用戶登入
用戶名稱：
密      碼：
登記帳號忘記密碼

討論區

教育王國
教育講場
使用意見
幼兒教育
幼校討論
幼教雜談
小學教育
小一選校
小學雜談
中學教育
升中派位
中學交流
初中教育
專上教育
備戰大學
選科選校
國際教育
國際學校
海外留學
知識增值
課外活動
教材閱讀
公開考試
深造進修
特殊教育
特殊教育
資優教育
自閉寶寶
智能評估
徵求專區
二手市場
誠徵老師
組班專區
徵保母車

   聯絡管理員
搜索
教育王國 › 討論區 › 特殊教育 › 我覺得我個小朋友和別人唔同..有冇媽咪可幫幫我? ...
發新帖
查看: 3643|回覆: 12
 go

我覺得我個小朋友和別人唔同..有冇媽咪可幫幫我? [複製鏈接]

emilylam

Rank: 4


804
1#
發表於 08-4-2 02:48 |只看該作者 |倒序瀏覽 |打印
我個小朋友2歲半有多,我覺得他和其他同年紀的小朋友有點不同,(別人也是這樣說)雖然話每個小朋友的性格都不一樣,但有很多野令我開始擔心佢..

我覺得佢性格屬慢熱,內向型..情緒起伏好大!呢秒佢可能笑,下一秒又會想喊的樣子!易笑又易喊,但很快又冇事,平時佢很愛哭,因一句說話或大聲d都很易令到佢喊!心情好時好興奮,喜歡手舞足蹈和叫,(好像控制唔到自己咁)心情唔好時不出聲,鐘意就主動叫人唔鐘意就不睬人或表現出不友好的樣....(很多人都說他心情變化好大好難捉摸!)和其他小朋友唔同..人地無佢咁誇..

加上佢性格不太合群..特別人多佢會很不自然,什麼都不參與,返playgroup咩唔都肯玩!或只選自己鐘意的先玩,如果只得一兩個小朋友會好d..(都唔知幫佢搵間少d人的學校好還是多人好??!)煩惱中..

學野方面無問題,好好記性,只是專注力弱,無耐性..對已經識或已知既野無乜耐性...精力旺盛好像唔洗訓咁,有時會懷疑佢係咪專注力缺乏過度活躍症?(咁細個睇得出嗎?)
或是係點樣??有無小朋友像我個咁架??我唔知點教??係咪有咩病/症?
佢成日都失控咁喊...好煩...覺得佢呢種性格好難湊!!help..

[ 本文章最後由 emilylam 於 08-4-2 02:55 編輯 ]
   0    0    0    0

返回頂部

sjmama

Rank: 4


600
2#
發表於 08-4-2 09:11 |只看該作者
你的孩子情況很像小女, 小女已證實是亞氏保加症.

原文章由 emilylam 於 08-4-2 02:48 發表
我個小朋友2歲半有多,我覺得他和其他同年紀的小朋友有點不同,(別人也是這樣說)雖然話每個小朋友的性格都不一樣,但有很多野令我開始擔心佢..

我覺得佢性格屬慢熱,內向型..情緒起伏好大!呢秒佢可能笑,下一秒又會想喊 ...
但願媽媽的眼淚能灌溉寶寶, 讓寶寶茁壯地成長

返回頂部

emilylam

Rank: 4


804
3#
發表於 08-4-2 15:37 |只看該作者
請問你囡囡幾大?我上網睇過有關亞氏保加症的資料,我覺得有d似有d唔似...我都唔知我小朋友係咪..比如佢想像力和理解力我覺得無問題,我開唔開心個樣佢會知,說話同普通小朋友咁,但社交方面就真係比較弱!唔知關唔關少同人接觸?因平時只有我一人湊,又沒上學,但佢性格就比較自我囉,容易發脾氣和喊,有時我都覺佢唔太鐘意和人眼神接觸!(一半一半),有時見到d姨姨佢會故意低下頭話唔望人喎!真係好古怪...我都唔知佢係咪有亞氏保加症,抑或係佢的性格係如此..?
你係怎樣發現而帶佢去睇醫生?有呢個症需要做d咩野幫助佢架?

原文章由 sjmama 於 08-4-2 09:11 發表
你的孩子情況很像小女, 小女已證實是亞氏保加症.

[ 本文章最後由 emilylam 於 08-4-2 16:50 編輯 ]

返回頂部

sjmama

Rank: 4


600
4#
發表於 08-4-2 21:40 |只看該作者
小女現在6歲, 她自2歲半後我們也察覺情緒起伏很大, 慢熱, 不合群, 記性很好......, 但當時她的語言發展沒有問題.

我們在她2歲九個月時帶她去看私家專門看兒童發展的醫生, 醫生當時說要她仍年幼, 還未能確定, 但有可能是亞氏保加症或再輕微些只是社交力弱,建議我們遲幾個月再帶她去看.

結果她的情緒問題越來越嚴重, 我們也覺得不對路, 結果在她3歲3個月時又帶她見醫生做正式評估, 這次其實醫生已經基本上說她是自閉症傾向, 但因她仍是年幼, 故此只寫發展遲緩, 希望她經過早期訓練(EETC)後會趕上.

不過小女四歲3個月時去政府的評估中心, 政府醫生確定她是亞氏保加症/高功能自閉症.

其實如果現階段你覺得孩子社交能力弱, 情緒控制力差, 已經可以根據這些方面訓練他, 無論他是否亞氏保加症, 他都能獲益.然後再注意他的發展. 有需要就去健康院請他們轉介孩子去政府的兒童體智能評估中心排期做正式評估.

越早開始幫助他, 他的進步愈快.


原文章由 emilylam 於 08-4-2 15:37 發表
請問你囡囡幾大?我上網睇過有關亞氏保加症的資料,我覺得有d似有d唔似...我都唔知我小朋友係咪..比如佢想像力和理解力我覺得無問題,我開唔開心個樣佢會知,說話同普通小朋友咁,但社交方面就真係比較弱!唔知關唔關少同 ...
但願媽媽的眼淚能灌溉寶寶, 讓寶寶茁壯地成長

返回頂部

emilylam

Rank: 4


804
5#
發表於 08-4-2 22:24 |只看該作者
謝謝你的分享!你講你女女2歲半的性格跟我個很像,其實呢個年紀除左情緒起伏很大,慢熱,不合群,記性好外,仲有咩地方可注意到既呢?比如平時跟大人講野時係如何?會否跟其他小朋友玩耍?抑或唔會同人玩,只會自己一個人玩?係咪唔識玩想像力遊戲?(煮飯仔果d?)後來情緒越來越嚴重係點嚴重法?係咪鐘意玩重複的遊戲?唔知你可否講多d呢?,唔好意思太多問題...我開始擔心他..
是呢,你小女而家讀主流的學校嗎?
其實我都想係佢情緒方面著手,但我唔識!只是每次教佢冷靜d,然後教佢應該點做/點講...我仲可以做咩野呢?可以搵咩機構幫助?
十分謝謝!

原文章由 sjmama 於 08-4-2 21:40 發表
小女現在6歲, 她自2歲半後我們也察覺情緒起伏很大, 慢熱, 不合群, 記性很好......, 但當時她的語言發展沒有問題.

我們在她2歲九個月時帶她去看私家專門看兒童發展的醫生, 醫生當時說要她仍年幼, 還未能確定, 但有可 ...

[ 本文章最後由 emilylam 於 08-4-2 22:30 編輯 ]

返回頂部

sjmama

Rank: 4


600
6#
發表於 08-4-3 09:45 |只看該作者
1.小女那時跟同齡小朋友一起很被動, 大多數是"parallel playing", 很少互動,當其他PLAYGRUOP 小朋友找她, 她才很細聲地回答.但跟家中大人就可以主動玩, 也有互動和對話
2.她在玩想像力遊戲方面沒有問題(事實上兩次評估, 她在這方面的測試都通過)當時也沒有明顯的重複行為
3.但她的情緒使我們很困擾, 最初我們以為因為家中在短時間換了幾次工人, 影響她的情緒, 後來卻是越來越嚴重, 有一次哭鬧失控2小時(3歲時), 我們怕她有事, 只好把她抱去看醫生, 怎知她一出門就停止哭.
4.醫生說她的情緒問題其實也是固執行為的一種, 因為她對某些事情感到不安, 卻又不懂得用語言表達.
5.其實你現在的做法是對的, 但是要先幫助他理解正確的情緒反應,包括他自己和辨認別人的面部表情(除了家人以外的人士, 先是相片, 然後漫畫)
關於這方面我有些經驗分享, 你可參考:
http://hk.myblog.yahoo.com/mama-tears/article?mid=241
http://hk.myblog.yahoo.com/mama-tears/article?mid=258
http://hk.myblog.yahoo.com/mama-tears/article?mid=278
http://hk.myblog.yahoo.com/mama-tears/article?mid=309
你的孩子年齡還小, 可主要做第一二步練習
另外社交故事也可減輕孩子的不安, 幫助他學習社交應對
總之, 這些練習方法, 就算孩子不是亞氏保加症/自閉症, 也能得益.


原文章由 emilylam 於 08-4-2 22:24 發表
謝謝你的分享!你講你女女2歲半的性格跟我個很像,其實呢個年紀除左情緒起伏很大,慢熱,不合群,記性好外,仲有咩地方可注意到既呢?比如平時跟大人講野時係如何?會否跟其他小朋友玩耍?抑或唔會同人玩,只會自己一個人玩?係 ...
但願媽媽的眼淚能灌溉寶寶, 讓寶寶茁壯地成長

返回頂部

emilylam

Rank: 4


804
7#
發表於 08-4-3 17:50 |只看該作者
謝謝你分享你的文章,即使我小朋友係咪呢個症但都好有幫助,你很偉大,是一個好好的媽咪,很佩服你!你的blog可幫到有需要的人,好似我咁,我都係剛剛對呢個症有小小了解,但還有很多地方唔明..
好像話不能從他人的言談和身體語言，來了解對方的情緒和想法,我唔係好明白??係咪如果我唔開心的樣子佢唔會知我唔開心?我個成日都喜歡睇下我"面色"做事的,好像係playgroup,佢慢熱,對環境敏感,佢會時不時望下我表情,如果我表情係笑的,佢會覺得安心,如果我表情係緊張的,佢又會表現得很緊張..同同輩玩時,佢對會有興趣的人玩(選人玩)呢個年齡我覺得很難睇,對吧?始終呢個年紀的小朋友都係比較自我,不懂和人分享..
另一方面我個都會因人家一句說話或不合佢意而喊,對我個人來說,我會覺得佢比較敏感和自我,我覺得有d小朋友都會咁..(個人睇法)至於「鑒貌辨色」我先生則說佢好識睇人,我先生則唔覺佢有呢方面問題,但我自己就覺得有d似有d唔似...始終我唔係專家,所以想早點了解及幫助他,即使佢係咪都好,我都會係佢社交,情緒上著手!唔該晒你呀!相信你的兒女會好愛你及孝順你!一起加油!

原文章由 sjmama 於 08-4-3 09:45 發表
1.小女那時跟同齡小朋友一起很被動, 大多數是"parallel playing", 很少互動,當其他PLAYGRUOP 小朋友找她, 她才很細聲地回答.但跟家中大人就可以主動玩, 也有互動和對話
2.她在玩想像力遊戲方面沒有問題(事實上兩次評 ...

[ 本文章最後由 emilylam 於 08-4-3 17:55 編輯 ]

返回頂部

SandraLo

Rank: 5Rank: 5


2139
8#
發表於 08-4-3 22:15 |只看該作者
原文章由 emilylam 於 08-4-3 17:50 發表
謝謝你分享你的文章,即使我小朋友係咪呢個症但都好有幫助,你很偉大,是一個好好的媽咪,很佩服你!你的blog可幫到有需要的人,好似我咁,我都係剛剛對呢個症有小小了解,但還有很多地方唔明..
好像話不能從他人的言談和身 ...


不久之前我也看過你的topic/post, 其實你應該盡快和你的小朋友做評估, 不要再一面担心一面又估估吓, 冇事的話, 你當然可放下心頭大石, 假如真的是亞士保加或attention deficit或speech delayed, 你便可對症下藥的幫她！
每個媽咪睇自己小朋友的標準都是不同的, 我見過有媽咪一天到晚覺得bb有問題, 亦有些3,4歲仍在說單字, 媽咪才意會到有問題！
你以為自己的小朋友是亞士保加症, 只是一廂情願, 我見過情緒不穩的孩子, 被媽咪以為是精神病, 到中學才發現他智力正常, 但是言語遲緩, 表達不到心中想說, 所以常發脾氣！資優+言語遲緩的我也見過呢！請快帶她做評估呀！

返回頂部

sjmama

Rank: 4


600
9#
發表於 08-4-3 23:55 |只看該作者
Sandralo說的對, 最重要的是對症下藥.
我也能理解這些名稱對於父母來說一時是很難接受
但是你可換個角度來看, 孩子若有任何地方比起同齡的發展慢/弱, 都應該盡快替他"補習", 好讓他快點趕上
我們不是專家, 不能替你的孩子診斷, 不過既然你也察覺孩子跟同齡的比較有些不同, 倒不如盡快做評估, 讓專家給你意見

我有個舊同事, 他的兒子比我女兒大一年, 兩歲半時語言還只能說些單字. 後來聽了我的建議, 用最快的方法排了政府的兒童體智能中心做評估, 醫生當時說他的孩子是發展遲緩, 就排了早期訓練中心的服務. 他在等候期間也替孩子報了協康會的各種活動, 幾個月後排到早期訓練, 孩子的語言發展很快追上, 但他仍讓孩子繼續早期訓練一直到上小一前.

結果他的兒子是資優, 去年他的兒子被一所傳統的名校取錄, 上了小一後品學兼優, 完全沒有一些資優孩子的EQ問題, 在校內很受師長同學的歡迎

我的同事不知多感激那三年的早期訓練!

原文章由 SandraLo 於 08-4-3 22:15 發表


不久之前我也看過你的topic/post, 其實你應該盡快和你的小朋友做評估, 不要再一面担心一面又估估吓, 冇事的話, 你當然可放下心頭大石, 假如真的是亞士保加或attention deficit或speech delayed, 你便可對症下藥的 ...
但願媽媽的眼淚能灌溉寶寶, 讓寶寶茁壯地成長

返回頂部

emilylam

Rank: 4


804
10#
發表於 08-4-4 00:05 |只看該作者
Sandralo,sjmama
嗯,你們說得很對,我也準備帶佢去check,不論係點,針對佢的弱項去"補習"..只是睇大家的post,三歲前好像難些,可能大個d先比較準?係咪呢?
anyway,真係好多謝你地比我既意見!

返回頂部

sjmama

Rank: 4


600
11#
發表於 08-4-4 00:22 |只看該作者
每個個案的情況都不相同, 是什麼名稱/屬哪一類也不重要, 最重要的是做了評估後, 你會知道孩子的整體發展怎樣, 專家會告訴你孩子在哪些方面的發展比同齡遲, 遲了多少, 那麼你就知道應該朝哪個方向追趕了.

原文章由 emilylam 於 08-4-4 00:05 發表
Sandralo,sjmama
嗯,你們說得很對,我也準備帶佢去check,不論係點,針對佢的弱項去"補習"..只是睇大家的post,三歲前好像難些,可能大個d先比較準?係咪呢?
anyway,真係好多謝你地比我既意見! ...
但願媽媽的眼淚能灌溉寶寶, 讓寶寶茁壯地成長

返回頂部

SandraLo

Rank: 5Rank: 5


2139
12#
發表於 08-4-4 15:59 |只看該作者
原文章由 sjmama 於 08-4-4 00:22 發表
每個個案的情況都不相同, 是什麼名稱/屬哪一類也不重要, 最重要的是做了評估後, 你會知道孩子的整體發展怎樣, 專家會告訴你孩子在哪些方面的發展比同齡遲, 遲了多少, 那麼你就知道應該朝哪個方向追趕了....


emilylam :

你說得對, 專家也說六歲前的評估是不準確的, 六歲前, 他們不會說孩子是自閉症, 只會用自閉傾向, 也不會說孩子是智障(除非是先天), 只會說是發展遲緩....... 但如sjmama所說, 你起碼要知「應該朝哪個方向追趕」！

返回頂部

小ice

Rank: 4


694
13#
發表於 08-4-5 15:15 |只看該作者
我個女和你那個有點似...

原文章由 emilylam 於 08-4-2 02:48 發表
我個小朋友2歲半有多,我覺得他和其他同年紀的小朋友有點不同,(別人也是這樣說)雖然話每個小朋友的性格都不一樣,但有很多野令我開始擔心佢..

我覺得佢性格屬慢熱,內向型..情緒起伏好大!呢秒佢可能笑,下一秒又會想喊 ...

返回頂部

‹ 上一主題|下一主題 ›
返回列表
發新帖