- 在線時間
- 0 小時
- 最後登錄
- 24-6-1
- 國民生產力
- 0
- 附加生產力
- 2533
- 貢獻生產力
- 0
- 註冊時間
- 20-7-11
- 閱讀權限
- 10
- 帖子
- 471
- 主題
- 11
- 精華
- 0
- 積分
- 3004
- UID
- 3341591
 
|
我小朋友係學校係叻果D，佢班朋友仔都有不同既反應！
小學時 係混合能力既學校，即係無分成績
就覺得大家好似互相無乜影響！
基本上佢 close friends 無乜互相影響到，例如佢D friends 當年好鐘意打機，我小朋友無打過機。佢地無因此無打機，我小朋友亦冇因此開始打機。
例如佢 close friends 有時會欠交功課，但我小朋友永遠交足功課，唔見邊個影響到邊個！佢哋冇因此交足功課，我小朋友亦都冇因此開始唔交功課。
不過反而佢有D朋友仔唔開心，因為我小朋友係老師眼中既好學生，佢地未必係，但須知人要付出，咁如果一個小朋友行為乖，又做好功課，成績唔錯，有時仲主動提出幫老師手做班上雜務，老師問問題時，主動擧手答，捧下老師場，行過走廊都會同不同既老師講早晨，同埋午安嘅，咁點解老師會唔鍾意，見到你係有付出過嘛！
等於一個人打份工，如果日日都肯開OT，事事做到足，時時跟到足，唔使老細擔心，老細係咪會鍾意佢多啲呀？相反地，如果你做嘢求求其其，馬馬虎虎，未夠鐘已經想放工，做嘢又做一半唔一半，老細係咪都會冇咁看重你呀？
咁其實所謂既怕有比較唔開心，但有時會唔會係其實個細路仔希望得到個結果，但過程無付出夠？我有同佢地阿媽講過可以買呢D練習做，佢地話佢唔想迫個個小朋友，因為佢小朋友亦唔想做。咁我之後都無再講。
但其實真正係邊個比較？
其實有時候好難，如果個父母同小朋友話，唔好比較啦！你成績差唔合格，都唔緊要架！人哋成績好，你唔一定要同佢比架？亦都唔需要跟佢啊！咁樣又可唔可能呢？又好唔好？
又或者個父母話，人地成績好，你就學下佢勤力啲讀書，如果你肯付出你成績都會慢慢進步架！當如果係噉時候，佢個仔女又話，嘩噉你成日要我同人比較，我好大壓力喎！
又或者另外一個方法就係，父母話，你唔需要同人比較，只係需要自己做到最好就得喇！人哋成績好同唔好，其實同你冇乜嘢關係。噉本來應該係最好啦，但係當個細路仔又覺得其實冇乜嘢壓力喎！反正都唔使同人比啦！過到自己個關就OK啦！自己覺得其實僅僅合格都可以，都已經交代到喇！反正我係一個細路仔，我總要打下機、休息下、食下嘢、玩下、上網睇下片，有返我嘅快樂童年先得嘅嘛，一日成日話讀書，根本就係好悶嘅，所以如果你畀我自己定自己嘅標準，我覺得合格都可以啦！做人唔可以一日淨係唸住將來，人要活在當下啊！
如果咁既話，我會希望小朋友有比較，同人比較下，知道呢個世界，其實有好多人，有唔同嘅思想，有唔同嘅努力同埋付出，既然你自己而家未做到好似人地咁樣呢付出程度，你可以set一個目標，要努力改善一下自己，人總是希望向上望嘛？年小時不打算，大個左就真係日日要打算！
中學時：
我見同學們互相發揮出正面既互相影響。佢既朋友大家都係有相近興趣嘅人。自己開始搵一啲真係理念相同，同埋性格嘅人做朋友。
例如佢地測驗考試，以前佢啲朋友唔會自已做筆記溫習，得我小朋友做，但幾次測驗之後，佢地就開始跟佢咁自己做筆記。
例如之前測驗日早會，我小朋友會係空檔時間溫下書，佢既朋友仔就學左一齊溫習，並且互相考下對方！
之後大家仲鬥下咁邊做 notes 做得最好！大家都一齊進步！
中學嘅友誼，我覺得佢地除咗互相影響之外，我覺得多咗一份互相扶持嘅作用。
我覺得揀朋友重要，揀學校都好重要，其實有時候，太過擔心個細路仔受唔住一啲打擊或者挫折，倒不如放手讓佢試下，就算會唔開心，會喊一場，都係成長，都係學習。
然後，小朋友先至可以喺自己嘅成長經歷裏面。真真實實咁體驗過。自會創出一條屬於自己嘅豐盛道路。
|
|
發表於 21-6-25 07:06
