元朗活x音樂教室，態度都唔識形容 - 課外活動

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 課外活動 › 元朗活x音樂教室，態度都唔識形容

查看: 11684\|回覆: 2	go [音樂] 元朗活x音樂教室，態度都唔識形容 [複製鏈接]

allytang

複式洋房

Rank: 3 Rank: 3


	130

1^#

發表於 21-11-14 13:20 |只看該作者 |倒序瀏覽 |打印

本帖最後由 allytang 於 21-11-15 09:46 編輯

最不可理喻的人
事源係我仔仔今年暑假去咗元朗一間活x音樂教室學琴，頭頭都好好，之後佢同我講話自Miss調咗出面廳度學，Miss 好多時成日同其他老師傾計，無之前係房入面學咁專注..
當時我都對個仔講老師傾下計都平常嘅之後都繼續學..到最近呢堂我仔同我講：媽咪你幫我揾過第二間，學琴時間一堂唔長，每次上堂都會重温彈上一堂嘅歌，之後就教其他，但佢自己彈咗首歌2次老師都未有理會，佢覺得咁好浪費時間..了解過之後自己又覺得個仔都咁大個，我都尊重佢，咁咪同老師講唔學啦，交埋啲學費。
Miss WhatsApp 話想了解一下、我都唔諗住答，諗住唔學交完學費就算，始終呢啲都人夾人。
過咗2日Miss 用無來電顯示電話打嚟問點解唔學呀！
我：無好小問題，可能唔係好夾唔緊要啦，嚟緊老呈分試，等佢考完試先
Miss:可能我叫佢數拍子佢唔鍾意囉！
我：唔係
Miss: 唔係？！咁係咩
我：無丫，我仔仔話開頭係房度都好好，不過之後調咗出去就開始唔好，佢話你多咗同其他老師傾計，無咁專注..。
Miss:下…我點會顧住傾計唔教佢呀
我：唔係，佢無話你唔教佢，係無之前咁好…唔好意思，學嘢都係要夾下，或者等佢考完試再同佢傾
Miss:唔緊要啦，可能佢唔鍾意我
我：唔係，唔好咁講，咁果堂學費我轉數快比你
Miss:仲開咗本書
我：好本書幾錢我一次過交
如是者我立即轉數快交埋錢，理應就完啦！
點知，第日我收到琴行send咗段WhatsApp 比我（下圖）
嘩！我嬲到呀，重要send 嚟個果人我唔識佢，佢又無教過我個仔(emoji)
咁我咪即刻打電話去問下佢咩事
我講咗幾句佢就比番教我仔個Miss 聽..個Miss話佢同事‘鄧’佢唔抵
我就真係R爆頭
越講越燥
我話：我都唔係一個唔講道理嘅人
之前我仔係你琴行撞襯個頭，我都無講半句
Miss:果次係意外
我：意外？！果次係人為，係咪你哋老師無手尾，無閂好個櫃門先撞襯呀？
Miss:咁就緊係無閂好櫃門先撞到啦
我：你都幾好笑，你仲可以咁嘅態度，你琴行有冇cctv，你唔好洗我會追究
Miss:你個仔撞到頭果度，cctv影唔到㗎喎
(emoji)(emoji)(emoji)(emoji)(emoji)(emoji)
嘩…咩人嚟㗎呢人
（我之前唔出聲諗住算啦，腫咗小小，我諗佢地都唔想；如果我知道呢間嘢啲人咁我就同個仔驗傷）係我蠢我婦人
我真係好激氣，有冤無路訴(emoji)(emoji)