- 在線時間
- 0 小時
- 最後登錄
- 25-4-23
- 國民生產力
- 0
- 附加生產力
- 2506
- 貢獻生產力
- 0
- 註冊時間
- 21-2-22
- 閱讀權限
- 10
- 帖子
- 1825
- 主題
- 4
- 精華
- 0
- 積分
- 4331
- UID
- 3373611
 
|
回覆樓主：
本帖最後由 Jean1769 於 23-8-16 14:04 編輯
善一堂安逸幼稚園
幫樓主留一留底先：
唔知大家關唔關注老師嘅待遇，不過初入職場真係就覺得同做狗無分別，幼師睇完唔好入，家長可以參考下有啲都影響到小朋友
觀塘X一X安X幼稚園，藍色有兩層樓嗰間校長正一慈禧太后，當學校係佢自己，得閒放假就帶仔女嚟參觀，學校上下事無大小要佢批先准做。
首先講佢提供嘅午膳，午飯無肉食，校長唔準老師自己帶飯因為話唔中意肉陣味，話老師食肉會暴躁啲唔準食，只能食素，但每餐得手掌都無嘅份量嘅餸，每日都係菜同菇，每餐都食唔飽人。
手冊紙（即係俾家長睇嗰份教學進度）及教案內容同格式改完又改，除非佢唔得閒睇，如果唔係至少改四五次，每週手冊紙入面內容教左嘅都要再改，每次星期四五放工都仲改緊嗰一週嘅手冊子，校長自己諗到想加嘅又叫你改，總之成份手冊紙都係作出嚟，教同寫嘅係兩回事，有時等到學生臨放學先話批手冊紙內容同印刷，老師又要印又要趕住即日派俾學生，搞到放學過程笠笠亂。
學校九成教學物資都係老師自費買同整，所有show出嚟俾人睇嘅玩具全部無開封，只係做樣俾人睇話自己好多玩具俾小朋友玩。政府資助買嘅玩具全部收起，或者同老師講要望住小朋友玩，爛左要老師賠錢，根本無老師敢攞出嚟俾小朋友玩。小朋友玩嘅都係老師淘寶買嘅玩具同手整教具。用政府資助嘅錢係課室整中華文化館，又嫌小朋友會整亂同整爛啲展品，長期鎖住間房，但又扮嘢話叫老師請家長得閒去參觀下。
老師用嘅文具，圖工材料全部老師自己出錢買，連印功課嘅日期印都係老師買。學校入面200呎嘅“材料倉“長期鎖住，攞嘢要填簿俾主任簽名再等校工得閒先幫你開門攞，入面積藏好多封塵嘅文具、玩具、壁報紙等但又唔攞出嚟俾老師用，話啲資源要留返有需要用，成日將啲擺左四五年嘅簿同筆當入學禮物送俾學生，老師就連一支筆都要借來借去咁用。
學校大但校工人手少，全校得兩至三個校工，淨係澆花、清潔遊樂場同煮飯都已經唔得閒做其他嘢，小朋友廁所無校工駐守，帶去廁所抹屎抹尿都係老師做。環境衛生惡劣，玩具幾日先洗一次，地板得閒先拖。
活動籌備工作混亂：每逢有大型活動前一日都一定開ot，每次都係活動前一日放學時先話俾老師知活動內容同分配工作，活動用品無論大小都要佢批先開始整，例如包禮物嘅紙用咩色或者絲帶用邊種都要問佢。每次活動前一日下午五六點開始傾活動安排，六點幾開始做，做到十點就話有唔滿意要改，十一點又問點解做得咁慢自己無車撘返屋企，成日唔夠時間準備校長又嫌棄老師做得唔好黑面，其實係每次校長都決定唔到活動要搞咩節目。
請假嘅時候校長經常搬龍門，例如星期六短週想請假，明明提早兩星期請假並已獲批，佢都會話有嘢做突然改做長週要老師返工，然後請左假嘅都要老師當事假請扣錢（問過勞工署係合理）。
每年都有六七個人離職。如果需要推薦信搵工嘅唔好搵呢間學校，校長係唔會寫，就算寫離職証明書都會寫衰你，例如係上面寫“不符合教務要求而不獲續約“。
2022／23年上任嘅副主任無料／做嘢唔經大腦，成日落錯指示要老師孭鑊。例如副主任下指示話校長要求離職老師幫手清走課室壁報，課室老師得知壁報被清走而質問副主任做咩掉晒佢啲壁報時，副主任推卸責任落離職同事，製造同事間不和。
各位同行唔好俾佢外觀呃左入去做，學校行政同人事亂，今年教育局查核先開始執返正啲文件，祝佢好運。校長積下陰德，做人唔好去到咁盡，寫衰人張離職証明書，他朝君體也相同。
 |
|
發表於 23-8-16 12:46
好負面
