- 在線時間
- 1 小時
- 最後登錄
- 07-10-16
- 國民生產力
- 0
- 附加生產力
- 0
- 貢獻生產力
- 0
- 註冊時間
- 03-5-12
- 閱讀權限
- 10
- 帖子
- 435
- 主題
- 16
- 精華
- 0
- 積分
- 435
- UID
- 10347
 
|
Re: 揀選幼稚園或有子女唸幼稚園必看-親身個案
我都試過遇到啲不公平同唔禮貌對待,我好耐之前講我個仔既班主任,佢之前都係係家長都寸都窒,我投訴過佢,佢依家可能留意到咁係唔可以對家長咁無禮貌,依家佢真係有番啲笑容,對我地啲家長有番基本禮貌;但係早幾日我先至俾我個仔另一位老師激親!我個仔有時會延展,响學校食埋飯到七點先至放學,咁我照樣準時去接個仔放學啦,我去到學校,睇到學校個鐘支分針仲係指住'12'(即係啱啱七點),咁我咪滿以為自己準時到,就只需付七時前既十三蚊費用,...但當個老師俾張單我時,我打咗個突,佢竟然收我廿六蚊(多十三蚊,佢計我個留校到八時正既費用)~~!!!  咁我梗係同佢理論啦,我話:"我頭先都係七點正到學校,做乜收我廿六蚊而唔係十三蚊?"佢竟然話:"你頭先係七點零三分先至到,所以你遲到,我咪收你廿六蚊囉!"我話:"唔係喎,噚晚我都係呢個時間甚至乎係七點零五分先至到學校,你另一位老師都係收我十三蚊..."未講完,佢就窒我:"係咩?駛唔駛叫埋主任出嚟同你講?(佢碌大對眼,手指住教員室門口)"我已經嬲嬲地,我話:"咁你學校個鐘成日唔同時間,咁我咪要成日要調校我屋企同手提電話個時間囉(事實上我之前都猛咁較快我屋企同手提電話啲時鐘,但都快唔過佢學校個鐘! :-x )!"佢死頂:"我地無較過學校個鐘噃!顯霖媽咪,你唔好講笑啦!" :-x 死未?之後我費時為咗俾多十三蚊而同佢嘈,照俾錢佢(當佢同我乞錢算,無咁嬲!),唔知係咪佢都覺得自己過份咗,我走嗰陣佢唔見咗人~!平日佢地會例牌响門口同小朋友講再見,嗰日,變成係主任代佢同我地講再見!第二日,我湊個仔番學時,我都有留意佢偷偷地望住我地,但當我直望佢時,佢就唔敢再望...呢日,我就準時湊個仔放學,唔留校食晚飯喇,因為之前嗰日無啦啦唔見咗十三蚊,我自己响呢度扣番~!再第二朝(即係噚日朝早),我湊個仔番學,門口個老師就有以下既說話俾我同個仔聽喇:"顯霖,同媽咪講拜拜啦,叫媽咪好似噚日咁早接你放學啦~!"眼尾仲要望一望我,好似想睇我有乜反應,心諗,到低能~!如果我之前嗰日咁早接個仔係要嚟發你地脾氣,咁我就真係好小器喇~!十三蚊對於佢嚟講係好小數目,但對於我嚟講十三蚊我可以買到一餐飯既餸喇!我自己慳錢,又關佢地老師乜事先?  再者,我老公之前不嬲都同我投訴,佢逢星期三晚湊仔放學都會好似我呢次咁無啦啦要俾多十三蚊,個個星期都剩係呢日會有咁既情況,我平日星期三都要番工,個仔係老公湊,心諗,如果我唔係呢個星期三放多咗一日假,咁我都唔知有呢個問題.心諗,如果我地真係遲到,有乜理由個個星期係得星期三先至遲到?除非撞咗邪啦! :-x 所以我叫老公下次一到星期三湊仔,一係六點半出門口去接放學,一係就八點先至湊個仔放學!還掂佢都收硬我地廿六蚊咯,唔好嘥咗佢! :-x |
|
發表於 04-5-22 04:50
