仔仔3歲前無教他,3歲啦,怎教好,請指教! - 教育講場

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 教育講場 › 仔仔3歲前無教他,3歲啦,怎教好,請指教!

查看: 1660\|回覆: 4	go 仔仔3歲前無教他,3歲啦,怎教好,請指教! [複製鏈接]

miuc888

洋房

Rank: 2


	49

1^#

發表於 10-1-29 03:28 |只看該作者 |倒序瀏覽 |打印

自仔仔出世到現在我都要上班,我本以為他無咁快識野,可以遲下才教他.但眼見他愈來愈難教,真的不知怎算好.

尢其是見完幼稚園後,原來我給個仔實在太少了(包括時間和教育),現在想給他學野,但又不知應該學字母咭好,還是學乖乖好.

我其實真的不捨得打他,因見他時間少,又不想他對我有壞印象,但不打他,他又不聽話.心痛死我啦.真不知怎做好.
<原來做阿媽真的不易,尢其是好媽媽添>我在此向好媽媽致敬.

0 0 0 0

返回頂部

lokaci

洋房

Rank: 2


	43

2^#

發表於 10-1-29 11:41 |只看該作者

好多方法教既,,,打佢咪搞到佢對你有唔好印象. 就算"聽話"都係因為好驚你打佢. 咁樣你都唔開心啦.

返回頂部

miriam

王國長老

Rank: 14

醒目開學勳章王國長老


	50111

3^#

發表於 10-1-31 23:03 |只看該作者

我同你一樣囡囡三歲前都無乜點教過佢, 係到 k.1 先開始由學校教, k.3 前暑假先比佢出去讀興趣班, 對好多人黎講可能係遲左開始, 但一世人要讀書既時間真係好長, 所以 k.1 & k.2 我都由得佢剩係跟學校課程, 其餘時間都係同佢玩玩笑笑咋.

小朋友適應力好強, 我囡囡短時間已經習慣上興趣班, 佢上咁耐我都無乜點理佢, 真係當係玩咁由得佢上完就算, 而家佢 p.1 成績叫做不過不失.

所以有時間不如建立好親子關係, 好過費盡心神去諗谷佢讀乜讀物囉.

任何人士未經本人同意不得轉載本人所發表之文章到任何媒體 (包括報章、雜誌及網站)

任何非 PM 形式查詢一律不回

各位~~~我唔會介紹補習社或興趣班, 唔使 PM 問我呀, 我係唔會覆架~~~

返回頂部

linglingng

複式洋房

Rank: 3 Rank: 3


	484

4^#

發表於 10-2-1 16:30 |只看該作者

個人分享:我都要返工. 同我係比99揍. 呀囡兩歲我就比佢返學, 當時亦有壓力, 因99同朋友都話要比小朋友有開心的童年(我心想我都唔記得自己幼稚園開唔開心啦). 唔好咁早比呀囡返學,同好易病. 我都堅持要比呀囡返,但只好讓步於唔返全日. 我的朋友見我個囡返學學了很多野同自理能力亦好好. 都把自己的囡兒送到去學校. 起初她都堅決話唔會比個囡咁細個就返學呢!!
我每日放工返到99道都大約7:00-7:30. 同呀囡玩5-10分鍾. 之後沖涼. 之後再玩5-10分鐘. 跟住就食飯. 之後帶呀囡返屋企(我唔係同99住). 返到屋企就玩5分鐘就上床. 之後講故事, 瞓覺.
如果當日99同呀囡沖咗涼,食咗飯,我就會多 D 時間同呀囡玩. 其實每一日我都係計計埋埋得半個鐘至一個鐘同呀囡玩咋. 我會珍惜每一日同呀囡相處的時間.
每日都係玩油顏色, 貼貼紙. 呢 D 都係教小朋友的.
油顏色:你可比英文字母, 形狀, 動物. 呢 D 上網都有得 DOWNLOAD.
貼貼紙: 市面上都有 EQ, CQ, IQ 的貼紙書. 呢 D都係教小朋友的.
當小朋友有興趣時,他就會坐定定. 另可用貼紙獎勵乖就有. 我就係咁利用放工時間去訓練佢專注力. 你用另一面想~其實小朋友都好想父母同佢一齊玩同陪佢. 其實細路仔好簡單.

原帖由 miuc888 於 10-1-29 03:28 發表
自仔仔出世到現在我都要上班,我本以為他無咁快識野,可以遲下才教他.但眼見他愈來愈難教,真的不知怎算好.
尢其是見完幼稚園後,原來我給個仔實在太少了(包括時間和教育),現在想給他學野,但又不知 ...

返回頂部

ansoncally

複式洋房

Rank: 3 Rank: 3


	117

5^#

發表於 10-2-1 22:05 |只看該作者

miuc888,

我小朋友今年7歲,頭3年我係需要工作,但眼見小朋友越大越難教又大脾氣,於是決心放棄工作專心教仔,亦為此不斷研究看書學做一個好媽咪。現在算ok啦！
記住唔好放棄呀！無論是否全或半職媽咪,你一樣可以教好他。

本人應為首先需和他建立好關係，不需計較相處時間而是質素，盡量投入他的世界，了解他的需要，成為他的摯友。不需打罵(知道很難的)，如他曳曳，你就向他傾訴你看見他做曳事，你是很傷心的，與他告訴你自己的感受，一方面給他學會反省，一方面給他學習同理心(需考慮你的感受)比打罵更有效。如他做了乖事，記得稱讚他(不要咁孤寒)，要具體讚他做果件事使你感到很高興(不好只讚他好乖就算)他們是很直接接收你的訊息，信我！他做的乖事一定會重覆出現的。

本人極着重品格修養，因人的品格可影响一生啊！
不要氣餒！我亦是由他3歲開始發力，唔好再遲啦！持之而行！

以上只是少少分享，獻醜！