P6 家長爭取透明度 - 和富慈善基金李宗德小學

Rank: 5 Rank: 5


	3153

2^#

發表於 08-1-16 10:00 |只看該作者

原文章由 a1mother 於 08-1-15 18:17 發表
P6校長堅決不公報名次這點爭取連推蔫信都不可家長過手要自己寄全不透明連試卷在學校裏家長看一眼都不得又怎知兒女那些較差希望於下次追回 (既學校不理學生祗苦了家長) ...

a1mother :

本人係P.2 家長 , 雖然年資唔及得上閣下 , 但 , 以下都係我個人對學校感受 ...

說實話 , 由P.1 至今 , 學校既轉變都令每個家長有唔同感受 , 當中有人受落 , 更有人有異議 , 呢一點喺正常中既正常 , 呢幾年以嚟 , 每當我回答家長既問題時 , 往往就會比人講到間學校好似係我有份既咁 , 坦白講 , 我亦敢講 , 呢個世界上 , 唔會有一間學校 , 所有既家長都一致讚好 !

學校行政上既事務 , 身為家長既 , 就算有幾多個問號都好 , 學校都會照做 , 就如我同身邊既朋友所講 , 李宗德呢間小學之所以被外間講到咁差 , 講到一文不值 , 原因有幾個 , 其中係我親耳聽D己離校或者重讀緊既家長講 ...

離校家長心聲 :

1. 因為仔女無法跟得上 , 學校課程比同區高出2倍或以上 , 令小學友有挫敗感 ... ( 呢點好正常 , 當初自己都係因為自己英文底唔好 , 希望可以揀間英文學校去由細培養小朋友浸好英文 , 如果喺學習上跟唔倒既 , 可以揀選補習 , 呢點就算喺同區既任何一間小學都會出現既問題 . 當能力上唔可能再跟得上時 , 雖要轉校 , 我又唔明點解問題又會喺學校方道 ? 難道再見真係唔可以再成朋友)
2. 學校行政有問題 , 而導致經常轉老師及學生流失 . ( 都係果句 , 老師去流 , 當中一定係有問題 , 但點解唔多方便去諗 , 其他家長都講得啱 , 或者學校本身有問題 , 而令老師要走 , 但係咁 , 如果本身老師有問題而走呢 ? 又有邊個會知 ? 我老公既職業 , 層經接觸過2位教李宗德既老師 , 老實講 , 果陣時佢地都唔知我老公個小朋友喺李宗德讀 , 繼而唔覺意分享咗少少佢地既工作內文 , 我聽完都嚇一跳 , 同時間 , 我更可以肯定我所想既就係 , 老師或學生去流 , 問題絕對唔會係全部都關校長或學校事 . )
3. 校長自戀 , 只有佢講 , 冇人地講 ... ( 雖然我讀書唔多 , 文筆亦唔係十分好 , 但我亦知道咩叫自戀 , 有家長話校長迫同學仔畫自己個樣喺張大油畫上 , 再貼上學校牆上 , 呢點又真係幾好笑 , 雖然我當時不在其中 , 唔敢講校長到底用咩方法迫小朋友畫小自 , 但雪亮既家長一定會知道 , 何為眼看7分假 , 耳聽未為真 , 因為小部份既家長講 , 然後冇見過 , 又冇聽過既家長都異口同聲咁話 , 係啦 ~ 校長真係自戀呀 ! 曾經有家長話 , 校長永遠都唔會聽家長嘢 , 佢自以為事 , 但幾個月前我好記得 , 我第一時間上網搵嚟一張相去印證 , 講真 , 我冇糧出架 ! 一星期至少返去做3日義工 , 間唔中比D 小朋友寸 , 無禮貌對代 , 到底為咗D咩 , 唔知既人咪就係會話為咗返學校見自己小朋友囉 ! 但抱歉 , 今年佢地少咗個小息 , 小朋友食完飯之後就會留喺課室 , 想望多眼都話唔啱規舉 , 那又如何 ? 點解重有咁多家長願意放棄自己私人時間返學校幫手 , 或者 , 有人會有私心 , 包括我在內 , 一個鍾頭既私心何在 ? 可唔可以見倒校長 , 擦吓佢鞋 , 定係同阿仔抱抱.鍚鍚 ? 如果校長真係會因為我地返去做義工而對我地小朋友另眼相看既話 , 對唔住喇咁 , 我相信 , 呢間學校真係好好好有問題 , 身為家長既我 , 更覺得係一種?辱 , 我從來都唔介意其他家長話我咩博上位 , 博出位 , 唔怕講埋自已既心聲 , 我係隻冇腳既雀仔 , 要我做義工 , 我絕不推辭 , 要我去背一個責任 , SORRY , 我唔會同任何人去掙 , 我只希望自己做返自己 , 口生喺人地身上 , 如果做義工就=博上位 , 咁我就唯有笑笑就算 , 再唔係自我安慰咁講句 " 別人笑我太瘋癲 , 我笑他人看不穿 " 哈哈哈 ~~ 死 ! 星爺上身添 ! )

仍就讚校既家長心聲 :

1. 學校行政上 , 課程上問題多多 , 年年新款 , 令家長學生都冇所適從 . ( 如果以我個人嚟睇 , 我只可以講既係 , 呢間學校開學至今只係短短6年 , 如果學校覺得自己有問題 , 而雖要改動既話 , 我覺得係正常 , 但呢個改動 , 係咪可令每個比咗大拿拿 $1200 入李宗德讀既家長滿意呢 ? 我絕對相信 , 就算讀國際學校 , 或者津校都唔會有可能發生 , 學校肯改 , 家長唔單止唔滿意 , 重怨氣四聲 , 如果家長炸完型之後 , 校方冇陏 , 繼續舞照跳 , 馬照跑 , 家長既怨言又會可以點發出嚟 , 同邊個怨呢 ? 我背後經常比人咀咒 , 又話我收咗學校錢 , 又話我唔知博咩 , 更有人叫其他家長小心D我 , 講真 , 日久自會見人心 , 鍾意我既人 , 會為我不值 , 唔鍾意既 , 只會喺背後四圍唱 , 呢D我都見怪不怪 , 因為女人就係咁 , 人類就係咁 ! 我唔鍾意既地方都有唔少 , 我亦會寫信同老師溝通 , 但同時間我會體諒到 , 佢地都不過係人一個 , 第一日唔覆 , 第二日唔覆 , 第三第四 .... 都唔覆 , 唔係就咁就算 , 跟住就對外說阿乜都師都唔睇信既 , 又唔覆我 , 和平共處喺我角度係解作 "和氣""平和" 相處 , 如果一埋位就數數數 ,插插插 , 正常人都避之則吉啦 ! 既然有改變既空間 , 又何不比多一點時間空間去實行 )
2. 透明度低 , 事事都忍瞞 . ( 我記得早前有媽咪話學校刻意去忍瞞升中派位 , 當時我做咗個好蠢既行為 , 我上網足足用咗3個鐘頭去代D媽咪查 , 原因係 , 我想話比其他媽咪知 , 呢個世界係冇密密架 ! 要穿既遲早都會穿 ! 我亦講過 , 呢D嘢冇得呃架 ! 最後 , 因為能力有限只可以搵倒好少好少 .... 我深信 , 學校係理智 , 如果做一樣嘢出嚟會令幾百人反感 , 激動既 , 佢地又點會做 , 除非全校都係傻 ! 換轉係任何人 , 都唔會咁做 , 只係 , 原創者都係以小朋友做大前提 , 家長感受放後面啫 !)
3. 老師人格問題 , 成日針對自己小朋友 . ( 容我計計數比大家睇 , 我地家長義工有數十個 , 其中一星期返一日既佔半數50% , 返2日既就30% , 返3日或以上既就得5% , 另客串幫手既就有15% , 點解我要計呢條數 . 我敢講 , 冇一個返學校既家長義工 , 會覺得李宗德既小朋友好乖好靜 , 每次睇飯 , 我地都要拉高9個KEY同佢地講嘢 , 有D小朋友重當我地唱歌 , 當然 , 乖既小朋友亦有多 , 我所眼見既 , 所識既 , 有小朋友喺屋企時係一個乖乖豬 , 返到學校就2個樣 , 亦有小朋友喺屋企係好精靈 , 但返到學校又變成小綿羊 , 媽咪唔會喺屋企睇度自己小朋友最真果一面 , 因為 , 小朋友們都驚媽咪/DADDY , 但我地就唔同 , 小朋友對住我地 , 最真果一面會比晒你睇 , 就算我地返去睇飯既 , 講真 , 都睇唔倒自己小朋友 , 都係要靠其他睇自己小朋友飯既姨姨放風 , 先會知道 . 有個家長同我講 , 佢小朋友由學期頭到尾都比老師針對 , 但係 , 針對既背後 , 相信只有小朋友自己先知 , 我小朋友都係數一數二既精靈份子 , 佢長期都有個VIP 位 , 做媽咪既哽係唔開心 , 但從第2個角度睇 , 呢個係最好既方法 , 為咗要比佢專心 , 比佢知道有獎有罰 , 某D處理方法 , 我絕對認同 , 我有望每個媽咪都明白到 , 人有好多種 , 如果真係有老師係咁唔PRO既 , 吓吓有私心 , 我地可以做到既 , 就係多同小朋友溝通 , 唔好教佢抱怨 , 呢個唔係最好既解決方法 . 當你地覺得小朋友好慘既同時 , 亦請你地諗諗 , 小朋友上堂失控 , 對老師不敬 , 小朋友就話幾十個對老師一個 , 但老師就一個對幾十個 , 共平少少 , 凡事都睇兩面 , 冇溝通既關係 , 又點可以做到和平共處 ...)
4. 唔派卷 , 唔報分等 ... ( 呢點我大大話話聽過百幾二百次 , 由P.1到P.6都有家長鬧 , 對我嚟講 , 有卷睇 , 我故之然開心 , 就算冇 , 我都會專重校方既決定 . 但對大部份家長 , 睇卷就=幫小朋友拱固佢地學習範疇 , 呢點係正確 , 我亦相信 , 校方係絕對明白家長所需 , 或者時間同溝通 , 會幫倒我地 ....)

家長們都係愛鍚自己小朋友既 , 都係想自己小朋友得到最好既 , 先會花時間上網睇 , 上網聞 , 上網問 , 我都希望事情可以快D解決 , 同時更希望大家都可以公平D 去睇呢件事 , 如果成績好就係家長教導有方 , 學校課程編得好 , 相反成績冇咁好既就被視為老師唔識教 , 學校差勁等 ... 對邊個都唔公平 ! 我個人就唔相信 , 會有一間學校係想小朋友受辱 , 想小朋友背自自己學校個名 , 出去比人話係差勁 , 不外如是 , 垃圾等 .... 我自豪自己小朋友喺呢區入倒一所理想既小學 ! 年幾以嚟 , 問心講句 , 我同阿仔得既比失既多 , 所以我好心足 , 就如一句禪語 : 一個人既快樂 , 唔係在於擁有多少 , 而係佢地計較得少 !

[ 本文章最後由家熹媽咪於 08-1-16 10:22 編輯 ]

朱家有個小豬B,人人叫佢做家熹!
【醒世文】- 頭四句父母不親誰是親不重父母重何人你若重他十六兩後代兒孫還一斤千兩黃金萬兩銀有錢難買父娘身在堂父母百年稀生時不孝死後悲

CY.Carol

Rank: 3 Rank: 3


	255

3^#

發表於 08-1-16 11:40 |只看該作者

原文章由 家熹媽咪 於 08-1-16 10:00 發表

a1mother :

本人係P.2 家長 , 雖然年資唔及得上閣下 , 但 , 以下都係我個人對學校感受 ...

說實話 , 由P.1 至今 , 學校既轉變都令每個家長有唔同感受 , 當中有人受落 , 更有人有異議 , 呢一點喺正常中既正常 , ...

家熹媽咪,
嘩!您好利害呀! 不過就您發表的,我都好認同,其實每個小朋友的成長及學習都需要學校及家長的栽培,如有問題應家長先檢討後再找學校商討,但我亦很不讚成學校唔派卷的做法!家熹媽咪,本人對您的 Item 2 好有興趣, 希望您好些分享 !

Rank: 5 Rank: 5


	3153

4^#

發表於 08-1-16 12:24 |只看該作者

原文章由 CY.Carol 於 08-1-16 11:40 發表

家熹媽咪,
嘩!您好利害呀! 不過就您發表的,我都好認同,其實每個小朋友的成長及學習都需要學校及家長的栽培,如有問題應家長先檢討後再找學校商討,但我亦很不讚成學校唔派卷的做法!家熹媽咪,本人對您的 Item 2 好有興 ...

Carol :

真係唔好意思 , 我都知自己好衰 , 睇咗2日本打算唔答就算架喇 ! 唔知點解 , 一埋個腦度 , 皺手就好自然咁打打打打 . ... 哈 ! 擺明就有病啦 ! 睇完就算喇 !唔好放上心 , 因為我都係打完就算 ...... 哈哈哈哈

Item 2 係邊段 ? 你唔怕我又犘打手係咁打係咁打既 , 我樂意同你分享 !

CY.Carol

Rank: 3 Rank: 3


	255

5^#

發表於 08-1-16 13:40 |只看該作者

原文章由 家熹媽咪 於 08-1-16 12:24 發表

Carol :

真係唔好意思 , 我都知自己好衰 , 睇咗2日本打算唔答就算架喇 ! 唔知點解 , 一埋個腦度 , 皺手就好自然咁打打打打 . ... 哈 ! 擺明就有病啦 ! 睇完就算喇 !唔好放上心 , 因為我都係打完就算 ...... 哈哈 ...

家熹媽咪,
Item 2 米係老師對學校的睇法和工作內容!
Thanks !

acalbum

洋房

Rank: 2


	83

6^#

發表於 08-1-16 14:59 |只看該作者

回覆 #2 家熹媽咪的文章

你好, 家熹媽咪,

感謝你為李宗德小學付出那麼多 !
同時, 亦感謝所有家長義工 !

本人覺得, 要成就一所好的學校,
最重要是
1. 有好的教育理念
2. 一位有抱負及堅毅的執行者 - 校長
3. 絕對信任及配合學校的家長

頭兩點, 我覺得李宗德小學做到了,
雖然很多人不認同校長,
但她能夠在批評的聲音之中,
不為去取悅付鈔的家長,
仍堅持理念去辦好這所小學,
這點我是認同及極之欣賞的.

第三點, 也是最困難的一點,
牽涉太多人, 家長有不同背景,
各人的要求與觀點也不同,
但重點是,
不要以為入讀好學校,
你小朋友的成績, 英普, 操行便會好,
各位家長有否投放心機與時間給你的小朋友  ?
家長們是否知道李宗德的教學理念 ?

有家長是慕名選讀李宗德,
也有家長如我, 寧付錢做白老鼠入直資,
也不要小朋友接受填鴨式的傳統教學,
功課默書考試, 日操夜操,
但只是背誦知識, 不是運用知識, 融會貫通.

我代女兒選讀李宗德時, 很多人, 包括我先生,
對我的選擇提出質疑,
我的回答是 :

我已經下了很多功夫, 去了解李宗德小學,
望聞問切, 都做了,
但如上述所言, 我寧付錢做白老鼠入直資,
也不要小朋友接受填鴨式的傳統教學,
我要女兒開心上學, 喜歡上學,
我知道, 將來女兒可能派不到好的中學,
但我絕對相信, 在李宗德小學的小朋友,
英普及學習能力一定比得上band 1學生,
讀書路很長遠,
我寧要她打好根基,
也不要揠苗助長.

家熹媽咪, 義工家長及各位家長,
還有校長, 各位老師,
謝謝你們對小朋友及李宗德小學的付出,
請大家繼續合力辦好這所小學吧 !

小一家長



我絕對相信有教無類,

moondream3003

Rank: 5 Rank: 5


	3825

7^#

發表於 08-1-16 15:03 |只看該作者

家熹媽咪,

我都想知呀! 0吾方便或怕D煩人就PM我啦. 我想做八婆呀

原文章由 CY.Carol 於 08-1-16 13:40 發表

家熹媽咪,
Item 2 米係老師對學校的睇法和工作內容!
Thanks !

教養孩童，使他走當行的道，就是到老他也不偏離。 (箴言22:6

830mama

別墅

Rank: 4


	877

8^#

發表於 08-1-16 15:59 |只看該作者

家熹媽咪,

好認同你的發表.

全職媽咪

洋房

Rank: 2


	60

9^#

發表於 08-1-16 23:20 |只看該作者

其實到這一刻，我都沒有後悔選擇讓女兒入讀李宗德。縱使它在行政及課程安排上時有改動，我也會尊重和接受校方的安排，但對於不派發測驗卷這一決定，真的有很多家長不滿

，試問老師又怎能對每一學生慢慢說明他們的錯處呢

。家校合作呀嗎，作為家長也想出點力，把他們不明白的地方解釋明白，這樣對老師教學流程也有很大幫助的呢！真的希望校方能接受我們的意見

錯媽媽

民房

Rank: 1


	4

10^#

發表於 08-1-17 00:18 |只看該作者

你都好冇後悔,我好自責,因當初我哋係可以揀直資或津貼,當時有間不錯的學校收咗呀囝,全家都反對我入間新校,又要比$, 又冇口碑,冒咁大個險.
根本佢哋考試測驗錯d乜,我哋都唔知,想幫吓佢哋都唔得,所以唯有等佢哋一錯再錯,咁先可以襯番間學校

.
有日我等呀囝放學,慈禧太后架車剛返來,有個家長阻住咗佢,5分鐘後就有2架鐵馬走黎趕車,果度根本都唔會阻街及人,當我陰謀論都好,我直覺覺得係佢投訴,以前都比泊架車入去,d家長不知幾守規矩,一路都相安冇事,毛端端又唔比人泊,唉,又有一次家長晚會,咁家長好日都唔會見到咁多老師,作為家長既一定有好多問題想了解,佢就喺個咪度話"各位家長,今晚呢個晚會都差唔多,請各離開",又係佢安排各班返回班房見班主任及科老師,當時逐班咁叫,然後就好似學生咁跟住班主任返入班房.

總之佢就專橫.

原文章由 全職媽咪 於 08-1-16 23:20 發表
其實到這一刻，我都沒有後悔選擇讓女兒入讀李宗德。縱使它在行政及課程安排上時有改動，我也會尊重和接受校方的安排，但對於不派發測驗卷這一決定，真的有很多家長不滿，試問老師又怎能對每一學生慢慢說明他們的錯處呢 ...

Rank: 5 Rank: 5


	3153

11^#

發表於 08-1-17 01:35 |只看該作者

原文章由 CY.Carol 於 08-1-16 13:40 發表

家熹媽咪,
Item 2 米係老師對學校的睇法和工作內容!
Thanks !

Carol :

哈 ~ 都係冇關痛癢既時 , 而家風頭火勢 , 呢個話題唔啱呢個時間分享住 , ^^

Rank: 5 Rank: 5


	3153

12^#

發表於 08-1-17 01:54 |只看該作者

原文章由 acalbum 於 08-1-16 14:59 發表
你好, 家熹媽咪,

感謝你為李宗德小學付出那麼多 !
同時, 亦感謝所有家長義工 !

本人覺得, 要成就一所好的學校,
最重要是
1. 有好的教育理念
2. 一位有抱負及堅毅的執行者 - 校長
3. 絕對信任及配合學校的家長

頭 ...

acalbum :

其實打咁大段說話 , 我並唔係想講d咩 , 亦唔係博比人讚我地班家長義工架 ! 只係 , 好想話比在職或少機會接觸學校既家長知 , 我地都不過係凡人 , 好多時我地都會力不從心 ...

無疑好多時校方處理家長問題時 , 的確令人激氣 , 或者咁講 , 當局時既我真係會好嬲好嬲 , 但諗返轉頭 , 如果我係佢地 (校方) , 或者 , 要應付咁多家長既問題 , 真係唔容易 , 家長體諒既 , 或者佢地都會願意同我地去溝通 , 但亦要明白 , 未必個個家長都可抽身做旁觀者 ...

如果有人問我 , 我想唔想派卷 , 的確 , 我真係可有可無 , 說實話 , 邢家好多學校都唔派卷 , 呢點亦係鐵一般事實 ! 我冇好強烈要求派卷 , 咁又代唔代表我唔緊個仔呢 ? 我知道 , 只有我自己先知 !

我絕對明白每個家長所需 , 所想 , 喺呢段日子 , 我選揀接呢一版嚟做版主 , 真係希望我可以用有限度既能力 , 去制造一個比大家舒發既平台 , 我亦知道 , 好多家長都有打返學校 , 或寫信比校方 , 但好多時都打回頭 , 冇下文 , 唔好話人地 , 如果係我 , 都會好激氣 , 但又有咩地方可以比我去舒發我地不滿呢 ? 同屋企人講 ? 定係搵個老死傾 ? 2者都得唔倒我要既答案 , 但我可以喺一個集中既平台去聞 , 去問 ?

如果有一日 , 校方有緣睇倒家長們既心聲 , 相信佢地都會再三考慮對應方法 !

Rank: 5 Rank: 5


	3153

13^#

發表於 08-1-17 01:59 |只看該作者

原文章由 moondream3003 於 08-1-16 15:03 發表
家熹媽咪,

我都想知呀! 0吾方便或怕D煩人就PM我啦. 我想做八婆呀

moon :

哈哈 ~~~ 心思思有件事 , 遇疑難 , 話我知 !

Rank: 5 Rank: 5


	3153

14^#

發表於 08-1-17 02:00 |只看該作者

原文章由 830mama 於 08-1-16 15:59 發表
家熹媽咪,

好認同你的發表.

Kitty :

我亂打架咋 ! 哈哈 ~ 第日瞓醒我就唔記得自己講過d咩架喇 !

brjhome

Rank: 3 Rank: 3


	344

15^#

發表於 08-1-17 23:44 |只看該作者

家熹媽咪,

永遠支持妳

~

妳的粉絲

孩子就像海綿，需要水份般的知識澆灌,才能膨脹,茁壯。~努力~

Rank: 5 Rank: 5


	3153

16^#

發表於 08-1-20 13:20 |只看該作者

原文章由 全職媽咪 於 08-1-16 23:20 發表
其實到這一刻，我都沒有後悔選擇讓女兒入讀李宗德。縱使它在行政及課程安排上時有改動，我也會尊重和接受校方的安排，但對於不派發測驗卷這一決定，真的有很多家長不滿，試問老師又怎能對每一學生慢慢說明他們的錯處呢 ...

全職媽媽 :

冇錯 , 就算校方唔派卷 , 家長們都好想知到學生既成績如何 ? 就我所知 , 有某班 , 包括我小朋友讀果班 , 班主任喺早前幫佢地做既ass 入面 , 打咗長提家長們重點留意既事項 , 側如佢有7個Item , 每個Item 都有個格 , 如Miss 喺該格上打星或寫字 , 咁你就要喺果方便多加留意 , 雖然同派卷嚟比係好大分別 , 但講真 , 總好過萬無目的咁去溫書 , 家長們可以參考呢點 , 同自己班班主任好好傾一吓 !

Rank: 5 Rank: 5


	3153

17^#

發表於 08-1-20 21:32 |只看該作者

原文章由 錯媽媽 於 08-1-17 00:18 發表
你都好冇後悔,我好自責,因當初我哋係可以揀直資或津貼,當時有間不錯的學校收咗呀囝,全家都反對我入間新校,又要比$, 又冇口碑,冒咁大個險.
根本佢哋考試測驗錯d乜,我哋都唔知,想幫吓佢哋都唔得,所以唯有等佢哋一錯再 ...

錯媽媽 :

恕我多咀 , 我之所以回覆你 , 並唔係想與你為敵 , 相反 , 每個上嚟留言既媽媽 , 就算係鬧既好 , 讚既好 , 我都感恩咁多位 , 如果唔係大家將心果句擺上網 , 好多人都唔知發生咩事 , 繼而以訛傳訛 ...

當傾計咁講丫 ! 最近大家都會關注九歲小歲上吊既新聞 , 我同大家都分享我既睇法 , 城中熱門話 , 當然 , 身為C 奶既我 , 都留意到身邊唔同人有唔同觀感 , 有人話 : " 咁多人死 , 唔見佢死 , 佢老豆老母真係白養喇 " "肯定係學校啦 ! 唔駛問 , 一定係學校比咁多功課 , 做到個細路死" "話唔定個阿媽日鬧夜鬧 , 鬧到個小朋友煩到要以死避咗佢 " "唔係呀 , 個口靚仔話唔定比鬼上身呀 !"  "真係死都唔抵可憐呀呢d人"

民間種種流傳 , 到底答案邊個知 , 當一個小朋友出事 , 人們都紛紛推敲 , 個個都鬧呢個話果個 , 但就冇一個人會諗到 , 自己身邊都放緊個計時炸彈 , 只係 , 唔知佢爆唔爆 , 及幾時會爆 !

在職媽媽每日返工就要對住一班唔知合唔合得嚟既同事 , 要對住一個要求多多付出少少既老細 , 數之不完既工作量 ... 到夜晚返到屋企 , 又要睇阿仔功課 , 做得唔好既 , 又鬧鬧鬧 , 剷剷剷 .... 十一/二點都未上倒床瞓 ... 跟住就到剷工人姐姐喇 ! " 作死呀 ! 用吓個腦啦 ! 點解xx未做完功課 , 點解佢唔識又唔問我 ? 點解點解 ??? " 沖完個涼出房門 ,又同隻佬講 :  "阿仔要學咩咩咩 , 學費$$$$, 聽日交咗佢啦 " !!!

全職媽媽每日一起身 , 牙都未刷 , 要煮早餐 , 吃完個早餐又要服侍少爺/小姐著衫出門口 , 自己都未嚟得切執返D眼耳口鼻 , 校車就話到喇 ! 每日既私人時間就係 , 阿大少返咗學之後 , 同班C奶朋友食早餐 , 跟住就要買餸執屋 , 準備下午茶等少爺仔返嚟吃 , 4點後 , 少爺/小姐入門口 , 9秒9食少少嘢 , 跟住出門口學英文/普通話/珠算/彈琴等 ..... 到夜晚 , 開飯喇 ! 食2啖又要忙喇 ! " 喂 ~ 做晒d 功課未呀你 ? 重唔彭彭聲 ~ 快d啦 ! " 就係咁 , 一日就完喇 !

香港人生喺一個咁大壓力既地方 , 阿媽要個小朋友 , 一星期學3種課外活動 , 3種學術科 (e.g :英文/普通話/速算) 默書得80分返嚟又話 : "你想死呀 ! 點解得80分架 ! 尋日明明同你溫到點幾2點 , 拎隻手出嚟 ! 砰砰砰砰.....",  小朋友成績好 , 大家都視為理所當然 , 小朋友成績未如理想 , 家長就將個波拋返比學校 , 校長 , 老師 , 或者小朋友本身 , 其實 ... 有冇諗過 , 我地曾幾何時 , 都試過好努力去做一件事 , 但未如理想 , 或無法完成 ... 當時我地既父母會點做 , 打 ? 鬧 ? 唔比飯我地食 ? 問題存在唔係一朝一夕 , 但亦唔係去自責邊個對邊個錯 , 難道小朋友第時大個出去社會做事 , 佢好努力工作 , 但表演一般時 , 就教小朋友辭職 , 轉行 ? 定係教佢地賴間公司有問題 , 賴社會既錯 , 賴人類既錯 ?

我個仔既成績一直都唔係太好 , 我都會好勞氣 , 好激心 , 當初我同大家都一樣 , 希望自己小朋友有個語言環境去陪伴佢地成長 , 所以我亦比好多人花更多時間 , 心血 , 因為我地倆公婆英文好弱 , 但花心機花心血 , 又等唔等同有好回報 ?

就呢件事去睇 , 我好奇 ? 真係咁多同學仔既成績差得咁緊要 ? 我有去八 , 八到既當然有好有壞 , 好既家長都會話 : "係呀 , 份卷都偏深 , 不過慶幸小朋友盡咗努力" .... 另一D家長就話 : " 校長有陰謀 , 設局令小朋友難堪 ? " 或者咁講 , 換個角色 , 家長們係校長 , 你有冇諗過 , 專登整深份卷 , 等小朋友拎C/D/E , 出去考其他英中/國中/資中時 , 人地間學校笑我地 , "不自量力 , 好心啦 ~ 成績咁差都敢嚟考試" 等 , 又難道校長有病 , 鍾意比人串 , 比人笑 , 比人話無能 ?? 如果學校又因為想小朋友既成績表現仔 , 個個都拎A 去搵學校 , 好喇 ! 人地間學校係收咗 , 咁又點 ? 你冇能力既 , 日久自會見人心 , 到時又點 ? 返母校插個校長 , 插個老師 , 點解當初出份咁既卷 ?

我都係為人之母 , 都明白小朋友既成績唔理想 , 對將來會有咩影響 , 但真係有望咁多位家長 , 對人對事都可以公平一點 , 客觀一點 , 學校雖有唔少既缺點 . 但我地仍對佢係有信心 , 時間絕對可以証明一切 !

最後祝願嚟緊28 - 29號要考試既小朋友 , 科科好成績 !

[ 本文章最後由家熹媽咪於 08-1-22 02:12 編輯 ]

Rank: 5 Rank: 5


	3153

18^#

發表於 08-1-20 21:33 |只看該作者

原文章由 brjhome 於 08-1-17 23:44 發表
家熹媽咪,

永遠支持妳 ~

妳的粉絲

BJ :

其實我先係你既粉絲呀 !

boscolau

Rank: 3 Rank: 3


	131

19^#

發表於 08-1-21 10:20 |只看該作者

家長們不是想找一間程度較深的學校嗎?
試卷突然加深 , 其實出面其他小學都會 ,
不過在次序上不同 , 升中之後有些學校
都不會派發答題紙回家 , 只派問題紙 ,
到時小朋友都不一定給我們看 , 今次成績
不理想可以努力再追回 , 不要放棄呀 !
還有叩門時間呢 !中學不會只看一次成績 ,
家長的心情會影響小朋友 , 他們看在眼裹 ,
最重要是爸媽給予多少支持及鼓勵 . 將來
他們一定會予我們分享 .

小B媽咪

Rank: 5 Rank: 5


	1143

20^#

發表於 08-1-25 15:51 |只看該作者

派唔派卷係未真係一個大問題呢?我記得毎次家長日,班主任都會同家長講返小朋友毎一課有啲咩弱點. 就算比你見到佢份卷, 知道佢錯啲咩.... 結果咪令自己心"up", eg. 你又錯埋呢啲minor mistakes.....不如跟據佢老師所講o既弱點,同小朋友練習咪跟好?

我有問過我朋友(佢個仔都係讀緊六年班),佢答返我今次考試都唔係好難答. 不過,學校好指細比咗好多意見我朋友應該揀邊間學校呢!

問心嗰句: 大家都做過細路,考試真比到咗好多壓力大家. 我自己覺得小朋友喺小學這六年裏面, 應該注重學校能否訓練得到小朋友主動學習, 不是一隻死迫爛迫的肥塡鴨......

希望我呢番說話不會得罪大家啊!