幼兒睇唔睇到有無"自閉傾向"

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 自閉寶寶 › 幼兒睇唔睇到有無"自閉傾向"

查看: 2962\|回覆: 9	go 幼兒睇唔睇到有無"自閉傾向" [複製鏈接]

mei888

民房

Rank: 1


	2

1^#

發表於 06-9-16 01:27 |只看該作者

我囡囡就快7個月, 我發覺佢唔係好睬人, 如同佢眼神接觸時就會好快避開, 好鍾意落地下周圍行(扶位), 有時俾紙張界到手流血或玩具"搭"到自己時唔會喊好似唔識痛, 但有時搭電梯時又會主動對住人笑, 見到小朋友會好開心, 有時同佢玩佢會同你玩得好開心,好鍾意笑. 因為我聴到屋企人講"你個囡好似唔係好睬人喎"所以有d擔心.

返回頂部

kakilau

洋房

Rank: 2


	57

2^#

發表於 06-9-16 12:48 |只看該作者

Re: 幼兒睇唔睇到有無"自閉傾向"

小朋友7個月太細了, 你可一路留意下佢先擔心的話去健康院問下醫生啦. 市面上有很多bb playgroup, 你可帶bb去玩吓對佢d專注力好.

返回頂部

emilylam

別墅

Rank: 4


	804

3^#

發表於 06-9-17 11:15 |只看該作者

Re: 幼兒睇唔睇到有無"自閉傾向"

我都想知幼兒睇唔睇到有無"自閉傾向",我囝一歲,我都懷疑過囝囝係咪,d人又係成日同我講"你個囝好cool""你個囝唔多睬人"...無安全感(所以成日離唔到身,要"痴"住我)"媽""爸""打"..還未講,有時叫佢有時望有時唔望,但我講"去街街囉"佢就會指住門口,我覺得他好鐘意推自己架手推車(推上半小時都得)特別鐘意某類事物,這點令我有點擔心.
有無媽咪可分享下若有自閉傾向的幼兒平時還有什麼地方可察覺得到呢?

返回頂部

kakilau

洋房

Rank: 2


	57

4^#

發表於 06-9-18 10:44 |只看該作者

Re: 幼兒睇唔睇到有無"自閉傾向"

你應去健康院問下醫生, 我仔仔當時又係同你的情況一樣, 佢連手指指都冇架, 自閉傾向的幼兒通常都係跟人冇嘜眼神接觸, 冇嘜專注力, 特別鍾意另些行為, 如你所說他好鐘意推自己架手推車(推上半小時都得)......

返回頂部

emilylam

別墅

Rank: 4


	804

5^#

發表於 06-9-18 12:56 |只看該作者

Re: 幼兒睇唔睇到有無"自閉傾向"

kakilau
想問你一些問題,希望你唔好介意..

我想知自閉傾向的幼兒通常係咪會特別"痴"身0既呢?因我囝囝好"痴"人,有時我一行開幾步就喊!至於眼神接觸,一時時,但比起八九月大時好d,而家行公園,佢一見自己架手推車就好開心咁走埋去推!其他野都唔玩,我見其他小朋友都在公園裡玩,而佢就喜歡將車推出去...很喜歡將車推到有渠蓋的上面..行下呢個又推向另一個渠蓋上面...

健康院安排他一歲半才回去,呢段期間我都唔知點,始終有點擔心,但自己對呢方面的認識唔多,我平時應點留意佢的行為呢?注意d咩?自閉傾向的兒童平時還有什麼特徵呢??

返回頂部

kakilau

洋房

Rank: 2


	57

6^#

發表於 06-9-18 16:20 |只看該作者

Re: 幼兒睇唔睇到有無"自閉傾向"

emilylam: 自閉傾向的幼兒不一定會特別"痴"身, 我仔仔最初又係只係成日玩車仔, 最鍾意睇住d車輪, 我們一於全部收埋一架都冇剩, 連有玩具車賣的地方都要兜路行. 慢慢佢又會玩其他玩具了, 現在我們都有比車佢玩, 因為他再不會只玩車仔了.
由最初對人沒有什麼反應, 現在每見到相熟的姨姨/叔叔會主動打招呼, 雖然不太懂得說話, 都是好的開始, 去到公園都係唔多同其他小朋友玩, 但跟陌生人都有眼神接觸.
呢段期間你可帶bb去參加一些bb playgroup, 讓bb多接觸同年齡的小朋友.

返回頂部

emilylam

別墅

Rank: 4


	804

7^#

發表於 06-9-18 20:33 |只看該作者

Re: 幼兒睇唔睇到有無"自閉傾向"

kakilau
多謝你分享先!

我囝囝其實係屋企好少玩車子,(細細架果d車子)但出到街就好鐘意推自己架車玩?! 佢出街成日手指指,指住自己覺得得意的東西,如見到一隻狗就指住隻狗仔,有時有d小朋友走埋0黎佢會冇乜反應咁,有時又會好開心同人玩,不過多數唔睬人多,會自己走左去...
我想問你當初係點樣發現bb有呢個傾向既呢?

我唔知好唔好帶佢去睇醫生?

返回頂部

mei888

民房

Rank: 1


	2

8^#

發表於 06-9-19 00:27 |只看該作者

Re: 幼兒睇唔睇到有無"自閉傾向"

kakilau

我都有d問題想請教吓, 我個女如果係屋企你叫佢會有反應及會同你玩到"格格"笑, 但你要離遠同佢玩, 佢就會望住你同你玩, 如好近佢就周圍擰唔會望住你, 如落到街熟人就算係屋企人叫佢都係無咩反應, 只顧住周圍望, 見到d嘢佢會自己係度笑, 有時陌生人"撩"佢, 佢都望住佢同佢笑. 但有時有d 小朋友或bb同佢玩佢好似唔多睬人, 有時就會玩得好開心, 好似好睇心情, 至於玩具佢就咩都會玩但好快就會厭及"室"入口, 我係見到我個女唔多睬人所以我自己一個人係度擔心, 我無同屋企講過我既憂慮, 因為佢地成日讚佢叻, 又話佢老積, 我需唔需要去健康院問吓姑娘?

返回頂部

kakilau

洋房

Rank: 2


	57

9^#

發表於 06-9-19 10:02 |只看該作者

Re: 幼兒睇唔睇到有無"自閉傾向"

emilylam & mei888:

你們好, 其實幼兒"自閉傾向" 對小朋友來說係好不公平的, 因每當小朋友去做評估的時候會因好多環境/情緒而影響佢的表現, 而且小朋友在長成過程中會有很大變化, 可能今個月跟上兩個月已經有好大進步, 我不敢給你們什麼意見, 只是說我仔仔的情況給你們以作參考, 但以你們所說兩位小朋友又不是太差. 若你們太擔心又未排到政府見醫生, 可去協康會青蔥計劃, 問下d專業人仕意見而作一個評估, 連評估報告($1500)合共約