- 在線時間
- 0 小時
- 最後登錄
- 07-8-19
- 國民生產力
- 0
- 附加生產力
- 0
- 貢獻生產力
- 0
- 註冊時間
- 03-10-30
- 閱讀權限
- 10
- 帖子
- 14
- 主題
- 1
- 精華
- 0
- 積分
- 23
- UID
- 15659
|
有關跳舞學校的選擇
我知道好多家長都係小朋友細細個就想俾小朋友跳舞，咁究竟應該點揀呢？
其實坊間真係好多不同的跳舞學校，大大少少都有。其實好多時家長對依ｄ學校都會有錯覺...就係多同貴仲有得考試就係好，但事實呢？
特別係好多bb(大約2歲-4歲)既家長會好開心有無得考試...其實我想問一個問題，大家係小朋友咁細個就幫佢報course唔係為左俾佢地係返學之前有一d活動可以玩下,早d適應群體活動咩?
其實bb既考試係一個類似demonstration的考試,只係有一個考官係度,老師帶住小朋友上一堂,基本上小朋友肯跟住一齊做就會合格...換個角度睇,其實只係比多d錢去上多一堂同拎一張紙。某間s字頭的學校就係因為bb的考試賺左6位數字,我想同大家講小朋友咁細個,個張cert唔代表d咩!
咁究竟點樣為小朋友揀一間學校呢?
其實睇左好多post,都覺得好多家長講左d好岩既point,最緊要小朋友開心!要小朋友開心唔難嫁,好多學校都做到,只要你肯同小朋友玩同搵d野吸引下佢地,例如貼紙,小禮物...
但我想再補充多少少係,究竟家長你地想小朋友學到d咩呢?你地既要求係咩呢??
師資?我可以講一個係依一行既事實大家知就係,覺得bb唔難教,所以好多時老師的資歷根本唔需要高!但係如果搵個唔識ballet既人去教ballet我就覺得太過份喇!
但係個別學校對自己的要求比較高,唔好意思,我再要用王仁曼做例子。王仁曼的老師都考左RAD的teacher cert.再加上佢地唔會亂請老師,就算請自己學生都係揀d有料既。我知道佢都有請外面既學生但係就最少都要跳到major 既inter以上,清楚RAD exam的人都知道major試係難好多,上到inter的已經有好好的technique,再加上佢地願意付出時間出train老師。RAD major exam係呃唔到人的,所以師資依一點對依間學校大家唔需要擔心!毛妹我知道都有好好的老師,不過我知道成人班的老師就比較參差。
咁其他學校係唔係一定唔得呢?咁又唔係既,雖然參差,但係都有好老師既,俾個小貼士大家,揀老師既時候不妨睇下,問清楚老師有無teacher cert,major考到咩grade.如果d recept同老師都口啞啞既,大家就知道喇!仲有就係如果你跳緊間學校有老師係以前Hong Kong Ballet的團員,不妨上果個老師的堂,Hong Kong Ballet係一d都唔容易入嫁,所以果個老師一定好有料!!
仲有一樣野就係要睇創辦人既資歷，如果你發現連校長的background都唔講俾大家知既，大家就諗下好唔好去報依間喇！
再黎就係價錢，諗下係唔係就係物超所值？做教育的，講的都係口碑，點解會有ｄ學校你周街都見到佢？花咁多時間咁多錢去做宣傳？因為佢係一間公司多過學校，公司同學校有咩分別？公司講的係錢，學校講的係教育（咁當然學校都要賺錢啦!）仲有就係我聽到有1000一個月4堂的小朋友班,我個人認為唔值得囉，因為我唔相信佢俾一個值依個價錢既老師你！
最後，其實而家咁多學校都可以免費試堂，大家不如多ｄ帶小朋友去試堂，咁樣又可以睇到每間學校的分別可以比較下，又可以睇下小朋友係唔係真係鍾意，你知啦，小朋友好善變嫁嘛！
丫！仲有一樣野唔記得提大家，就係果ｄ試堂報告呀！唔好太介紹，我可以講就算你小朋友企係度成堂唔郁最低限度都會俾個B/B+你呀，所以唔好俾人呃呀！咩開放日果d試堂報告一早寫定晒嫁喇!
本來唔應該講咁多野，但真係愈來愈眼唔過眼某d"學校"打正旗號呃人錢!
如果真係想小朋友學得正宗,專業,大家小心d揀啦!~ |
|
發表於 07-5-9 13:51
