有冇六年班民生家長

Rank: 3 Rank: 3


	389

2^#

發表於 06-11-1 14:32 |只看該作者

Re: 有冇六年班民生家長

我亞大B都係P.6. 佢話就話好想升民生中學, 但一叫佢溫書就你緊佢唔緊咁. 都唔知點好. 最驚民生唔收佢, 到時都唔知派到d咩.

請問有冇人清楚民生中一的收生詳情? 話考頭一百名就實收. 之後個d就靠抽獎? 但又聽見佢p.5老師話舊年考二百幾都得. 到而家都攪得唔係好清楚.

mim0sa

Rank: 4


	553

3^#

發表於 06-11-1 16:59 |只看該作者

Re: 有冇六年班民生家長

請問收吾收其它小學的學生?收幾多?大約几時派application form?中學有無童軍and足球隊ga?
thanks

sunniema

Rank: 4


	766

4^#

發表於 06-11-1 21:54 |只看該作者

Re: 有冇六年班民生家長

我囡是民生的F.1 生, 如果在民小頭100名,又填第一志願是民生的話, 就冇問題! 其餘的學位, 就會在Band Two 中抽,所以會有2xx名的番到,但1xx就番唔到. 而Band Three 的就完全冇機會.
民生中學是有足球隊和童軍的.

mim0sa

Rank: 4


	553

5^#

發表於 06-11-2 00:45 |只看該作者

Re: 有冇六年班民生家長

thanks for your feedback,
that means 收2xx 民小學生 totally......o甘其他小學的學生入讀机會equal to zero?就算my son is band 1 student do入吾到個bor.......米重難過中mark six?

sunniema

Rank: 4


	766

6^#

發表於 06-11-2 19:06 |只看該作者

Re: 有冇六年班民生家長

mimOsa,
民生中一有240 個位,約收番民小200人, 所以仲有約40個位收外生.

Rank: 3 Rank: 3


	389

7^#

發表於 06-11-8 11:45 |只看該作者

Re: 有冇六年班民生家長

我亞大d成績大上大落. d數可以係60幾.....但又試過90. 小五下學期應該係大上時期, 係band 1. 但跟住係點真係唔敢包.

如果到時真係band 2, 又驚唔好彩抽唔中. 都真係唔知點好.

各位認為應唔應該第一輪自選時出去考下其他學校, 好過到時一個唔覺意派到d唔知咩ge學校??

Rank: 5 Rank: 5


	1852

8^#

發表於 06-11-9 10:52 |只看該作者

Re: 有冇六年班民生家長

我的兒子也是好似過山車一樣, 五年級時報分成績都只是七十分左右, 但剛十月的測驗他居然科科八十幾九十分, 只是英文得六十幾, 我想知是否一科不及格便會變band 3生, 我好驚, 如果變左band 3就入吾到民生, 但我好想個仔入返去讀, 好驚他十二月考試時又去返六十幾分就慘了.

可憐天下父母心 :cry:

Rank: 3 Rank: 3


	389

9^#

發表於 06-11-9 12:01 |只看該作者

Re: 有冇六年班民生家長

我相信你亞仔同和個都係同一類型 - 叫有力冇心!! 唔知你同唔同意. 佢地考成點要睇佢地ge心情, 唉, 總之就激死你!

我有d懷疑今次個測驗淺左少少. 因為我亞仔平時d數咁差, 都居然有90分.....好可惜個日聽校長講, 測驗係唔計分, 淨係計考試.

我估如果有一科主科唔合格, 即係60分以下ge話, 就應該好危險.....不過仲有2次機會, 你叫亞仔比d心機努力下啦, 如果佢都想入番民生, 你咪得閒嚇下佢, 話比佢聽形勢有幾危急.....

我日日都係度嚇佢, 叫佢醒醒定定, 而且同佢做定最壞打算, 如果亞仔大抽獎唔中ge, 要同佢去咩學校度叩門......真係就嚟顛啦.....

Rank: 5 Rank: 5


	1852

10^#

發表於 06-11-9 12:10 |只看該作者

Re: 有冇六年班民生家長

我所以好驚, 上次家長會校長好似要我地對民生忠心D, 吾想我地選其他學校, 如果吾將民生兩part都放第一, 就咪駛旨意去扣門, 好彩個仔都好想讀返民生, 我吾敢嚇佢, 驚佢有壓力仲衰. 我都覺得是否這次的測驗比以前淺呢, 因為我個仔未試過科科八十幾九十的, 但D卷派返泥又吾係太淺, 反而英文好淺,但我個仔衰大意白白無左十幾分.
因為我是在職的媽媽, 沒有太多時間去學校跟家長們溝通, 不知各位對民生中學的評價如何, 我只想個仔在一間校風好的學校上課, 不想他學壞.

可憐天下父母心 :cry:

Rank: 3 Rank: 3


	389

11^#

發表於 06-11-9 14:07 |只看該作者

Re: 有冇六年班民生家長

講真, 個校長d presentation真係幾差, 攪到好似恐嚇咁. 我都知佢做校長有難處, 驚d好學生走哂, 但係都可以宛轉d, 客氣d架.

其實我都想個仔讀民生. 因為so far 見到d學生都好乖. 冇咩特別壞的. 但都要佢自己爭氣先得架. 我又唔係話真係去嚇佢, 但都要比佢知道形勢險要, 佢唔努力就升唔返民生, 唔好等亞媽緊佢唔緊. 其實d老師都成日有同佢地講下. 因為我同亞仔講關於派位d野, 佢居然已經知道哂, 佢話老師成日都講.

我都係要返工, 冇咩同d家長和老師溝通, 要係屋企附近都d同學仔講下. 得閒咪係到交流下lor.

Rank: 5 Rank: 5


	1852

12^#

發表於 06-11-9 15:12 |只看該作者

Re: 有冇六年班民生家長

我個仔都有講老師講升學的事, 佢尋日拿回一張直資學校的表回來, 老師就剔左一些他們認為可以的學校給家長參考, 我都想同他買一個保險考下D私校, 我見佢地都有選在大圍的培僑書院, 我上網睇過, 好似好犀利的, 但就有D似international school的教學方式, 我又不知點, 好驚個仔派左去一間band3的中學, 我真的有一些精神緊張.
其實我覺得真的好叻的就會去試考拔萃那些學校, 但中中地的都會希望留在民生, 但我個仔說他有幾個同學話不會選民生中學, 其實如果民生收成200個位, 扣除了一些很叻的同學去考其他中學, 再扣一些band 3的學生, 可能入番去的機會都很大, 所以我好驚個仔會突然跌落band 3咁就咩都吾駛諗, die hard la.

可憐天下父母心 :cry:

Rank: 3 Rank: 3


	389

13^#

發表於 06-11-9 15:41 |只看該作者

Re: 有冇六年班民生家長

其實我睇原校升番上民生ge機會有80%以上, 但最驚咁黑仔, 就係個20%之中, 然後又唔知會派去間咩ge學校.

我都諗緊同個仔考番2間直資做保險, 但直資收左你會要你簽紙放棄大抽獎. 咁你會點?? 而且直資一般分2種, 一係果d名校轉ge直資, 都唔洗點諗啦. 一係就係果d新派直資, 好似優才. 播道咁, 新到冇咩跡可尋, 教學模式唔知得唔得, 升上去銜接唔知成唔成問題.......BTW我報左名呢個星期六去聽播道個中一簡介會, 即本去聽下係點. 再唔係俾$100報名費當俾亞仔practice下interview.

講到尾都仲未諗得掂, 如果亞仔生生性性就唔洗諗得咁辛苦.

Rank: 5 Rank: 5


	1852

14^#

發表於 06-11-9 16:04 |只看該作者

Re: 有冇六年班民生家長

但係播道好似老師無比剔wor, 你有無睇清楚?
我記得張紙有剔的得幾間jar, 定係你個仔未收到張紙?

可憐天下父母心 :cry:

Rank: 3 Rank: 3


	389

15^#

發表於 06-11-9 16:56 |只看該作者

Re: 有冇六年班民生家長

亞仔張通告冇剔, 只有x, x左d女校.

播道係個老師朋友介紹, 個校長係以前荃灣官小個校長. 都係即本睇下咁.

Rank: 5 Rank: 5


	1852

16^#

發表於 06-11-10 16:51 |只看該作者

Re: 有冇六年班民生家長

我正話上網睇到九龍城網得32間中學可揀, 32間揀30間都幾難, 英文中學仲係得好少揀咋.

可憐天下父母心 :cry:

Cutie11

洋房

Rank: 2


	52

17^#

發表於 06-11-12 14:01 |只看該作者

Re: 有冇六年班民生家長

我個仔個老師只派了一張直資學校紙，但沒有提意見，你地話報唔報好，我都心大心細，想幫個仔留後路，有邊間你地Ｄ老師rcommend? 個校長就想你地一個二個報番民生，唉，事實不是忠心就得，到時兩頭唔到岸，尤其是我地這些成績中間的，都唔知點算，各位有何高見？

Rank: 5 Rank: 5


	1852

18^#

發表於 06-11-13 13:00 |只看該作者

Re: 有冇六年班民生家長

有時真的覺得依家的小朋友很可憐, 無哂童年, 我見有些朋友迫他們的仔女一星期七天天天都要學不同的學術性的課程, 我自問自己也承受不起, 如果我細個時父母這樣迫我我一定會癲的, 但人就是這樣, 羊群心態, 見其他父母替仔女學野, 又驚死仔女落後於人, 因此都是一窩蜂的迫仔女去學, 這樣又是否對他們真的好呢. 我覺得小孩子是要迫, 但都要適可而止, 以免他們反感便弄巧成拙了

可憐天下父母心 :cry:

Cutie11

洋房

Rank: 2


	52

19^#

發表於 06-11-15 20:58 |只看該作者

承Re: 有冇六年班民生家長

我都同意，只覺得小朋友讀書很辛苦，壓力又大，上到中學重忙錄，才十歲仔，不知是否香港的教育制度的問題，仔仔讀辛苦，爸媽更覺心力交碎。