小朋友讀緊S位的家長，請指教 - 特殊教育 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 特殊教育 › 小朋友讀緊S位的家長，請指教

發新帖

查看: 2433\|回覆: 17	go 小朋友讀緊S位的家長，請指教 [複製鏈接]

Rank: 2


	63

1^#

發表於 07-4-15 23:50 |只看該作者

小朋友讀緊S位的家長，請指教

我仔仔預計今年9月將可入讀S位，依家我為左帶仔仔周圍做訓練而無做野，但若佢入左S位後，我想出返黎做野。因我唸到時佢在中心應該有足夠訓練，但係又聽到你地話要做家居訓練，所以想問下你地每日會用幾多時間做家居訓練，同埋做麥訓練多。因為我怕到時真係出返黎做野，而又要同做佢訓練，會應付唔黎。

Rank: 1


	20

2^#

發表於 07-4-16 00:58 |只看該作者

Re: 小朋友讀緊S位的家長，請指教

...如果想好d,當然再幫仔仔找導師訓練,因為聽聞s 位除了協康較為好一點外,其他的機構也是一般,要惡補的話就要出外再找服務,我的水母仔也是這樣的,我驚他會退步,返學之餘我會為他再找導師服務,除了學校有家居訓練外,樂天教室也給了家居訓練,因為要做訓練,我辭了工陪仔,一得閒就會做下,直至做到佢識自己做為止,而訓練內容多素又導師set 的,有時會係大肌肉(踼波),有時又會做下穿珠,認顏色,畫線,剪線等等好多種,其實我自已及仔仔都辛苦架..但我唔想佢退步,所以一定要持之而行,時間就是他成長的本錢.

Rank: 5 Rank: 5


	3768

3^#

發表於 07-4-16 10:33 |只看該作者

Re: 小朋友讀緊S位的家長，請指教

welldone

我自己既經驗

其實s位既訓練, 單靠s位每兩星期一堂既單對單係吾夠, 其實做任何訓練都係, 單單靠每星期/兩星期既50分鐘/30分鐘係吾夠, 最重要既係父母係屋企每日同小朋友做training先有用

如果經濟許可既話, 做媽媽既可以配合, 當然做全職媽媽係最好, 因為就算返左s位, 每兩星期的個別訓練/小組, 做媽媽/照顧者, 可以去上堂, 學識點樣返屋企同小朋友做training是最好既

我就好好彩, 搵到一個好工人, 根據學校的治療師/老師比我的反應, 姐姐可以跟到治療師的指示, 做到野比佢地看(有無做過家居訓練, 治療師係看得出), 所以我都好放心比姐姐跟ot/pt 的訓練, 因為我放工返到屋企之後, 食飽訓, 都無太多時間跟甘多既野, 同埋pt 既運動, 食飽飯後又做吾到, 所以我都係要靠姐姐

但係, st 同埋認知, 我就會堅持自己同仔做訓練, 因為就算姐姐廣東話講得點叻, d 音都會有小小吾正, 所以我堅持自己做返, 另外認知都係, 好似寫字甘, 筆順都驚姐姐吾識, 壞左手勢

當然, 如果經濟許可, 比多d 額外訓練個小朋友點都係好事, 但我自己啦, 除左st 再私人上之外, 其他我就覺得真係無謂, 好似ot/pt 甘, 學校學既已經好足夠(除非學校比吾到你個仔), 同埋比你比佢上左私人training, 你係吾係真係有甘多時間可以同佢做家居訓練呢? 無做家居訓練, 同有做訓練呢, 個效果真係差好遠好遠

我依家每日, only做學校的家居訓練, st/ot/pt/幼訓, 幾乎都吾夠時間用, 我寧願用d $ 比佢上下其他係s位學吾到既野好過, 好似社交小組(對自閉症既小朋友黎講, 社交小組上多d 都好), 畫畫等呢d 還好過再用$ 去上返係s位同一類型既野

水母

協康辦既s位, 都吾係間間好, 真係要靠問多d , 吾係入左去真係會後悔, 同埋, 痙攣既s位都做得吾錯

Rank: 5 Rank: 5


	1731

4^#

發表於 07-4-16 11:14 |只看該作者

Re: 小朋友讀緊S位的家長，請指教

我女都係讀緊s 位+自己轉左做全職媽咪幾個月

每隔週有35mins 的pt/st/op 個別訓練+每週有35mins 的pt/st/ot 小組訓練.

pt,由開始轉做fulltime mom 之後,每日湊左放學去公園玩1hr,其實以前由幼訓開始,導師都建議我地多d 帶個女去公園玩,現在去多了,明顯見她有進步.

ot/st/pt,晚飯後是daddy同女的遊戲時間,圖咭/認顏色/串珠..... etc,邊玩邊學.

其實我地冇特定一個時刻表去做,盡量在不同形式/地方/時侯,按當時情況去教,盡量去做,不想比自己/老公同個女太大壓力.

Rank: 2


	63

5^#

發表於 07-4-16 13:35 |只看該作者

Re: 小朋友讀緊S位的家長，請指教

多謝大家的分享，咁睇黎我都係要一路做住全職媽咪啦。

仔仔依家兩歲半，佢係4個月前被評為自閉症傾向，現於私人機構上緊言語訓練同幼兒導師訓練，但由於自己無做野，故無多餘錢請工人，所以除左照顧仔仔外，更要花不少時間於家務，不過好彩仔仔依家返緊N1班，咁有D家務如吸塵抹地 / 晚飯預備功夫等等就可以於佢返學時做，但佢放學後我就要帶佢去做訓練，訓練完返到屋企都5點幾，又要同佢沖涼，跟住預備晚飯，到食完晚飯又要洗碗，洗完碗先可以同佢做家居訓練約半個鐘，所以我覺得家務 + 照顧仔仔簡直係唔夠時間，有時想同仔仔玩耐D都好似有心無力，因為自己已經

Rank: 6 Rank: 6


	7321

6^#

發表於 07-4-16 14:00 |只看該作者

Re: 小朋友讀緊S位的家長，請指教

減壓>>>沖涼同訓覺

奇蹟只會發生在永不放棄的人身上~~ 8-)

Rank: 5 Rank: 5


	3768

7^#

發表於 07-4-16 14:46 |只看該作者

Re: 小朋友讀緊S位的家長，請指教

WELLDONE

呢樹都有好多全職媽媽架, 佢地都無工人, 但我見佢地d 碗呢, 留返第二日先洗

吾好打我.....................

當然s位, 又吾係一定硬性規定要人陪上堂既, 有就緊係好啦, 無既話, 就要自己同老師/治療師多d 溝通, 了解下個小朋友學緊d 乜野

甘如果你返工, 會吾會請工人?

Rank: 5 Rank: 5


	1731

8^#

發表於 07-4-16 14:53 |只看該作者

Re: 小朋友讀緊S位的家長，請指教

試問真有人是十全十美嗎???
我祗管盡能力去做,不過沒有人可以話,怎樣才算夠才算好.我媽一直都話我太緊張個女,在她眼中我是要求高的,但與這裡有好多媽咪相比,我就沒她們那麼勤力喇.
減壓辦法-閒時可以去下旅行都幾好架,但係依家少左一份收入啦,又要養多一個,咁去下大嶼山長洲行下都ok啦

,間中約朋友出嚟食下飯hea下啦, 另外瞓覺都幫我好多架

Rank: 1


	21

9^#

發表於 07-4-16 22:39 |只看該作者

Re: 小朋友讀緊S位的家長，請指教

本來我都要返工架, 不過仔仔入左S位之後就做全職媽咪lu. 宜家除左s位的訓練之外, 我都帶仔仔參加童軍同私人ST. 記得初時考慮另唔另外搵私人st, 那位ST提醒我, 訓練好緊要, 但係都要考慮daddy mummy要帶仔仔周圍去周圍做練習, 仔仔同屋企人都會好累好大壓力, 若果好累, 咁做幾多訓練都無用, 倒不如在家好好的玩一陣, 效果可能會仲好

好好的提示呢 (不過個ST話如果俾老闆知道佢"倒米"就死喇...好好笑)

所以我覺得, 訓練真的緊要, 但係又唔駛不停咁做, 唔駛驚唔夠, 好似有位家長話, 去公園玩下輕鬆下都會有進步既

Rank: 2


	63

10^#

發表於 07-4-16 23:16 |只看該作者

Re: 小朋友讀緊S位的家長，請指教

Hinhinmummy
原先計劃係我返工，然後請工人。但依家諗真之後又怕要依賴工人同仔仔上堂學訓練技巧行唔通，因我應該無妳咁好彩，請到個好工人，所以我都係放棄搵工啦！

reginang
我都想去下離島行個圈，又或者約朋友聚聚呀。但除左仔仔返學時間外，其餘時間仔仔同我都係 “痴” 埋一齊，係無人幫我睇住佢。同仔仔出街最大問題係佢坐唔定同不受控制，所以除左同佢去公園玩外，我都情願留返係屋企。

我早前曾參觀過協康會的特殊中心，睇到所有小朋友都可以好守秩序同坐定定，而中心社工同我講這班小朋友最初係四處走，但經訓練後才能坐定，我都有請教佢地有麥秘訣，但佢地話總之有方法，所以我真係好期望仔仔快D有得讀，等佢知道麥野係規矩。

chloecst
我都諗住入左S位後，私人ST仍會繼續，但可能由每星期一次改為兩星期一次，始終一堂都好貴。想問你仔仔參加的童軍係邊到報名同有麥資格，因我仔仔依家得2歲3個月，重要係未識講野兼唔守規矩，所以都唔知佢合唔合資格。

Rank: 5 Rank: 5


	3768

11^#

發表於 07-4-17 09:59 |只看該作者

Re: 小朋友讀緊S位的家長，請指教

WELLDONE

其實我都吾係一開始就好彩, 我之前個姐姐, 好似啞甘架, 我們軟硬既都試過, 叫佢同仔講多d 野, 玩多d, 但都係吾得, 最後要抄佢換呢個, 果時就同agent 講明阿仔既情況, 係agent 幫我搵既, 但呢個工人, 都有好多勞氣野, 但我對佢既要求, 係幫到個仔, 其他既, 我可以隻眼開隻眼閉, 我都想做全職媽媽, 但d training費用真係好貴好貴, 同埋最重要既係, 全職媽媽無得抖, 有時想鬆一鬆, 甚至乎病左都要湊仔................所以我真係好佩服d 全職媽媽., 好偉大

得閒帶阿仔出去玩下, 無論係hk 邊樹地方都好, 都可以刺激到佢地, 我自從有一次帶佢返大陸玩完之後, 發現佢進步左, 之後我就積極左帶佢出外活動, 協康既家庭活動, 我期期都有抽(可惜吾係次次都中), 雖然對大人黎講, 某d 地方去多兩次都會悶, 但佢地又會好開心, 更加可以比佢地接觸多d 人, 你都去報名啦

童子軍, 如果我無記錯, 好似要5歲 or 6歲先可以apply

regina

astha 好嗎, 軒軒呢排成日話吾鍾意返學, 又話自己發燒101, 問daddy點解吾帶佢去看醫生, 都好煩.

幾時預產期?

Rank: 5 Rank: 5


	1731

12^#

發表於 07-4-17 10:39 |只看該作者

Re: 小朋友讀緊S位的家長，請指教

軒媽
我同細佬仔都好好呀,下個月尾便是預產期,個人開始輪盡同吾想行,今日開始婆婆帶astha返學,下午我去湊放學then去公園,依家pt開組時都淨係坐係樹睇下,張生驚c 我整親叫我吾好動

我平時見軒軒都ok,可能放完長假既後遺症,所以吾願返學,你同佢講,返學校叫楊姑娘幫佢探左熱先,睇下係咪真係101度

Rank: 5 Rank: 5


	3768

13^#

發表於 07-4-17 11:06 |只看該作者

Re: 小朋友讀緊S位的家長，請指教

regina

呵, 張生真係好好人..............上個學期呢(05-06果年), 大家有d 誤會(其實係佢大意), 以為我無做家居訓練, 所以無再比家居訓練我返屋企做, 後尾學期尾見家長時, 佢先知原來我第一次有交張訓練form比佢, 之後今年呢, 一直keep住做家居訓練呢, 軒軒既大肌真係進步左好多好多, 尤其係對手腕, 有力左好多

我依家係屋企, 都keep住比軒軒跳彈床, 希望佢對腳有力返d, 因為佢雙腳向前跳, 有時會左腳定右腳(吾記得左邊隻先)落地先, 張生話係因為對腳無力所以甘, so 依家我每日要工人帶佢返學放學都要行樓梯(屋企)+跳彈床

生左, 記得call 我們班c 9 去食彊醋蛋

軒軒呢, 係返到學校就無事果種, 但就成日嗌住吾鍾意返學, 我都有同佢講, 你有無101呢, 楊姑娘會知架, 知你係吾係講大話, 同埋你101呢去吾到旅行架啦, 因為我們plan 緊summer去旅行, 跟住佢就好緊張話無101啦, but 話7月無101, 8月先101

有時真係吾知比佢激c 定笑c

Rank: 2


	63

14^#

發表於 07-4-17 13:14 |只看該作者

Re: 小朋友讀緊S位的家長，請指教

hinhinmummy
軒軒又真係幾搞笑喎，都唔知我仔仔幾時先可以好似軒軒咁有問有答。我仔仔依家淨係識講 “車”，重要係講唔正添，就連 “爸爸” “媽媽” 都未識，我已經成日教佢架啦，都唔知點教先識，有時會諗仔仔會唔會永遠都唔識講野，搞到自己成日都好唔開心。

想問下你地教小朋友講野時有無D麥野心得，同要教幾耐先識講呀。

regina
恭喜晒呀！預祝妳生返個肥肥白白、健健康康的BB。

Rank: 5 Rank: 5


	3768

15^#

發表於 07-4-17 14:46 |只看該作者

Re: 小朋友讀緊S位的家長，請指教

welldone

吾好甘灰啦, 積極d, 軒軒呢, 都係3歲幾先叫我媽咪, 果一刻我真係感動到喊架

要小朋友開聲講野, 真係急都急吾黎, 總之, 每日每做一個動作時, 都用跨張d 既語氣/面部表情同佢地講野 & 配合返st 的家居訓練啦.................

當佢地理解有返甘上下呢, 就好易架啦, 會pick up得好快...............比心機d

Rank: 2


	63

16^#

發表於 07-4-18 00:30 |只看該作者

Re: 小朋友讀緊S位的家長，請指教

hinhinmummy
多謝妳既鼓勵呀，大家一齊努力啦。希望仔仔快D叫聲媽媽就好啦，不過我諗都要等一段可能好長既時間先可以如願喇。

Rank: 5 Rank: 5


	1731

17^#

發表於 07-4-18 08:58 |只看該作者

Re: 小朋友讀緊S位的家長，請指教

welldone
thanks.
我女依家3.5yrs,都未識叫媽媽....... 咁唯有自己比d 耐性

軒媽
學校d 先生同治療師真係好辛苦,每人每日要對住咁多學生,真係講野講到失聲 :-|

Rank: 1


	21

18^#

發表於 07-4-19 22:23 |只看該作者

Re: 小朋友讀緊S位的家長，請指教

我仔仔係屋苑樓下既童軍, 其實我都唔知要有什麼資格, 不過最少要5歲, 初時我冇講仔仔讀s位, 只係話仔仔的表達能力較差, 不過入左之後仔仔都好守規則, 一般的活動都可以完成, 有d似幼稚園d童軍咁.

平時同s位既治療師好少接觸 (唔知其他家長有冇? 只係一年見兩三次講報告, 私人既ST都話應該可以去觀課, 但係學校好似唔係好鍾意), 好多時都要去私人st上完堂時問下學校的家居訓練應該點做.

其實我地都唔知報唔報特殊學校好, daddy好想試下普遍小學, 仔仔做功課理解等都好好, 不過梗係有d唔識"轉彎", 始終係自閉的影響. 唔知你地有什麼意見可以俾我?

‹ 上一主題|下一主題 ›

發新帖

熱門主題

最高瀏覽主題