- 在線時間
- 312 小時
- 最後登錄
- 24-9-19
- 國民生產力
- 3487
- 附加生產力
- 45049
- 貢獻生產力
- 0
- 註冊時間
- 07-11-25
- 閱讀權限
- 10
- 帖子
- 27292
- 主題
- 12563
- 精華
- 0
- 積分
- 75828
- UID
- 168291
|
資深立法會議員、行政會議成員、前港英/特區政府高官葉劉淑儀橫睇掂睇都唔似長者,講說話好龍精虎猛箒,況且佢出身拔尖名校──聖士提反女校、香港大學英文系,係典型香港精英,還有呀,佢唔做保安局長之後,去咗史丹福大學讀書,常以此為傲,回港後曾有一段時間言必史丹福,以史丹福及矽谷經驗為根據,大講特講創新科技、工業政策,有問鼎特區行政長官寶座之意。如此人物,在小小香港,算是一流嘅嘞,點知老虎會瞌眼瞓,或者人老思想變僵啩,前幾日,立法會星期三例會之期,佢突然語出驚人,指香港電台唔需要播新聞,播古典音樂就得,令已經傾向建制派陣營嘅廣播處處長梁家榮為之面青,不能不為新聞部下屬辯護;梁處長係記者、新聞編輯出身,點可以背叛自己階級呀,但葉劉點解突然發難砌港台新聞部呢?唔通係被「授意」,誓要篤死香港電台?
其實香港電台新聞報導一向做得好小心,好公正,絕不譁眾取寵,非常專業,建制派與葉劉可能受過一啲港台節目(如頭條新聞、城市論壇、千禧年代等)嘅批評,或嬉笑怒罵,心有不甘,器量不夠,於是責怪港台新聞部。以葉劉讀咁多書,佢應該起碼分得清楚新聞報導與意見節目,係非常不同嘅嘛!
一個人讀飽書,但意志言論受他人影響嘅話,讀名校可謂嘥gas,浪費時間金錢。之不過,讀名校乃人人夢想,所以如何進入名校嘅「天書」,必定有市場,好似歌星陳美齡出書講如何送孩子入史丹福,居然被傳會做特區教育局長㖭。3月11日晚在新亞雲起軒見過一班耶魯學生及校友之後,當然知道常春藤學生個款係點樣!次日,與天地圖書助理總編輯林苑鶯在皇朝會咖啡室吃午飯,多謝佢幫手代購本「余英時回憶錄」,林師妹又送贈一本新書叫做「怎樣把孩子送去常春藤」,作者葉成輝大有來頭,男拔萃、柏克萊電機工程碩士、IBM副總裁、####駐北京全球副總裁,兒女入讀康奈爾及哥倫比亞,咁嘅背景,當然有資格寫書教人如何申請入讀常春藤大學!此書內容教家長如何為孩子選外國中學,考SAT、AD,寫個人文書或推薦信等等,招招實用,百分百現實,是一本名副其實的How To雞精書,讀後可免走冤枉路以及不會浪費金錢與費神!本文寫好之後網站報導美國司法部拘捕「靚太唔易做」嘅紅星,荷李活紅人Felicity Huffman,Lori Loughlin等等共40餘人,其中 33名係家長,皆涉嫌行賄,出術,造假,用一切手段讓子女入耶魯,史丹福,喬治城等名校,哎吔,買葉成輝本大作讀吓算嘞!
|
|