- 在線時間
- 0 小時
- 最後登錄
- 17-7-11
- 國民生產力
- 0
- 附加生產力
- 4
- 貢獻生產力
- 0
- 註冊時間
- 17-7-11
- 閱讀權限
- 10
- 帖子
- 1
- 主題
- 1
- 精華
- 0
- 積分
- 5
- UID
- 2605522
|
做生意的確係要有競爭先會有進步,但真係唔贊成需要用咁既態度同方法去踩低任何對手去上位！何必呢？
早幾日經過良景商場「陶x音樂學校」喺門口貼左張聲明,聲稱同樣喺良景商場開業既「樂x舞蹈團」（祥景斜對面）既老師以佢地學校導師之名收生…當然唔排除有家長想為小朋友揀間好既中心而喺「陶」個邊詢問課程時言語上誤導左「陶」認為「樂」係以佢地之名收生！
我自己本身加埋我小朋友都係「樂」學生,而且學左好多年,見到呢張聲明當然會去了解一下情況！
「樂」原校址係盈豐商場,搬左黎良景一年,老土啲講句真係睇住「樂」搬黎良景後既發展,佢地主打跳舞課程,期後加入學前啟蒙班,該校員工喺學前啟蒙班功課及教材方面都係自己諗題材同埋製作（因為我好長時間係「樂」）,佢地員工都有問過好幾位家長借小朋友幼稚園功課黎參考（我係其中一個）,而當時「陶」係未曾有學前啟蒙班既出現！之後「陶」既三位老細都有去「樂」取經同埋拎相關資料,作為外人黎睇呢個舉動好平常,我以前做精品店時老細都會要求我去其他精品店記抵人地舖頭賣相同物品既價錢！
據了解…始終貼晒聲明咁大件事,「樂」都好需要知道係唔係從中有咩誤會,所以好主動地同「陶」了解,點知「陶」態度極之差,說話帶刺地回復「樂」,指「樂」抄教材,抄提供小書包比學生,抄提供學生手冊等等,亦表示唔在意收到律師信！「樂」有學前啟蒙班在先,一開始已經有小書包,有手冊,亦有係櫥窗貼學生上課照！到底何來抄到後期先有啟蒙班既「陶」呢？
我都有去「陶」了解過,佢地既員工話張聲明係2016年時貼上去,但係張紙確實係早幾日先貼,因為我經常去「陶」睇佢地櫥窗了解佢地既課程資料,最近個次去睇剛好半個月前,咁耐以黎都無呢張聲明出現過！
教育學生既中心要搞到勾心鬥角咁…好多家長見到呢個情況都好無言。
 |
|
發表於 17-7-11 18:42
