chrisbayon08 發表於 18-11-16 09:50 
請問你地覺對培僑老師/教學質素/課外活動有咩COMMENT?
小朋友讀得開心?
THANKS ... 小女都讀左四年了, 小二插入去的, 小一在九龍塘某私校讀書(有中學BACKUP的, 我女幼稚園都係讀一萬蚊一個月學費的國際學校, 唔想佢升小一就去左D傳統小學, 我一心就PLAN佢去讀HAPPY SCHOOL的, 但又對全國際學校太FREE 的STYLE有點保留 ), 她還是幼稚園時, 我一直心儀培僑, 鍾意佢校舍大, 教學資源非常非常非常充足, 英普教學(與幼稚園果間好相似), 可惜小一入學不收, 始終競爭太大, 到小二時好開心可以插得入, 我女一讀就4年了, 沒有唔開心過, 同D同學玩得好埋, 不論課內課外都一樣開心, 尤其英文科, 因為幼稚園時期也是活動教學, 唔洗坐定定上堂, 而PKC也是, 活動多多, 好少坐定定上堂, 不過也一定走唔甩, 始終英文GRAMMAR, 作文呢D都係要坐定定的, 但PKC由始至終比我感覺佢地係十分十分十分著重閱讀, 我女好LIKE睇英文書, 一直以來都係READER倍佢食飯的, 所以英文從來不用我擔心, 反而中文佢學校真係堅深, 小五已經好似人地坊間中二咁既程度, 我自己都唔係好知點教佢, 不過SO FAR都無唔合格過
我女是球類活動校隊, TRAINING都密, 呢一兩年PKC在學界也薄有名氣, 不過同出面協X, DXS, 德X, 喇X唔係同一個LEVEL, 不能比, 但在沙西區也數一數二
另外我不得不提學校的環境, 真係一流, 籃球場, 排球場, 羽毛球場, GYM ROOM, 幾個禮堂, 幾個多用途室, 又大又靚 , CAFE又有, CANTEEN又大, 個圖書館真係大到無朋友, 我超LIKE, 小朋友在這環境長大, 點可能唔開心呢
教學質素, 之前有另一個帖子已講過, 大家可以找找, 我不想講太多, 始終我遇到好老師, 唔等於別人也同樣遇到, 我女也不是比全校老師都教過, 不能一足篙打一船人
|