入名校=讀得辛苦? - 小學雜談 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 小學雜談 › 入名校=讀得辛苦?

發新帖

樓主: Sindy	go 入名校=讀得辛苦? [複製鏈接]

Rank: 4


	800

41^#

發表於 05-11-26 10:30 |只看該作者

Re: 入名校=讀得辛苦?

好似又有D人唔鍾意比仔仔女女讀全女校/男校,我就知道個D人自己唔係男校或女校出身.因為我由細到大都讀女校,簡直一 D 問題都冇,

我自己就讀過男/女校..........同一年既全女校(都叫做幾有名)........兩者比較我喜歡男/女校多d........因為有男有女.........好好玩.........男仔多數會讓女仔.........如果女仔唔夠高擦黑板........男仔又會出手相助.........又因為有男仔係度.........女生講說話時會有所顧忌.........大家又可以互補長短........而且社會上係有男, 有女........將來出社會做事便更懂得2性如何相處.

讀女校非常方便........e媽巾可以隨處放........需要借用時........又唔使鬼鬼鼠鼠周圍問人.........只要大聲一呼........便有百應.........上pe堂又可以係課室更衣.........但因為大家都女仔.........無人會遷就你.........講說話又事無忌彈.......粗口/咸濕都講........又無儀態........因為無男仔.........佢地會隨時那高條skirt大步lum過.........好"吱吱喳喳"........好吵耳.

anyway..........想做人上人........必要吃得苦中苦.........成功係要附出代價.........如果個細路自己enjoy苦中苦既.........咪有佢囉........否則自討苦吃.

Rank: 4


	569

42^#

發表於 05-11-26 11:10 |只看該作者

Re: 入名校=讀得辛苦?

[quote]
stccmc 寫道:
//
入名校=讀得辛苦
//

就算入名校真的=讀得辛苦, 又如何? 預

Rank: 14

王國長老


	5044

43^#

發表於 05-11-26 11:12 |只看該作者

Re: 入名校=讀得辛苦?

我反而覺得好睇個別小朋友囉。
我屋企6個女，6個都讀同一間女名校，
都係一年班讀二年班英文教科書。
6個之中都幾平均，
我3妹係當中讀得比較吃力的一個，
佢成日都記唔晒D野既，但佢最勤力，
我地個個睇”歡樂今宵”佢係床讀書。
我嫲嫲成日讚佢「將勤補拙」。
我4妹最聰明，由小到大唔使人叫，
我唔見佢成日拿住書既，但睇下好快讀好，
成績咁多個最好佢，佢未到20已大學畢業。
佢個人記性好，唔好只講讀書，
就算大家都要練琴，佢梗係彈得最好嗰個黎既。

今時今日4妹係加拿大生了3個細路，
家庭係佢所有，父母有點失望，
因為以佢資質出來做事一定好好。
3妹雖然無4妹咁聰明，但勝在勤力實幹，
佢而家係一間國際公司做CFO，好一個女強人。

所以小朋友是否辛苦，要睇個人資質，
有無家庭壓力，同埋佢自己覺唔覺辛苦囉。
好似我3妹咁，我覺佢辛苦架，我地玩佢睇書，
但佢自己話唔覺得好辛苦咋喎。

Rank: 5 Rank: 5


	1304

44^#

發表於 05-11-26 11:15 |只看該作者

Re: 入名校=讀得辛苦?

agreed

做工做得辛苦嗎？　辛苦？因你有責任感，因你努力，　冇論賣花生�做董事好，上心盡力就必然辛苦！

享受就甘之如飴，　不享受就因此不是你杯茶吧！

　

Msma

Rank: 3 Rank: 3

醒目開學勳章


	414

45^#

發表於 05-11-26 11:30 |只看該作者

Re: 入名校=讀得辛苦?

其實，如果將問題改為 < 係 "名校=>讀得辛苦"，定係 "讀得辛苦 =>名校" >，會點呢？

而且 " 讀得辛苦 "，係咩定義呢？
係課程太深？定係功課太多？
個個人接受程度唔同；有 d 小朋友計十條八條數都覺得辛苦，其實唔係佢唔識，唔係佢唔叻，係佢唔專注，係佢做得慢；有 d 小朋友就手腳快，就算點多功課，都可以一陣間就搞掂晒，但係佢又未必因為佢叻，佢做得岩晒，可能係日子有功，但係根本唔明亦唔知點解要咁做。

如果係講功課量，測驗次數等，以往的確係名校都讀得辛苦。
其實係有 d 家長覺得如果 (例如) 功課少，測驗少等，小朋友就學唔到野，咁整下整下，就有個情形係，家長會偏向選擇功課多，測驗多等的學校。
我自己都係讀名校，我都記得細個聽過我媽媽同亞姨都話我間學校好，因為 " d 野幾深，高年班又會篩人 " ，至於其他野，例如老師是否 "有料" ，好似都未必會關心。
最初一間學校未必係成績好好，好出名，但係因為 "功課多" 受歡迎，慢慢變成多人選擇，自然高質素的學生入讀的機會會多 d ，學校平均成績亦自然會好 -- 學校當然唔係冇功勞，但係佢地入讀的小朋友，本身可能的確係叻 d ，而這些家長亦會出力 d 去幫手催谷。
最初，尤其係我小學時，的確大部份名校都唔會係讀得輕鬆。
但漸漸，開始有 d 非名校都有樣學樣。
以幼稚園為例，多年前聽聞有 d 屋村幼稚園都學名幼稚園般鬥多功課鬥早學寫字，家長亦好 buy。

但我覺得近年，好多名校都開始改變，唔會死谷爛谷，亦唔一定讀得辛苦。

而當然，正如我先前講，是否 " 讀得辛苦 " ，真係好睇個人性格能力。

我唔信一定要小朋友 "讀得辛苦" 先可以成材。
我亦唔相信小朋友入到名校後，佢應付到功課，佢 "讀得唔辛苦" 就覺得佢掂。

Sindy 寫道:
未免太以偏概全了

Rank: 3 Rank: 3

醒目開學勳章


	414

46^#

發表於 05-11-26 11:37 |只看該作者

Re: 入名校=讀得辛苦?

不努力唔通個天會跌成績落

Rank: 5 Rank: 5


	4433

47^#

發表於 05-11-26 11:40 |只看該作者

Re: 入名校=讀得辛苦?

我也同意. 寧願小時候讀書辛苦一點, 總好過將來長大後工作辛苦. 到那時即使知道"書到用時方恨少", 但已經遲了.

Rank: 5 Rank: 5


	1373

48^#

發表於 05-11-26 11:52 |只看該作者

Re: 入名校=讀得辛苦?

麟媽媽,Msma.......:
好多謝你們的分享,小兒出年升小一(因只有一個,全無經驗),希望你們有經驗的家長,多d分享你們的經驗.
麟媽媽 :
你3妹好有毅力wor,我係你一定感到驕傲,你爸媽係用嚴厲方法or自由開放手法教導你地6姊妹?
小兒資質平平,但十分聽教,成績中等,出年會入讀一間名校,我應該照現狀順期自然or要開始做...........可否分享一吓.

Rank: 14

王國長老


	5044

49^#

發表於 05-11-26 12:15 |只看該作者

Re: 入名校=讀得辛苦?

肥tam,

我爸爸係做生意的，
從來唔睇我地功課架，
佢既責任係寵我地架咋，hehe...
媽咪係家庭主婦，
佢基本上照顧D細既多D，
睇功課係由我個大學生祖母負責架。
我嫲嫲都好嚴厲架，佢著重家庭教育，
佢會因為我地姊妹不和打我地，
但從沒有因為成績唔好打打罵罵的，
所以我地6個感情非常非常好的。
有時多兄弟姊妹有一個好處係有大跟頭，
家姐咁做細妹跟住咁做囉。
一齊做功課，做完咪一齊玩囉，
仲有唔多唔少都有個心自己比較的，
我父母好識做，唔好話同第D人比較，
更加唔會比較D女既，
但家姐細妹唔差自己都唔好差過佢地嘛。

我祖母是一個好講道理的人，佢講過︰
「錢財身外物，人家偷晒你D野，
唯獨是知識學歷係自己無人可以搶你的，
錢財沒了，有學識可以再搵過更多。
家人亦是無價的，姊妹好似手指一樣，
斷了不能再生過。」
當時我好細個，但我到而家仲記得。
我祖母去左了…而家講起我都好miss佢..

Rank: 1


	2

50^#

發表於 05-11-26 12:40 |只看該作者

Re: 入名校=讀得辛苦?

讀名校其實不是想像中辛苦，有時辛苦只是家長在背後摧谷。

是否名校，不是重要，最重要是家長對學習的愈態度，對小朋友的要求和期望，無形給予小朋友的壓力。

Rank: 7 Rank: 7 Rank: 7


	11423

51^#

發表於 05-11-26 18:20 |只看該作者

Re: 入名校=讀得辛苦?

我知道有個例子．．．中文默書．．錯在多左一劃．．．輕鬆名校就求其圈左．．．等你知道錯．．．．吹谷名校．．．就會叫你抄十次．．．可能二十次．．．．呢度就係分別了．．．人地明知你經提點後．．．下次便會寫啱了．．．．於是．．就只係讓你知道便可以了．．．分都唔扣你．．．．但吹谷名校學校．．．唔理３　７　２１．．便要你抄１０�２０次．．．所浪費既時間．．．人地輕鬆名校生可以用黎睇多幾本書．．但其他吹谷既學校就無囉．．．人地可以輕鬆ｄ．．．佢地吹谷形既名校就好辛苦．．．所以咪一竹竿打一船人．．．．一開口就話'唉..讀名校，真係可憐囉個細路'，說話令到聽果個好難受囉．．．唔係個個家長都buy吹谷既學校．．．．唔係一聽到吹谷既學校就．．．好呀．．．我就真係唔buy，．我女讀既所有學校都好好．．．．．都唔係吹谷形．．．．．．但係其他topic見到．．好可憐呀讀名校．．．．我有ｄ對號入座．．．

覺得個女讀緊名校．．．．所以好唔好唔用'名校'黎概括晒所有吹�唔吹谷形既名校呢．．．．

CD

Rank: 5 Rank: 5


	1602

52^#

發表於 05-11-26 18:56 |只看該作者

Re: 入名校=讀得辛苦?

Can you tell me邊D係吹谷名校?

Rank: 5 Rank: 5


	1892

53^#

發表於 05-11-26 20:45 |只看該作者

Re: 入名校=讀得辛苦?

judy 寫道:
[quote]
hinhinmummy 寫道:

我樓上有個c9的女讀左mary mouxx, 個c9開心到好似中六合彩甘開心

佢個女同我個女一樣, 今年讀p2, 之前見個月仔, 好好笑容, 好開心活潑, 放假同媽咪去麥當當食breakfast...........

之後, 有一次見佢(印象中好似係p1下學期就黎完的時侯), 無曬表情, 跟住同佢媽咪傾左幾句, 知道佢個女, 課外活動有, ballet, paino, 畫畫

補習: 公文數, 英文, phonics........................

呢的都唔關名唔名校事，關家長事。啲 band3 名校，都有家長花5000元補習和課外活動喇。

[/quote]

其實 lee d 唔係淨係讀名校先會學.有邊個家長唔想個小朋友好呀!我有 d 朋友一樣比好多課外活動和補習佢哋,都只係讀一間普通津小校, 聽我朋友講佢哋 d 小朋友一樣都係無曬表情.現在做小朋友唔係淨係讀名校辛苦,讀其他小學一樣辛苦.
(除左真係有 d 小朋友比較 smart 外).

Rank: 3 Rank: 3


	260

54^#

發表於 05-11-27 01:57 |只看該作者

Re: 入名校=讀得辛苦?

請問那些是輕鬆名校?

Rank: 3 Rank: 3


	276

55^#

發表於 05-11-27 08:40 |只看該作者

Re: 入名校=讀得辛苦?

charlene 寫道:
請問那些是輕鬆名校?

我都想知

我家有四隻可愛貓貓, 老公係巨貓, 亞女係肥貓, 仔仔係細佬貓貓, 而我呢.........梗係靚靚貓媽咪啦 !!!

Rank: 3 Rank: 3


	284

56^#

發表於 05-11-27 15:39 |只看該作者

Re: 入名校=讀得辛苦?

我都同意有些普通的津校, 學生都一樣讀得很辛苦, 所以未必只是名校就是讀得辛苦

[/quote]

其實 lee d 唔係淨係讀名校先會學.有邊個家長唔想個小朋友好呀!我有 d 朋友一樣比好多課外活動和補習佢哋,都只係讀一間普通津小校, 聽我朋友講佢哋 d 小朋友一樣都係無曬表情.現在做小朋友唔係淨係讀名校辛苦,讀其他小學一樣辛苦.
(除左真係有 d 小朋友比較 smart 外).[/quote]

Rank: 2


	66

57^#

發表於 05-11-27 21:50 |只看該作者

Re: 入名校=讀得辛苦?

He he!!

My girl is studying in 輕鬆名校!!!

等待驗證會員


	359

58^#

發表於 05-11-27 23:29 |只看該作者

Re: 入名校=讀得辛苦?

東京mewmew 寫道:
[quote]
charlene 寫道:
請問那些是輕鬆名校?

我都想知

[/quote]

Among new schools, 啟思 , 啟基 or 臻美 ; among old schools, St Stephen's Girls' Primary.

[168924_10150131508915141_661800140_8106193_6104073_n]

‹ 上一主題|下一主題 ›

發新帖

熱門主題

最高瀏覽主題