳回答:"在YYY那裡呀,慢慢找一下" 如果類似情況經常發生在家裡, 小朋友好自然會忽略眼望別人說話的習慣.
而你跟小朋友說話時更必須有眼神接觸, 你叫他他跑掉,不要在後邊叫, 走上去捉住佢,對住佢對眼講:"媽媽叫你!" 任何時候都要求他跟你說話時與你有眼神接觸, 沒有的話就要望著對方再講一次. 久而久之就能養成這個習慣了.